鍾廚

营业中

休息中

因為家人喺時代廣場返工，所以揀左鍾廚食生日飯。之前同公司同事黎飲茶都唔錯，所以試下晚飯如何。呢度有4人餐同8人餐，個菜單都唔錯，唔算貴，銅鑼灣黎講價錢幾合理，而且呢度免茶芥免加一。由於本人唔好魚翅，所以決定散叫。是日晚餐: 鐵板叉燒，燒雞，龍蝦伊面，冬瓜盅，冰鎮咕嚕肉，黃金蝦，腰果牛柳粒，清蒸老虎班，西蘭花炒帶子同埋壽包。龍蝦伊面: 以呢個價錢，有啲失望，因為龍蝦唔新鮮，同埋師傅好懶唔斬件，只係開邊，似比2個人食甘。冰鎮咕嚕肉: 招牌菜，外脆內軟，粒粒都係肉，無骨無乜肥膏，必叫之選，正。黃金蝦: 啲蝦新鮮爽口彈牙，豉油炒得好香，好味。腰果牛柳粒: 不俗，只係有幾粒有啲筋，多數都好林，味道幾好。西蘭花炒帶子: 帶子都幾大隻，炒得好出色，西蘭花有咬口，帶子岩岩熟，正。老虎班: 由於當晚無大條嘅，職員都主動同我地講聲先去蒸，都幾負責任，服務唔錯。最後甜品，壽包。包身軟熟，大小剛剛好，蓮蓉好味控制得好好，所以清晒。總括: 小炒水準不俗，只係晚飯有限時，有少少美中不足。但可以接受，下次會再幫襯。

陪家人同朋友聚餐，睇到Openrice既rating麻麻地，本來都無乜期望。黎到點左燒鵝，東星斑，清蒸扇貝，南乳燒雞。品質有驚喜，每款出品味道都好好，唔多明點解OpenRice Rating咁低...

I tried this restaurant in the last holiday, quite a simpleexperience.To start with the taste of food. Basically, the foods we orderedare hot enough, some marks are added for this. However, the outer part of theBBQ sauce bun is a little soggy, not crispy at all, maybe due to putting asidefor not long before delivering to us.For the environment of this store, it is comfortable, generallyspeaking, distance between tables is not too close. 

休閒的星期日，相約了舊同事到位於時代廣場12樓的鍾廚喝下午茶食一盅兩件⋯一行四人約三時一刻左右到達，在門口等了5分鐘就有位可以進入，入座時已告知3:30Last order，所以我們一口氣叫曬所有點心小食😆落單後不久就需要先結賬及告知我們只可以坐到4:30分，我們說OK!點心小食約20分鐘左右就全部上齊，岀菜都好有效率！我們一行4人也是吃得蠻快的，很快13款點心小食就吃了一半，但到了4:06分就被一位女部長告知要清場，請我們離開！我們4人當堂儍眼了，看著至少還有4-5款點心未吃😤，我們也沒有與她爭辯，快快每人吃幾件點心，再飲多杯茶便走了⋯⋯因為其中一位友人是做飲食業前缐，所以都很明白前缐員工的辛酸⋯站在消費者的立場就覺得是次如在4:30同我們說這一番話，我們一定會接受的，因為我們是守承諾認承咗會坐到4:30便會離開，奈何該女員工實在太心急，由我們坐下、落單、結賬、上菜、吃東西至離開，前後只有不夠一個小時😩

Family Day ，幾姐妹為方便兩老，選擇了熟悉的「鍾廚」。 位於時代廣場食通天12樓，裝潢新穎，光線充足，是日常我們家人聚腳點。「冰鎮咕嚕肉」以前食過。外冰內熱，外脆內軟， 肉質嫩滑美味，配撈咕嚕汁後酸甜開胃，一家甚為喜愛，是必食之物。

今日去時代廣場行街，順道去十二樓間鍾廚食午餐。這間食店的餐具幾優雅，白藍的襯色宛如瓷器一般。不過，食店的溫度太高，愈食愈熱， 汗流浹背，以為自己去左街邊食大排檔。真心問是否慳冷氣錢？食物質素普通，或甚至差，價錢與食物不合比例。當然，在時代開食店個租金都好貴，將價就貨不足為奇。蜜汁叉燒腸 $43一般酒樓腸粉會有三大條，但佢地得兩條，切成六件搏你唔覺。芝士蝦春卷 $37芝士的配搭好怪，春卷又唔剪唔切，要成條食？沙律炸雲吞 $37估你唔到啲沙律係甘放。XO 醬炒蝦米腸 $58我估落左幾滴XO 醬炒，完全無XO醬味道。晶瑩菜苗餃 $37 豉汁蒸鳳爪 $37好差的鳳爪，肉太實，唔夠鬆，製作鳳爪的工序欠佳，太馬虎。 狀元蝦餃皇 $11一籠一粒，可逐粒叫。 哈密瓜楊枝甘露 $38 山竹牛肉球 $34、 滑雞銀絲卷 $37、 醬皇金錢肚 $37 七味香脆魷魚鬚 $65太厚粉又唔夠味，香味和咸味都欠奉，其實魷魚鬚好難整得差，但佢地就做得到 瑞士雞中翼 $58Overcook, 有外在美，但無內在美，色澤吸引又上色，但肉質太嚡太韌，失敗之作。整體而言，食店質素欠佳，無論環境和廚藝都有很大的改善空間。可一不

