金鶴拉麵 (蜆殼街)

营业中

休息中

見好耐無食過拉麵，所以同個frd約埋去試下呢間金鶴拉麵。一入到去覺得個裝修都幾日本，間鋪唔算好大，但感覺幾舒服，侍應都幾友善。我哋叫左特濃雞白湯拉麵（揀左雞拼叉燒）、特濃蟹湯拉麵，同埋要左個唐揚雞。我哋本身都幾肚餓，重諗緊夠唔夠食，但發現其實唔需要擔心呢個問題，因為佢個特濃湯真係超濃，食完好有滿足感。講下個雞湯拉麵先，麵係粗麵，雞味濃郁，而且呢隻麵嘅掛湯能力強，所以好夠味。而佢舊叉燒唔算特別厚，但肥瘦均勻，算唔錯，舊雞反而更加有驚喜，佢個質感好特別，應該係火侯控制得好，令舊雞處於啱啱熟嘅狀態，好難形容，但有啲爽口嘅感覺，從未試過食雞肉係呢種質感，好特別！蟹湯拉麵都係同一款麵，個餸係叉燒同蟹肉，而且蟹肉份量都唔少。我覺得蟹湯個感覺比特濃雞湯更加濃，鍾意蟹味嘅朋友應該會好鍾意。呢間嘢拉麵啲配料其實都幾有心，雞湯拉麵面有舊炸牛蒡，有啲脆脆地嘅嘢配埋拉麵可以加強個層次感，另外佢哋個溏心蛋都做得好出色。唐揚雞係炸到好香口嗰種，外脆內軟，唔會好油膩，配埋少少椒鹽粉係旁邊，可以就住個人口味決定點唔點，而我就覺得點左再惹味啲，但其實就咁食都已經夠味。另外餐廳送左兩件抹茶軟凍比我地食，食完濃郁既拉麵之後

我同男朋友一向都鐘意食拉麵既，而一直都有聽過金鷂拉麵既白湯非常濃郁，就諗住去試下啦餐廳入面既環境係比較暗既，而且係走日本風！而話明叫金鷂拉麵又點可以少左鷂呢！枱數唔算太多既，可以好好咁傾下計雞白湯拉麵（4.5/5）見到有另一個特濃version既，但諗住試下個無咁重口味既先。跟住發現！個湯底好好飲呀！雞味好濃郁，而且完全唔覺得係有味精！雞肉方面亦都係好滑。而我另外最鐘意果個就係粒留心蛋蟹肉濃湯拉麵（4.5/5）依個蟹湯係期間限定既！但秋天唔係唔食蟹掛？個蟹湯非常入味而且個蟹肉碎亦好鮮味，希望佢有望可以做到恆常既餐點啦芥末八爪魚（4/5）芥末係入味既，而且份量岩岩好唔會太多，又可以過下口癮日式唐揚炸雞（5/5）本身我都好鐘意食炸雞既，而且佢炸得好crispy同埋juicy 見唔見到有汁係入面嫁總括泥講，依餐係非常滿意既，而特都好期待再泥試其他野食

早幾個月前黎過幫襯，覺得d野食幾高質，今次又黎番同一間分店再食！見今次多左d新款嘢食，不過我地冇試到，只係嗌番原有餐牌嘅拉麵！記得上一次食左極濃雞白湯拉麵，對佢個勁入味ge湯底印象好深刻！今次就揀左以下拉麵款同小食😋👉黑蒜醬油拉麵($98)👉辛味拉麵($88)👉燒黑豚肉串($48)👉唐揚炸赤雞($38)兩款拉麵都好香噴噴又好大碗，黑蒜款濃得黎又唔會要食食下頸渴到要飲水果隻，辛味款就偏微辣。黑豚肉串塗滿蜜糖，好好味。炸雞都好香口，仲有成三大嚿勁抵嗌！今次食完又令我對呢間店又加左分，相信會再黎食過。

