金鶴拉麵 (蜆殼街)

营业中

休息中

其實本身想去隔離間台灣店食魯肉飯既，但見到排哂長龍，我諗都要排一個鐘。所以就去附近搵野食。見到依間日本餐廳，寫住日式豚肉飯，賣相都唔錯就試下。結果，賣相真係幾好，個湯又好清，唔錯。有個餐前小食係芥辣八爪魚，都ok既。溏心蛋都幾好，唔會話好咸果d. 不過個主菜就同我預期中有d出入喇。我以為係一塊塊大片既豚肉，但原來係切粒好似魯肉飯咁，但可惜唔夠肥，有d似食瘦肉咁，有d失望。不過環境同服務都唔錯，服務員都好細心主動加茶。

一直都想試吓呢間咁出名嘅金鶴拉麵，今日終於得閒嚟啦。餐廳環境好有日本居酒屋feel，燈光昏暗，環境清靜，牆上有幾隻金鶴，好靚。小店員工都好有禮貌，服務不錯。我地兩個人叫咗四樣嘢，兩碗拉面兩個小食。芥末八爪魚$38 一個冷盤作前菜，個人好鍾意食芥末八爪魚，呢次都唔例外～明太子雞翼$48賣相非常吸引，雞翼表面脆卜卜望到都流晒口水。咬開裏面啲明太子完美地融入咗雞翼嘅一半，辣辣地好好味。史上極濃雞白湯拉麵 $138 :男朋友比我試左啖湯，嘩，有驚喜，非常濃厚嘅雞湯味，濃郁但不膩，配拉麵簡直一流丫。到拉麵上巨大嘅牛蒡天婦羅啦，望落好靚，用雞湯浸淋佢都幾好食。鹽味拉麵 $88而我就試清啲嘅鹽味拉麵，都係有兩塊雞肉兩塊叉燒，雞肉好彈牙配鹽味湯底幾有鮮味，叉燒肥膏恰到。麵底份量都較多，食到好飽。

之前晚飯時間去左食，唔洗等位就有得入。之前已經聽過呢間拉麵店嘅雞白湯底好出名，所以我地就叫左一個極濃雞白湯拉麵同埋一個雞白湯沾麵。首先，兩個湯都係十分之濃厚嘅湯底，而沾麵嘅湯底會更加濃同鹹，比較適合口味重少少嘅人食，而兩個湯嘅雞味都相當濃郁，即使就咁飲都好好味。而麵上面嘅炸牛蒡好脆，所以唔好點湯食，牛蒡嘅味道亦幾特別。至於慢煮雞肉同豚肉真係好好味，因爲慢煮嘅關係，所以肉嘅質地比較軟身，好容易咬，而且不失佢本身嘅味道，加上佢係冷凍左就更加特別，可以凍食或者點湯整熱佢。

今日去左呢間拉麵店，知道佢主打雞白湯拉麵就特登黎試一試。我就叫左個極濃雞白湯拉麵，店員亦好耐心介紹每一樣配料，牛蒡係新鮮炸起，好脆同好熱，但係記住唔好點湯，否則d牛蒡就唔脆。而塊豬肉同雞肉都係慢煮，而且特登整凍左先上，好特別。咁樣煮令到肉嘅口感會更佳，。至於個湯先係最正嘅地方，相當濃厚嘅雞湯味，雖然好濃但係唔好太鹹，就算就咁飲都一樣咁正，亦有好creamy嘅感覺，加上麵嘅軟硬度啱啱好，真係想再食多次。

去拉麵店食拉麵是常識吧，不過今日陪人食但自己唔太肚餓，咁啱有日式豚肉飯推出，諗住飯會少啲份量，所以少有地叫飯試下。喺等飯期間，細細感受一下佢嘅舖頭，當日唔算太多人，有一大幅仙鶴圖，散發日本小店式的幽靜。然後突然發現有一張宣傳海報講鰻魚飯，睇嚟鰻魚飯都係佢哋嘅主打，有緣下次會試試的。拉麵店嘅飯我印象中係啱細胃人士，點知呢碗飯都有返咁上下份量，超出我想像！係豬肉蓋飯嚟，滿滿一碗肉，飯係小山堆咁多，有啲肉汁淋咗上去，每啖配少少蔥絲食，味道幾好。如果係食肉獸絕對好滿意呢碗飯。另外跟咗碗菇筍湯，清清地，食下飯飲下湯可以去除油膩感，整體配搭得幾好。同友子share個小食 - 日式唐揚炸雞。有驚喜啵~ 本來諗住普通野，點知好唔錯。金鶴處理雞肉真係有啲心得，從慢煮到炸雞；頗嫩滑，外層脆脆的，但又唔係炸到覺得生飛滋個種，碟上有一撮柚子（定檸檬？）海鹽，點了鹽就好食好多。

