金鶴拉麵 (蜆殼街)

营业中

休息中

日式拉麵串燒 with openrice 外賣自取 discount 買左枝性價比高嘅 sake 自然要買啲日本食物响無旅行嘅日子滿足下自己 🇯🇵果然無失望 金鶴拉麵果然名不虛傳啲拉麵好彈牙個雞🐓湯超級香溝同creamy一啲都唔覺得有味精湯嘅味道👻👻串燒望落好少食落發現厚切非常juicy 牛舌、鰻魚簡直無得彈🤤炸雞皮脆多汁好抵讚👍🏻👍🏻唯一係鰻魚肝有啲腥其他都係高分之選😍想約埋三五知己把酒談心呢間算得上不二之選😎

去過好幾次其他分店，佢嘅雞白湯拉麵好合我口味，見佢最近係港島開左分店，就一直心思思想過來再食一次，今晚終於同朋友來食喇！所有分店嘅裝修都好似，都係有個開放式廚房。極濃雞白湯拉麵拉麵很快就送上枱面，乳白色的湯底配上一束炸得香脆的牛蒡，賣相好有特色。味道方面，呢個湯底十分有水準，湯底未試已經聞到濃濃雞肉香味，入口鮮甜不膩，湯底極之濃郁，帶點creamy質感，麵條煙靱彈牙，經過慢煮製成的雞肉同叉燒都好嫩滑。鰻魚飯鰻魚飯係呢度嘅另一招牌，呢個鰻魚雖然燒得略燶，但個皮食落幾香脆，魚肉亦都好軟腍，淋上香甜燒汁，水準不錯！米飯選用日本七星米，配菜有芥末八爪魚同麵豉湯。

今日同屋企人去左蜆殼街，見到有唔少各式小店，我地比e 間拉麵店嘅門面吸引左，真係好日式😍同埋都好掛住日本嘅拉麵🤓就入左去食🥰店內間隔有吧枱同4人枱等。睇下餐牌，有唔少地道嘅日本拉麵❤️當中最特別嘅係金鶴.雞白湯拉麵。除左拉麵，仲有鰻魚飯同串燒都好吸引😍我地點左以下幾款：醬油拉麵🍜湯底係傳統日本嘅醬油，飲落又唔會好咸，仲有d 昆布味😍仲配左紫菜，荀絲，木耳絲同流心蛋，拉麵煮得適中。金鶴.雞白湯拉麵🍜湯底仲濃濃嘅雞湯，煮到好濃陏所以會變左奶白色，飲落都好鮮味😍比醬油更濃味🤤拉麵吸收又湯汁，好正😋值得一提嘅係佢有日式嘅炸牛蒡為配料，食落脆脆地，浸左落湯又唔同質感🤩都幾有特色❤️ 2碗拉麵都配有雞肉，叉燒。雞肉食落好香又軟🥰叉燒唔會太肥👍🏻流心蛋都好出色。我地仲叫左串燒，係牛舌🤩食落有炭火味又唔會燒得太干，仲要係厚切👍🏻👍🏻

今晚同小胖男友去咗食有好多好評嘅金鶴拉麵呢間拉麵店雖然舖仔細細間但環境企理 一路播住一啲柔和又耳熟能詳既日文歌 感覺好舒服小妹order左最人氣既極濃雞白湯拉麵拉麵一放低 最吸晴既係放係左上角既炸牛蒡絲 脆卜卜唔油膩,味道清新 同濃郁既雞白湯又出現地夾極濃雞白湯 每飲一啖都覺得自己好似跳左落個忌廉雞湯溫泉咁真係勁濃勁creamy每碗拉麵都有兩塊雞肉同一塊豚肉叉燒第一次食雞"叉燒" 配上雞白湯 小妹私心覺得雞肉"叉燒"襯過豚肉叉燒而小胖男友揀既辛味拉麵 辣度都有🌶️🌶️辣椒 不過辣得黎易入口 係易接受既辣 味道令人開胃2人餐可以揀2款小食同2杯飲品 我地要左唐揚炸雞同燒黑豚肉串炸雞係超大份的說 咬落去肉汁滿滿的黑豚肉串味道帶甜 睇到脂肪 但食落一d都唔會覺得肥 呢間金鶴拉麵整體黎講 份量真係好大碗2人餐既份量頗多 攪到連一向唔鐘意做大嘥鬼既吃貨小妹都迫於無奈要舉白旗投降

