鏞鏞．藝嚐館

营业中

休息中

上星期同屋企人去食晚飯，坐低班伙計就落力sale嘢，OK點完餸傾計發現大家得水飲，心霖之前唔係喔，坐低問你飲咩茶嘎！跟住叫人來問，呢刻來左個卷毛哥過來（貌似部長），問距係咪要收茶位，卷毛部長話要，跟住就問距點解無人問的？跟住呢位部長厲害👍地答：我地一般睇個客飲唔飲酒或其他飲品先的，唔好以為我地服務不周！ 一路講一路走個隻喔聽完都覺得呢位部長夠霸氣！！真係代客泊車D服務態度都好過距，唔係有小朋友係度真係想搵粗口問候距！

鏞記開嘅年輕版分店，開咗咁耐終於嚟打卡嘆燒原只鵝髀$290店內自設烤爐，燒鵝同樣係以鏞記秘方醃制，用網燒炭爐上枱，精緻之外仲令鵝髀沾上炭香，食果時保持熱度，好有心思。鵝髀皮脆肉香，一咬漏汁，一人獨食一隻，非常滿足。下午茶點心set $320/2位下午茶tea set最吸引係包住雪菜鵝肉嘅炸春捲，以黑芝麻、辣椒粉扮雪茄，抵死好笑。仲有石榴棵、酥、蝦餃皇、雙皮奶，配茶或咖啡，份量以下午茶計啱啱好，仲有海景，坐下來hea一個下午，非常不錯。

生日朋友請食飯原本唔知原來呢間係中環鏞記嘅分之因為中間點所以揀咗K11 musea 由於睇視頻嘅時候見到燒鵝好正於是我哋一行四人要咗燒鵝髀 佢循例都問你有冇對花生敏感之後就幫你到果汁咁佢送食物嚟嘅時候呢係有個機械人將所有食物放晒入面除咗保持食物清潔令到佢上碟嘅時候都好夠埋熱評：皮脆同有肉味唔乾 8/10 分唔記得咗佢係上湯定係蒜蓉整，皮整得好彈牙😍😍😍推介醬爆肉片，好野味，少少辣7.5/10感覺呢個價錢好細份呢到食飯睇裝修之外環境比較寬敞唔會話坐到好密質質佢呢度仲有一個室內嘅露台可以喺出面食嘢同埋喺維港景色好多佢哋兩公婆 又叫酒又請我哋吃好西😍😍😍

朋友生日，選喺K11 Musea七樓嘅鏞鏞藝嚐館食，係老牌粵菜食府鏞記嘅年輕副線品牌。食物水準中上，風景就一流，有個露天balcony，可以對著絕美維港夜景飲返杯cocktail。六菜一湯一甜品，有東星斑、琵琶蝦、鮑魚、響螺，雞樅菇萵筍鮑魚係用一個高腳杯裝，好精緻。最喜歡甜品大白兔奶凍，可愛得嚟味道都不錯！

今日帶狗狗到K11 musea，見之前有狗友介紹呢間，嚟到就試下。我地11:30到，係無book到位，門口職員知我地無book都已經唔想招呼我地咁。其實話我知無walk-in唔緊要，我可以去第二度食，但你又要帶我地去坐outdoor位。就咁放低個制，茶都唔問我地飲乜野，㩒左2次制都無員工應我地，咁咪舉手囉！個員工好無禮貌咁話：「你地要㩒制嫁！」我夠知㩒制啦，你地都要有人應機先得～價錢貴都唔緊要，但職員態度極差，仲要唔係一個半個職員咁差，係大部分都咁差！完全唔想招呼我地。食物質素係ok，但呢種服務態度，真係可一不可再。

