鏞記酒家

营业中

休息中

阿媽話想食粵菜，取後決定去鏞記。點咗一份例牌燒鵝，本身賣相唔錯，食落外焦裡嫩，搭配醬汁恰到好處，洗去咗啲油膩感，食完仲有空間試其他菜式。我最鍾意份蜜針金錢雞，用鵝膶、肥豬肉、馬蹄片疊埋一齊，好似燒叉燒咁加蜜糖燒到肉邊輕微焦黑，肥豬肉明亮通透，一啖咬落去香味四濺,可惜膽固醇過高唔敢多食。阿妹出奇地最欣賞份手剁吊片蒸肉餅，外表平平無奇嘅家常菜，勝在食材好又夠惹味。媽媽鍾意蝦籽紮蹄，話已經無咩餐廳仲會整呢啲手工菜，而且鏞記應該有精心選料，腐皮有豆香，蝦籽亦有鮮味十足，整體相當不錯。

六年多前寫過「鏞記」的 openrice 食評。當年「鏞記」正值爭產、爭招牌風波，之後引致部份甘家兄弟自立門戶。至於贏了官司的其他甘家後人就繼續擁有「鏞記」金漆招牌。上次來已經是三年多前，今晚再臨，就是要試試燒鵝味道是否依舊。作為擁有悠久歷史的名牌中式酒家，去年斥巨資翻新裝修；不過仍然維持中式傳統風格，令人聯想起上世紀六七十年代的港式廣東大酒家氣派，處處滲透中式亭台樓閣風情。翻新後，枱櫈及裝飾品絲毫不見殘舊破損、亦沒有土裏土氣之感，反而有一種真正懷舊風情。對比那些仿古懷舊裝修風格的新派茶居，「鏞記」就顯得難能可貴。整棟鏞記有四層，地下一層依然有親民的粥跟細蓉。一樓類似輕膳，新設計以香港五、六十年代的生活場景作靈感，重現昔日在茶樓嘆茶食點心的氛圍，並以牡丹花粉紅及綠葉的兩大主色調，取代過往傳統中式酒家的紅色。這兩層在午市時段最多白領光顧。二樓繼續保留原有的龍鳳大禮堂，主要做午市商務飯聚及晚市生意；大廳盡頭的「龍鳳呈祥顯壽圖」立體浮雕在今天的香港已沒有幾間中式大酒樓仍然有保留，一定要打卡。最高一層就是VIP房。「鏞記」大裝修後，是否仍然可以保留炭爐牌照呢？但餐牌就仍然標明正宗炭燒黑鬃鵝(半

約了朋友喺鏞記飲茶，因為近中午時間中環始終多人，要等咗一陣先有位。難得一次無點到佢招牌燒鵝同叉燒，簡簡單單幾傻點心，反而食到傳統粵菜館嘅另一種味道，筍尖鮮蝦餃、燒賣、山竹牛肉球、燒鵝絲春卷同棉花雞，除咗燒鵝絲春卷較為少見，其他都算係基本款，但幾道基本點心完全睇到餐廳嘅用心同師傅嘅功力，啲點心真係好味，蝦餃嘅筍尖好提味，燒賣夠彈牙，有機會去鏞記，大家可以試吓啲點心同小菜，相當唔錯。

比平庸更平庸好多年無來鏞記，一來疫情，二來價錢比較貴，今日下午兩點幾做完事，就從來一次啦。去到大廳都重有6,7成客，算厲害啦！坐低吾使考慮，叫了兩個燒鵝瀨，但都要等左8,9分鐘至有。燒鵝放系碟度，好多汁，吾通佢想做一個鴨游水中的意景？-第一口系有碳香，-但皮就全部吾脆，吾知道系燒左好耐，定系因為”鴨游水中”，點會脆啊！- 鴨背都幾肥，但吾香- 鴨肉吾香，好淡，靱。鐵觀音茶就真系幾香，但30蚊一位啊！值吾值得哩？

雖然國慶同重陽無連假，但星期一仍然係holiday mood，中午同同事去鏞嘆吓，點咗燒鵝、蜜汁叉燒、禮雲子琵琶蝦，仲有酸薑皮蛋做前菜。燒鵝入口皮香肉嫩，好濃郁嘅油脂香味，可能因為啲汁好濃味，多吃幾塊會開始覺得少少油膩，不過燒鵝真係有佢吸引力，隔一排無食又會掛住。蜜汁叉燒偏甜但好啱我口味，禮雲子琵琶蝦啲蝦好大隻，禮雲子香鮮香，蝦肉質勁彈牙，喺一缺點係價錢略貴咗少少~~

