鐵牛台灣牛肉麵 (希爾頓大廈)

营业中

休息中

夜晚同男友想搵下尖沙咀有無平靚正既餐廳，就搵到呢間台灣野！我揀左鹽酥雞粒肉燥便當$56通常我認為前菜都係一般貨色，但估唔到佢既黃牙白(熱）同茄子（凍）都整得幾好食！ 我仲食多左少少我男友果碟🤣🤣 魯蛋就唔係幾入味而雞粒都可以，椒鹽粉都算適中，唔會太咸。肉燥我就覺得一般，無咩味，可能佢份量少，比啲飯撈淡左🙄🙄我男友叫左排骨肉燥便當 $56我試左一舊豬扒，都幾好食！另外我地都有加飲品，熱珍珠奶茶+熱香芋珍珠奶茶我杯珍珠奶茶除左多左珍珠之外，同普通茶餐廳飲既奶茶差唔多，仲要比包糖你落🤦🏻‍♀️ 珍珠就幾滑同煙煙UnUn，男友果杯香芋好飲好多。加熱飲+$18，埋單$148，都算係咁啦😆今次試左便當先！下次會試牛肉麵！

平時好少左尖東食午餐，都唔知有咩好食，四圍行唔打唔撞去到間好有氣氛，全間店木為主，燈光好暗。我叫了招牌台灣牛肉麵，本身我喜歡台灣麵的湯底，每間廚師手煮法都唔同。所以麵一到就試湯底，唔係我愛的濃藥材味湯底⋯清了點，麵質滿意係彈的，牛肉軟身好味，麵上有滿滿酸菜，整體係吸引好味。

上次同屋企人突然想食台灣野，見呢間鐵牛係Openrice都幾多好評，於是就想試下佢，因為太想念台灣美食～我地都叫佐牛肉麵，同埋鹽酥雞。牛肉麵湯底夠濃，牛肉都好林同入味。鹽酥雞隻味唔錯，又唔會太硬。唯一係有啲貴，唔夠台灣抵。

鐵牛台灣牛肉面🤤🤤招牌紅燒牛肉麵($60)好濃厚既湯底，牛肉炆都好冧，麵都保持到應有既口感，幾彈牙，唯獨是個湯有點過咸。鹽酥雞拼夜市小香腸（$42）雞炸得啱啱好，同台灣食既味道都差不多，粉不太厚，雞肉頂好嫩滑🤤 香腸都好有台灣味道！香香的，帶一點點既甜味🙈仲有台灣啤酒可以飲，環境亦不錯🌝👍🏻仲叫咗燒雞腿扒便當($58)🍱，食太快影唔切🤣燒雞扒燒得好香，同佢既燒汁係咸咸的食落都幾開胃，仲有旁邊好多配菜，同一碗滷肉飯。幾抵食既一個便當🙈

麻辣大塊牛肉麵 $66係香港都食過幾間台灣牛肉麵 雖然唔係間間都劣質 不過總覺得同台灣當地出品相去甚遠 今次呢間鐵牛我覺得係幾好食首先利申我都算個麵系人 食牛肉麵主要睇湯底同麵質 塊牛肉只要唔韌我都收貨 咁呢兩三塊大塊牛肉我覺得算正常 大得黎都算易咬湯底方面 麻辣牛肉湯其實真係唔點辣 根據我食過數次麻辣台灣牛肉麵既經驗佢麻辣既特色就係唔太麻唔太辣 可能唔想辣味搶過果份台灣地道風味 我覺得唔食辣既人都食得到呢碗 味道會濃少少麵方面我雖然鍾意食但又唔算專家 不過我食過啲劣質 有比較之下我都大概知應該要點 牛肉麵用果種係要有啲嚼口 同個湯底配搭起黎係可以食到jap jap聲 呢碗面我覺得達標呢份牛肉麵不錯的說 雖然價錢略貴 不過都不妨一試滷肉香酥排骨便當 $56性價比唔錯!大鄉李第一次食滷肉飯 又幾入味下 飯都唔算好迷你 飯應該係珍珠米 啲汁勉強夠成碗飯呢份便當都幾豐富 跟三個前菜 分別係粟米蘿蔔 滷水蛋 同埋些少菜 當中滷水蛋感覺最台式主餸排骨都大塊 切得比較細方便進食 鹽酥雞我都食唔少 排骨就少啲 個人覺得排骨既骨幾有作用 食落無咁肉感 可能會相對適合對太多肉怕怕既朋友係尖咀食份台式便當

