錦麗 (德福廣場1期)

营业中

休息中

男友之前說聽聞錦麗很出名又好吃，香港開了分店，要過去吃下，一吃果然令人想一吃再吃！款式雖然不多，但貴精不貴多，味道取勝，性價比又高！讚！必試！之前在觀塘吃過兩次，今次三個人來到九龍灣新店，質素還是一樣！每人叫一款，自制錦麗綜合粉，每人慳了幾元，但可以吃到綜合粉！牛丸粉 - 共5粒牛丸，size和香港吃的粉麵餐廳牛丸一樣，但味道不一般。這牛丸有口感，味甜，吃得到牛味，很讚，必吃！湯味道也很甜，喝完也不會渴。一坐下，侍應便會放下每人一杯，裹面有配菜和青檸，自己因應口味加或不加。生牛粉 - 這個是肥牛，瘦的，起碼五六塊肥牛，雖不是半肥瘦，但口感味道都不錯！熟牛粉 - 熟牛原來是牛腩，有五件，淋、入甜，配上湯吃很甜，很讚，快是必試佳品！如果一個人來，可以叫個綜合粉全試三款，推介！牛油蒜茸雞翼 - 雞翼大隻又飽滿，吃到啖啖肉。蒜茸點滿雞翼，香口又脆！春卷 - 4件春卷很香脆，以4塊新鮮生菜包住吃，好味又fresh，也可解漏！熱龍眼冰 - 味濃，不會太甜，喝下肚很暖胃！吃過幾次，每次都覺得很好吃，還是每樣都覺得好吃！三個人埋單不用$300，抵吃又好味之選！

早一排去過越南，論牛肉粉，其實街邊求其搵一間都好好味，而且如果唔仔細去分，其實間間都差唔多味。就好似你喺香港食牛腩粉咁，雖然間間湯底都唔同，但係食落既分別又唔會好大。今次就嚟呢間好似好出名嘅人龍店錦麗試一試，叫左一碗綜合粉，一碗熟牛肉粉，呢度既份量較細，男士一碗唔會夠飽。一嚟到即刻試吓個湯，飲落好似越南街邊既味道，好清好有牛味，無味精，食完唔口渴。不過牛肉就麻麻了，熟牛肉超級老，咬唔開𡁻唔爛，仲癡牙，唔駛返轉頭。轉頭問侍應拎杯水，點知侍應話冇水提供，要俾錢買。其實茶餐廳都有既野呢度竟然俾唔到，已經係商場價錢，真係去食碗牛腩粉無咁嬲。

同事們嚟呢間都會食綜合粉大家都推薦，所以我都叫左錦麗綜合粉職員一放低，首先就叫我地試飲啖湯飲完之後覺得個湯都幾甜喎每人會有一杯芽菜，香茅自己鍾意落幾多或者唔落都得呢點都幾細心嘅，因為唔係每個人都食綜合粉入面有牛肉，牛丸，牛腩對比其他出面食嘅牛丸，都有牛味配埋個湯底，非常之夾另外叫咗一份香蒜牛油雞翼嚟到嘅時候，個蒜味好香不過食落口就比較油整體來講呢食物係唔錯嘅只係佢嘅午餐係冇set嘅，食物都係散叫所以價錢來講呢系有啲貴嘅

今日去九龍灣行街，經過見到錦麗，聽聞佢啲牛河幾好味，所以就去試一試佢。六點幾去到等左一陣就入去。一入去店員就會俾兩份配料你，應該係食牛河用的😂。我地叫左熟牛河，第一啖梗係飲湯先啦，一飲，真係好清甜，好味。之後就係試牛肉，牛肉都好味既，但太瘦了，如果半肥瘦就太好了（可能會變左牛腩）。燒雞肉紙米卷既雞肉燒得好香，我鍾意入面有青瓜，好味。入面啲菜都幾新鮮，配合煙韌既紙米紙，點埋甜酸醬更好味。炸春卷上面有酸酸地紅夢卜絲，幾開胃，我食晒😂，食左再食春卷感覺冇咁滯。春卷炸得頗脆，幾好味。唔係好知大崩碗係咩，所以叫左凍雪梨大崩碗來試下。來到竟然係綠色的😮，而且成杯都係冰，太多啦，早知叫少冰，飲落幾清新、清甜，但又好似唔係好知自己飲緊咩咁😅。而滴漏咖啡係用煉奶的，飲落幾滑，唔會太甜,岩岩好，好味。

綜合牛肉湯河湯底非常濃郁的牛肉香味！飲左好多啖！牛腩肥瘦相間，油香清郁芳華，牛丸勁道爽彈，牛味留香四溢！再加入配菜，辣椒粒，魚露，味道頓時昇華了一階⋯我一口氣食曬整大碗河粉，非常滿足！燒牛肉米紙卷！餡料非常豐滿，燒牛肉係醃料牛肉，有丁點失望！咬開米紙卷時候，可以感覺到：米紙卷包的時候用陰力將餡料不留餘地地緊緊覆蓋住，所以咬開時，有輕微爆裂感！配搭的醬汁太水，質地不太夾，可以改為試用比較濃稠的醬汁⋯

錦麗既牛丸粉係會令人上癮，一食再食既首先講講環境方面，因為每次去錦麗都係lunch time.所以次次都要等位，而且好快食完就會比人收哂碗筷，但食物方面，錦麗既湯底係好甜好香牛骨味，好清。而且牛丸勁彈牙，會爆汁的錦麗唯一缺點係無水提供，不過，錦麗既牛丸係勝過一切

