金鶴拉麵 (蜆殼街)

营业中

休息中

冇得去日本食拉麵唯有係香港食個高質雞白湯拉麵嚟慰藉一下 今次叫咗人氣NO1 嘅極濃雞白湯拉麵 ＄138估唔到可以同MENU張相一樣樣， 配料超豐富！！雞白湯頭濃郁度100％，入口好似有層膠質咁， 每啖都飲緊雞精華！比起平時食嘅豬骨湯底少咗份油膩感，我自己鍾意呢款雞白湯多D慢煮雞肉超嫩滑， 沾咗湯一齊食仲正仲有半隻流心溫泉蛋好食到不得了 黑蒜醬油湯拉麵 ＄98一上檯已經聞到蒜香十足每一口麵都沾有大量濃郁又帶有蒜香的湯汁，我自己覺得鹹咗D， 不過友人就覺得好惹味～

食到差啲以為自己有肺炎，無論係極濃雞白湯拉麵、炸雞或者餃子都係冇味嘅。如果唔係個套餐跟左可樂，而且係熟悉嘅味道，我真係以為自己條脷壞咗。當然我唔知係咪我孤陋寡聞，對雞白湯有誤解，但係對我嚟講，個湯真係超級淡，而且一啲都唔濃。拉麵上面嘅慢煮雞肉同埋叉燒都係完全冇咸味，只可以食到肉味，而且唔太新鮮。當然如果有啲人如果係食得好清淡，清心寡欲嘅可能會覺得唔差。好神奇地係，睇咗咁多食評，都冇人講過個湯好淡。可能係當日一時失準？到個炸雞，係新鮮炸出嚟熱辣辣。但係好可惜，雞肉依然係冇調味。整體來講，唔知自己食咗啲咩，最主要係因為成餐入邊所有嘢都冇乜味。

因為晚市禁堂食，所以金鶴推出85折外賣優惠。有優惠當然想食好D，食豪D。每次堂食拉麵時，都聞到好香既燒鰻魚味，今晚一於買左金鶴另一出名食物回家食。活燒蒲燒鰻魚飯 $238採用日本直送鰻魚，即叫即燒，未食已經香味撲鼻而來，一打開個盒，見到鰻魚超肥美肉厚，食落外脆內嫩，口感一絕。還附送小食芥末八爪魚，非常醒胃。明太子雞翼 $48另外我再叫左2隻日本明太子雞翼，香口雞翼，外皮甜甜脆脆的，入面微微辛辣。

以前成日出街食飯，而家冇得出街食晚飯，都會買啲嘢食返屋企，好多店舖都有外賣優惠，呢間都唔例外，外賣自取有折扣，可以留意一下。仲要俾我發現佢唔係剩係得拉麵，仲有鰻魚飯同埋咖喱飯等等，最近喺屋企食得麵多，所以都想食飯。醬油拉麵：88元醬油拉麵有清清地嘅醬油香味，入面仲有慢煮雞肉同埋豚肉，比較特別係慢煮雞肉，如果攞返屋企食千祈唔好擺去再煮，淨係用啲熱嘅湯撈落去就算，咁就會保持到個軟熟嘅質感， 拉麵都比較彈牙少少。咖喱吉列豬扒飯88元咖喱吉列豬扒炸雞飯108元屋企人好鍾意佢個咖喱，覺得好香但係唔會辣，我令到成個飯都吸引好多，如果淨係食豬扒可以就咁揀豬扒飯，外皮香脆，貪心少少就叫多個雙拼嘅豬扒炸雞飯，炸雞裏面嘅雞肉都保持濕潤，非常不錯！