22/10/2022 星期六，天朗氣清，我哋到星光大道漫步及K11 Musea 7/F 搵食，想舒舒服服的享受午餐，必選鏞鏞. 藝嚐館。喜歡佢夠空間感，枱與枱之間闊落，店員服務態度友善，時不時幫我哋添茶，好細心。我哋二人，簡單叫咗兩個小菜：-燒鵝例牌，佢哋用花生燒鵝醬汁，店員倒醬汁之前，會問一問人客對花生有沒有敏感。燒鵝啖啖肉，皮脆肉嫩，確實美味😋家鄉梅菜扣腩肉，扣腩肉肥中帶瘦，煮得夠淋，梅菜甜甜地，烹調咸甜適中，撈飯食到舔舔脷😋各自一客瑤柱灌湯餃，餡料豐富，湯鮮甜😋最後加一個陳皮紅豆沙芝麻湯圓，不太甜，紅豆沙煲得剛剛好，有豆，有沙。好滿足的午餐。食店有戶外座位，可以望到尖沙咀及維港景色，天氣清涼，坐戶外享受環境，都係一個舒服的選擇。

之前朋友去過鏞鏞之後大力推薦，話好味又有格調，於是特登揀左禮拜六來，試下個下午茶套餐。份套餐300出頭，有叉燒酥、蝦餃、野菌餃、香蕉片奶凍同一份雪茄手卷，仲有咖啡同茶自選。叉燒酥唔算大件，幾啖已食，叉燒味一直留香。雪茄手卷，齋睇外型就已經超值，春捲做成雪茄樣，煙灰缸容器入邊仲有芝麻碎當作煙灰，皮脆肉香，真身其實系雪菜鵝肉炸春捲~我同老公都覺得餐點好好食，係完全會回頭嘅程度~

鏞鏞有工作日套餐，話晒係鏞記副線，我當然係點佢嘅燒鵝拼叉燒，燒鵝啲色好靚，一睇就胃口大開，皮唔脆但夠香口，肉嫩又多汁，沾埋酸梅醬食，酸甜中又有燒鵝經過烤制嘅熏香。叉燒都叫肉嫩味美，小菜精緻得嚟味道無大驚喜，反而碗湯出乎意料哋好味，食得出有用心熬制！見到店內推廣手工啤加特色小食套餐，下次可以約friend試

話哂叫做鏞記既分支，點都有d期望既，不過就係門面新左，但野食同服務都一般，無謂期望太高喇。個晚明明得幾枱客，一d都唔忙，但招手極都無人攞個餐牌黎，攞又淨係攞一份，唔駛咁孤寒係咪？我地明明係點左一份鵝脾，點知上黎係例牌鵝肉，搞左一輪換返岩，但d鵝好靭，又無乜鵝味，鏞記喎，隻燒鵝居然麻麻，咁點先？份叉燒就略嫌肥左少，不過整體都OK啦。我地最鍾意都係個白兔糖奶凍，有白兔造型同埋白兔糖味，又變成曝露年齡系列。整體食物服務都一般，唔係好值呢個價。

鏞鏞係間pet friendly餐廳，好啱帶狗狗同朋友聚餐，而且K11好方便，地鐵站一出就係完全唔驚日曬雨淋。餐廳啲嘢好味，最鍾意食佢個甜品兔仔同手捲雪茄，雪茄加入咗招牌燒鵝絲，香脆惹味，雖然價錢小貴但賣相真係好精美，打卡一流。要留意室內好似只有一張枱俾狗狗，所以帶寵物嚟記得最好要預先預約，同埋狗狗喺室內要入袋或者坐車仔，唔可以落地

第一次食鏞鏞，又喺K11 MUSEA發掘到好店，下次行街食飯多個選擇~歎燒原只鵝髀店內自設烤爐，燒鵝同樣是以鏞記秘方醃裹，以網燒炭爐上枱，賣相靚之餘仲令鵝髀沾上炭香，食果時保持咗熱度，好有心思。鵝髀皮脆肉香，一咬漏汁，一人獨食一隻，非常滿足。大白兔糖奶凍白免造型，一見傾心，食時記得連同扮泥土嘅朱古力脆脆一齊放入口，奶香清甜，又不會膩。

