一直沒扚起心肝幫襯！今日想找一點新鮮感，因為天氣轉冷難免想吃一口熱騰騰的飯暖胃。
來到九龍灣既淘大商場三期地下舖。不用等位，太好了。
.
【釜之魂】以日本既釜飯為重心，釜飯源自大阪既奈良県，除左丼飯之外，「釜飯」都係日本有歷史風味既飯食，「釜飯」是日本一種傳統鍋飯，即是日本人的煲仔飯
外型跟港式煲仔飯有點相似，做法卻有不同。是將米、高湯、所有食材放進鍋中，猛火加細火慢煮，直到沒有水蒸氣飄出時，再蓋上木蓋以真空原理再煮10多分鐘，而煲仔飯則是先煮熟飯，再放食材。
.
餐牌上「釜飯」款式多多，花多眼亂，心大心細喔！
金魂•鰻魚浦燒釜飯 $118
釜之魂既鎮店之寶金魂同銀魂，兩款既鰻魚飯，我就揀左金魂，金魂•鰻魚浦燒釜飯係較為原始式既鰻魚汁燒鰻魚，首先顏色上都知道夠濃味，鰻魚肉厚，而且口感較滑，食起黎帶小小既香烤風味，加上獨家調製既鰻魚汁，鮮味帶甜，鰻魚味更完美，簡真係完美既配搭。
加入魚肉高湯煮熟既釜飯，飯粒帶有魚既鮮甜味，味道雖然唔似港式煲仔飯咁濃味，味道偏淡小小，但反而更能食到高湯帶岀既鮮，更原汁原味，係港式煲仔飯做唔到既獨有味道。
如果想要更多的鰻魚汁可自行加添呢。
黑豚釜 $98
食過鰻魚既釜飯，不仿試下豚肉既釜飯，豚肉對日本人黎講非常講究，一份靚既豚肉需要做到肥瘦均勻，太肥又會感覺太heavy，太瘦又會食之無味，用長高品質既黑豚腩肉製作既黑豚釜，多汁juicy juicy即豚肉，小小唔太多既油脂溶化既口感特別香濃有味道。
油脂混合飯粒又是另一番風味，配合上蛋絲葱粒，釜飯既口感就更豐富。
.
除左主食既釜飯之外，當然仲有小食先夠滿足吧。
吉列牛舌 $18
燒牛舌就食得多啦，吉列牛舌你又食過未呢，外層金黃香口，炸得脆卜卜既炸面包住入面既厚切牛舌，牛舌流岀既油脂，感覺就是爽。厚切令口感確實好滿足，只是筋位難咬一點。
博多餃子 $22
咁多日式小食我最喜歡就係餃子，博多餃子雖然唔大隻，但皮薄肉餡多，都唔錯吧。
黃金蕨餅 $48
最係甜品就緊係唔小得，日本人氣甜食蕨餅，煙煙韌韌既蕨餅味道不太甜，甜味主要來自浦滿表層既黃豆粉，甜而不膩，多食唔拘。
這邊的環境不算特別但勝在舒服新淨。一整晚吃得非常飽肚又自在，價錢比想像中相宜！
想不到吃什麼時可考慮一下「釜飯」呢，它是有一種吸引力的。
