錦麗 (德福廣場1期)

营业中

休息中

今日同阿肥嚟到九龍灣德福睇戲,最重要嘅事當然係先搵嘢食醫肚啦!眼見隔離嗰間三點幾四點都仲要排長龍...唉!香港人有乜係唔排㗎(?!)反而呢間咁好食嘅越南湯河竟然唔洗排除,我哋梗係二話不說直接入座啦~之前我哋喺APM首間分店已經食過兩次(亦都係排隊排過兩次),覺得錦麗嘅越南湯河真係算最好食同埋比較正宗風味,不過最近APM分店好似已經冇做,想食嘅話真係要搭多幾個站喇,不過錦麗都好似喺唔同區域都開設咗好多分店,可能就係因為咁,變相排隊嘅現象就消失咗喇。錦麗綜合粉($66蚊)：我覺得呢碗真係呢度必叫嘅項目嚟嘅,因為碗粉入面除咗生牛肉同熟牛肉都有之外,仲有埋牛丸添!平時一向唔食牛丸嘅我,食過錦麗嘅牛丸之後就番唔到轉頭,佢同普通雪藏嘅產品個樣雖然冇乜太大分別,但係食落口嘅質感以及味道就大大不同,入口除咗非常彈牙之外,仲有好香濃嘅牛肉味道,完全冇渣冇筋乾淨俐落,又爽口又好味,係我有史以嚟遇過最好食嘅牛丸,沒有之一。而另外生牛肉亦都非常出色,薄薄嘅牛肉片半生半熟狀態,口感嫰滑,河粉連湯一同呷入口,每一啖都品嚐到濃濃的牛湯精華,非常滿足只係略嫌熟牛肉比較似牛腩嘅口感,對我嚟講厚咗小小,我個人就唔太喜歡,

又一日，放工都夜喇。簡簡單單食個粉啦。今次去左錦麗食，因為都成九點喇又，唔洗等，坐低叫野食啦。今次我地就叫左生牛肉河、牛丸河 同埋 蝦札肉米紙卷。先上既係生牛河，湯頭好濃郁但牛肉就稍嫌熟左少少。上菜個陣都轉哂色，但都一樣好好食。之後就黎左牛丸河，呢個真係好好食呀。好Juicy又彈牙。丸入面除左牛肉總有小小軟骨位。好好咪呀真係。絕對值得再黎食多次！唔好睇兩碗粉好似好少，但絕對夠份量。佢其實總有配料，當然佢都有教你點食啦。我地就冇試越南食法喇，不過同配料一齊食都相當好味。除左兩碗粉，都有叫蝦札肉米紙卷。好食，個汁酸酸辣辣，入面個菜都好豐富。總之呢，兩碗粉同米紙卷都好好食，下次再黎會試下熟牛肉同其他米紙卷。

公司搬咗去九龍灣後，周圍搵好嘢食，呢間錦麗食過好幾次，真係不得不介紹一下! 錦麗河粉款式唔多，主要係生牛肉、熟牛肉同牛丸河粉。如果想每樣試d，綜合粉就啱哂，有生牛、熟牛同牛丸，個湯非常香濃，同河粉真係絕配! 生熟牛都好嫰滑，味道唔錯! 而我最最欣賞就係呢度嘅牛丸，真係超級好味! 牛丸爽口彈牙，勁香牛味，係我暫時食過最好味嘅牛丸，係會令人回味無窮同掛住嘅牛丸!除咗河粉，錦麗都有唔少出色嘅小食，其中一款就係牛油雞翼，雞翼皮炸得勁脆口，入面熱烘烘，好好味啊！牛丸，下次再嚟食你!

中午食晏同幾個同事去試下（總共六人）主打生熟牛肉同牛丸，真心湯底係好濃味，但真心覺得真係咸，雖然飲左唔算口乾，但感覺上唔係用時間熬出黎。食物款式真係小得驚人，只得河粉提供，主要係生牛，熟牛，牛丸，牛筋，牛腩，同幾款小食。 份量少得恐怖，我幾個唔係大食既同事都齊聲話《食完好似無食過》，你想有飽既感覺，就要叫多幾款小食……服務員態度唔算差，但唔係好果隻，繁忙時間要搭檯我地好體諒，安排分配客人坐位都要用腦囉，唔好亂塞人入檯啦。食完埋單每人100找幾個大銀，即刻自我感覺做左水魚，再黎成個下午都覺得有股好濃烈既牛騷味係口腔遊盪，我應該有生之年都唔會再去喇……