食鏞記當然要點炭爐燒鵝，佢用炭爐燒制，直至表皮棗紅均勻，咬上去真係皮香肉嫩，再配上酸梅醬，味道一流，不過可能原本期望值已經好高，反而不如下面兩道菜有驚喜。一道白灼薑葱豬心蒂，材料係豬心上嘅血管，切開成片，每一片係一個蒂，不但要費時處理，仲好考刀功，簡單放落湯度白灼，時間掌握得，入口保持鮮味兼入口爽脆，全無內臟異味。另一道蝦子釀紮蹄，現時製作此食品嘅食肆買少見少，將浸軟嘅腐竹捲成條狀，釀入蝦子捲好後用繩紮實，蒸熟再切片，咬落有口感又有蝦子嘅鹹香，值得一讚。

好耐無嚟過鏞記，發現很多菜式仍保留到記憶中嘅舊味道，開胃菜酸姜皮蛋保持水準線上，醃制40-45天嘅鴨蛋，溏心做到凝而不固，聚而不流，搭配酸薑，係我一直記掛嘅美味。古早味蝦子紮蹄：這道菜係咪令人諗到豬蹄呢?其實係用塗咗醬汁嘅腐竹，卷著層層帶鹹香嘅蝦子，紮緊蒸制而成。一品鵝煲：包含鵝嘅所有部位同內臟，一層層疊著，最底下是豆腐pok，湯汁濃郁鮮美。鵝肉嫩，鵝紅滑，鵝胗爽，醬汁不重口，飲埋酒仲正！

中秋節當然要一家人齊齊整整食飯先有節日氣氛，鏞記係屋企長老們嘅心頭好。燒鵝名不虛傳，油而不膩，肉質夠嫩滑。佢哋嘅芝麻化皮脆乳豬都超正，外皮酥脆又夠曬香口，啲肉軟嫩，加上特製醬汁注入靈魂！其他菜式都係水準之上，成晚係道酸薑皮蛋因為本人一向唔鍾意皮蛋味道所以麻麻哋之外，整體都好滿意。鏞記前兩年啱啱裝修，但保留住懷舊香港特色，適合一家人聚會，中秋、團年都真心推薦！

今時今日想搵一碗好味嘅雲吞麵食都唔容易。鏞記嘅細蓉咁多年一直都保持到高水準，銀絲細麵配埋金魚雲吞，得其形亦都得其實，用剝殼海蝦混埋少少肥豬肉同大地魚肉，捏成金魚散尾雲吞，上到枱金魚尾仍然非常完整同靚仔，麵條爽脆，最重要係碗雲吞麵湯頭濃、甜、香、鮮，啖啖都感受到大地魚同蝦子嘅香味。依家好多麵舖唔係麵好、雲吞以雪蝦將就，就係雲吞ok但麵少咗嚼勁，每次想食碗靚雲吞麵，都係會嚟鏞記。

首先上咗魚湯杞子浸豆苗瑤柱甫，豆苗超嫩入口即化，浸喺枸杞同魚嘅高湯鮮味中，瑤柱甫鮮甜可口。秋臘玉帶龍王脆米，大大顆帶子煎得好甘香，帶子非常鮮味，上面放上炒香嘅臘腸，下面有脆米墊底增加帶子鮮味。屋企人點咗份手工菜蜜汁燒鵝掌紮，鵝掌去咗骨，包住臘腸、鵝肝同叉燒，用鵝腸紮好，幾種食材混合一齊，味道無得彈。最後點咗巧手魚尾銀絲細蓉，呢碗隱世雲吞麵，雲吞皮滑溜，麵爽口，湯頭濃郁鮮香，相當唔錯！