同朋友慶祝生日 諗住簡簡單單食個拉麵 行吓行吓就嚟咗天后蜆殼街呢間金鶴拉麵 之前喺土瓜灣都食過覺得唔錯所以就拉埋朋友即刻入去啦 話明慶祝生日梗係要啲酒助慶下啦 於是一來就叫左支手工啤（琉璃）味道甜甜地幾易入口 女仔應該都會鍾意 之後我就帶咗佢一個招牌白雞湯拉麵 同埋一個醬油拉麵 都keep到水準 同我係土瓜灣食果次差不多 然後嗌多咗個送酒小食雞泡魚乾 好惹味^^我哋兩個人咁樣食法都係食咗唔超過$300 價錢都算十分價惠👍🏻👍🏻

已經很久沒有去日本旅行了，實在很想念當地的美食，其中一款便是拉麵。今晚放工後決定要去比較多人吃的金鶴拉麵。極濃雞白湯拉麵雞湯果真是超級濃厚，膠原感十足，而且沒有味精，吃完亦不會覺得口渴。拉麵掛湯力一流，叉燒很大塊又美味，雞肉很嫩滑，炸牛蒡香脆又健康。醬油拉麵吃得出醬油拉麵的湯底是用了大量鰹魚加上日本醬油熬製而成的高湯，味道很濃但不會太咸，而且一樣是沒有味精的，順帶一提，溏心蛋半隻又香又滑，伴上香濃湯底一拼吃下，別具風味。燒黑豚肉串除了吃拉麵，還看到這裡有串燒可點，吃完拉麵已經飽了，所以只點了每人一串我們最喜愛的黑豚肉串，燒得外脆肉嫩，香氣怡人，非常可口。

限聚令放寬，即刻約朋友食飯。冇得番鄉下（日本），唯有去食碗拉麵止癢。講到食拉麵，我就比較鍾意白雞湯，金鶴拉麵就有啦！.金鶴雞白湯拉麵$98首先碗拉麵賣相一流！其實係炸牛旁條黎架！炸到脆卜卜好好食。.然後先嚐一口湯...係奶白色既雞湯，濃厚口感，且感覺充滿雞既精華。.食材用上慢煮日本薩摩赤雞胸肉，嫩而健康；而黑豚义燒片超大塊。.黑蒜醬油拉麵$98湯底係餐廳自家製黑蒜醬料，蒜味香濃，越食越惹味。.日式唐揚炸雞（3pc)雞件炸到外皮香脆但肉仍嫩，配以檸檬鹽令雞肉味道提升，配埋啤酒飲不錯。.手工啤貓頭鷹和風香柚啤酒$58如上，點左炸雞一定要配埋啤酒啦！餐廳既手工啤係日本空運過黎，啤酒有淡淡柚子果香。

有5間分店金鶴拉麵 見每間分店都有好多好評係炮台山開左一段時間 就試下此店面積小 座位唔太多設有傳統拉麵店BAR枱同普通座一碗拉麵大約$100-$140 金鶴 雞白湯拉麵賣相吸引 特別係炸牛蒡同半隻流心蛋 有2-3片雞肉先試湯 唔太重雞味 有D creamy似忌廉湯雞肉有D乾同鞋 有d肥肉會好少少炸牛蒡有d油膩仲有鰻魚飯都好出名 可惜要預先訂 無緣品嘗 究竟佢平日都係哩個水準定係我食果碗咁岩失水準備??!可能本身對佢期望太高要去其他分店再試下總結: 味道一般 無想像中咁好味