越南係近來既新興旅行熱點，而 “錦麗”就係其中一間好受歡迎既越南老品牌牛肉粉專門店，餐廳當然係主打牛肉粉，今次試下生牛肉粉&生熟牛肉粉。首先要飲一啖湯，試左佢最原始嘅味道，湯頭清甜，之後再按個人喜好將九層塔、鴨舌草等撕碎放入湯內；另外加入青檸汁、芽菜同辣椒，令碗湯更加清香，層次同口感都會有所提升！另外點左芒果米紙卷，包住芒果﹑濛粉﹑青瓜同蔬菜等，薄得黎又有少少煙韌嘅米紙，點上自家調製既魚露，健康清新開胃！

喺德福睇戲前就同朋友快快喺錦麗食個晚餐。因為睇戲時習慣會食爆谷同飲汽水，所以呢個戲前晚餐唔使食得好飽，最緊要快。今晚好好彩唔算多人，我哋好快就有位。我同朋友各自叫咗一碗單餸河粉，包括生牛肉河粉同牛丸河粉，咁就可以分享啲餸！好快，熱辣辣嘅河粉就送上，錦麗河粉最吸引嘅就係個牛肉湯底，顏色清透，味道好濃郁，有香甜肉味。我哋都習慣第一時間飲啖湯，之後先將配料，包括九層塔，鴨舌草等加入，增加碗麵嘅層次感。生牛肉被切成薄薄一片，肥瘦適中，好快就被熱湯底煮熟，所以要快啲食，口感先會嫩滑。牛丸都好令人驚喜，因為粒粒牛丸都真材實料，一咬落去就有香濃牛肉味，唔會係味精味，所以生牛肉同牛丸河都係必食！其實碗麵嘅份量唔算大，不過勝在湯底鮮甜，配料有驚喜，所以都好值得一試！

小編附近工作既時候見到都幾多客人光顧既錦麗食店，佢係專門賣越南河菜式為主既餐廳。雖然價錢有d貴（開得係商場都唔會太便宜），但食落去真係覺得工作既疲勞都消除曬！我一定會再黎食依間餐廳！小編叫了錦麗綜合河，入面會有牛丸，熟牛肉等配料，佢個湯底十分惹味，配搭埋個粉，真係無得頂，唔講以為自己真係去左越南呀！其次係佢既牛丸，瀰漫著濃郁既牛肉味，口感彈牙，人生真係要食一次！（$62）小編仲叫多左一個燒豬肉米紙卷。佢入面d菜同豬肉都好新鮮，咬落去真係下下d聲都好清脆，入面d餡又多，有埋粉絲同其他蔬菜，口感真係好豐富。（$23）

出走完超攰😴求其搵啲嘢醫飽肚就大覺訓😪呢個牛河對於H先生個人黎講都算OK👍🏻湯底的確惹味 味精又唔算太勁🤘🏻餸既分量非常足夠 😋牛丸好爽 好有𡁻頭 😝生牛肉上枱以至入口嗰刻都可以半生熟🌝🌝所以都幾滑 😙😙熟牛肉就比較失色😞好鞋同埋無乜牛味🙁.有一樣嘢不得不讚既係辣椒🌶️真係幾香幾夠辣🤩H先生多數要額外加三四羹😱咁先食得過癮架嘛🤗芽菜好硬淨好爽身 湯既熱度不足以淥淋啲芽菜🤔所以食起上黎會有陣草青味鐘唔鐘意就睇個人口味啦🤷🏻‍♂️

越南河來講一定唔少得錦麗，幾乎每次黎食午餐都大排長龍，好彩我今日一個人嚟，等咗大概10分鐘已經可以入座。因為我唔想食太生嘅肉類，於是就叫左生熟牛肉粉。係商場食午餐其實都唔會預咗平，不過錦麗既定價都合理，如果唔嗌飲品/小食都可以接受既。成個牛肉粉最出色就係湯底，牛味十足，香濃到不得了，終於明白點解咁多人排隊！而牛肉亦都好香軟！但份量就唔多，如果女仔食嘅話就啱啱好。值得一讚嘅係佢哋嘅香料係分開提供，可以依據自己嘅喜好黎調味👍🏻

次次食lunch經過， 都見到門口排曬長龍， 趁今日得閒就試試佢👍 未夠一點就去到， 都排咗三個字先至有位。食物種類唔算多， 不過質素呢啲嘢梗係貴精不貴多啦。 叫咗個綜合粉，即係有牛丸牛肉🐮 啱哂有選擇困難症嘅人！牛肉同個粉都冇乜特別， 正常質素， 湯底都普通， 不過一食粒牛丸真係覺得驚為天人😱 好！好！味！呀！ 唔係講笑， 我真係未食過咁好食牛丸， 嗰種口感， 濃沃嘅牛味，我到依家都忘記唔到，所以我決定，下次直接叫牛丸粉就可以了😇一生人一定要試一次！！！

