錦日本料理 (已結業)

我已經無乜寫食評啦, 但係呢間野本來我都覺得好好..., 所以都幫襯左好幾次.., 但今日下午去食, 唔知係而家經濟差左, 以前佢啲刺身定食七塊都厚切, 點知今日下晏幫襯, 塊塊簿切切, 真係變相加價添... , 問個貌似日本仔侍應佢又扮哂唔識聽....., 算啦... 唔再幫襯啦..>.<

先講服務~之前睇過其他食評都知服務麻麻....點知真係咁差囉!!問佢d野食係咩來~~要問第三個人先答到我~都算啦~~都係來食野je!先係個錦便當,果個魚生飯細都不特止,仲要係連隻bowl都係凍ge一拎上手就知佢係整好晒好多個放定入雪櫃!!雪到d飯勁硬囉!!軟蟹同個醬燒生蠔...勁salty...牛玉子算係最好食....但係水準都係一般以咁ge價錢出d咁ge食物~真係我呢世食過最差ge日本野!!!

我同我男友係呢間野既常客一星都會食佢一至兩次不過今日去食lunch知道佢大約幾星期前加左價呢點都算啦不過叫左個天婦羅定食同魚生飯個天婦羅定食已經比最早之前少左個蘆筍而今日食既時候仲少左我最鍾意食既茄子!!!而且我男友既魚生飯d刺身仲細塊左好多除左份量少左好多之外個天婦羅仲比之前油左好多以前都唔係咁架唔通真係間野出名左就乜野都差d?!我唔想九龍灣會少左個choice呀希望佢地個老闆如果會黎呢度睇食評的話會改善返呢個問題啦

今日去左九龍灣淘大“錦”吃日本野！之前聽D朋友講果度D野幾好食！今日又難得放假！就順便去試下囖！離“錦”10幾米望過去又幾有特色幾有日本FELL.入到去雖然細左小小但感覺幾好！服務我都可以比70分！於是我就order左3樣野（由於我比較肚餓） 第一樣就系牛肉蛋捲，~真系好好吃啊！我仲想order多一個不過驚食5嗮就5系幾好啦！第二樣就系番薯年糕，呢個真系5贊都對5住自己！有薯仔噶味道又有年糕個噶口感~真系無得彈啊！又一經典之作！第三樣就系豬軟骨拉麵~豬軟骨入味~正！拉麵彈牙~正~湯底啱啱好!真系好正~下次一定再來~希望下吃翻來的時候質數一樣甘好啦！

今次已經係我第2次post呢篇食評, 上次唔知點解打左既無post到出黎, 但係我對呢間餐廳真係不吐不快!上個星期行經淘大, 知道openrice話呢間野既日本料理唔錯, 所以我地去左試... 哼! 點知...佳因星期六, 怕無位所以7點半鐘就打左去訂台, 諗住book 8點, 聽電話位小姐同我地講佢地8點-9點既booking已經full哂, 問我地9點好唔好, 但係佢地10鐘就close, 聽到已經好無奈, 未話咁我地行過黎等位算喇8點10分去到既時候 ,入面只係等兩張台...仲有大把位! !咁樣叫full booking ? !啞哂囉!我地兩個人分別係order左:*以下價錢未計加一*錦之便當~$88鰻魚3小片(ok,唔錯)+麻油波菜一碟(好普通囉)+炸雞3件(好似石頭咁一d都唔好食)+湯烏冬(得3份一個嫁姐,不過就真係幾彈口)+三文魚刺身飯(三文魚竟然係魚尾,勁多根,,個飯唔算係好食既壽司飯,一d醋味都無)講黎講去淨係得個烏冬同埋個3片鰻魚係入得口, 加埋一成百蚊,我覺得根本唔值!叉燒豬骨湯拉麵(因為想食烏冬所以加左$5轉)~$39+5呢個仲唔得!!叉燒得個小兩片, 反而芝麻就

間餐廳細到真係一眼望晒~太熱~又唔想坐outdoor~幸好平日都唔多人~唔係等左好耐~dish既 variety 唔多~不過勝在unique~其他日本料理店食唔到~同埋做得幾出色~叫左: 滑蛋豬扒飯~天婦羅烏冬~醬燒生蠔~薯茸年糕~牛玉子燒薯茸年糕好鬼搞鬼~有年糕既口感~又有薯仔既味道~雖然$24 兩件~真係唔平~不過要試囉~好特別~:~好想知佢點整~服務唔錯嫁~成日過黎fill水~收碟~臨走仲一齊笑晒講多謝~byebye~不過如果可以食烏冬跟番d碗~食小食跟番d碟就好喇~唔係好夠smart~(我地3個人嘛)