自己不是經常吃拉麵，因為不太喜歡豬骨湯拉麵的油膩感，看見最近網上有推介這個湯底用雞主打的拉麵，應該沒有豬骨湯那麼油膩，所以決定給他一次機會，在這裏一試。來到時看到他除了雞湯底外，還有一個期間限定的蟹肉湯拉麵，相信蟹肉湯底也會用雞骨造而成，所以對於海鮮愛好者的我決定試一試他的蟹肉湯拉麵。他的蟹肉湯拉麵湯底真是非常濃郁，蟹味完全是出乎了我意料之外，另外除了拉麵常見的一塊豬肉，上面會放有一大堆蟹肉碎吃起來也有很濃郁的蟹肉味，真是一個既新穎又好味的拉麵。只得個拉麵好像吃不飽，他有不同的小食，這裏除了吃拉麵愛外鰻魚飯也十分出名。所以我叫了一吋鰻魚串燒來作小食，雖然價錢要68蚊，但是吃起來真的不錯。鰻魚味道濃郁，而且肉質又有點彈牙，不會軟淋淋的。炭燒的程度剛好不會太燶但是有點火燒的感覺。今次吃完了蟹肉拉麵，下次一定要試試他的招牌雞湯拉麵。

之前喺ig見到朋友post 金鶴拉麵，見到啲湯奶白色好似好濃郁，前兩日就去咗食金鶴拉麵。上openrice一搵，發現原來金鶴拉麵有幾間分店，今次我哋去咗近公司嘅天后分店。店內嘅裝修好有東洋氣息，牆上有鶴主題嘅壁畫。比起一般拉麵店，金鶴嘅食物種類都算多，除咗有拉麵，仲有鰻魚飯，各種串燒同小食。我哋各自叫咗一碗拉麵，同一份小食。我食咗金鶴.雞白湯拉麵。拉麵嘅配菜好豐富，有超吸晴嘅炸牛蒡，慢煮雞肉，叉燒同糖心蛋！第一件事當然要飲啖雞湯。完全符合預期，鮮味濃郁，絕對係真材實料，唔係味精湯！牛蒡炸得香脆，雞肉柔嫩，叉燒肥瘦均勻，拉麵又彈牙，配埋濃郁嘅雞，真係好滿足！男朋友就叫咗極濃.雞白湯拉麵，睇落兩碗拉麵好似一樣，因為啲配料都一樣。但飲落就知個湯有分別！我試咗一啖，個雞湯係再濃厚啲，雞嘅鮮甜味再出啲。我都畢左幾啖湯飲。小食方面，我哋叫咗份日本明太子雞翼。呢個有驚喜！雞翼入面釀咗份量十足嘅明太子，明太子咸咸辣辣，雞翼又烤得香口，好滋味，大推！總括嚟講，金鶴嘅拉麵好有質素，就連小食都有驚喜，食物嘅質素完全對得住個價錢！

今日經過天后附近既巷仔，行行下見到一間好日式居酒屋style既餐廳🍴肚仔餓餓地就入去試下喇❤️見到有日式style既座枱，好有「深夜食堂」既感覺🙊店員幾nice一見到我地無茶就會主動加添，所以聽佢地推薦叫左特濃雞肉拉麵（$138）仲叫左多春魚同燒鳗魚（$68），另外一個炸雞肉咖哩飯（$78）🔥好鍾意佢個咖哩汁！因為係日式甜咖哩，岩晒唔太食辣既我😁😁個雞都炸得好yummy，因為係煎完再炸，可顯心機！另外特濃雞肉拉麵🍜一上碟都幾surprise! 因為個奶白色湯底好重雞味，忍唔住飲左幾淡湯先再食面，而店員都好好甘提醒我地雞肉一半浸湯一半係出面，令佢無甘易淋晒，更有兩重口感🥰多春魚經我朋友好快食晒，燒鰻魚係好考技巧既一件事，不過依間鋪頭都做到「睇得又食得」，鰻魚唔會燒得太乾而又保留到佢既肉汁！☺️☺️☺️總結：係一間值得支持既隱世高質日本餐廳👍🏻👍🏻👍🏻

1. 所有店員都面帶微笑，好有禮貌，仲會好細心咁不停幫食客加水！係香港好少遇到咁好服務嘅餐廳！👍🏻👍🏻👍🏻2. 雞白湯拉麵($98)湯底唔會太鹹，食完唔會好口渴。👍🏻👍🏻👍🏻