媽媽住港島區，經過見到原來北角都開左間金鶴拉麵，知媽媽都愛鰻魚飯，所以決定帶媽媽黎試下。我就鐘情呢度既雞白湯拉麵😆😆真係食左起碼5次都唔厭，同其他分店一樣有水準。 湯夠濃郁，炸牛蒡炸得夠哂脆口，赤雞嫩滑、叉燒薄肉質夠鬆軟，真係好鬼正！鰻魚飯，鰻魚係即燒即整，所以等大約15分鐘，呢間鰻魚都好有水準，大大件超級厚，醬汁唔算太多，但鰻魚燒到焦脆香口，入面肥美鬆化，飯係用日本珍珠米， 勁襯👍🏻我地仲用積分換左碟餃子，外脆卜卜，咬落去勁juicy, 又係好好食。

平時一般拉麵店食到嘅濃湯😆都多數屬於豬骨湯🤩但係其實白雞湯拉麵都好好食香港其實都算少見白雞湯拉麵😊所以呢間專門做白雞濃湯拉麵嘅拉麵店喺香港非常獨特👍🏻- 金鶴雞白湯沾麵日本黑豚叉燒 一塊+慢煮日本薩摩赤雞胸肉兩塊沾麵的話，湯底一定要夠濃郁🤩呢個沾麵算係幾高分冰凍嘅麵沾上熱辣辣嘅湯底😝非常刺激舌頭嘅觸角😍味道好有層次感黑豚叉燒同赤雞胸肉味道都非常豐富😎- 北海道極濃海老湯拉麵配極濃郁海鮮湯底😎😎湯底味道非常鮮甜加上超大隻虎蝦😉味道亦都唔錯🤩

之前食過幾次，佢嘅雞白湯拉麵真係冇得彈。隔一排冇嚟，有新出蝦湯麵喎！就睇你係蝦界又如何surprise客人！北海道極濃蝦湯麵金鶴拉麵嘅賣相永遠都咁講究，呢點真係好體現佢哋日本精神，將食物砌到藝術品咁，上枱時俾食客欣賞，味道又係另一層次。一隻大蝦屹立碗中，鋪滿櫻花蝦，飲一啖湯試下，發現金鶴係務求從色、香、味都做到極濃！對金鶴出品有信心，呢個蝦湯亦係意料之內好食；湯底濃到就嚟似蝦醬，到底煲咗幾耐，先將蝦精華逼哂出嚟？！本身淨湯已經重蝦味，加上啖啖櫻花蝦提鮮，回味無窮，十分推薦其他人試一試！燒黑豚肉串 今次加咗燒物佐麵，肉串厚實，又似煙肉又似厚火腿，有質感之餘又有油香，最重要係個燒醬微甜又帶咸鮮，真係連小食都十分用心！金鶴嘅極濃系列永遠唔會令我失望，持續推陳出新嘅限定拉麵，相信就係令人回頭嘅招數。

今日去咗天后食金鶴拉麵，天后呢間分店可能位置冇咁方便所以唔使等位就入到。佢個招牌都幾特別、搶眼，好易搵到，門面係好日式和風感覺，一推開門店員就好熱情招待，我幾鍾意飲佢個杯茶因為係日式抹茶。餐牌入面有拉麵、飯、小食、酒、甜品，我揀咗期間限定嘅北海道極濃蝦湯拉麵，同埋綠茶餅。北海道極濃蝦湯拉麵 ($138)未食已經嗅到湯底係好香濃既蝦味！而且擺位都好靚，當然係相機食先😛😛有我最中意既糖心蛋同蝦仔。先試試個湯，要撈混先，因為佢個底係仲有一層濃味d既，面頭係淡小小，係鮮蝦味，好香好濃👍🏻🤤 有蝦仔咬口十足，再試個麵，口感唔錯，隻大蝦係新鮮蝦😍 而糖心蛋十分好食，食落流心，香香既蛋味。綠茶餅淡淡地，可以中和返濃味既拉麵，係perfect match!

I have eaten at Kane Tsuru Ramen once before and since i was around that area tonight, i decided to try it out again as their ramen was quite delicious. Kane Tsuru Ramen was located at Shell Street, few minutes walk from fortress Hill MTR.They served few flavours of ramen and wide range of Japanese crafted beers. Besides that, they offered skewer, rice and appetizers as well.  Hitachino Dai Dai Ale - It has light alcohol content, which was easy to drink. It has a fruity and orange taste. Black g

