金鶴拉麵 (蜆殼街)

营业中

休息中

今日同朋友兩人去了試金鶴拉麵。 一入門口已經被鶴圖案的牆壁吸引然後因爲太肚餓的關係，就和朋友各點了一碗拉麵。我吃的是招牌款，濃雞湯味($138)。大約十多分鐘後，食物便來了。初吃第一口時，感覺味道平平，但愈吃，不知道是否湯汁入到麵裹了，而且麵質也開始軟了，變得更好吃了！(可能因為本人喜歡軟一點的麵感xdd 另外，份量也十分足！我雖然很餓，但也不能吃完.. >< 配菜有炸的牛蒡絲（很大的一團，適合打卡，haha)、兩塊白雞胸肉 和2塊豚肉（太好吃了！超級對我胃口的說，一點也不老又不肥！嫩的！）還有半隻流心蛋呢keke，因為流心蛋太好吃了，忍不住追加了一隻獨食haha。喝啤酒的話，還有小冰桶雪住呢！保持冰凍~還真是第一次見麵店會這樣呢><最後！！還有甜品送呢，太令我喜出望外了！！而且那抹茶羨餅還好好吃呢~menu好像寫$32@4 的Ps: 店鋪除了有酒精搓手和濕紙巾外，還在我們吃東西前派發了一個信封，給我們裝口罩，太貼心了吧！！

金鶴拉麵一直都係我最喜歡的其中之一💕 依家有好多分店，港島九龍，總有一間係附近！⭐️雞白湯拉麵 $98湯底濃郁，creamy，睇得出用咗時間熬製。有兩片慢煮雞胸肉、叉燒、半隻糖心蛋、同埋牛蒡。一直好鍾意食呢個拉麵嘅原因係雞胸肉竟然嫩滑， 牛蒡脆卜卜更可增添口感。拉麵彈牙，掛湯一流。⭐️餃子會員用150分就可以換到，一份有四隻。外皮香脆，正常發揮。炮台山分店明顯比其他分店細，以前去過佐敦、土瓜灣分店最鍾意佢嘅洗手間，因為夠大之餘，好貼心地提供護理套裝，例如牙線、牙刷等等，可惜尼間分店地方淺窄，沒有提供。最恐怖的是食食吓係牆身見到細曱甴😑所以下次都係去返其他分店好啲________________________食物：⭐️⭐️⭐️⭐️環境：⭐️服務：⭐️⭐️抵食：⭐️⭐️⭐️________________________金鶴拉麵天后炮台山蜆殼街6-16號寶榮大廈地下E號舖

閨密陪我買袋 🎒我就帶佢食好西 😋今次要食嘅係拉麵 🍜其實好鍾意但少介紹 🤔如果真係特色會諗起佢 🏘記得第一次特登揸車過嚟 🚗朋友介紹好食又貪佢夠僻靜 🏞點知都要排隊先知原來好出名 😅第一次食瓜推薦史上極濃雞白湯 🐔湯底用日本赤雞熬製濃稠而不油膩 🤤配上特色嘅炸牛蒡嫩滑雞胸黑豚叉燒 🍖令最愛糖心蛋嘅瓜都只能將粒蛋排第二 🥚麵質雖然唔係最愛嘅彈牙但掛湯能力不俗 🍲炸牛蒡絲入口不油膩爽脆且薄而且味道鮮甜 👍🏼如果作為配料去睇暫時未有其他可以比得上佢 🏆閨蜜今次就叫咗期間限定嘅北海道極濃蟹湯拉麵 🦀忍唔住試過個湯鮮甜到爆而且有一大堆蟹肉好幸福 🥰如果唔係過敏本身諗住試埋另一個期間限定極濃蝦湯 🦐不過始終蝦湯配拉麵比較多反而出面蟹湯會比較少見到 ☺️最後我哋仲叫咗完全冇機會令我失望嘅超多肉汁日式炸雞 🍗試過佢嘅即炸牛蒡絲就會知道佢嘅炸物出品水準高端無風險 🤡然後作為總結仲食埋個甜品抹茶軟凍（味道口感都啱我口味） 🍵好開心今日同閨蜜又買到背囊買到風褸仲食咗一餐咁好嘅作總結 💕金鶴拉麵：天后炮台山蜆殼街6-16號寶榮大廈地下E號舖

