鍋卷鳴門 (已結業)

上網見到咁多 Lam Lam脷公仔就去試下啦，點知中伏。去食之前見到d post 好似好吸引，咁多海鮮任夾。去到朋友唔食生蠔，我地就簡左中價餐啦，事後覺得十分好彩慳返200蚊。中價餐600蚊未計加一。初初入坐服務係唔錯，問你飲唔飲啤酒，好好招呼。食食下就奶野喇，5個人先送得隻細波龍比你地，無肉。人氣羅宋湯湯底淡而無味，蕃茄就多。海鮮任食真係笑死，得沙白，蝦， 瀨尿蝦仔，鮑魚，青口，蟹。沙白有沙，鮑魚真係驚喜，烚完諗住食架喇，一了起黎，臭架，我以為聞錯左，點知返屋企睇返喊喊公仔d食評都真係有其他人寫話臭。你主打海鮮都唔好咁啊其他食物都冇野好講，肥牛叫親都等20分鐘，5人食，一碟得4塊薄片。算喇，唔識講。630蚊一人我真係去西貢三聖食海鮮算數。請咁多foodie, 不如用錢改善下質素仲好啦，d人食完一次肯定無回頭。小弟第一次打食評，真心想餐廳改善下。