今日中午來了這店吃午餐. 點了:滑蛋豬扒定食 - 上枱時碟子有很多水, 炸豬扒已經開始浸淋, 而且炸得有點乾, 唔得!燒鯖魚定食- 還可以, 但鯖魚還是盬燒的最好.什錦魚生定食 - 只得幾片, 都幾薄, 但賣相不錯.另外加$5將味噌湯轉為烏冬, 味道反而ok.要提一下是這裡員工的態度, 收拾時, 要求客人幫忙遞碟子, 連一聲"唔該"也沒有, 好像客人要奉旨要幫忙似的. 另外, 付賬後, 也是一聲"多謝"也沒有, 態度比連鎖快餐店還要差!!!今時今日咁o既態度.......都係冇下次!!!

見到食評, 尋晚同老公去試, 叫左以下:海膽三文魚飯--海膽較少, 三文魚都幾好薯仔年糕--$24兩件, 貴左啲, 不過超好味雞脆骨餃子--好味芥末八爪魚--un左啲服務好, 職員有禮貌, 整體食物都唔錯, 如果套餐選擇多啲仲好.一定會再去試其他....

今日一行四人一齊去咗九龍灣睇戲~ 皆因佢吔做緊推廣囉(100蚊 3張飛呀)早上吃過蘭香園~ 今晚阿b為我揀咗日本嘢食~ 晚上七時左右去到, 人不算多~ 仲有好位剩~(心想: 難道不好食嗎???) 但阿b 睇過openrice話呢間嘢都好多人讚~ 所以就嚟咗呢度 我信佢 ^^四個人叫咗 好嘢食呀~ 因為預不到份量所以叫咗二次order 第一輪叫咗 醬燒生蠔(三件) (呢個簡直超水準~ 雖然我無食到,但佢吔三個都話好好味, 鍾意食生蠔既人一定要食呀~) 咖喱牛肉湯烏冬 (以為係普通既食物, 但係佢又煮得幾好味喎~ 個味配搭得好好, 又不油膩 good ar):chopstick :炸海鮮卷 (我一向都不吃炸嘢, 但係我朋友仔話佢好好味,紫菜又炸得脆,所以我忍唔住食咗呀.... 点埋沙津醬簡直一流呀 ) 牛肉燒玉子 ( 一向鍾意食玉子既我,我非"点"不可丫~ 雖然不是好特別~ 但亦好好味呀) 魚生反 (唔知大家鍾唔鍾意食醋飯呢??? 呢個就係用醋反做飯底...good ar, 魚生又新鮮) 鰻魚反 (反而呢個無乜特別丫~ 但亦不難食..我食咗二啖咋...)一路食大家都讚呢間嘢唔錯~ 估唔到一

在寫這食評之前，看過這裡有很多關於“錦”的留言，有讚也有彈，更有些是挑釁性的指有人在此胡亂吹噓；所以要說明一點，小弟完全不是這些人，只因我家住淘大，會在商場內的食肆光顧，而且我都不是第一次在這裡吃晚飯了，對它有一定的認定性！若干年前到過東京，那些民宿附近的小飯店，就像“錦”一般，每種東西都是小小的，檯子小小，椅子小小，連佐膳的食具都是小小的，一種無形的親切感，像返到自己家裡開飯似的；當然，誰不想在寬敞舒適的空間用膳，但在香港，寸金尺土，尤其昂貴的租金，實在令人咋舌！我知道很多朋友，尤其年輕一輩都喜歡到處吃到處找新地方，“錦”固然不能滿足這類顧客，不過，那些只管賣豪裝賣門面的店子，許多都華而不實是不爭的事實！說回這裡的食物，大概知道多數人都不懂選擇食物，所以這裡的套餐便相當實際，一個套餐便齊全幾樣食物，不用大費周章！朋友來一客Ａ餐，我則叫了當晚的廚師推介，有席前煮，炸蝦餅，迷你烏冬，燒鮭魚及香飯，加一支日本啤酒，盛惠78元；這個餐看來輕盈，其實都可以飽肚了，迷你烏冬以大山魚熬湯底，比起超市賣的包裝或杯裝烏冬勝出一籌，只是．．．真的很迷你，不夠滿足；炸蝦餅很脆嫩，用上魚肉加上蝦肉做的，很新

