鍋卷鳴門 (已結業)

自己海鮮自己夾，好玩又好味。今晚食日式火鍋，亞囡捐窿捐罅搵到呢間火鍋店，漁獲每天不同，活足海鮮，任飲飲食。清清地鰹魚湯底，不會蓋過海鮮鮮味。蟹，蝦，鮑魚，蜆…又大又新鮮，放入湯內仍在蠕動，可見新鮮程度。食牛肉一定要食高級嘅，日本國產牛。脂肪不多，肉味濃，回味。牛舌也不錯，軟熟。沙律都有兩三款，點了胡麻冷豆腐和和風蕃茄沙律。蒜片牛柳粒非常惹味。其他火鍋配料齊齊整整放在一區，有各式丸，菜，麵…。其實主要食海鮮和牛肉己經好滿足

如果怕什人多 招呼唔到 想盡情食海鮮 好似我咁食晏晝 😂😂😂本身訂左1點鐘 黎到要等 不過唔係等位 係因為今日海鮮遲左黎 要俾多30分鐘佢地setup 冇問題丫 我唔趕 最後1330入座 整過上忍90分鐘 588 佢話唔好意思送多15分鐘俾我 唔駛急一入到去 其實幾亂 好明顯尋晚趕住走 汽水櫃得一個人半野飲 睇睇個魚缸先有三種蟹 有瀨尿蝦 有大蝦🤤🤤🤤一到走 陸陸續續 有鮑魚 青口 同幾種蜆 放落魚缸睇相最後90 分鐘 好飽🤤滿足係有一樣不滿 我個餐生蠔任食 最後黎左6隻之後冇黎過 不過我冇催 因為掛住食海鮮😂題外話 今日星期三 下午全場 得我一枱 所以如果食下午 海鮮一定滿足度 同埋一定新鮮

見好多人最近去咗依間餐廳食放題，好多活海鮮任夾任食打邊爐，真係十分吸引！咁啱又要同朋友聚餐就揀咗依度試試佢啦～位於旺角幾近地鐵站嘅地段，餐廳座位闊落，食物種類都幾多。今次揀咗上忍之卷嘅放題套餐，有齊肉類、海鮮、自助吧、飲品等等。每日嘅海鮮都唔同款，今日就有大連鮑魚、草蝦、藍花蟹、賴尿蝦、沙白、青口，總有一款啱食啦！湯底選咗鴛鴦湯，一邊係店員推介嘅蕃茄羅宋湯，湯料相當多，蕃茄味都幾濃郁，另一邊就係清啲嘅鰹魚清湯。一嚟梗係夾咗海鮮先，感覺到海鮮好生猛，賴尿蝦仲好大呢！款款鮮味，而懶人嘅我就最鍾意食鮑魚，因為易離殼啖啖肉又爽彈。而草蝦都好鮮甜，紮實嘅蝦肉真係令人好滿足！除咗有外面夾嘅海鮮，仲可以落單點啲生蠔嚟食住先添。肉類都唔少，有日本國產和牛、牛板腱、牛舌等等，其中最鍾意國產和牛好腍嫩又大片。即叫即製嘅小食都可以用QR code落單，我地就點咗雞軟骨、蝦天婦羅嚟一試，香脆可口不禁就食咗好多。出面自助吧有蔬菜、丸類，飲品都好多款。最後當然要食個甜品埋尾，有movenpick嘅咖啡味仲有豆腐味嘅雪糕球。另外仲有奶茶、抹茶味等等嘅甜品呢！

末到冬天己急不及待食火鍋，今次仲係以海鮮為主，跳跳紮，認真新鮮。每日時令生猛海鮮任君選擇，今晚有花蟹，賴尿蝦，大蜆，鮑魚，螺，青口。好鮮，好甜，好嫩…..食多幾隻可回本，嘻嘻！隨了海鮮之外，牛肉亦係火鍋必食的。日本國產牛，有質素，牛味濃厚又軟熟。火鍋配料攞放得整齊，有各種蔬菜，丸類，飲品，甜品。估唔到連生蠔都有，中型side，爆膏肥美。隨了火鍋，如喜歡熟食，小吃都有選擇。蒜片牛柳粒非常惹味。紫芋栗子薯餅心得我喜歡，紫薯綿滑，栗子有口感。蒜茸牛油枝豆夠特別。壓軸雪糕甜點，完美。