今日一大班人食飯😬選左一間輕食的可以多人座的。上網見到呢間環境幾好，好似幾好坐同食☺️食牛肉麵除了小王，呢度係我第一次來的同台式食店，坐低左之後自己剔嘢食，然後出去外邊俾錢，呢度暫時好似剩係得八達通同現金付費坐到咗之後大約5分鐘到，碗麵就遂一遂一咁樣送上來大大碗滿足新竹米粉唔係度度有，所以我就試吓另外五個人叫咗三個小食包括芝士墨魚丸芝士雞同埋台式冷豆腐芝士墨魚丸好食，彈牙，炸雞一般，豆腐正常。有兩個同事食牛肉麵話炆得冧入味但唔知係咪因為我叫牛筋腩哩，d腩就比較韌但整體都係會再幫襯

第一次食呢間餐廳，主打台灣牛肉麵，見佢都幾多好評，所以叫左個紅燒牛筋腩麵，點知一食就知中伏。個麵湯底好濃，聞到有藥材味，但食落去只有咸味，冇台灣牛肉麵紅燒湯底應有既層次；牛肉有三舊，當中兩舊係韌既，爭d咬唔爛，真心超唔掂；牛筋有兩條，好淋，冇乜咬口，不過已經好過牛肉；麵底唔算多，麵條偏幼，普普通通冇乜咬勁。本身呢碗麵已經好唔掂，一定唔會再回頭食，點知服務仲衰，我碗麵仲未食完，就有個高既男侍應衝埋黎收我碗麵！夜晚九點幾，又唔係多人到冇位，咁趕收我碗麵，一d禮貌都冇。真係永久blacklist！

咁岩過黎尖東，上openrice睇到呢間牛肉麵有好多好評，所以決定黎試下呢到係自己揀完野食剔好再出cashier 比錢，啲野食就會自動送上黎，今次一行5人叫左3碗招牌牛肉麵，1份洛神花雞肉便當，鹽酥肉燥便當，鹽酥小拼盤，木魚炸豆腐，3杯珍珠奶茶同2杯芋香珍珠奶茶先講牛肉麵，牛肉有3大舊，入面有口感，唔會煮得過淋，到洛神花雞肉便當，酸酸甜甜都幾開胃，仲跟3款小食，至於鹽酥雞肉燥便當，都幾乾同有鹽酥雞既味道，呢個可以唔洗叫，到2個小食，個人認為價錢可以，但食物就真係好普通，食唔出台灣味道亦食唔出鹽酥味道到野飲，其實珍珠奶茶個茶底真係好緊要，但以一間台式食店黎講，杯珍珠奶茶又淡又冇茶味，真係需要改善但呢到上菜好快，而且員工反應都好快，所以呢樣抵讚

麻辣擔擔拌麵🍜香香鹹酥雞🐥台式午餐好去處🇹🇼星期三晏奏十二點幾，我地四個黎到既時候幾乎坐滿嗮。好彩仲有一個四人卡位剩，之後黎既人已經要排隊。✏️我們的食單✅香蔥麻辣擔擔豬軟骨拌麵 $58✅鹹酥雞滷肉便當 $55✅滷肉排骨便當 $55（+$8 凍珍珠奶茶）✅香蔥麻辣擔擔豬軟骨拌麵 $58：味道濃郁，吃到芝麻醬味，麻辣程度恰宜。豬軟骨炆得唔夠耐，唔夠冧。麵質還不錯。✅鹹酥雞滷肉便當 $55：雞外脆內滑，味道正常，應有的鹹酥雞味，唯獨份量比較少。✅滷肉排骨便當 $55：排骨份量很多，外皮非常脆，味道不錯。👌🏻珍珠奶茶 +$8：甜度不算高，不錯。🏠比較吵，中間啲位會迫。我地坐卡位幾舒服。👳🏻‍♀️服務正常。自己去門口落單再等人送黎，唔使加一。