今日經朋友介紹，去到天后呢一間金鶴拉麵試一試，叫咗限定供應既忌廉蟹肉濃湯拉麵，同埋最基本既鹽味雞肉拉麵🍜同燒雞泡魚乾。首先上既係鹽味雞肉拉麵，湯好清，唔帶油膩感，但味道足夠，雞肉鮮嫩入味～麵質爽口。忌廉蟹肉濃湯拉麵，忌廉味香滑，但蟹味唔太足夠，但湯底夠香濃☺️食完麵會想飲多2啖湯💓雞泡魚乾切得略為纖細，令口感略有失落，但味道都係好好！ 平時食親拉麵麵一定肚柯，因太油膩，但呢間食完無事！值得推介！🍜

今日漫無目的喺條街度行，行到肚餓就喺附近搵吓有咩好嘢食🙈 就比呢間店吸引左入去～ 因為佢嘅裝修好日式😋 而且餐牌好吸引！因為本人好鍾意睇有圖嘅餐牌👍🏻一入去店員就幫我量體溫同帶位。店內環境都好乾淨，燈光暗暗地好適合傾吓計😗 仲有日文歌聽，令心情都幾放鬆😽睇到佢兩個期間限定嘅拉麵，有蝦同埋蟹，🦀我就覺得蟹抵食啲啦，所以就叫咗個北海道極濃蟹湯拉麵🍜再加個日式唐揚炸雞🐓✨✨✨個蟹湯拉麵🍜，面頭真係有好多蟹肉，仲要幾完整，真係一分錢一分貨日式唐揚炸雞🍗炸到好脆口，係金黃色✨但唔會太油，而且雞肉鮮嫩多汁😍😍😍 真係好高質好想再食😎食完之後店員就會上埋甜品，係綠茶餅，唔會好甜，淡淡的綠茶味🍵，可以清一清口腔內嘅濃味😘

前面是絕路，希望在轉角，呢句電影對白曾經改變左我一D睇法。原來當人去到谷底時，你唔會再有任何包袱、負擔，你會不惜孤注一擲，盡地一煲，你可能會想藉住呢次機會得到某D野，又可能你只係想尋求解脫。但對做生意既朋友，尤其是做餐廳既，當好景既時侯，業主又可能會加你租，好似撞正疫情爆發，你想同茶主傾下減租咩？佢又企硬，睬你都有味。到真係做唔掂果陣，你想灑脫咁執左間鋪，但你又要睇住班員工，的確步步為營。今晚又到我黎支持我既最愛「金鶴拉麵」，新鮮滾熱辣，特別窩心！👇📌砲台山店限定 - ▪ 黑豚肉碎豚骨湯拉麵 - $78▪ 加雞胸 - $14▪ 加叉燒 - $14▫ 之前幾次去金鶴都係食佢地既招牌經典雞白湯多，但今次就試下炮台山專屬既「黑豚肉拉麵」，黑豚肉睇落肉質肥瘦適中，入口鬆軟彈牙，味道香濃。溏心蛋質感滑嫩，一咬落去就係流心既蛋黃，令成碗拉麵更加飽滿。食肉獸當然要整多兩塊雞肉同叉燒啦，食落唔會好"鞋"，保持到嫩滑。麵條水準做到同之前一樣，無令我失望，煙煙韌韌夠彈牙！

今日黎到一間都幾多分店嘅拉麵店，呢度裝修係日本風，日本料理嘅選擇有好多，我地揀左:特濃雞白湯拉麵 $138賣相非常適合打卡，炸左嘅蔥幾香口惹味，d湯真係好濃郁，帶奶油味，鍾意重口味嘅你一定啱！除咗肥瘦適中嘅豚肉，仲有雞肉，雞肉估唔到都幾滑😝黑蒜醬油拉麵 $98呢個拉麵都幾好，個湯帶好濃郁嘅黑蒜油味道，仲有糖心蛋同埋好多筍，肉同雞白湯拉麵一樣，夠曬豐富！雞軟骨串燒$18好味呀！🤩脆卜卜有咬口，非常惹味！冬菇串燒$15冬菇有三粒，大大粒，幾juicy ❤️呢度仲有啲特色嘢飲同埋有其他特色嘅串燒、丼飯，下次黎一定要食埋😝