老闆剛剛在外地回港幾天，很快就要再動身升遷去新嘅工作位置。恭喜佢之外，😌很開心可以食到一餐飯。其實我本身喜歡吃燒鵝的但是中餐不是特別喜歡。但是這餐也不錯食物質素比一般好。果然是VIP的服務。中環鏞記嘅VIP房係喺4樓房間。房間就沒有什麼特別。請不要笑😂我比較欣賞的是那個廁所在VIP房非常近。只要VIP房裏面的服務也是不錯的有專人跟進每一道菜也有介紹，介紹吃法，和烹調方法。大部份的餸菜也是有花生油，對堅果敏感嘅食客要注意。服務員也非常友善，做了幾個冇花生的餸菜。主菜係炭燒琵琶鵝，底部有炭燒嘅痕跡骨很脆而且唔肥。這顛覆了我一向覺得燒鵝是肥的概念。而第二喜歡的就是炸豆腐，外脆內軟而且皮很薄，在這個位置感受到中餐廳老店的功夫。比較特別的是禮雲子蛋白。同事很可愛看見了蒸蛋如獲至寶，我差點送他一個飯桶。禮雲指蟛蜞乃膏蟹一種，是長江流域毛蟹的近親。確實挺鮮甜的。而且可以伴唔同嘅餸菜煮。感覺挺不錯👍🏻😌。另外也有鵝油炒的菜，陳皮紅豆沙。可惜就是紅豆沙陳皮味太重我不太喜歡。其餘的食物和同事笑話都令我滿意這餐飯。

今日請好友食飯，揀左中環鏞記酒家，貪呢度夠高檔又特別，當然價錢都唔平。一早打黎預約訂枱，訂左一樓，原來一樓無得食碟頭飯。餐牌價錢當然係酒店級數。松花皮蛋配酸薑 每位 $20 另加一聽講松花皮蛋配酸薑係呢度既招牌之一，點左兩份試試。我無份食，不過份量真係少得驚人！半隻皮蛋配兩塊酸薑，好貴！正宗炭燒黑鬃鵝半隻 $430 另加一招牌燒鵝當然要叫。一行5人叫左半隻鵝，其實都幾細隻，上枱後服務員幫手淋上花生汁，燒鵝某部分都脆皮既，肉質都算嫩，不過食落唔太熱，熱辣辣先好食嘛。配有少量唔脆既花生粒。晶瑩筍尖鮮蝦餃 每件 $20 另加一蝦餃都大粒，食落正常無特別，服務員無比辣椒醬，可能要叫先有。生曬瑤柱乾蒸賣 每件 $20 另加一生曬瑤柱乾蒸賣都大大粒，食落啖啖肉，上面少量瑤柱無特別。牛肉餃唔記得影餐牌所以唔記得個名同價錢，好似灌湯餃既薄滑皮包住牛肉球，味道質感都唔錯，滑中帶彈牙，上面有葱香。鵝肉酥唔記得影餐牌所以唔記得個名同價錢，呢個鵝肉酥唔會好脆，不過入面既鵝肉真係唔少同埋食到鵝味，上面加上幾片杏仁，可以好d。金銀蛋莧菜 只係正常金銀蛋莧菜，有蒜子，鹹蛋，皮蛋同莧菜，莧菜分量正常。蟹肉乾燒伊府麵

老牌粵菜  🍲🥘招牌好靚仔，幾有氣派，鏞記係傳統名人飯局所以都少期待。菜式賣相不錯，只係味道冇乜驚喜，一般般嘅感覺，食開新派中菜嘅我地有啲失望。不過歷史老店，又曾經係米芝蓮三星，雖然價錢唔平，但都適合同長輩一試。

今日Lunch去鏞記食左個燒鵝飯，賣相幾靚，一眼望落燒鵝肉都幾多，一個人食夠曬。由於夏天太熱，我習慣點少少特製酸甜汁，食落更開胃。個人認為最好食嘅燒鵝係有三分二肉，三分一肥膏，而呢份燒鵝飯俾曬我想要嘅嘢，完全不油膩。 另外提醒吓大家，鏞記嘅燒鵝皮係淋嘅，同其他店鋪唔同，鍾意食脆皮嘅朋友仔可能唔習慣。佢嘅鵝皮雖軟但肉香，好有特色，超推薦你試吓。 

「鏞記酒家」，我細細個便聽說此酒家的招牌食物是「燒鵝」，而且聞名國際，今日剛好在中環尋找晚餐的落腳點。從遠處看到此酒家的彩色大招牌，便與友人決定今晚在此一起試一試。我們點了一個例牌燒鵝，上菜時，見到碟燒鵝，色澤均勻，鵝皮眼看下去。都好像好好食咁。而碟中也有一些啡色的醬汁，當然都會伴隨著沾燒鵝的醬，酸酸甜甜的，很好味，跟燒鵝真的很搭配！讚👍🏻。食得出，不是外面店的一般醬，是自家製的味道。好食！另外都點了一味「銀棯醬炆班腩煲」，我想講個醬都幾特別，幾好食。個魚都算新鮮。好食！下次有機會，會再去試其他菜式。😄