📌環境.店內環境以黑調為主，枱椅沉黑色外，餐牌和餐具都黑色主打，燈光亦偏暗。.之前去過北角店，試過極濃雞白湯拉麵($138)和雞白湯拉麵($98)兩款比較，極濃雞白湯雖然貴$40，味道實相差太遠，極濃湯遠遠優勝，真的極濃好有雞湯味，飲到一滴不漏，還問店員有沒有單點極濃雞白湯😅😅答案是沒有😅😅.所以今次在炮台山天后經過金鶴，決定要入去並一定要叫極濃雞白湯拉麵。.📌餐牌.除了有極濃雞白湯及雞白湯拉麵外，還有黑蒜湯、辛辣湯、醬油湯和沾麵。👇亦有很出名的鰻魚飯👇以及其他串燒及小吃👇我們差點想叫這個期間限定的蟹湯👇結果沒叫蟹湯的原因是有套餐，而套餐卻沒有蟹湯。.📌抵食套餐.超值套餐 $128，包麵食、小吃及汽水。.我們原本想叫的極濃雞白湯拉麵也可用套餐叫，只需加$20，即共$148包原價已是$138的極濃雞白湯拉麵、一小吃和一汽水，小吃我們選了日式餃子(4隻)和唐揚炸雞(3件)，兩樣本身都要每款$38，當然叫套餐。.📌食物評分.1. 史上極濃雞白湯拉麵 $138 ⭐️⭐️⭐️⭐️侍應端上時，第一感覺像湯少了，麵索下索下湯好易好快無，上次北角店的印象應該並沒這樣少湯的。.既然期待已久，當然馬上飲啖極濃雞白

寒冷天氣下，最想窩在家的被窩。無奈要工作，放工順便買外賣回家。作為外賣達人，外賣平台app自取滿$100有八折優惠，加上餐廳推出一人套餐優惠，很划算。一人套餐有主食、小食和飲品$128起。⭐️蒲燒鰻魚飯一人套餐+$140，鰻魚的份量挺多，而且鰻魚比一般的較厚，表面烤得焦香，附上鰻魚汁，入口軟綿綿的，令人欲罷不能。⭐️唐揚炸雞炸雞大大塊，入口暖呼呼的，加上醬汁，一點也不乾。⭐️波子汽水+$20加上一瓶波子汽水，實在太滿足了！

成日聽話雞白湯拉麵，但一直未食過，香港有幾間有賣雞白湯拉麵，今次試左間唔少分店既金鶴。睇睇餐牌，除咗拉麵，餐廳仲有飯類、串燒，都幾多種類。懶得諗就叫咗二人餐，有兩款拉麵、兩款小食、野飲。加$20轉咗極濃雞白湯拉麵、黑蒜醬油湯拉麵、炸雞、炸餃子。極濃雞白湯拉麵上台時賣相都幾澎湃，炸牛蒡絲好搶眼。材料有溏心蛋、荀絲、慢煮雞胸、叉燒、木耳絲、蔥絲等等。湯底好creamy咁，以前未食過呢款湯底，所以無得比較，但相比一般拉麵，雞白湯無咁油膩。最鐘意慢煮雞胸，有雞既質感又唔鞋；溏心蛋岩岩好。黑蒜醬油湯拉麵要讚碗拉麵夠熱，最怕拉麵湯暖。呢款對比雞白湯就相對重口味，同埋因為黑蒜油，會油膩d。麵既材料都差唔多，只係少左牛蒡絲。整體麵既味道都幾好。炒雞有驚喜，炸到好脆但中間都有啲肉汁，點埋鹽食，唔錯！炸餃子配餃子汁，係正常日式餃子味道，都炸得OK，唔會乾曬。食完後，下次最想食係慢煮雞飯！真係幾鐘意舊雞！但呢排武肺又嚴重咗，最近都係摺埋食外賣先🙃呢間好似都有外賣自取，拎返屋企慢慢食。

金鶴拉麵 (蜆殼街)地址: 天后炮台山蜆殼街6-16號寶榮大廈地下E號舖電話: 34602398屋企人話想食返這間日式飯同串燒，聽話又孝順架我，只好要放去就去最近架分店，買飯回去餵飽屋企人個肚呢間拉麵先係主打 ，但係湯長途拎返去風味會稍稍影響，所以都係點飯外賣85 折一個餐around $90包了主食，小食同飲品，係醒目慳錢都會點呢個離不開的串燒，折完價錢二十元左右一串，雞腎，燒得香口惹味。另外免治雞肉，雞翼，黑豚肉，啖啖肉香撲鼻。單點$78 唐揚炸雞咖哩飯，小朋友指定要食，日式咖哩汁偏甜唔辣，小孩有咖哩汁可以一個人食曬整碗飯。因為全家都鐘意食炸雞，就額外點多分小食啦，仲有餃子，正價各$38 ，個餃子汁令整件事更開胃。好想快d開返晚市堂食，就可以食到熱藤藤拉麵啦。