今日又喺附近工作，揾食時對腳自不然會行過嚟😁金鶴拉麵地點算不上就腳，但喺附近居住或返工嘅，少不免會嚟朝聖一下！有卡位、拉麵吧位，適隨尊便。各款日式酒品🍜黑蒜醬油湯拉麵 - 湯頭面蓋上一層黑蒜油，忍唔住探頭一索⋯嘩！果然黑蒜油味撲鼻，再試啖湯頭🤤冇平時嗰D豬骨湯濃厚，但係另有風味 - 一邊食麵，黑蒜油香味同時飄入鼻孔，頓時色香味俱全也😍。同其他拉麵一樣，半邊溏心蛋、雞肉片、叉燒片不缺！因為有黑蒜油蓋面關係，拉麵食到尾依然有一定温度👍🐔唐揚炸赤雞 - 新鮮即炸，熱辣脆口，冇雪味兼肉汁豐富，點上七味粉同吃，簡直停唔到口🤗

今日工作要加班放工嗰時真係好攰同埋超級肚餓同事話公司附近開咗間新嘅日本食店，問我有冇興趣去試吓聽到日本野即刻應承，同埋真係勁肚餓原來係金鶴拉麵，記得係土瓜灣分店食過，非常唔錯入到餐廳坐低左唔知係咪我哋夜嘅關係唔使等位即刻有枱我地點左一個日式咖喱炸雞飯、雞白湯拉麵、蒲燒鰻魚串、燒黑豚肉串、明太子雞翼同埋汽水。職員話即刻download個Apps，新會員有汽水送食物都好快送上枱，唔駛等咁耐真係好好。我同事勁鍾意咖喱雞肉飯貪佢冇骨又方便食，同埋咖喱唔辣係有日式嘅味道，炸雞都幾大舊，炸到好脆口，裏面好多肉汁一d都唔乾。我就食呢個雞白湯拉麵，我將成碗湯飲晒因為真係太好飲，湯係白色嘅，麵底亦都好彈牙，最鍾意碗麵裏面嗰個炸牛蒡，又脆又甜好好食我覺得小食亦都做得好出色，燒鰻魚係有驚喜，係非常厚身嘅鰻魚，外脆裏面多肉汁。日本明太子雞翼裏面有少少辣，所以特別開胃，雞翼亦都炸得好脆口、燒黑豚肉串燒到啱啱好唔鞋口都唔乾身，有少少肥肉黐住，配埋佢個秘製汁真係好好味本來想試埋其他小食，但我哋兩個人真係太飽，唯有下次叫埋其他同事再嚟呢度食啦！

今次專情去食呢間拉麵，係北角細細間隱隱秘秘嘅位置，非常有日本特色的餐廳。間離都仲有間日本餐廳，都幾易認。佢本身個裝修已經令我好驚喜了！好和風，佢地仲要有興祝日本年號轉令和嘅活動。一入去餐廳D店員勁親切同有禮貌，服務態度好好。見佢枱面放左份期間限定嘅餐牌，系食黑松露極濃雞白湯拉麵，見咁難得限定，黑松露又好似好香好好味咁咁霖都唔霖哎左啦。就叫左了。等到上碟後，個拉麵真係同張相一模一樣，D配料都大大份，真材實料，湯又濃郁，D黑松露比得又多，真係想食多幾次，雖然望落個碗唔大但其實份量都好多下。我仲嗌多咗個份明太子雞翼，隻雞翼真係好好味，完全比佢俘虜咗。 小食仲有好多其他選擇， 睇落都好好味， 等我下次再試埋其他！

金鶴拉麵我一向對拉麵都是一般一般，但是自從在日本吃過拉麵，就覺得拉麵原來可以整得好好味。在香港，我吃的拉麵不多，但這間金鶴拉麵最近開了很多，一次次見到都覺得個名起得好有日本感覺，最近就真的試試。他那個濃湯和雞肉實在令我好深刻。湯底好濃，雞湯味好重，最要講嘅是那兩片雞肉，是慢煮所以特別嫩，沒有太多的調味，但就是我喜歡的天然味道。其他小食例如芥末章魚，炸牛蒡，都10分美味。吃過這一餐，我不但更喜歡拉麵，我對香港的拉麵也漸漸有信心。