舖頭係屋企附近，星期日休息訓到甘上下就落去試一試啦！辛味拉麵$88個湯好濃，雖然係辛味拉麵，但唔算好辣，食落幾開胃！拉麵唔止有豚肉，仲有雞肉同溫泉蛋等。雞肉好好味！肉質超淋超嫩滑，雞肉醃左，有少少味，咬落去肉質爽爽地，唔會鞋，好味！！最好食既雞胸！醬油拉麵 $88個湯底真係唔錯，唔會好咸，甜甜地，又濃味！流心糖心溫泉蛋，正！黑豚肉串$25黑豚肉果然黑豚肉，肉味濃又淋，加上燒汁去燒，好好食！豬腩肉串$28唔算好肥，燒到焦焦地，脆脆地，食落去啖啖肉，好香口！蒲燒鰻魚串$68呢個超好食，無得輸！鰻魚肉好厚身，食落去肉質爽口又juicy！鰻魚兩邊燒到好香口，尤其是皮果邊，更香口。加上鰻魚汁去燒，好好味，啖啖肉，無骨，最重要係厚身，正！一定要嗌！即場做埋會員，換食物分唔高，好易就換到！！價錢唔貴，疫情期間有得外賣，仲有折添，抵食！

煎餃子$38.又用訂座平台去揾食 今次有7折😄 所以餃子折左再加返一都係$30.整得好脆好脆 又熱辣辣 好難得 我中意皮厚既餃子多過薄個d既其實 豬肉餡都有少少汁 點埋個豉油食都唔錯 可以一試👍🏻唐掦炸赤雞 $38.其實用訂座平台 訂7折左就唔使咁貴既😛.炸雞份量比我想像中多 件件都好大舊 新鮮炸起冇乜炸粉咁都勁脆🥰 同埋唔會炸得太乾 咬落都有肉汁 可以試下炸雞同餃子呢😆.希望哩間鋪service咁好可以一直做落去👍🏻雞白湯拉麵 $98.久仰濃厚雞白湯既大名 見到訂座平台有7折心郁郁想試下.一碗都差不多$100 送上檯個刻我覺得碗麵好霸氣😮😮😮店員千叮萬囑要食左炸牛旁先 因為係新鮮炸起特別香脆🥺 講真食完哩舊我都飽左大半😹.肉有雞肉有豚肉 都係瘦肉黎 有雞肉覺得幾特別 不過口感就普通啦 仲有隻半熟蛋😆麵就係粗麵 掛湯能力高 都唔會話煮得太淋 我自己就中意幼麵多d .至於個湯就真係好濃味 但我已經唔識分雞味同豚骨味 湯底濃郁真係飽上加飽😂好抵食 .除此之外service都好好👍🏻👍🏻👍🏻好到我覺得會因為個Service再食多次

近排因為要留家抗疫，所以多咗時間上網。最近就留意到喺 FOODPANADA 訂購「金鶴拉麵」外賣送遞滿 $80，即可享全單 9 折。另外全線分店全日外賣自取，更可享有 85 折優惠，包括所有拉麵、鰻魚飯及串燒小食； 所以趁今日得一個人食晏， 專誠過嚟天后炮台山分店買外賣。之前幫襯過餐廳嘅拉麵，反而未試過佢哋嘅招牌鰻魚飯，今次就揀咗一客鰻魚飯同兩串串燒。店員服務非常好，很親切，等候其間還招呼我進店內坐下，又問我是否要飲水，態度可嘉。活燒蒲燒鰻魚飯 ($238)，唔好睇佢個鰻魚飯咁貴，折咗都要成 $202，但真係物有所值。每件鰻魚都好厚身，面層燒至微焦，魚皮帶點膠質又煙韌，魚肉豐腴有肉感，肉質細緻，食到鰻魚的甘香味，難怪有口皆碑。伴吃嘅鰻魚汁亦非常出色，調味剛好，濃淡得宜，與肥美嘅鰻魚非常匹配。墊底嘅米飯亦屬上佳之作，入口帶米甜，富黏性，煙韌有咬口。串燒點咗明太子雞翼 ($28)  同五花腩串各一。明太子雞翼外形脹卜卜，夠曬大隻又飽滿，雞皮燒得頗香脆，入面餡料帶辣勁，富肉汁又香口。至於五花腩串 ($28)  味道亦唔錯，腩肉甘香油潤，而且喺燒嘅過程中已經逼出多餘油脂，加上瘦肉比例多於脂肪，