末到冬天己急不及待食火鍋，今次仲係以海鮮為主，跳跳紮，認真新鮮。每日時令生猛海鮮任君選擇，今晚有花蟹，賴尿蝦，大蜆，鮑魚，螺，青口。好鮮，好甜，好嫩…..食多幾隻可回本，嘻嘻！隨了海鮮之外，牛肉亦係火鍋必食的。日本國產牛，有質素，牛味濃厚又軟熟。火鍋配料攞放得整齊，有各種蔬菜，丸類，飲品，甜品。估唔到連生蠔都有，中型side，爆膏肥美。隨了火鍋，如喜歡熟食，小吃都有選擇。蒜片牛柳粒非常惹味。紫芋栗子薯餅心得我喜歡，紫薯綿滑，栗子有口感。蒜茸牛油枝豆夠特別。壓軸雪糕甜點，完美。

我真係好少食自助火鍋，印象中自助火鍋俾既料係冇咁新鮮，通常以量取勝。但今次呢間朋友介紹開係旺角既樓上隱世日式火鍋完全顛覆我嘅想法😂 門面好日式風格，原來佢有嘅係主打新鮮活海鮮火鍋！人工餵養！有鮑魚、蜆 、賴尿蝦、花蟹、九節蝦，以今時今日嘅物價出去單點都好貴，佢居然係放題🫣而且海鮮係佢既大缸度扎扎跳，任撈任食，好新鮮！😍 睇吓圖隻鮑魚幾大隻🥰 爽口彈牙，肉質結實多汁。佢既九節蝦跳到飛到d水彈晒出黎😂超生猛！我應該食左成廿隻鮑魚30隻蝦😆唯一可惜之處係我只得一個位內心好想繼續食🥹再睇下佢既蟹班紋幾靚😆😆肉厚甘香！值得一睇打邊爐有賴尿蝦真係好新奇 但我唔太識得搞佢啲殼，食左一隻🤪其他蜆、青口都好新鮮肥美🥰 佢既set有最平下忍之卷餐，中價中忍之卷餐同最貴既上忍之卷餐。全部餐出面既海鮮都可以拎，但今次選佢嘅上忍之卷套餐有就埋生蠔、日本牛同刺身😂 生蠔甘甜鮮美，真係好肥好飽好滿足😂最後佢汽水任飲雪糕任食，汽水甜品又多款，我食我食海鮮食過咗頭，甜野就食唔落啦。以後火鍋首選就係佢😍

女朋友中意食海鮮，甘岩無意中係U Lifestyle見到有海鮮放題，仲要有時令大閘蟹。就帶咗女朋友過嚟食。價錢實惠又高質，啲海鮮仲要係可以自己揀自己夾，隻隻都好生猛。而大閘蟹仲要係即叫即蒸，真係冇得彈。所以中意食海鮮黎依度就冇錯。員工服務態度又好👍🏻，值得推薦！

上網見到咁多 Lam Lam脷公仔就去試下啦，點知中伏。去食之前見到d post 好似好吸引，咁多海鮮任夾。去到朋友唔食生蠔，我地就簡左中價餐啦，事後覺得十分好彩慳返200蚊。中價餐600蚊未計加一。初初入坐服務係唔錯，問你飲唔飲啤酒，好好招呼。食食下就奶野喇，5個人先送得隻細波龍比你地，無肉。人氣羅宋湯湯底淡而無味，蕃茄就多。海鮮任食真係笑死，得沙白，蝦， 瀨尿蝦仔，鮑魚，青口，蟹。沙白有沙，鮑魚真係驚喜，烚完諗住食架喇，一了起黎，臭架，我以為聞錯左，點知返屋企睇返喊喊公仔d食評都真係有其他人寫話臭。你主打海鮮都唔好咁啊其他食物都冇野好講，肥牛叫親都等20分鐘，5人食，一碟得4塊薄片。算喇，唔識講。630蚊一人我真係去西貢三聖食海鮮算數。請咁多foodie, 不如用錢改善下質素仲好啦，d人食完一次肯定無回頭。小弟第一次打食評，真心想餐廳改善下。

今日老公生日同佢食好嘢❤️以往通常都係食日本餐！所以今次想搞搞新意思❤️‍🔥試吓啲新野！今次揀咗鍋卷嗚門😁呢個火鍋放題係非常出色👍👍出色嘅地方係佢有幾種唔同嘅海鮮,好生猛!任你食!包括有刀貝，沙白，大連鮑魚，賴尿蝦同九節蝦😁😁五種生猛海鮮食材，任你食🙃而且非常生猛，夾個過程都好開心！好興奮！湯底方面揀咗比較特別嘅羅宋湯😆嚟到個湯真係好香而且好足料！值得加分嘅位置係佢加湯係嘅時候係加返羅宋湯俾你！平時只會加啲雞湯令原本個湯底淡左👍👍刀貝大大隻無沙，賴尿蝦有啲膏而且非常鮮甜，隻鮑魚好生猛！黐住個筒🤣要用勁大力先挾到出嚟！由於我哋食最貴嗰餐，所以有包生蠔！其實有時去食自助餐啲生蠔都係麻麻地，你未必會想encore🥲所以今次我哋都係嗌咗兩三隻試吓先🤣竟然係有意外嘅驚喜，佢唔係俾啲好平嘅生蠔！而且食落仲好新鮮甜好creamy👍👍放題來講,呢個質素相當之唔錯.我哋之後再嗌多再encore呢度仲有生啤任飲，有兩款俾你選擇，似係日本啤酒！放題難得一見嘅！最後喺甜品方面竟然有我最鍾意食嘅阿波羅藍戰神啊！！❤️❤️❤️加分加分加分！鍾意食生蠔，海鮮嘅朋友一定要試呢一間！！