約咗朋友喺天后砲台山附近有嘢傾，朋友好介紹金鶴，試完確實不錯呢！湯拉麵是這店的招牌菜，要吹水也有串燒及啤酒。黑蒜醬油湯拉麵~湯底好濃但不會太鹹， 香味濃郁，麵質夠爽，食得慢都唔驚會變淋， 大大件日式叉燒，仲有件靚雞胸，軟滑，正！日式餃子~ 食湯麵配餃子一樂也。唐揚炸赤雞~新鮮熱辣辣炸起，粉漿厚度剛好，最喜歡塊雞皮個位，脆卜卜。蒲燒活鰻魚串~蒲燒鰻魚也是這店的另一招牌菜，不吃飯都試下這個串燒，果真有料到，鰻魚的脂肪含量極豐富，熱辣辣燒好，非常香口。燒黑豚肉串~這個串燒也是不得了，豚肉串燒一點兒也不韌，有口感得來也非常juicy，值得一試。日本明太子雞翼~這個需要時間，最後先上，廚師用心製作，完全感受到，微辣的明太子釀入雞翼裏面，惹味雞翼釀入美味的肉餡，一次過享受多重滋味，極力推介。食到最後送上每位客人小小綠茶甜品，很窩心呢。

休閑的星期六又到了，當然是出街找好西食啦～今次同女朋友炮台山選左小弟最愛的日式拉麵🍜呢間叫「金鶴拉麵」，雖然店內唔算大，大約得十多個位，但店內全黑的裝修配以黃色燈光令客人有一種舒適高級的感覺。講番叫左個碗蟹肉濃湯叉燒拉麵（HKD 138)，水準真的很高，彷彿食緊日本當地的拉麵😍蟹湯味道非常濃厚，還有好多一絲絲蟹肉😋，配上掛湯的拉麵，對於拉麵腔的我，這碗拉麵的味道接近滿分。另外我地用午市優惠加左個低溫煮雞胸肉(HKD 28)。呢個小食相當有水準，雞味濃而肉質鮮嫩，喜愛雞肉人士絕得要一試。總括而言，雖然價錢來說不是十分便宜，但係呢間拉麵水準很不錯👍，分量足料及食材都很美味，十分推薦大家一試啊！

餐廳：金鶴拉麵 (天后)地址：天后炮台山蜆殼街6-16號寶榮大廈地下E號舖全香港有4️⃣間金鶴拉麵分店，佢地致力打造一個高尚、寧靜、舒服同衛生嘅環境比食客慢慢享受拉麵🍜，相信係呢個繁忙嘅香港都市搵到個可以享受嘅食飯地點確實難得今次去左位於炮台山蜆殼街嘅分店，分店限定推出黑豚肉碎豚骨湯拉麵同日式咖喱吉列豬扒飯🍛，而因疫情關係🦠，外賣自取仲可享有85折優惠難得黎到呢間分店緊係要試下佢地獨有嘅黑豚肉碎豚骨湯拉麵($78)，黑豚肉碎堆積成一座小肉山放左係拉麵中央，面頭加上蔥花，而拉麵亦附有一隻一分為二嘅糖心蛋🥚同兩塊紫菜😋，估唔到豚肉嘅份量又幾多，最尾仲可以飲埋個無味精嘅豚骨湯底

金鶴拉麵有5間分店，我呢個終實fans 間間都食過至少一次！呢間算係最新既分店，細細間不過都冇阻味道保持水準。今次呢間大概有6張枱，坐到大概20人。我地去時正值肺炎時候，所以冇咩人！不過呢間係唯一一間裝修以舊式少少、似居酒屋既裝修，有橫樑，黑少少，幾得意。今次試左第一次食既豚肉飯，得呢間分店先有。不過都吾錯，肉多，份量合理，剛剛好，又有湯、前菜包左，都可以一試！