作為香港本地飲食老字號,相信鏞記無人不悉,二代傳人,將創意思維和傳統飲食工藝互相結合 開拓年青精緻的點心粵菜,傳承家族品牌鏞鏞.藝嚐館 走中高檔粵菜路線,店面裝修設計溫馨典雅,中西合𤩹,別具匠心,室內座位寛敞舒適.一入門有個孤形大酒吧,極具格調,特別喜歡戶外大露台,彷彿置身空中花園,望住整個維港歎茶食點心,真的很愜意！ 🔮鏞記正宗燒鵝脾  鏞記燒鵝一直都係自家生招牌,味道保持一貫水準,皮脆肉嫩,鵝味香濃而不膩,伴底的蠔油豆,吸收了鵝油味,陪襯也出色 🔮碧玉鮮露蝦餃皇    蝦餃賣相精緻,表面舖上金萡,剔透糯皮, 鮮味蝦餡飽滿,色味俱佳 🔮櫻花蝦金磚豆腐  椒鹽豆腐外脆內滑,配上即炸櫻花蝦末,口齒留香 🔮秘製咖哩金錢肚   傳統酒樓風味,牛肚入味軟淋, 水準之作 🔮雞樅菌蒸燒賣皇    雞縱菌富有香菇味, 與燒賣搭配,個人覺得食落口感似一粒軟綿的貢丸, 味道特別,值得一試 🔮迷你甘荀咸水角   賣相可愛, 將傳統咸水角做成甘筍既形狀,雖然食落不太覺得有甘荀味, 味道同跟平時的咸水角沒太大分別,不過師父手工了得,加分! 🔮竹昇報喜春卷   名字很好意頭,滋味松露醬蝦春卷,露香濃郁,香脆可口

喺K11 MUSEA行完街，拿住成大堆嘢想搵地方休息食個下午茶，見鏞鏞啲位坐得舒服就入咗去，咁啱撞正兩點點心開始供應。先點咗皮蛋酸薑做開胃前菜，溏心皮蛋味道不錯。仲有幹炒牛河，手打鮮肉丸粥同雲吞面，幹炒牛河味道啱啱好，材料算幾豐富。手打肉丸特別彈牙，粥底很綿。雲吞面分量有啲少，不過雲吞大粒又好味。兩個人行街行到攰攰哋，喺呢度食下嘢休息完又插飽電可以再行過！

懷著試菜的心情， 有些期望， 沿路由停車場一直去餐廳其實都比較麻煩， 這個是商場的設計問題， 其實餐廳位置不錯， 鄰近天台花園， 光線充足， 環境清幽。由於選擇困難， 我們叫了一個行政套餐。海蜇及炸魚皮感覺都是現成再在餐廳加工調味， 特式叉燒 不像叉燒， 似焗燶了的五花腩， 雖然侍應強調這個是特式叉燒， 但始終燶的食物致癌， 所以免得就免。點心為蝦餃燒賣叉燒酥， 味道一般。粟米魚肚羹， 完全係罐頭粟米湯加魚肚， 魚肚分量充足， 粟米湯好“罐頭”主菜鮑魚及蝦球各 order 一份。 蝦球沒有驚喜。 但鮑魚是好有“罐頭味”鮑魚， 其實我寧願他們用鮮鮑自己炆煮。炒飯一粒粒分明， 香味撲鼻， 味道適中。最驚喜是紅豆沙糖水， 紅豆沙-水、沙、渣-份量剛好， 淡淡陳皮味，good!另外餐廳環境裝修好舒服， 枱與枱之間空間也充裕。

驚中秋節假日太多人要等位，所以提前訂定位，終於可以坐到窗邊位食位嘢欣賞靚海景~~最欣賞咸蛋黃金沙蝦球，我真係好鍾意鹹蛋黃，沙沙哋滿口鹹香味，加上彈牙蝦仁，變成美妙嘅味道，好罪惡但又好好味，同月餅一樣係我中秋致肥死因~海皇豆腐羹，簡直就是迷你版海底世界，完全唔覺得有腥味。豆腐輕輕晃一下，就係匙羹上輕搖住停唔到咁，嫩到不得了甜品係萬壽果冰花燉桃膠，其實即係木瓜燉桃膠，原隻木瓜作為容器，配埋牛奶底，一羹落去可以挖到木瓜肉同桃膠，唔會過份甜，美容養顏又好味~