錦麗 (德福廣場1期)

营业中

休息中

每次同同男朋友嚟食都必點生牛肉湯河同埋牛丸湯河，兩樣都各有好處嘅，而我自己就係食牛丸湯河嗰個。喺未落越南湯河配料之前可以先試下佢原汁原味嘅湯先，係好香既牛肉湯味同一般嘅越南粉麵店一樣，配料預先放晒落一隻杯度，可以因應個人喜好落配料，我就會整碎啲葉之後落曬全陪。雖然牛肉湯已經夠晒好味但係都係要加晒啲配料先至似返一碗越南湯河㗎嘛生牛肉湯河：湯嘅牛肉味會比牛丸湯河更加濃，因為佢嘅生牛肉都係非常之濃牛肉味。個湯浸到啲牛肉啱啱好熟，牛肉味擴散到整個濃湯亦都冇令自己嘅牛肉味減淡 正！牛丸湯河：牛丸嘅牛肉味真係超諗唔會比生牛肉差，而且有5大粒（我食咗一粒先記得要影相）正正就係因為呢個份量滿足到我，所以我揀牛丸湯河（雖然都係會同男朋友share）...之前食過佢嘅牛油雞翼同埋越式炸春卷都係非常之推介嘅，唔係減緊肥嘅朋友仔可以試埋今次試吓呢個牛油果米紙卷..就唔推介俾大家啦，牛油果份量太少，唔係好食得出牛油果味，如果當佢係一個沙律菜米紙卷就OK嘅...

小弟第一次忍唔住寫食評，但係真係太過份，唔寫唔得。我睇完戲去食碗野啦，一開波我以為佢收鋪企門外望望下，就有個好有性格嘅金髮呀姐叫我入去坐。四人座位，執好左一邊就叫我地坐執好果邊，對面就望住一堆食淨飲淨嘅野，算。之後點野，叫左呀姐佢應我轉頭到。到佢上完菜之後完全冇理過我，我叫埋第二個哥仔點埋菜個呀姐睇黎已經唔記得左我。跟住我見到佢收鋪9:30，好，其實你趕收鋪咪唔好招呼客人入鋪，唔明點解又要R我入去又要搞到我背脊骨落。叫生牛肉湯河就變熟牛肉湯河，咁我貴左果幾蚊邊個俾返我呀？（熟牛肉河平過生牛肉河幾蚊）個河粉係好食，真心。但牛就老左少少囉。完

通常到一間食店之前，我會先看看幫襯的人，初步評估下自己入不入去。 都幾準確的😆這間店好多時經過見到都有8成入坐率，午市、下午時段都是，相信附近的街坊們是識食的。食過一次下午茶，叫了牛肉粉，但顧著和朋友傾偈，沒有拍照，感覺良好。今次是傍晚來......只剩兩張枱未有人。👉首先要讚賞的是湯底，湯真的很濃很鮮味😋！明白為何坊間有那些傳說.....👉牛丸出色，真的很有 "牛味" 😆，而不是一般食到的只有咸味。👉生牛肉👍用料不錯，而👉熟牛肉的口感和牛腩差不多，算是稔，是可以的，只是個人沒特別喜好。錦麗綜合粉🍜就一次過可試哂三種口味🍜，第一次來可以叫來試試，看看自己喜不喜歡，而之後多數我只會點生牛肉或牛丸粉🤔。

我個朋友一直都話想試下錦麗, 所以上星期六就同佢一齊去食啦~~我地大約3點鐘到左, 果陣無人排隊2個人叫左2個粉同1個小食, 朋友叫左綜合, 我叫左熟牛肉平時一向唔食牛丸既我, 見呢間舖頭專賣牛肉產品就試下啦!估佢唔到又幾鬼彈牙同唔臭騷味WOR!! 😵😵😵 仲令我對牛丸有D改觀😂我見朋友果D生牛肉一黎到紅噹噹, 不過浸左一陣已經熟晒, 我試左一舊仲幾滑~👍🏻至於我自己果碗熟牛肉呢, D牛肉份量都幾多, 但係一半係淋一半太熟都幾"UN"個湯底就真係好香牛味~不錯不錯!! 👍🏻小食我地就叫左魚香芒果米紙卷, 係幾香, 配搭埋芒果仲幾清新, 加埋其他蔬菜好爽口!好食!! 😋下次再去既話我應該會食生牛肉XD整體幾滿意~!