今日又去鍾廚飲茶喇! 上一次試過九龍灣企業廣場的鍾廚， 食過返尋味， 趁今日五一勞動節， 約朋友去逛街前吃少少點心啦! 銅鑼灣永遠是港島熱點聚腳地， 想找地方吃午餐， 總要排隊﹑取號碼紙等位。 無法啦! 好東西， 自然多人等位。 正午十二點多，我等半小時多了，接近下午一點鐘，終於到我們入座。 客人多，酒樓限時要埋單結賬。 上次在九龍灣鍾廚，食過好味的家鄉煎芋餅， 今次也點了同款。 還有磨菇包， 它是蒸籠點心，裡面有醬汁磨菇片， 沒有肉末在內， 大概是素點心。外表似海味舖的厚花菇， 很有趣呢! '吸睛'分數高。至於家鄉煎芋餅， 外表似潮洲煎蠔仔餅， 少少厚啦! 因為自己喜歡吃芋， 所以也不差。在銅鑼灣這店只有普洱﹑壽眉不收茶錢， 點其他茶都要收茶錢。 如龍井要多付$40。

因銅鑼灣方便友人出入，所以選擇了「鍾廚」銅鑼灣時代廣場食通天12樓「鍾廚」，是行中高檔路線食店，約六年前由10樓搬至12樓晚餐約7點到店，店員按排我坐圓檯，位置濶落紅燒鮑翅，名貴菜式，知道是大廚出手，出品不凡新鮮菠蘿咕嚕肉： 用梅頭豬肉切條形，再上粉炸至金黃，再淋上酸甜醬炒均，配以新鮮菠蘿，可見用心，友人話好食，（好易滿足的）脆皮燒鵝：服務員以明爐承載，上檯時保持熱度，食客品嚐過程中，不會因時間過去而變凍及結油，好細心。值得推薦的菜式濃湯鮮菌浸菜苗：清甜，爽口，整體食品有質素，環境尚可，食到中段時，坐滿人，應是聚會好去處🤓

外面就似豪裝茶餐廳，VIP房嘅裝修/裝飾都幾得意，但好近廁所，打開門時，隱約聞到香精味橙味蓮藕圈($55)蓮藕圈好爽，味道好橙，太橙，太新穎，接受唔到。叉燒雖然汁好味，但豬肉太瘦，有啲韌。火燙燒鵝皇($200/半隻)火燙住啲燒鵝，唔怕食食下啲肥油變啫喱，味道同肉質都OK上湯蒜子浸豆苗($118)菜一碟，無咩好評唔記得咗係咩，好似係牛柳粒，留不下印象，即係不過不失杏汁燉潤肺湯($298/6位)因為要預訂，好大期望，點知佢杏味唔夠香，仲有少少稀，好失望呢。清蒸老虎斑新鮮魚，生熟剛剛好，食蒸魚都係求呢兩點啫。

為了令一行十二人暢所欲言，所以這次飯局訂了房間，附設最底消費是常識吧，很久沒這樣大魚大肉了呢!明爐燒鵝皇奉客時以爐子保溫，可惜火力不足，油分還是琼起來，而且旁邊的亦因此而令鵝肉乾掉了，似乎多此一舉呢。澳洲龍蝦二食a)頭爪炆伊麵 外殼非常堅硬，難以弄開，最後全數外帶回家慢享當中的美味，伊麵索盡精華，淨食也相當滋味。澳洲龍蝦二食b)碧綠炒龍蝦球碧綠翠玉瓜，龍蝦肉彈性十分足。薑蔥炒大肉蟹蟹箝很巨大，拿著吃啖啖肉，像吃冰淇淋似的，現在寫著寫著，想吃百花釀蟹箝了。杏汁燉豬肺湯甜湯的杏仁露，在下不喜歡吃，但這個湯呢，小的卻非常喜愛，拿著碗灌下去，更是身心舒暢啊！蠔皇遼參扣花菇遼參滑溜並帶著彈力，花菇超厚肉。沙薑霸王雞軟嫩的雞肉帶著醬料的惹味，沒有不好吃的理由。清蒸海皇花尾躉蒸魚時間控制得宜，魚肉非常嫩滑，尤其面頰的肉質非常讚!杞子魚肚泡菜苗魚湯浸著菜苗很清新，其實不用加入魚肚，菜蔬份量增多會更好。松露雙蚌炒飯松露的霸道香氣四溢，鹹度可以降低點。鍾家甜品(杏仁茶，楊枝金露，芝麻糊)想不到會有三款甜湯，每種奉上幾碗供選擇。鍾家甜品(杏仁茶，楊枝金露，芝麻糊)小的選了黑漆漆的她，熱度夠而且散發著芝麻香，

