影片
更多
2022-09-15
1169 浏览
即撈即食新鮮海鮮你可能一定試過，以前有即劏龍蝦嘅自助餐，再前排有泰式嘅撈蝦燒烤，呢期好流行嘅係港式即撈海鮮。呢間鍋卷鳴門前排紅到一個點，晚晚爆滿，主力係食新鮮海鮮，餐廳當晚通常會提供五到六款海鮮，睇你食到幾多，你可以食一百隻蝦，二百隻鮑魚都得。呢排間野唔知點解容易book左少少，我終於趕上潮流食到，同大家報導下。當晚有六種海鮮，有九節蝦、大連鮑魚、瀨尿蝦、藍花蟹同紅蟹，除瀨尿蝦有少少我覺得唔夠大隻，其餘都好有質素，大連鮑魚大隻到一個你食兩隻都飽，九節蝦嘅肉質彈牙到一個點，藍花蟹肉質甜到好似食緊刺身咁。價錢方面，有平有貴，分上中下忍三個餐價錢，當然有時段同食嘅時間你選擇都有不同，我地番工一定要七點後，上忍價錢一位$788，價錢當然唔平，但係當你食到咁新鮮嘅海鮮，我又覺得可以啦。不過如果你喺網上訂位，位位送上一客波士頓龍蝦，又係值回票價，如果你黎，記得要訂上網訂位，唔食龍蝦，就有85折。絕不能錯過嘅仲有上忍餐係有法國生蠔任食，隻隻都係酒店質素level，雖然嗰餐仲有嗰啲日本和牛，天婦羅，炸物，熟海鮮，沙律又或者火鍋料如丸類，菜任食等等，不過你信我食海鮮乜都夠。食一打生蠔，每樣海鮮食幾種，都
呢間鍋卷鳴門前排紅到一個點，晚晚爆滿，主力係食新鮮海鮮，餐廳當晚通常會提供五到六款海鮮，睇你食到幾多，你可以食一百隻蝦，二百隻鮑魚都得。
呢排間野唔知點解容易book左少少，我終於趕上潮流食到，同大家報導下。
當晚有六種海鮮，有九節蝦、大連鮑魚、瀨尿蝦、藍花蟹同紅蟹，除瀨尿蝦有少少我覺得唔夠大隻，其餘都好有質素，大連鮑魚大隻到一個你食兩隻都飽，九節蝦嘅肉質彈牙到一個點，藍花蟹肉質甜到好似食緊刺身咁。
價錢方面，有平有貴，分上中下忍三個餐價錢，當然有時段同食嘅時間你選擇都有不同，我地番工一定要七點後，上忍價錢一位$788，價錢當然唔平，但係當你食到咁新鮮嘅海鮮，我又覺得可以啦。
不過如果你喺網上訂位，位位送上一客波士頓龍蝦，又係值回票價，如果你黎，記得要訂上網訂位，唔食龍蝦，就有85折。
絕不能錯過嘅仲有上忍餐係有法國生蠔任食，隻隻都係酒店質素level，雖然嗰餐仲有嗰啲日本和牛，天婦羅，炸物，熟海鮮，沙律又或者火鍋料如丸類，菜任食等等，不過你信我食海鮮乜都夠。
食一打生蠔，每樣海鮮食幾種，都已經對得住價錢。當然好似當晚隔籬枱我諗兩個人食50隻蝦同50隻瀨尿蝦以上，未計其他，呢啲真係寫個服字。
另外一提，個海鮮湯真心唔錯，配上佢哋嘅稻庭烏冬，要食，令我想起番茄師兄質素。
你唔好話我做乜介紹任食，無辦法，原來呢d topic先受歡迎。
张贴