15.08.2008咖哩豬扖飯($38)幾好食,,價錢好合理Set Dinner鯖魚,,炸雞球,,兩件三文魚剌身,,迷你烏冬,,湯,,白飯幾多野食,,而且味道幾好,,但鯖魚就實左啲啦烏冬幾好食~!想再食~嗌左個年糕($24)又真係幾食wor!以前食個啲成日整得唔夠好.而且有d薯仔係面又幾特別,,再配埋佢d甜甜地既醬汁,,真係唔錯不過係到見到之前$20?而家$12/件,,雖然好食但有dd唔抵

上一次吃過還不錯的，想不到相隔幾星期，分別是這麼大的。不知是否有名氣了，食物及服務方面也退步。等位方面沒問題，但細小的店舖讓人坐這麼久就有問題了，店員應叫她們調位或離開，這樣便不會影響等位。入座了，點了幾個飯，豈料上菜速度還比我們遲來的人客慢，而且不是「慢工出大貨」，飯的份量只有半碗，三個人要叫四個飯才夠飽，幸好食物質素沒有退步。但是，現在應是加價的時候了，否則只會惹來部分食客的不滿。所謂「沒有意見便不會進步」，臨走前給了一張意見卡，希望他們能改善呢！這餐廳，我還會給機會。但對我來說，好就好，不好就不好，所以給喊面了。歡迎各位人兄留言討論一下。

今日Bear Bear老婆係九龍灣番工, 不過唔知有乜好食,想黎一個二人晚餐時候, 於是就上黎open rice睇睇, 跟住睇到nishiki跟住十二點到就打去BOOK位......Order左一個ASet(有前菜, 炸物, 魚生飯,烏冬同埋牛肉粒), 一個滑蛋豬扒飯加上一客醬燒生蠔(推介)好JUICY,好飽呀... 而且因為我地揀坐OUTDOOR, 仲送兩罐汽水俾我地兩口子飲tim(我原本想ORDER個個牛肉薯仔餅, 不過個WAITRESS話係上一季既MENU, 所以冇, 希望下次去會有番啦)我埋單時, 成間鋪都FULL晒啦~我下次一定會再黎!!!如果你有消費有$200, 免費泊車2小時~~

有一次男朋友問我九龍灣有咩好食..我即刻上黎幫佢搵下..見到呢間日本料理好似唔錯...於是即刻話佢知...但佢最後無去到食..今日同男朋友睇完蝙蝠俠已經6點幾..個frd又約我地食飯..經過諗起呢間唔錯..於是三個人入左去試..menu上面有好多野都好想試..本來想叫天婦羅飯...但又驚食唔晒...於是同男朋友share左個a set同叫多碗芥辣茶漬飯個frd要左個d set..另外我地加多客鹽燒生蠔..係類似老板ge人幫我地落單..感覺好搞笑..我地又唔識講日文..剩係指住個menu話佢知d野食等左一陣就送黎..個frd ge d set黎先...d set有個牛肉烏冬,咖哩飯同一件餃子雞翼..份量都幾多...女仔食未必食得晒我同男朋友share ge a set有腐皮烏冬,細魚生飯,炸物(蝦,蠔,帶子各一),牛肉粒,菜腐皮烏冬ge湯底幾甜..魚生飯ok la..炸物除左蝦之外,蠔同帶子都好乾炸蠔炸到無晒水份..唔係其他咁入口即溶..佢o個d整到好似變左蠔鼓咁..呢個有待改善牛肉粒整得d味唔錯..而個芥辣茶漬飯麻麻..而個鹽燒生蠔係我今晚最鐘意ge一款...個汁係沙律醬加蟹籽..佢保

其實我呢間野都黎過幾次我覺得服務就一般不過d野食就食得出好有誠意份量都ok而且個價錢都唔算貴我最鍾意食佢既天婦羅飯(lunch set)d天婦羅炸得好靚(金黃色)最正係佢既天婦羅汁不過lunch時要主動叫佢至會俾你個汁係暖既有木魚味同個天婦羅真係好夾係我食過咁多間最好食既天婦羅!!不過個沙烏冬就一般啦我男友就食滑蛋豬扒飯成碗飯都有汁又係好正我雖然黎過幾次次次都想食唔同既野但最後都係控制唔到咁叫左天婦羅