自從錦麗開左之後就鍾意左食越南牛肉河, 去到邊都要搵越南牛肉河黎試好多間都係試完一兩次就冇再食, 唯獨係錦麗我會食完再食我就好唔鐘意食野要排隊既, 如果唔係咁多人排隊既話我諗我食既次數會更多我唔敢講唎到既越南牛肉河係最好味,不過好岩我口味係德福行街行到6點幾, 經過錦麗見得幾個人排唔算太多,就決定食錦麗等左15分鐘左右就有位唎到既湯河只得一個湯底, 餸就得熟牛肉, 生牛肉, 同埋和牛丸3樣餸都食過, 覺得牛丸係最好味, 所以叫左牛丸河, 再加仲碟4件法式牛油雞翼, 同埋一杯凍檸七雞翼好脆好香牛油味, 仲有好熱好熱, 食既時候小心辣到嘴湯底清甜得黎亦有好香濃既牛肉味牛肉彈牙, 勁濃牛味, 係我食過最好食既牛丸香料有九層塔, 芽菜, 青檸同椒粒跟返自己口味落唎到既價錢比起其他越南粉餐廳都差唔多, 或者仲平少少, 而質素好掂, 絕對抵食

今天放工，在德福商場尋找晚餐，看見錦麗，通想都有一條人龍在門口，今晚已經20:30,終於不用等位可以直接進入了兩個人，叫了一個綜合河，一個生熟牛肉河，一碟法式牛油雞翼。因為河粉冇飲品，所以叫多了一杯熱薏米水。生牛肉非常嫩口，熟牛肉有一部位連根一起吃，超香湯是牛骨湯，湯味濃。加上香葉香青檸，超有越南風。脆雞翼是必吃的！超脆一定要叫熱薏米水。帶一些薑味，也有薏米在內。。。。男仔的話可能覺得河粉份量較少。

看過飲食男女找正宗越南人試食不同食店的pho（包括蔡瀾pho）, 最終是錦麗勝出，令我十分期待。一至五有下午茶，$45迷你版生熟牛河。看上去份量比正價六十多塊的沒有少很多。人人都讚的湯頭沒有什麼驚為天人，正正常常而已，勝在喝完不會口乾。生牛肉片得一片而且牛味欠奉。牛腩反而給得很闊綽，雖然有機會是煮湯底時的湯料，但不會太柴，筋腩位，三四件，整碗更像牛腩河。河粉偏薄偏爛。另外點了兩個小食餐，雞翼配小米糕，三十多塊。蒜蓉牛油雞翼很香蒜味，薄薄炸粉炸得香脆唔油膩，值得推薦。小米糕味道主要是來自碌冧加花生碎，加上煙韌的小米糕口感，是一款有越又食味不俗的小食。春卷唔夠脆，涵料也比較鬆散跟餐飲品很有誠意，坊間的特飲如涼粉冰、青檸梳打也不用加錢。

每次番工經過德福廣場，都見很多人排隊，黎到店舖門口已經聞到牛肉湯的香味。今次放假，終於有機會比我同朋友試到咁出名的越南河粉，平時要$6x碗，等到下午茶時段，只需$30多就有一碗，還另送飲品特色飲品一杯，正先黎介紹綜合牛河：包括生熟牛肉，牛丸等餸了齊全枱上有教學，首先黎一啖清甜湯底，之後加上特別配料，（有芽菜九層塔青檸辣椒仔等），配料令湯底別有一番風味再黎法式蒜蓉牛油雞翼$38剛好熱辣辣，外脆內亂，好香蒜蓉味，必試推介食物味道和店內環境不錯，值得encore。

終於第一次食到錦麗，叫左碗錦麗綜合粉($62) ，先試一口湯頭的確不錯，除了青檸九層塔芽菜等配料可以加落湯，還有鵝蒂增添湯頭既風味。熟牛肉係用本地牛腩，有咬口但不是典型煮到好淋嗰隻，鐘唔鐘意就好主觀，但味道是好的，用上澳洲牛柳既生牛肉也高質素，最估唔到牛丸咁好味，牛味極濃又彈牙，我一向覺得牛丸好食極咪又係嗰隻味所以好少叫，但錦麗既牛丸令我完全改觀，只係牛丸已經令我好想再去食過，整體嚟講有咁既質素價錢算係非常合理