原來金鶴分店已經開到天后，正好今天我環要去到炮台山工作，從地鐵站走過去5-8分鐘左右就到。順便幫同事也一份。外賣盒每個$1。（最好自備餐盒啦，環保一點。）點了兩個拉麵，湯和拉麵餅是分開放的，所以麵條不會有浸淋的的情況。而麵餅並沒有預先滾熱，所以不可以直接倒進湯就食用，會太生硬，所以一定要自行加熱。拉麵內已有兩片叉燒及兩片赤雞肉，《黑蒜醬油拉麵 $98 +$14 2片叉燒》- 黑蒜醬油十分香濃，不油膩； 而醬油拉麵 $88 +$14 2片叉燒 - 醬油同樣香濃但比黑蒜清一點，都不油膩；另可+$12 多兩片叉燒/赤雞肉，我就兩碗都加了叉燒，分開放。再點了兩個小食；《$38 唐揚炸赤雞3件 》- 大件香口，即炸新鮮，肉嫩有肉汁。《$38 日式餃子 4件 》- 餃子配有醬汁 皮薄肉香，蘸上醬油更提味。

午市時間同朋友嚟呢度食拉麵過下癮，因為天氣好熱，所以我就揀咗個香蔥鹽味湯拉麵，感覺比較清爽，套餐仲跟咗雜菜沙律 拉麵啲蔥鋪滿咗成個碗面，仲有開邊各半隻嘅溏心蛋，蛋黃半流心，係我鍾意嘅熟度，食落鮮甜，仲有啲木耳絲慢煮雞胸係呢間鋪頭嘅特色，取代叉燒真係一啲都唔失色，4塊份量都好足赤雞肉質細嫩，雖然溫度係凍嘅，但係食落口感一啲都唔鞋，整個麵嘅湯底好清，呈透明狀，麵條都彈牙 朋友都係食番呢個招牌雞白湯，仲要係極濃嗰款，湯底creamy仲有少許起泡浮誇嘅炸牛蒡仍然係最吸睛，加埋雞胸，叉燒，簡直係夢幻拉麵組合 套餐加20蚊可以有一支bless嘅冷壓果汁我叫咗支蘋果汁，店員上枱嘅時候提醒我要先搖勻再飲果汁香氣重，就算冇添加糖，天然嘅甜味都好夠 因為朋友叫嘅雞白湯拉麵十分之濃厚，所以最後我哋都加咗呢個抹茶軟凍(+28)，食落好似蕨餅，凍冰冰，完全起到解膩嘅作用

呢間拉麵店以白雞湯拉麵最出名，但今次想試下飯類，見到有我最中意既鰻魚，就覺得一定要試🤩 疫情關係，就拎左外賣番公司食~而家外賣仲有85折，抵左~🌟活燒蒲燒鰻魚飯 ($238)個價錢唔算平，但真係一分錢一分貨! D鰻魚超級肥美😭 即叫即燒，所以大家要外賣就提早15分鐘落單啊~ 可以見到佢既鰻魚比起出面食果D係厚好多，都有成8件，而且食落去好煙韌，唔係淋的，而且侍應都好貼心咁將鰻魚汁同飯分開，抵讚啦👍🏻~~ 但我唔小心落哂D汁，搞到D飯好鹹哈哈😂 如果想過下口引，都可以叫佢既蒲燒活鰻魚串 ($68)，口感都好正~日式餃子 ($38/4件)餃子都係即叫即炸，外賣番到公司都仲係好脆，唔錯🤓 餃子略嫌乾左D，入面唔太juicy，味道正常~ 秋葵串燒 ($15)秋葵fans here🙌🏻 加左D鹽上去，幾惹味，用黎中和番鰻魚飯既一點點油膩感，滿足哂😆1人lunch黎講，真係好豐富好飽肚，鰻魚飯值得再試🌟

上次吃過中環荷李活道的金鶴拉麵雞白湯拉麵覺得十分好味，今日工作經過天后店吃了lunch set，價錢抵而且好味。入店先量體溫，枱上放了消毒搓手液讓食客清潔雙手。lunch set有多個選擇A至F，有飯有拉麵，及前菜沙律。可另加錢加食物如糖心蛋、叉燒、雞胸肉等等。我點了有營之選香蔥赤雞鹽味湯拉麵，非常多蔥，鋪在麵上，另外有一隻糖芯蛋、四片雞肉，雞肉嫩滑好味。鹽味湯味道剛剛好，唔會太濃太咸。麵條軟硬度剛好。店員服務態度好，店舖座位也舒適。