之前去越南後，對越南嘅咖啡一直都念念不忘。間唔中都會食下越南野懷念一下。錦麗出名就好多人都知，今次lunch就去食下佢嘅生牛河。湯底香濃牛味十足，再加埋佢個小杯嘅配料，香葉、芽菜，最重要係加幾粒辣椒仔，再飲啖個湯，成陣牛味出晒黎！生牛肉十分嫩，加埋個粉同湯底，成件事都好享受。佢嘅米紙卷同樣都係必食推介，雞肉夾住菜同彈牙米紙，加埋佢個酸甜汁，好夾。重點越南滴漏咖啡，雖然真係地區問題，越南個陣味香港飲唔番，不過都不失為一杯唔錯嘅越南咖啡。

成日見到朋友食呢一間鋪頭 ，自己都一直好想試㗎啦 ！今日見放假，就一於試下食，尋找越南風味 去到鋪頭 已經好多人排隊 ，但都明白既，假期食嘢都係要排隊。餐廳裝飾好有特色 ，椅子用黃色藤織製，店內又有d越南擺設，勾起我上年暑假去越南的回憶我哋叫咗兩碗粉。錦麗綜合粉有生牛肉，熟牛肉同牛丸。配料方面，牛肉好嫩口，薄身夠淋，牛味好重，牛丸好彈牙。湯底方面，好香，好重牛味，放埋d九層塔，青檸汁，芽菜，甘惹味。呢個係熟牛肉粉。係牛腩黎，相比下，生牛肉好味d

平日行經錦麗，門前總是大排長龍，當日下班經過，排隊人數較少，便選了此家店。等了十分鐘便能入座。餐牌簡單，我很快便選好食物了。錦麗生熟牛肉粉($60)評分：7.5/10大大碗，足料。上菜時還是熱騰騰，此時喝了啖湯，湯㡳濃。還可以加入九層塔、芽菜、青檸於湯中，加添風味，非常不錯。大蝦扎肉紙米卷($24)牛油果沙律菜紙米卷($22)評分：7.5/10紙米卷包著不同蔬菜，加上醬汁，感覺相當清新，很不錯。夏日必食推介。

If you ask about my favourite Asian food, Japanese seconds to none. But Thai food and Vietnamese food also win my heart. This Viet place takes pride in their best-selling local delicacy - Pho. Certainly not cheap compared to the ones you eat in Vietnam streets, but its price also guarantees its authenticity and taste. Upon reaching the place you can already smell authenticity - very rich beefy soup. The Pho isn’t much of a surprise but the beef on top will get your stomach. It’s so tender and ju

我係食下午茶的，錦麗嘅下午茶可以講係無敵，38包特色野飲，牛肉足料，味道保持晚市水準，一個人食兩個餐，68埋單，絕對係物有所值，星期一至星期五下午2:30-4:30

睇戲前先吃晚餐，在九龍灣四處逛，路過這家越南河餐廳，見未食過價錢又唔貴。就入左去試。坐下先上兩杯香葉，應該是放在牛肉河中吃的，但我們不太喜愛香葉沒有用。食物主打牛粉先來一碗熟牛肉河和綜合牛肉河很喜歡個湯底，味道很香濃，熟牛肉比較肥，應該是牛腩。綜合牛肉粉一磍有齊牛丸、生熟牛肉，其實生牛肉經熱湯灼熟後都不會太生，而且沒有熟牛肉般肥，也比較有牛肉味，不錯。牛油果沙律菜米卷本來還點了法式雞翼但忘了拍照，大推雞翼，應該是油炸但不太油又很香，四隻不夠，還想再要熱鹹檸檬青檸水鹹檸檬本來覺得沒什麼特別，但出奇地夾，而且沒有加糖也好很好味，必試下次再黎食

錦麗牛丸粉🐮 $58成日都見到出面排哂長龍😲今次見無人排就入去試下嚕😚叫左個牛丸粉😍牛丸大大粒好彈牙好juicy 我覺得係幾驚喜嘅🤤湯底都味道都頗濃郁 幾開胃 難怪佢要客人飲啖湯先好落其他配料😆但河粉嘅份量唔太多 男仔可能就要加多份小食啦😂佢嘅米紙卷都唔錯嘅 材料豐富 咬落去又唔會好易散🤗

想食錦麗超耐啦😍🍜德福有分店 好近🏡真開心💕聽講係越南最好食牛肉粉 要試下啦🤤錦麗綜合粉 $62有生熟牛肉同牛丸 好多餸 👍🏻枱面有貼紙教你點食 要自己meet碎啲九層塔香葉等等 fun🙈加任何調味前 先飲一啖牛骨湯 牛肉味重 飲完一啖又一啖加埋香料之後再飲 已經唔同左啦 味道層次升華了🤤牛丸係亮點之一 咬落去幾彈 仲幾juicy熟牛肉係牛肋條 好淋 不錯喔生牛肉當然嫩滑 點是拉差加甜醬食 幾特別👍🏻大蝦扎肉米紙卷 $24好fresh🌿 蝦都份量多 好鮮味👍🏻法式牛油雞翼 $34牛油味唔算好濃 勝在雞翼香脆😉

見德福新開咗間食Pho嘅，即管去試吓，大年初一食竟然唔洗等位。叫咗個綜合Pho，綜合者顧名思義乜都有，牛丸，生牛肉等。佢枱面有張instruction教你食嘅步驟，首先飲啖湯，個湯又的確係正嘅，一啖係停唔到。之後再加九層塔等配料，青檸汁及辣椒，個人好辣，另外再加多d辣椒，然後開始食Pho。牛丸彈牙，牛肉有牛味，最後成碗湯飲晒先收手。佢晚飯時段無餐，另外叫咗杯凍蔗汁飲，非常清涼。埋單唔洗一舊水，價錢尚算合理！