鍾廚

营业中

休息中

The food here are above average. However a little oily. The location is convenient and the service was good. Turnip cakeThere were shrimps to served with the turnip cake. The fried shrimps was quite large.  Fried Ham Sui Gok ( pork and vegetable fried dumpling) Tofu skin roll (Beancurd roll)Steamed Vermicelli Rollseafood pancakepineapple bum

友人話呢度早茶同下午茶有六折，全日免茶芥免加一，抵食。 今日同朋友來試下個下午茶，我哋兩点40分到，登記攞飛輪候，服務員告知3:30截單，可以坐到四点，好在等咗十五分鐘喥就有位。免茶僅限指定兩款茶，六折祇係大、中、小点。點心款式幾多，下面有行好細嘅英文，讓外國人也知道係咩料兩個人係咁剔，竟然剔咗十一樣個皮顏色好靚，餡料有雲耳、馬蹄及其他素菜等，幾爽口幾别緻，上面果粒係提子，栗蓉餡，甜甜哋，幾好淡淡椰香，味道清新。附上椰汁，唔夠再加！鮑魚幾腍，酥皮頗鬆脆。雲吞炸得幾脆，粒蝦幾爽口，龍蝦湯味唔突出，一般。唔知係咪浸得耐腍咗，個皮頗厚，花膠薄同無乜味三大件厚厚嘅魚肚(並非猪皮)，伴以野菌，足料好食過綿花雞。I like it 朋友欣賞個芝麻糊，話唔太甜，濃郁好味總括呢度嘅點心賣相、味道同服務都不俗，下午茶幾抵食，十一碟点心，埋單原價要三百多，折咗二百幾，值得一試。

其實嚟過呢度好幾次，但係每次都冇寫食評😅。紅燒乳鴿（$68一隻）燒得幾靚，都幾大隻，但係唔夠肥美。雞油菌蜜豆炒蝦球［推廣］（$88）呢碟超抵食👍🏻，平時茶餐廳都要咁嘅價錢仲要冇咁靚。有八隻大蝦球，好新鮮。蜜豆煮得幾腍，芡汁可能會油左少少。第一次食呢個雞油菌，覺得比較甘，我個人唔鍾意食😅。花菇燒豆腐（$108）有好多舊，兩個人都食唔晒😅炸得幾好，裏面好腍。都有唔少蔬菜👍🏻紅酒燴牛腩（$158）啲細路每次黎親都要叫，爭住食🤣用啲紅酒汁撈飯一流🤤。牛腩好腍，有好多舊，仲有蘿蔔同埋番茄👍🏻。清炒西蘭花（$108）炒得幾靚唔會好油膩，份量都幾多。個人覺得貴左少少。白飯（$16）要講埋呢度嘅白飯。雖然係要比普通酒樓貴，但係真係靚啲，啲飯係白雪雪嘅，又唔會太濕唔會太乾，仲有啲番薯做裝飾😆。最鍾意嚟呢度係因為免加一、免茶介，同埋坐得又舒服，環境光猛乾淨俐落，係成日同屋企人一齊聚嘅好地方👍🏻☺️

我於13/2致電訂15/2 10位枱，接線生表示有枱，我亦留低個人資料。但今天上去攞枱就獲告知沒有相關資料。如果各位想去呢間鋪頭食嘢，真係要諗清楚，千祈唔好打電話訂位，因為你隨時會變成下一個受害者！就算食物幾好都無用，有一個無記性又態度差既服務生，簡直就係一粒屎攪臭一鍋粥！

成班朋友約埋食飯，慶祝踏入新一年🎉平時鐘意食小菜嘅我地今次一行七人嚟到銅鑼灣食通天嘅鍾菜，呢到位置方便，離港鐵出口勁近。裝修走復古懷舊風，以六七十年代嘅茶館做主題，空間寬敞，坐得舒服。呢日我地叫咗個8人餐，費事煩逐樣逐樣諗，我地個個都咁大食，8人餐應該冇問題嘅😂食唔哂最多打包😂頭盤有我鐘意食嘅陳醋雲耳，叉燒，拍青瓜，細細碟每人食少少過下口癮😋時間掌握得好，雞肉鮮嫩，一啲都唔鞋口。全晚最正係呢個上湯龍蝦伊麵，份量多都唔在講，真係好味！龍蝦啖啖肉，肉質新鮮彈牙，上湯伊麵都做得好好，湯又夠濃，每口都食到龍蝦嘅鮮味😚清蒸沙巴龍躉，我唔鐘意食魚，但試咗啲都覺得ok，肉質扎實，冇腥味。濃湯鮮菌浸菜，個湯夠濃味，令到全碟菜都好味。甜品都有唔少選擇，而且同樣做得唔錯👍🏻📝仲有好幾款小菜我掛住食冇影到😂🙈食物整體味道好，上菜又快，有機會要再嚟👍🏻

