錦麗 (德福廣場1期)

营业中

休息中

食過好多越南菜，都冇乜印象有小米糕呢道菜式，錦麗既小米糕我覺得真心好食，未食過果陣見到點菜紙有呢樣野完全想像唔到小米糕係咩黎，但係食過一次之後，我每次去親我都會嗌黎食，實在好鍾意。一份有四個小米糕並附上小匙羹，小米糕我估係用粘米粉做的，食落口感似冇餸冇蘿蔔既蘿蔔糕，面頭有花生碎，蔥油（？爆香過既蔥？），肉鬆（其實我覺得唔係豬肉鬆，唔知係魚鬆定蝦鬆，我食唔出），再加埋魚露醋（即係點春卷米紙卷果隻醋），食果陣輕手將佢地撈均，味道鹹鹹地甜甜地酸酸地，好好味。