任飲任食海鮮火鍋就試得多，今次又加添新元素，任夾生猛海鮮的自助火鍋。旺角新開業「鍋卷鳴門」主打自助活海鮮日式火鍋放題，啱晒一衆海鮮控😍😍店內設計模仿忍者機關，佈置概念新穎⭐️✨價錢每位計有三個級別，揀咗「上忍」每位$788 ，明顯分別就係有法國生蠔任食😍，絕對吸引我，依家都唔係好多buffet有生蠔提供，更何況係放題~法國生蠔有大有細，味道夠鮮甜，肉質滑不溜口，口感爽脆，當頭盤吃真過足癮！Encore 了兩次感覺很回本。😋😍「上忍」套餐仲會送波士頓龍蝦或者每位有八五折，二選其一。為咗完滿呢個海鮮餐，我們揀了波士頓龍蝦優惠🦞。龍蝦新鮮，肉質結實有彈性！放喺蕃茄濃湯特別美味😋有幾款精選火鍋湯底可供選擇，揀咗味道較簡單「傅統鰹魚清湯」 併「番茄羅宋湯，用嚟淥海鮮最原汁原味😋今日主要目的係自撈海鮮，每台都有一個小鐵桶去盛載。每次選一款海鮮比較容易處理。先放冰在桶內，把夾起的活蝦、蟹浸在冰內先凍暈才放湯，否則生猛亂跳，過程會有點狼狽。以下是今天精選海鮮：每日貨源不同，撈完即止。大連鮑魚：人生真係第一次去魚缸捉鮑魚😁隻隻生猛，仲識郁，不需要淥太耐，肉質柔軟唔韌，鮑魚味突出，平常不太吃鮑魚的我也吃了三

之前見到有人去試 係海鮮任食我呢個海鮮怪就蠢蠢欲動 價錢又唔算貴4個人有蟹送添呀 睇吓啲蟹膏😳今次同朋友揀咗蕃茄同壽喜燒湯底揀咗中忍之卷 $568 食120分鐘90分鐘嘅話會搞唔掂 倒落口咁款其實食好快 拆肉先真係費時🫣晚市放題包括自助區所有火鍋配料、甜品及飲品總共超過100品！食到捧住個肚走⋯⋯其實掛住食都無乜點影相刺身好新鮮 好似去咗壽司店咁瀨尿蝦鮑魚都勁大隻 超級新鮮生猛🤤雖然真係唔食得幾多 但性價比極高 好想再去食！要搵埋啲剝蝦高手一齊再去先得 有邊個可以剝比我？❤️

有一日喺群組，見到有個推介，話有新鮮即撈嘅海鮮，其實我自己本身好怕咁殘忍，不過咁新鮮嘅話又真係幾吸引，雖然價錢唔平，但係我有個朋友都話好值得試，既然佢讚到咁，就真係要試吓。佢有三個唔同嘅價錢，好多人話一定要最平嘅餐，我就唔同講法，我自己個人嚟講一定要食中價同貴價，因為二至三人就會每位送嘅波士頓龍蝦，真係非常新鮮。上中下忍三個餐，上忍除咗可以任食海鮮之外，仲要有好多種唔同嘅美食可以叫，最興奮當然有好靚嘅法國生蠔，基本上叫兩round都夠飽，法國生蠔全部都好大隻。仲有日本國產牛同埋刺身食，唯一唔好嘅就係佢哋呢啲任食全部都唔係好大份，如果你好大食你真係要不斷咁叫。其他天婦羅，一品料理沙律等等唔算特別吸引，不過有興趣都可以叫下。最重要係時令海鮮有得任食，呢下真係不得了。首先鍋底你有幾個可以揀，我揀咗清酒煮蜆湯同蕃茄湯。蕃茄湯真係好正，入邊有好多蕃茄同蔬菜，個湯都夠正。每日有六種海鮮俾你任食，沙白、九節蝦、瀨尿蝦、大連鮑魚、藍花蟹、紅蟹，基本上全部都係新鮮喺魚缸裏面任你捉，最重要係不是有師傅將一啲唔新鮮嘅海鮮拎走，務求你食嘅一定係最靚。我自己個人最鍾意九節蝦同鮑魚，蟹其實都真係好靚但係我哋比較懶