呢間店成日門口都大排長龍，今日都唔例外，不過係值得嘅。每次必點嘅都係呢碗錦麗綜合粉，因為一碗有齊生熟牛肉同牛丸。將九層塔等香草成杯放落去，就開動喇。個湯有好濃郁嘅牛肉味，好正呀。生牛肉好嫩好味，熟牛肉就相對遜色喇。牛丸最有驚喜，好濃味。會再幫襯呀！

今日去 MEGA BOX 睇戲，諗住係德福食埋野就坐 SHUTTLE 入去 !! 去到錦麗門口冇咩人就排下，好快就可以入座。座底之後就會俾你兩杯配菜，入面有D香菜、芽菜、辣椒同青檸，平時我只會用青檸同芽菜，其他我都係放番係枱面 ! SOR 呢 ~今日叫既係生牛河，唔知點解我覺得個湯比 APM 果間咸，同隻佬講佢都覺得 APM 好食D。牛肉好碎下，但份量呢道好似多D ! 睇黎都真係碎左 ~ 哈哈 !! 個湯充滿牛味，都算鮮甜，係咸左少少!河粉好滑，米味都好夠 !! 唔錯 ~~呢個香茅薄荷青檸梳打直情係至愛 ~~ 黎親都叫 !!不過今次香茅唔夠味 ~~

食過好多越南菜，都冇乜印象有小米糕呢道菜式，錦麗既小米糕我覺得真心好食，未食過果陣見到點菜紙有呢樣野完全想像唔到小米糕係咩黎，但係食過一次之後，我每次去親我都會嗌黎食，實在好鍾意。一份有四個小米糕並附上小匙羹，小米糕我估係用粘米粉做的，食落口感似冇餸冇蘿蔔既蘿蔔糕，面頭有花生碎，蔥油（？爆香過既蔥？），肉鬆（其實我覺得唔係豬肉鬆，唔知係魚鬆定蝦鬆，我食唔出），再加埋魚露醋（即係點春卷米紙卷果隻醋），食果陣輕手將佢地撈均，味道鹹鹹地甜甜地酸酸地，好好味。

人人都去食蔡瀾，我又反其道而行，走去食錦麗，都係因為懶之過，唔想排隊。貫徹佛系食好西原則，緣份到了，唔使排隊都有得食。今日嚟到九龍灣，同錦麗有緣份！入去食咗碗綜合粉，有生熟牛肉同牛丸。豌粉未到，就欣賞下餐廳裝修，保持一定嘅越南特色，但就感覺好乾淨企理。最特別係燈罩，係用兩個越南帽合併而成，都幾有心思。好快碗綜合粉就上枱，湯底顏色清澈，但淺呷一口卻有濃郁嘅牛肉味，再加埋九層塔、芽菜、香葉、辣椒等，令湯底味道更加清新。生牛肉就係薄切牛肉片，好嫩滑，有少少似手切肥牛嘅感覺。熟牛肉就反而係厚切好似牛腩咁，好淋好入味。最令我驚喜嘅係粒牛丸，呢種牛丸好爽口彈牙，而且牛肉汁豐富，同平時喺街市凍肉店買到果種牛丸完全係兩個層次。