網上見到唔少人都讚哩間拉麵店，我終於有機會黎試下喇，聽聞哩度既雞白湯最值得試！都幾近地鐵站，一間傳統日式居酒屋設計既麵店。拉麵價錢喺香港屬中位，今次點左一碗拉麵同沾麵。仲有好多款串燒物，叫左串五花腩。金鶴雞白湯拉麵 $98一上枱俾奶白色既湯底吸引住，同埋金黃色半熟玉子。第一啖飲湯底先，好鮮味，連帶有蔬菜既清新味道。麵條係我喜歡既彈麵，有咬口，煮到剛好時候，哩度有慢煮雞胸同豚肉片2款肉，好林。炸牛蒡我第一次食，冇咩特別味道。金鶴雞白湯沾麵 $138沾麵我自己都幾中意食，麵條較拉麵更有彈力，微凍既麵條沾上暖湯，口感豐富。沾麵湯底更濃味，同拉麵湯底形成一剛一柔既味覺。五花腩串 $28燒得好香口，一咬五花腩既油流出，肥瘦比例剛好。餐廳為食客送上抹茶厥餅作甜品，好窩心，好味。

因為肺炎嘅關係，好耐都冇去遠少少食嘢通常都係屋企樓下，咁岩去開天后就試吓呢間人氣頗高既金鶴拉麵試吓喇！一入到去比我嘅印象都幾唔錯，好日本風嘅裝修，燈光暗暗地坐得都幾舒服，值得一讚嘅係服務員會經常幫我地斟水👍🏻跟住我哋叫咗一個拉麵一個鰻魚飯會問我地想一齊上定分開上，因為個鰻魚飯即燒時間會耐少少，所以服務都幾貼心首先我就叫咗個活燒蒲燒鰻魚飯🥰因為佢係即燒既，鎖住晒啲肉汁，一打開個蓋已經香味撲鼻，好香嘅鰻魚味，同埋佢同其他店嘅鰻魚飯唔同，就係佢係比較厚肉，食落去真係好滿足同有口感啲，同啲飯一齊食果種鰻魚油香簡直食唔停口而家冬天飲埋佢個湯暖笠笠咁我朋友就叫咗個限定嘅北海道極濃蝦湯拉麵🍜湯底有啲櫻花蝦，每一啖拉麵都掛湯，每一啖都有櫻花蝦，感覺好濃厚好滿足我平時唔係好鍾意食拉麵入邊嗰舊肉，但佢呢度做得好鮮嫩👍🏻而佢隻蝦應該係燒過嘅，好香蝦味，好新鮮，唔會過熟啱啱好食完之後服務員仲送左抹茶軟凍比我地食，一開始食落去冇乜特別，點知咬咬下，佢入面個心係透心涼嗰種感覺，嘩真係嘩出聲，好好食，食完好舒服，呢種感覺係要自己食完先會明，超推介大家試吓同埋佢係有會員，任何消費已經可以申請，$1=1分，夠分可以換小

想食特濃雞白湯拉麵好耐 終於有機會食到但平日中午黎到都好空冇咩人 大概係因為現時疫情嚴重？雞肉比叉燒好食！！下次食一定全部都叫雞肉！超軟又入味～～～但特濃雞白湯食到最後都係有少少膩～下次有機會想試下沾麵

📍金鶴拉麵📍Kane Tsuru Ramen.🇭🇰香港天后炮台山蜆殻街6-16號寶榮大廈地下E號舖🇭🇰Shop E, G/F, Po Wing Building, 6-16 Shell Street, Fortress Hill, Tin Hau, HK.Tasty: 👅Appearance: 👀👀👀Price: 💰💰💰Environment: 🌹🌹🌹Service: 👨🏻👨🏻👨🏻.蜆殻街一直有拉麵沾麵店，早前不停見到有人吃金鶴拉麵，剛好路過就試試！環境間隔跟前一家拉麵店一樣，有點太黑不過感覺不錯😂侍應哥哥熱情很好笑容，感覺舒服.🤮 #金鶴白雞湯拉麵 : HKD98先說最引人注目的炸牛蒡，非常脆亦非常無味，除了裝飾，不知要來幹嘛白雞湯沒雞湯味，反而偏向奶味，除了奶味，基本上連咸味都無拉麵口感不錯，不過湯底唔得，麵多好吃都沒用雞胸肉兩塊，不韌，算是嫩，但凍的叉燒味道可以，肥瘦適中，但凍溏心蛋有點過熟，但味道可以.萬二分的失望！沒想到整個拉麵沒一種東西好吃！回頭率為零