即撈即食新鮮海鮮你可能一定試過，以前有即劏龍蝦嘅自助餐，再前排有泰式嘅撈蝦燒烤，呢期好流行嘅係港式即撈海鮮。呢間鍋卷鳴門前排紅到一個點，晚晚爆滿，主力係食新鮮海鮮，餐廳當晚通常會提供五到六款海鮮，睇你食到幾多，你可以食一百隻蝦，二百隻鮑魚都得。呢排間野唔知點解容易book左少少，我終於趕上潮流食到，同大家報導下。當晚有六種海鮮，有九節蝦、大連鮑魚、瀨尿蝦、藍花蟹同紅蟹，除瀨尿蝦有少少我覺得唔夠大隻，其餘都好有質素，大連鮑魚大隻到一個你食兩隻都飽，九節蝦嘅肉質彈牙到一個點，藍花蟹肉質甜到好似食緊刺身咁。價錢方面，有平有貴，分上中下忍三個餐價錢，當然有時段同食嘅時間你選擇都有不同，我地番工一定要七點後，上忍價錢一位$788，價錢當然唔平，但係當你食到咁新鮮嘅海鮮，我又覺得可以啦。不過如果你喺網上訂位，位位送上一客波士頓龍蝦，又係值回票價，如果你黎，記得要訂上網訂位，唔食龍蝦，就有85折。絕不能錯過嘅仲有上忍餐係有法國生蠔任食，隻隻都係酒店質素level，雖然嗰餐仲有嗰啲日本和牛，天婦羅，炸物，熟海鮮，沙律又或者火鍋料如丸類，菜任食等等，不過你信我食海鮮乜都夠。食一打生蠔，每樣海鮮食幾種，都

火鍋放題食得多啦，自己活捉海鮮嘅火鍋 真係第一次。對自己好啲，今日選擇咗《上忍》食和牛，店員介紹，新張優惠可以揀八五折或者送波士頓龍蝦(火鍋)，都係嗰句，食好啲。這店最有特色最好玩嘅地方就係，食客親自到魚缸揀選自己喜愛嘅海鮮，撈幾多都得，當然大家要量力而為，食得曬先好。魚缸每天清洗，每天換水，乾淨企理，海鮮們游水都游得開心啲。每天漁獲稍有不同，選擇都多，全部都係新鮮活生海鮮，啲蝦紮紮跳，一夾就彈走。鴛鴦火鍋，番茄羅宋湯及傳統鰹魚清湯~大家記得一開始嘅時候試下個湯底，真係好甜好好飲，鰹魚湯底好特別，蕃茄湯底落咗勁多番茄蓉，食到最後一樣咁濃。波士頓龍蝦(火鍋)~擺盤精美，龍蝦肉彈牙爽甜。瀨尿蝦~夾佢上嚟原來會feel到佢好有力，條尾彈彈彈，攞啲冰水雪暈佢，瀨尿蝦肉的確好鮮甜，要好好心機慢慢搣殼。藍花蟹~成隻放入鍋內，熟咗打開蟹蓋就見到蟹膏，絲絲蟹肉鮮甜無比。大連鮑魚~因為吸得好實，師傅會幫手掹起佢，拎上水郁郁郁，好新鮮。九節蝦~超級生猛，一夾佢即刻彈走，好難捉，超大隻，蝦肉爽口勁甜。沙白~好大隻，無沙，蜆肉嫩滑。《上忍》可以食到和牛，仲有長長牛舌、牛板腱及牛小排，各有特色，一落鍋十多秒就食

火鍋吃得多，放題都吃很多，但海鮮火鍋放題就比較少見， 這一餐我選了上忍最高級別的組合。 一入到餐廳被那個超級大水缸所吸引， 裏面的海鮮應該是每次都不同，看到是寫著時令海鮮的選項。 好期待吃這一餐的另一個原因是這裏的海鮮是任撈的，只計體驗感已經覺得很加分啦食物方面： 上忍的套餐就是肉質比較好的國產牛， 而且還有生蠔、刺身任吃， 生蠔肉質鮮甜，又大粒。 刺身就正常發揮。 重頭戲當然是吃海鮮啦， 我最鍾意食蜆，我第一選擇一定是它， 每一粒都很鮮， 很飽滿。 蝦🦐的肉質彈牙、爽口。 賴尿蝦都是海鮮當中的重點， 因為這餐廳的賴尿蝦十分大一隻。 炸物裏面最最推薦就是芝士年糕， 一口咬下去整口都是芝士。