其實我一向都幾鍾意食台灣野既～所以鐵牛都係我經常去既一間餐廳。我諗講起鐵牛，大家都讚佢個紅燒牛肉麵。食過幾間台灣餐廳，鐵牛既牛肉麵的確算係唔錯，麵有勁道，湯底味濃。但係今次就無再試牛肉麵啦，因為想試下其他野。今次就叫左鹽酥雞🍗湯麵～ 雞既份量對比起我個胃就唔係好夠😭 但係個質素的確令我停唔到口。肉質鮮美，炸出黎幾多汁，一口咬落去，肉汁即刻四溢，令本身乾乾地既炸雞都變得更容易入口。大細岩岩好，一啖一舊，真心正正子！唉，遺憾就係唔夠食😭😭😭 台灣幼麵鐵牛真係做得幾唔錯。湯底比好多其他既餐廳做得更好～ 麵既勁道都拿捏得宜！

放工經過見到，好耐無食台灣野，所以就想食。牛肉麵，牛肉同牛筋都好淋好入味，湯底濃郁但沒有很重的藥材味，麵底不會太軟或太硬。鹽酥小拼盤入面有鹽酥雞、脆薯和花枝丸。鹽酥雞外脆內嫩滑，肉汁鮮甜。脆薯炸至金黃色，不是很脆，但好吃，加上梅粉，酸酸甜甜好開胃。花枝丸很彈牙，有口感。燒雞腿排便當，雞腿排份量十足，好抵食，外皮燒到脆脆地，好有口感，肉汁鮮甜。魯肉飯一般，有D肥。

小女子而家有mark低自己想食咩而鐵牛就係must eat items之⼀我就揀左招牌紅燒牛肉麵牛肉大舊又淋 超好食麵量又夠 性價比高啊👍🏼另外 逢甲鹽酥雞肉燥麵鹽酥雞炸得夠脆 好熱氣啊🤤最推薦係肉燥小茄子 好好食🙈_________________________裝修環境：✨✨✨✨✨服務態度：✨✨✨✨食物質素：✨✨✨✨✨(5個✨為滿分)價錢：$60+58+34________________________唔信我嘅可以自己去試試😂地址：尖沙咀加連威老道96號希爾頓大廈LG樓28號舖

由於食完度小月行左一陣竟然見肚餓，於是又去食過，我竟然一晚食左兩餐!呢間餐廳係採取半自助式，揀完野食就去收銀俾錢，之後食物就會送過黎!本身淨係想嗌個招牌牛筋腩面又覺得單調左d,於是嗌多左個小食-魚酥皮蛋豆腐! 再加左$18配左杯薄荷朱古力，居然有驚喜味夠濃但冇咩牛肉味! 有部分牛筋仲要係韌! 唔值得一試!皮蛋唔係流心係實心，鍾意食流心皮蛋既朋友就未必岩! 但個汁調教得唔錯，都值得一試!薄荷朱古力有驚喜，好似雪糕咁又夠凍，正!!!總括黎講，作為快餐算唔錯!!!

好食到已經吾知自己已經食咗幾多次啦~！呢間鐵牛嘅位置雖然係地庫下面，但依然好旺場好多人👍因為下午茶多選擇，所以食極都吾會厭，而且下午茶嘅份量黎講真係抵食兼份量足~！有主食+3款小食+熱飲都只係$34，係尖沙咀絕對搵吾到好似呢間又好食，又抵食嘅舖頭！不過呢排附近整路，所以食個陣都會聽到整路嘅聲！我自己通常都會叫肉燥湯面+木魚炸豆腐+甘梅脆薯+小香腸+熱飲~呢度有個特色之處就係要自己行出去counter比咗錢買咗單先有野食架~同埋都好適合啲lunch time時間短既朋友去堂食，因為一落order食物好快就整好送上！

鐵牛其實不嬲都唔平但係有下午茶餐就比較抵食2:30開始有下午茶$34有肉燥飯/麵，三款小食同埋野飲（熱）圖中係肉燥麵，小食有脆蕃薯條，台灣腸同埋鹽酥雞肉燥份量有d少 唔太有肉燥味每次黎必食既小食係脆薯條，真係有蕃薯味不過之前食有3條，而家得兩條咋😷另外上面仲有d梅子粉調味鹽酥雞味道都算唔錯😋幾脆成個set當下午茶既話份量就岩岩好如果當午餐就可能唔夠飽啦因為碗麵比較細另外推介木魚炸豆腐，好好食，豆腐外面包左層木魚絲再拎去炸外脆內軟餐飲有檸茶檸水奶茶等等如果要飲珍珠奶茶就要加$8啦