錦麗 (德福廣場1期)

营业中

休息中

聽聞呢間既越南河粉口碑很好，今日終於有機會食到。錦麗綜合粉$62，有生牛肉、熟牛肉和牛丸，價錢合理！湯底清甜，牛味香濃，唔覺有味精，確係唔錯！牛肉牛味濃郁，非常嫰口，唔靭！牛丸很彈牙爽口，非常好食！果然沒有失望，會再光顧！

食過返尋味，放假特別約朋友又嚟食佢嘅抵食下午茶 。下午茶有新menu，轉新嘢當然加咗價，但價錢仲係ok嘅。同朋友一樣都叫咗香茅豬扒撈檬($45)，嘢飲就凍香茅青檸薄荷梳打(單叫要$26)。撈檬用大碗上，好驚喜豬扒大大塊，檬粉都唔少，係午餐嘅份量。豬扒熱辣辣，食落超juicy好入味，賣相一流，個sauce另上，可按自己喜好落多少，檬粉暖嗳地，個人認為如果凍啲會清新啲。由於塊豬扒好大塊，用比筷子食真係有啲攰，用刀义食較適合。杯薄荷梳打有成條香茅做調味，正!👍咁啱當日係新下午茶嘅第一日，侍應仲過嚟問，我地覺得o唔ok，好用心，抵讚! 雖然加咗價，但係味道仍然好得，會再encore。😋

初黎香港報到時, 已經去食過一次, 果時差不多等了半小時才能入座, 事隔一年, 依舊係咁多人, 人潮沒有減退。今日上午出九龍灣工作, 做完見未到12點,就嗱嗱聲去錦麗回味下個pho。其實menus上沒有太多的選擇，主要都粉面,小食同野飲。上一次係食錦麗綜合粉,發現佢既牛丸非常出色, 所以今次叫咗個牛丸PHO。上菜時先呷一啖湯，湯底香味濃郁，帶有陣陣牛肉味，再加上九層塔,芽菜, 青檸等配料，令整碗河粉味道昇華！而且河粉細滑，令人一吃再吃！同天口太熱了, 一定要叫返杯薏米水消下暑。整體來說，這間餐廳的CP值很高！價錢相宜，食物質素高，可以瘋狂地翻食。

終於有機會食到錦麗！難得今日過開來九龍灣，而可能因為比較夜，人不太多。自從去過越南後就愛上了Pho，所以成日都會在香港食不同餐廳的Pho。今次點了錦麗綜合河，當中包括有牛丸，生牛肉及熟牛肉(熟牛肉似牛腩)，$62。好快河粉就上枱了，跟餐廳建議進食的步驟，喝一啖湯先，好正勁濃的牛肉湯味，少少鹹，好好飲！生牛肉頗大片，在熱湯下灼了一下，在差不多熟但還有少少生的情況下吃，無得頂牛丸好吃，很足料有質感。熟牛肉是厚切的，質感較為厚實，味道也很不錯。整體而言個pho好好吃，下次再試埋其他小食

在錦麗下午茶時光真正happy hour 有生熟牛肉粉各式米紙巻送飲料是餐牌上所有的除了椰青崩大碗滿滿的冰下層綠豆沙光是這個凍飲我覺得已經值回票價貢茶或其他牌子都會28$以上生熟牛肉河來到，比正價少但粉卻不太少足一個飯碗量覺得同例牌差不多份量牛肉粉下午茶餐不能選生牛肉只有生熟或熟牛肉也沒有奉上 那玻璃杯滿滿的芽菜和薄荷葉，而下午茶餐也不包括名貴的香芒魚香米紙巻但由於不加一也可以接受的而且飯市這裡往往要排隊下午茶何樂不為？

差唔多每次都食綜合牛肉粉，咩都有唔洗煩牛圓幾好味、牛肉片肉質普通，呢個價係咁上下。牛油炸雞翼普通；芒果卷可以一試有次聽到隔離檯話牛肉好差，唔係人食⋯⋯其實各花入各眼，我自己都算挑剔，但會對返個價錢，食慣和牛人士未必鍾意$58牛肉粉ps:食唔慣都唔好影響其他食客係基本禮貌

第一次寫comment.......1428入座，問金髮亞姐請問有無下午茶，亞姐答我: 下午茶未夠鐘，要等架喎! 再問，先答我原來1430有下午茶! 我話: 咁我等一等! 亞姐反哂眼走開. ......駛唔駛呀？

妹妹話生牛肉粉錦麗做得不錯⋯我又好期侍和朋友來試試⋯一碗生牛肉粉$60⋯價錢較其他越式店平⋯份量也略適中⋯其實我也不要求太大碗⋯因為如果湯底出色⋯把湯乾埋會很飽⋯當我把一口湯放進嘴裏⋯無⋯無⋯我失望無那種被擊中的感覺⋯魚香芒果米紙卷一客2小件⋯如個米紙卷內有些米粉較吸收那酸辣汁⋯配上那些蔬菜爽脆的口感會更好吃⋯最後是牛油雞翼⋯很香脆嫰滑⋯但牛油味很輕⋯基本上我覺得口感是分開⋯像食緊香炸雞翼⋯上高有少許冧滑牛油蒜蓉點綴甘⋯回家後發現有手有少許敏感⋯就是每次去食清湯腩的情況一樣⋯這一刻我會選擇記掛蔡生店清甜的湯底⋯

