鏞記酒家

营业中

休息中

仲好記得細細個同屋企人去酒樓飲早茶個氣氛好熱鬧，啲食客粗魯得嚟又唔會冇禮貌，而啲知客就個個服務態度都好好，有時啲點心車推出嚟就成班細路衝出去揀有咩啱食，都咪話唔過癮。不過而家已經冇曬依枝歌仔唱，連點心車依個童年回憶都冇邊間酒樓仲有，再加上依兩年疫情其實飲茶真係冇咩氣氛。不過今次同屋企人嚟依到飲茶，可能鏞記有好多年歷史，好似保留咗當時嘅氛圍，啲裝修翻新過之後都仲有舊香港嘅感覺。味道方面就更加唔使講，話曬價錢都唔平，點都要有啲水準嘅，就算只係一籠簡單嘅山竹牛肉球都好特別，入面加咗啲陳皮令到佢好香同中和咗比較濃味嘅牛肉，一放入口真係好香，雖然同細個食嘅味道有唔同，不過我覺得係好嘅改變嚟，希望依間酒樓可以繼續堅持落去啦。