係公司附近既餐廳好多都食過哂，呢間價格偏高（lunch既starndard尼講）既拉面就未食過，今次放工尼食慰勞下自己~menu入面有 2 種雞白湯，一種普通版 $98同極濃版 $138，冬天要保暖，當然揀極濃版哈哈！仲有期間限定既北海道極濃海老拉面 $138，朋友對於期間限定係無抵抗能力既，所以叫埋~另外夜晚仲有串燒紙可以剔，本身有好幾樣想食，但驚d極濃湯底會太飽，就淨係叫左串牛舌，唔洗點鹽已經夠味極濃雞白湯上面有雞肉，豚肉，同埋炸牛蒡。炸牛蒡幾特別不過我怕胃痛就唔敢食太多。個雞白湯果然真係好濃，好似忌廉湯咁杰，雞味好香！海老拉面都唔弱，一上枱已經聞到勁香蝦味，佢隻蝦會開邊，方便進食食完佢仲會送甜品同埋一張9折卡，可以下次再尼 😊

暖粒粒拉麵🍜天氣開始凍, 我諗食一碗暖粒粒既拉麵會係最好選擇。食左雞白湯拉麵, 上面有新鮮熱辣炸起既令令牛篣，食落脆卜卜，就咁食或浸湯食都正，仲有兩塊慢煮雞胸肉，肉質嫩滑，加上手掌咁大既叉燒，正呀！🙈🙈拉麵湯底有濃濃既雞湯味~白雪雪既, 平時出面食果D濃得黎又會好咸, 但呢碗雞白湯拉麵濃得黎唔咸同無頸渴既感覺, 飲哂D湯都得😛😛 Menu選擇都好豐富, 除左一般唔同味道既拉麵之外, 仲有串燒、炸雞、枝豆等等, 好似置身係日式居酒屋咁~ 仲見到隔離枱有望落好好食既鰻魚飯, 建議下次多個人黎試, 咁就可以試多d野🥰除此之外, 原來呢間拉麵仲有實行會員制度, 只要scan qr code登記 就可以即時有100分，100分可以換一枝汽水🥤或者溏心蛋🍳，食多d賺多d分愈抵!Ps. 店面都已經貼左冬天雪花, 好有聖誕氣氛🎄🎄下次唔自私食，哈！

天后餐廳特別多，放工後我和朋友經過這間日式拉麵店，店面拉麵圖吸引，便決定進內。店內裝潢呈日本風，位置不多，環境舒適 ，而店員服務周到，水飲完會幫手斟。友人order了北海道極濃蝦湯拉麵，湯底濃郁，蝦味濃，而蝦肉亦爽口。拉麵方面較煙韌，不會太𣺉。而我則Order了雞白湯塊面，雞肉嫩滑，奶白的湯底雞味濃郁，而湯底天然，飲完都不會口乾。而炸牛蒡，因為剛炸起的關係，還是很脆口。小食方面order了唐揚炸赤雞，雞肉新鮮即炸，肉質外脆內嫩有肉汁。

最近天后買完嘢之後有啲肚餓😬所以就喺附近搵左呢間金鶴拉麵，坐低食碗拉麵醫下肚🤭首先試左呢度嘅招牌菜極濃雞白湯拉麵🐣🍜湯底好濃厚同醇滑，仲好重雞湯香味 👍🏻👍🏻而且上面嘅牛蒡好脆，溏心蛋嘅流心亦都好正🥚日式叉燒大塊得嚟唔會好厚，食落好腍好入味🐖 慢煮雞肉肉質好嫩滑🐓 每條的拉麵都掛滿奶白色嘅湯，木耳絲同京葱絲令口感更豐富😋整個組合非常驚艷💯黑蒜醬油湯拉麵🍜湯頭面上嘅黑蒜油味好香💨出面嘅拉麵店多數係黑蒜配豬骨湯🤨餐廳就係係配醬油湯🧐黑蒜味唔會太鹹太膩🤤配料同極濃雞白湯拉麵都差唔多😃係多咗塊紫菜同少左炸牛蒡😊抹茶軟凍🍵外層既抹茶粉微苦，入面嘅軟凍微甜😝抹茶味頗濃，口感軟糯🥰富士蘋果汁🍎100%零添加🚫無人造色素🚫幾新鮮☺️唔會太甜

在香港食拉麵，我會首選金鶴，因為實在太鍾意佢個雞白湯拉麵。每次食都有驚嘆嘅感覺，所有港島分店都去勻曬。唔好咁悶，成日食拉麵。今晚就試下佢嘅活燒蒲燒鰻魚飯。今晚選擇咗位置方便嘅天后店，我覺得呢度嘅環境唔錯，好有日本氣氛，好似去咗日本旅行咁，而且service都幾好。鰻魚飯份量都ok，夠我同囡囡share食，鰻魚外脆內軟，面頭有少少甜甜焦香嘅味道。日本米飯軟硬適中，粒粒分明。鰻魚飯係定食嚟嘅，仲有個湯同漬物跟埋。個湯我幾鍾意，味道清清地，入面有啲菇類，同一嚿仔雞肝。以後我會拉麵同鰻魚飯間住食，冇咁悶。呢度飲品仲有健康選擇，係冷壓果汁，非常正！