呢日黎德福睇戲~~睇完戲都唔想搵太遠地方食野, 就係附近閒逛搵野食。周圍都係人, 但想食越南野, 排晒隊都等下啦。無5分鐘就入得啦～非常好!都頗多選擇 不錯嗌左個雜錦~有生牛肉 有牛丸~~先落左d芽菜落湯 浸一浸。生牛變熟牛就啖啖肉咁食啦~牛味濃 唔騷~正62蚊 都算不錯的。牛油雞翼, 炸得幾好食, 賣相就一般般!雞翼骨好似有心打斷左佢炸芒果紙米卷就不錯!芒果香味不錯, 30蚊, 份量比較少。配魚露都幾好食。有機會都會再食。

成日經過德福今次終於有機會入去試下佢哋嘅pho， 由於是星期日場內都比較多人，所以我們都要搭枱。 一坐低店員就會送上配料，包括有青檸，紅辣椒，九層塔，芽菜等等。餐牌上嘅選擇不算太多，主要以牛肉為主， 今次我們點了錦麗綜合粉$62， 錦麗生牛肉粉$60， 大蝦扎肉米紙卷$24， 凍越南滴漏咖啡$28。錦麗綜合粉， 店員送上的時候， 我第一時間就先飲一啖湯， 果然湯底濃郁又香， 帶有陣陣牛肉味配上九層塔，青檸等香料， 令到整碗河粉的味道更加突出。 這碗綜合粉包括有生牛肉，熟牛肉和牛丸， 牛丸彈牙爽口， 熟牛肉半肥瘦 口感不錯， 生牛肉夠嫩口， 整體上成碗河粉都幾高質素。錦麗生牛肉粉，一碗入面有好多生牛肉份量十足， 熱辣辣嘅湯底好快就將生牛肉整熟了。大蝦扎肉米紙卷， 米紙捲入面的材料好豐富， 有大量蔬菜，味道清新可口， 配埋扎肉和大蝦口感一流！滴漏咖啡，香濃的咖啡味配搭煉奶作調味， 味道不錯！總括而言這家越南餐廳味道很好， 如果大家鍾意食越南粉， 絕對可以到錦麗試試啊！

第一次寫comment，因為我原本趕到在餐廳下午茶時段 4:30pm 結束前到（我在4:19pm 到達）結果有個女侍應卻以已經截單趕客走。黎過幾次，侍應都很差，唔會再去了！

食越南河粉，要貨真價實，唔怕排隊可以去試試《錦麗》六十二蚊一碗河粉，食完你一定話抵！座位內有label 指導大家，如何食到最地道的河粉位位一杯香葉、芽菜和青檸仔，以供佐食。小弟各點了一碗招牌牛丸河粉和熟牛肉河粉。先講牛丸河，粉略微帶點碎，但牛丸跟外間舖頭的不同，牛味較濃，深得小弟喜愛加以青檸汁食用，酸酸地幾好食！至於熟牛河，其實是牛腩，剛剛好是半肥瘦的，一流不會太韌，口感不俗，且牛味極濃牛油雞翼必食的因爲牛油味極香口，最愛配以少少蒜味進食，正呀喂！咸柑橘青檸梳打，呢杯野配越南食物一流

每次經過錦麗都見長龍，所以從未試過。有次同朋友傾起抵食嘅下午茶餐，佢推薦德福廣場一期錦麗，早兩日特登去試。下午茶時段2:30開始，我早少少去到，已見3個人在排隊，排咗一陣就有位。因為自己一個人，所以要搭枱。座位有d迫。下午茶餐牌好簡單，但價格係超抵，$28 ~ $38，包食物同飲品，剩叫一杯野都要廿幾蚊，佢慷慨地包埋。我叫咗$38嘅迷李錦麗生熟牛肉河同凍香茅青檸薄荷梳打。配料放喺玻璃杯入面，可因應自己口味放乜野落去。湯底味道濃淡適中，好有牛肉味，幾片生熟牛肉有口感得黎唔靱，河粉入口爽滑，整體唔錯，份量唔迷李，女仔食啱啱好。青檸薄荷梳打入面放咗兩枝有飲筒咁長嘅香茅，入口好清新，甜度適中，下次一定會再嚟，好想試米紙卷、手油雞翼同春卷。

認識錦麗始於九龍灣，每次到訪總會想起一早已為你預備好的九層塔香料，這個配料風味再加上任你加添的地道甜醬辣醬真的是本店的王道。錦麗生牛肉粉$60, 吃過較硬身的熟牛肉(牛腩)這次對生牛肉較滿意, 血紅色牛肉滑溜並慢慢被熱湯弄熟, 配上每人一客的九層塔香料, 讓越式料理風味比較濃👍法式牛油雞翼$34, 絕對值得讚的一客香口雞翼👍, CP 值高, 香蒜加上香口的牛油味讓雞翼肉完全入味, 在錦麗兩人進餐加餸必叫的一個小食, 極推介👏

my friend introduced me to try a Vietnam restaurant Famous in the beef tenderloin and small plates the mango fish favourite rice paper rolls Are very nice Cold With mango and lots of dried fish meat Filled with carrots and vegetables pieces my friend has a combination of beef tenderloin noodles There are raw beef slices Well done thick beef and meat balls a whole cup of lemon grass Citronella And plenty of sprouts I love wings We have a butter fried chicken wings Vietnam Or maybe French style A