菜式唔多，賣點係比較正宗嘅越南菜？我就覺得無咩特別，又不是特別好食添！九龍灣個間都OK，有次去東港城個間，真係食到想啪抬走人！明明有大把位，係要叫你7個人坐一張圓臺，根本逼到罷唔到野，叫多碟野都放唔落！D野仲要滴住汁甘送黎，番到屋企先發覺俾佢滴到條白色褲😭😭！我前面張臺仲緊要，成碗熱辣辣湯河被倒瀉大腿上，雖然唔係好厲害但個男人條褲濕晒，個職員沒人道歉不特止，仲走鬼左去，個男人發火先悉囉布俾人，唉！呢間去一次夠喇😫

經過呢間野N次, 都無一個想試既心, 直到今日, 個朋友話食下野吹下水,而我又真係諗唔到食咩, 因為唔太肚餓, 所以就無咩諗頭,事事但但就試呢間, 淨係知食越南河, 坐到入去先知, 粉方面真係只有河,其他咩金邊粉呀米粉呀都唔洗諗, 再睇睇有咩揀啦, 數埋都係牛河,生牛,熟牛,牛丸, 做得好專門咁。 而有其他咩米卷小食嗌既,不過無試,只無叫左碗綜合牛河同場生牛河。 野飲都無叫 ,埋單122蚊, 價錢可接受, 味道一樣可接受, 應該話比可接受再好小小。 可惜個位係員工做野遊手好閒, 出面有人排晒隊咁,入面有吉位都唔會叫人入去, 行步路執隻碗都慢吞吞。工作態度有待改善,其他野都ok既, 合格有餘啦。張張枱都有講點食法坐底就比兩碗呢啲你, 芽菜我無落,太生綜合就有生,熟牛肉同埋牛丸呢個就係生牛肉, 都ok既

個轟轟轟係同老婆🐷睇完mi7有感而發。八月二日，天氣仲係咁好，同老婆🐷睇完mi7, 搵下有咩食，就食返老婆🐷上次想食，但係因為上次多人排隊而無食到既鋪麗牛肉面啦！！今次可能係因為成兩點鐘先去到，唔洗排隊就入座，人唔算好多。一入到去坐低，侍應就比左d 牙菜青檸比我地，食河粉既時候落埋一齊食。餐牌上既選擇唔算多，來來去去都係牛肉麵，緊係啦，因為呢間係主打越南牛肉麵丫嘛。我要左個熟牛肉河，因為我都幾怕d 血淋淋鮮紅色既野，上圖遠d 果碗先係我既。講下個河先～d 牛肉，我果碗主要係牛展，熟得好腍而且唔會太un 咬唔開，食落軟淋淋，牛展吸收哂d 湯汁，而且幾有牛味，好味。而我果碗d 湯第一啖飲落唔知點解有d 甘甘地既味，有d 飲藥材味，我就嘛嘛地。可惜既係d 河粉量相當之少...呢碗就係老婆🐷要既綜合牛肉河，估唔到老婆🐷好呢味野🤪...睇落乜野都有d,有牛展，牛丸，生牛肉，聽佢講d 湯係幾咸，兩配d 湯應該係唔同。不過我地都無依足佢既食法將d 菜果d 野溝落去...不過其實溝落去應該唔岩我地口味。最後仲有老婆🐷叫既白矛青檸梳打水，一開始老婆🐷話d 味勁怪勁伏...睇個樣都知唔好飲。（我睇個名就知

之前都有間唔中食開呢間，一直都覺得好好味。今日放工自己一個去食，德福平日無咩人，所以立即有位坐。呢度嘅食法係先飲啖牛湯，再倒入杯仔嘅配料，再加啲檸檬汁。而食牛肉時可自行加惹味嘅醬汁。不過我今日想食清啲，所以就無點汁，直接食～我叫左個生牛肉河，其實我最近次次都叫呢個，因為第一次試過熟牛，好似係牛腩咁，較硬。而生牛肉就最好食，因為雖然佢湯黎時係半熟，但慢慢會熟晒，所以剛剛好，唔會太硬，而且入口即溶咁。今日一如以往都係牛肉好好味，唯一美中不足係個粉嘅份量偏少，$60食完都唔係幾飽。