朋友去完3星期旅行返香港，緊係要聚一聚攞手信啦～今次揀左中菜，朋友就係openrich search到呢間鍾廚。我地全部都係第一次黎，大家都覺得非常好，好食，抵食，坐得舒服，會再黎佢廚房炸食物功力去到超高水準，每一款有炸嘅菜式大家一食就'嘩，好食呀！'特別要推介的是避風塘鮮魷。佢環境舒服，夠寬，唔會好似出面啲中菜好嘈，凳背撞凳背，乾淨賣單朋友話每位185蚊，185蚊? 呢係到times吧？咁平結論係一定會再黎食

鍾廚環境舒適 位置與位置之間不會太迫有壓迫感， 價錢適中 家中長輩是長期捧場客。 今日一行六人入座， 安排咗坐廚房附近卡位， 廚窗掛滿肉質豐滿嘅燒鵝 望到食慾大增， 當然質素不能與酒店比較， 論述性價比絕對合格！冰鎮咕嚕肉係皇牌， 見到成盤冰粒 已經覺得好新鮮， 咕嚕肉嘅外層 一啖咬落去 好有冰糖葫蘆嘅感覺， 結合肉質，非常好食。瓦撐豉油雞好入味乾炒四季豆 應該無乜地方炒得難食吧海味什菜煲， 呢個價錢無乜海味應該係正常， 菜同菇係多嘅。龍蝦兩味， 龍蝦肉太鹹 冇龍蝦味。龍蝦兩味 其中呢個湯飯， 完全冇龍蝦味 鮮味不足 味道唔夠。竹笙紅燒豆腐， 呢個有驚喜 本身唔係咁鍾意食豆腐 因為難入味， 呢個出奇地入味。呢個燒鵝， 燒得唔夠香 雖然有火慶住 但係唔熱嘅…燒味糯米飯， 入面有好多芋頭， 加埋糯米飯一齊食， 口感有點膩， 食一小碗已經好飽。

因訂了枱，一家三口到達時隨即安排入座。入內見地方頗大人客亦多。坐定後點了幾款菜式：螺頭燉翅裙(2-4位用) - 湯夠甜不肥膩，每人有一碗多點點，湯渣亦很多，不俗；榴汁脆皮雞(半隻) - 皮脆夠熱，唔錯；雙蔥安格斯牛柳粒 - 牛柳粒夠稔夠鑊氣；宮保蝦球 - 不太辣，蝦球亦多，不錯；蒜蓉炒豆苗 - 夠大碟，豆苗本身不老，炒得啱啱好。雖然是第一次幫襯，總括而言有驚喜，令人滿意。價錢中上，但食物份量足，很好。👍

好友聚會，選址時代廣場食通天12樓鍾廚，美酒佳餚夜🍷。頭盤：燈影香江，北海道帶子可做刺生食用，但大廚稍作用心，微微煎香，配上魚子、香檳🥂，拉開美食之幕。順德魚雲羹：有別於外間，這里大廚每位用上新鮮大魚頭、叉燒絲、菇絲、薑絲、豆腐粒等等多種材料，口感味道配搭相得益彰，有好友停不了要添食。法式焗蟹蓋：將蟹肉、洋蔥等材料撈好釀入蟹蓋，撲上麵包糠，稍炸及焗至金黃色，齒頰留香。脆皮燒鵝皇：皮脆肉嫩，應是剛剛燒起掛爐，時間剛好，配上紅酒🍷，佳釀。竹笙浸豆苗：大廚選用豆胚，鮮嫩帶爽口，在燒鵝之後享用，配合得宜。生拆龍蝦松泡稻庭烏冬：即拆生鮮龍蝦肉，稻香烏冬口感彈牙環境舒適，服務員主動有禮，完美無瑕。