好耐無食拉麵，聽朋友講呢間金鶴唔錯， 所以專程來試下。拉麵有幾款唔同湯底， 呢間餐廳最出名係雞白湯，但我偏愛重口味，所以都係揀左嘅黑蒜醬油拉麵。 拉麵一上，黑蒜嘅香味已經撲鼻而來， 每飲一啖都飲到非常香濃嘅蒜味， 醬油味又唔會過鹹， 拿捏得非常好， 啱曬黑蒜愛好者。 拉麵入面有兩款肉， 同平時食開比較肥嘅叉燒唔同，金鶴嘅叉燒肉係偏瘦冇咩脂肪的， 但食落唔會嚡， 而且可以食得出肉嘅鮮味，加上拉麵麵質軟硬適中， 溏心蛋亦都煮得啱啱好， 我會畀呢碗會拉麵好高嘅分數。小食叫咗一份明太子雞翼， 超級好食， 十分推薦。 另外比較驚喜嘅係竟然有我最鍾意飲嘅bless橙汁， 好正。總結嚟講金鶴拉麵食物質素高， 價錢合理， 而且環境舒適， 裝修設計都同日本嘅拉麵店幾乎一樣， 令人感覺就去咗日本一樣， 真係食過返尋味！

得知攝影好友喜愛吃鰻魚飯，於是便和她一同到了金鶴拉麵，品嚐口碑載道的鰻魚飯。活燒蒲燒鰻魚飯以木漆盒盛載，伴以一碗魚湯及一小碟山葵八爪魚粒。魚湯很清，有濃濃魚味，沒有一般的魚腥味，反而十分清甜順喉。而漬物有山葵八爪魚粒，辣度適中，咬著甚為爽口，確是醒胃。來到主菜，就是活燒蒲燒鰻魚飯。熱辣辣的鰻魚飯，香氣四溢。鰻魚燒得金黃焦燶，肥美嫩滑，肉質亦尚算油潤。而鰻魚肉燒得剛熟，很彈牙，最難得是近乎沒有碎骨，讓人吃得放心。用筷子夾開魚肉，魚肉是出乎意料的厚，其中的紋理也清晰可見。雖然這盒飯的鰻魚醬汁沒有多得水浸，但這樣更令人好好享受鰻魚肉中，所滲出的肉汁，是何等鮮甜可口哩。甜品有抹茶軟凍。軟凍口味冰凍軟糯，被厚厚的抹茶粉包裹著，更能帶出超級濃郁的抹茶味。

天后嘅電氣道係一條食街就係人都知因為一出地鐵口就會見到但係其實短短地一條內街蜆殼街亦有幾間有特色嘅餐廳雖然細細間 但裝修好有日本居酒屋嘅風味而且好雅緻 有好多有心思嘅細節我地見餐牌寫得咁吸引 就直接嗌咗一碗極濃黑松露 同一碗極濃雞白湯雞肉同叉燒都非常細嫩湯底更加濃到睇唔到麵而黑松露實物仲大過圖麵身較幼 軟靭有致食耐咗亦唔會因爲湯底嘅熱而糊咗湯非常香濃 食到一半拌入黑松露 又係另一份味道朋友點嘅雞白湯最後最驚喜就係串燒都幾多款亦幾平而且有我最鍾意嘅燒雞皮將雞皮燒到脆身本身嘅油香 再點鹽食 🤤🤤🤤香到隔離檯都聞到

金鶴唔係第一次食， 之前係土瓜灣食過之後想再食佢個沾麵同雞肉， 呢排openrice 見到原來連天后都開左分店， 有日行開銅鑼灣就去埋食晚餐。餐廳一樣貫徹居酒屋既風格。有bar 枱可以望師傅煮麵， 亦有普通座位。比起上次第一次食， 更會有期間限定既拉麵。今次亦都想試d 燒物， 價格亦相宜。今次一於試下新出既黑松露極濃雞白湯拉麵！上菜時被黑松露既份量嚇倒， 成個雪糕球咁大 周圍既材料有雞肉， 豚肉， 以及糖心蛋。雞肉一樣好嫩好滑， 只係用鹽調味已經可以調出雞既鮮味， 豚肉都好嫩， 唔老。最吸引係一勻湯麵加上一d 黑松露， 令到雞白湯味昇華， 帶有黑松露味但唔會搶走雞白湯鮮味。 麵底亦得好彈牙， 有咬口。沾麵係我上次已經食過， 但想再encore 濃濃既雞白湯配上溫沾麵， 其實一d 都唔濟 .而且材料比起湯拉麵好似仲多料 我地另外再有叫燒秋葵 同燒大蔥。燒秋葵望落個樣似醜小鴨， 但係鹽味好好食。大蔥一樣， 燒得岩岩好。大蔥烤完之後燒得更加有大蔥味。眼見金鶴拉麵愈黎愈多分店， 都認為餐廳質素係值得有更加多人享受到