今日下午去九龍灣行完街之後, 同朋友一齊搵嘢食, 經過錦麗 呢間越南餐廳 , 當然要一試系越南胡志明市好出名錦麗! 聽說錦麗在越南大排長龍的, 所以好想試下系咪真系咁好食呢!我叫咗個生熟牛肉粉$60, 個湯底先試一啖, 好好飲, 好有敖牛骨湯嘅味道, 清而不咸, 味道剛剛好! 放上配有的九層塔, 香葉, 芽菜, 青檸, 即令湯底味道更丰富! 配料份量剛剛好,一不會太多浪費, 也不會太小.生牛肉半熟的,而且有牛味, 熟牛肉也不會鞋, 也0k! 河粉滑滑的, 也不錯.這里比較旺, 服務員也是来去冲冲的. 服務一般. 不過總括來說, 個湯好味, 下次會再來!

24/7/2018 星期二晚上8：03pm 經過德福廣場錦麗越南牛肉河粉專門店，被長人龍排隊吸引。排了十數分鐘，有一人座位可以就坐。8：20pm, 向一男侍應點叫了Pho综合粉(牛丸、生牛肉、熟牛肉), 在我旁另一男顧客於8：27pm坐下落單另一综合粉。於8：36pm, 综合粉送到, 但卻给了我旁的男客人，因他有單據及九層塔香葉芽菜杯，而我卻什麼也沒有。我再次向男侍應反映，有否落單？但他反應是記得我落單叫了, 卻没有入電腦给厨房，又沒説漏單。我等到8:47pm, 真的想離開不吃了，此時卻有電腦單放在我面前，我本著 8:53pm, 我等了很久的PHO终於送到，可惜湯底油膩及不太熱，又沒有送來香葉芽菜杯？我要再叫另一女侍應才有。生牛肉偏靭、牛丸粗鞋、熟牛肉腩比較好些。我已餓到飢腸辘辘，便想盡快吃完離開。此時大约九点鐘，兩位女侍應卻分别逐位問客人有否食品加添？Last Order 時間。就算請我吃其他食品，我也不稀罕了！清水也不提供一杯，全部飲品要收費另叫。可幸没有收加一服務費，因真的没有服務可言！落單混亂、只憑侍應記憶去鍵入電腦系統。埋單只收八達通及現金。只此一次、不值回來光顧。

錦麗這家越南牛肉粉店，在港開業都有一段時間，至今仍然不時出現門外大排長龍，而且名氣也很大，小妹一直想嚐嚐這家店，卻一直苦等機會。機會等到了！今天到九龍灣接男朋友放工，順道到德福這家錦麗，來一個朝聖。😋男友今天準時6時放工，一見面就說要吃東西，結果7時不夠就到了錦麗，等了5分鐘就有枱。店內裝潢模仿胡志明市的市集，燈光很充足，竹騰做的燈，為店內增加越南味。男友點了錦麗綜合粉($62)，綜合粉內有生牛肉、熟牛肉和牛丸，當然還有越式河粉。我選了錦麗生牛肉河($60)，只有生牛肉和河粉。一碗正宗的越南粉，湯頭很重要，牛肉味濃郁與否，驟看湯的顏色已略知一二。錦麗的湯頭呈深啡，喝下去不難嚐到牛肉精髓，濃而不油膩。河粉不算太淋，軟硬度適中，亦有口感。配合枱面附上九層塔、青檸汁、辣椒及芽菜，令整個濃牛味道加上一點酸辣，令人開胃。特別想講講三種牛肉的食材。最令我驚喜是生牛肉，薄身而且半熟的狀態，入口造到即溶的效果，口感一流。熟牛肉是牛腩，厚身也算淋，牛味濃郁，但略略有點鞋口，火候的控制要留意一下。牛丸也算彈牙，而且不會太硬。接下來是魚香芒果米紙卷，皮薄，裡面有芒果、魚、生菜、蘿蔔絲、青瓜等，蔬菜很新鮮爽口