今年係呢度都食咗唔少次，因為佢一開始的賣點係288元有8兩翅，後來可能太多人光顧啦，所以加價成368元八兩，八兩的份量就見到隨時間有些許減少，最近，除咗價錢加到438元，裝翅的碗亦都縮咗水，同侍應反應，佢都係默不出聲，好明顯都知道自己的食材有同描述不一致的情況。其實，如果你認為個價錢冇得賺，就唔好賣咁平，做完一段時間的推廣，可以變返原價，依家，又要好似減咗價，但又要食材縮水，今次真係有d失望!咁樣只係會趕客囉。

位於時代廣場-食通天12樓的「鍾廚」⋯離我工作地方好近⋯。和好友訂了12點，如果沒有訂檯，這個時間一般都會有檯安排。「鍾廚」裝潢設計時尚，檯與檯之間有一定距離，服務員比較忙，亦能保持禮貌及笑容😊。蝦餃/燒賣：可以逐隻叫，價錢實惠，蝦餃皮晶瑩剔透，蝦肉爽口帶汁，新鮮至極。紅米脆皮腸：用紅米磨粉成皮，卷著脆皮網皮饀、口感香脆、推薦之選。西施泡飯：正爆非常多人，訂檯.就最穩陣必定會再來。晚飯相信亦是不錯選擇。

從來都覺得係時代廣場的食肆價格一般都較為貴，但朋友話鍾廚不用計茶錢和加一服務費，限時一個半小時，坐位也寬倘，就帶家裏的老人家去試試，因他們喜歡食點心。我們一行四人，一共叫了六個點心，有鮑汁扣鳳爪（$58）、七味脆豆腐（$55）、粟茸南瓜酥(中點）、晶瑩菜苗餃（大點）、家鄉脆芋餅（大點）及芝士蝦春卷（大點）。鳳爪很入味和夠腍，豆腐炸得很香脆，我家的老人家話如果可以切得細一點就更好，可以一口一件豆腐，食起來就更有樂趣。我們一致都認為芋餅是最值得推薦，芋頭煎得很香，加上芋頭現在是當「造」的時候，芋頭「控」就千祈不要錯過。本來還想加多一碟，不過實在吃不下了。其餘的點心水準就一般。總共吃了六碟點心，埋單$270，每人大約$70，可以重來。

想同朋友睇早場之前食啲嘢，無意中就搵到呢間茶樓。一朝早就勁多人係門口排隊，當開始放人入去嘅時候大家都一窩蜂咁向前衝！坐定定之後就叫咗幾款點心，本身都係諗住快食所以從來冇乜期望。但估唔到最後有驚喜！每款點心我都覺得好精緻同好好味！由於我哋好趕時間，所以都食得有啲匆忙。結帳嘅時候仲發現原來呢間茶樓係唔使比茶錢，難怪咁多人喺門口等！有機會我都想再嚟慢慢嘆！

早茶應7點多，但瞓晏當然要揾開得晏的地方飲早茶。 銅鑼灣10點時間係無咩人，最合適。安格斯牛肉腸粉，係唔錯，可惜老人家牙力唔夠，咬唔到。都係傳統牛腸合適一家大細。合桃包 餡料似五仁月餅，有合桃，果仁及冬瓜蓉咁一口潮州粉果 好味$11一隻蝦餃，無想像中好食。勝在環境舒服，人唔多可以輕鬆飲早茶。

今日約咗兩個同事去銅鑼灣食晏，就預訂咗喺時代廣場12樓嘅鍾廚。呢度地方其實好大，但人已經坐到滿哂，如果冇訂位的話就要喺出面等。三個人我地點左一個好出名嘅冰鎮咕嚕骨（如相片），加個個湯烏冬，再加個例牌燒鵝，另外多碟菜。個冰鎮咕嚕骨個口感好似麥樂雞咁，不過幾得意，味道都好唔錯，可以試一試，而個例牌燒鵝雖然唔係好趣，但係味道好入味，而且份量好比一般例牌其多好多，係幾抵食嘅。最後我哋三個人埋單都係$490 ， $500都唔使，以呢度嘅環境同埋食物嘅質素算係幾抵，我印象呢間野午飯好似係免加一茶介，所以佢係性價比係幾高。