去時代廣場食飯慶祝生日，呢間鐘廚好多人鍾意來食，我地book左位都要等15分鐘先入得！叫左幾個小菜，好似燒鵝、生炒骨、椒鹽魷魚及脆肉瓜班楠等！上菜啦！見到燒鵝本來好開心，但放入口前一刻，塊面立即轉黑，燒鵝好多毛啊！媽媽！立即問待應點解，佢話冇野，你咁講我都冇聲好出！唔換啦！但食嘅時候唔食皮囉！椒鹽魷魚係好食嘅！魷魚彈牙，但皮好薄，脆口彈牙齊集！其他食物都有佢嘅水準，唔錯！地段都係好！

皮薄餡靚灌湯餃已經唔係道道可以食到！係鍾廚既灌湯餃足料，湯濃，啖啖鮮味❤️乳鴿卜卜脆，一啲油既感覺都無，皮脆得黎肉仲可以滑嫩多汁❤️配埋個石榴汁真係好fresh，仲有一陣清香既感覺。鮑魚撻個皮好脆好香牛油味，鮑魚又夠味❤️下午茶時光既享受叫錯左紅白腸，我應該係叫個有脆脆既腸粉，不過呢道腸粉不嬲都好夠滑，完全無失望。

因為要同姨媽睇戲（時代）所以就睇睇有乜中菜！老實都諗住時代嘅餐廳一定貴啲架啦，但見佢係稻香集團，同埋啲食評都話晤係好貴，早茶時段又有折（10-12）總括食物賣相、味道、服務都好好！下次會再黎試晚市（有散叫又有套餐）太子鮑魚酥 （每件計）個鮑魚大約5蚊咁大金沙脆皮腸粉 問個伙記佢話個皮紅色係因為加咗“紅米”去搓腸粉皮，佢英文寫係 salted egg yolk 但晤係好食到咸蛋味，但個皮係好滑！👍🏻脆皮腐皮卷 真係好脆但又晤油！👍🏻 係蝦肉做涵麻辣口水雞（有骨) 花生醤味好重，完全晤“麻辣”，一隻雞脾加多幾件雞胸。晤算係嫩滑鮑汁扣凰爪 個汁好夠味好黐口👌🏻，但啲鳳爪完全晤冧 😣另外小心睇清楚點心紙有啲係要（一件件）咁剔，好似蝦餃咁，以為要一件件叫係因為大粒啲，但又晤係喎只係普通size？？

銅鑼灣時代廣場—香港地標性建築，每次行街都有經過，名店林立。街頭店舖密密更換，原因只有一個,天價租金。我愛搵美食，特別見到一些「性比會高」的餐廳，就會想同大家分享。今日來到時代廣場食通天12樓鍾廚，這間酒樓平時都排曬隊，好難有位，必定有其吸引之處，唔收茶錢及加一係其中之一，今次我係先打電話留檯。一行3人叫了：1）石榴脆皮雞$128：皮脆肉嫩，好香，一般酒樓會用豉油，但這間創意在石榴汁，估唔到咁好味2）薑汁芥蘭$88: 炒得剛好，有鑊氣，唔老，算合格。3）清蒸海星斑$380：職員叫我去漁池挑選，話條老鼠斑今日到，成本價俾我（咁好） 我撊左條星斑清蒸4）雙蔥牛柳粒$138: 有洋蔥，腰果、京蔥等配料，好香，師傅炒得有鑊氣，無過火5）杏汁豬潤湯$198:（忘記影相）足料燉湯職員訂座時叫我要留，話招牌菜，會賣曬連白飯（竟然係蕃薯蒸飯，夠曬健康）最後埋單$964（食咁多埋單唔駛一千）

今日平日，趁放假一家人黎飲個下午茶，由2點到4點，3點半last order，三個人未食早餐午餐，一叫叫左11個點心結果埋單都係$200! 非常抵食！原來星期一至五下午茶大中小點一律都係6折，仲要免茶芥，免加一。真正係性價比極高呀。而且環境仲好好添，有一大個落地玻璃加開放式廚房推介用錫紙包住黎蒸嘅珍珠雞，鎖住水份，比平時嘅酒樓食到嘅係唔同d! 士多啤梨爆珠布甸甜品。爆珠好特別，下層有布甸，又唔太甜，正!