北角炮台山一帶都好多好嘢食之前都試過金鶴拉麵見到期間限定嘅北海道極濃蟹湯拉麵就再黎幫襯試下蟹湯拉麵配咗蟹肉絲、日式叉燒、紫菜、半熟蛋、竹筍、木耳絲湯底係濃濃嘅蟹味蟹肉絲都好香麵質都係一貫比較粗身少少加上湯底比較稠身所以好掛湯不過我個人口味本身比較清淡食到中後期就覺得鹹左少少另外叫咗極濃雞白湯拉麵配咗日式叉燒、雞胸肉、半熟蛋、竹筍、木耳絲、炸牛蒡絲湯底超濃厚，雞嘅精華份量十足飲落去係好Creamy雞胸肉煮得好滑加添左炸牛蒡絲賣相更加靚另外再加左一串黑毛豬串燒豬肉燒到好有炭香味不過咬落就乾左少少調味亦都略鹹雖然開左幾間分店但食物都算Keep到水準值得一讚

呢個星期天氣明顯轉涼，最岩食返碗熱辣辣拉麵暖吓胃。今日lunch去左金鶴拉麵，位於天后炮台山蜆殼街，鄰近地鐵站，夠哂方便又易搵～次次黎親都係食雞白湯拉麵，打開餐牌見到有個期間限定既北海道極濃蟹湯拉麵，一於試下先!拉麵面頭有大量蟹肉，夠哂足料，賣相好吸引!湯頭濃郁充滿蟹味，鮮美十足，配叉燒、糖心蛋、紫菜，糖心蛋有流心效果，充滿蛋香，豚肉軟嫩多汁，拉麵爽滑彈牙，正。雞白湯拉麵黎金鶴拉麵每次必點雞白湯拉麵，湯底濃厚creamy、韻味醇厚，超香濃~牛蒡新鮮炸起酥脆香甜，浸湯後更好味；慢煮雞胸片柔嫩多汁，口感清爽；豚肉片Q嫩軟滑，肉汁香甜。另有黑木耳、筍、香滑糖心蛋，好足料。日式餃子即叫即炸，香脆可口，豬肉蔬菜內餡新鮮。

獨食的好處疫情以來 少咗與同事客戶朋友用膳靜靜的坐下 全心享用店員送來的食物欣賞匠人用心造的味道😋😋😋😋😋算是大半年以來 間歇性爆發的感受🤗🤗🤗客觀事情 不是自己可以改變 能調節的 是自己的心情 睇事角度🤟🤟🤟🤟🤟特濃雞白湯拉麵 湯頭好濃味 正常版會應該較岩我 係好香嘅鋪面牛蒡 幾特別👍👍👍燒秋葵 黑豚肉燒雞皮 軟骨 雞wing 幾香口 唔錯唔錯👍👍👍雞腎 免治雞肉串是日與雞有仇😂😂😂😂😂😂店員服務幾殷勤

返工Lunch time想食好野，今日決定試樓下間金鶴拉麵！因為係小店既關係，位置大約得10幾個，所以平時成日都冇機會食，今次難得地有位，開心！我叫左個lunch set A餐，黑豚肉豚骨湯拉麵，再加左隻糖心蛋。碗拉麵一黎到，個湯底不得了，勁濃既豬骨味，冇味精既死咸，係feel到佢煲左d豬骨好耐而有既豚骨湯味，同埋好掛汁。拉麵係有彈性的日式拉麵，好出色。兩塊豚肉都幾大塊，同埋肉質係香滑既，相當好味道！朋友叫左黑蒜醬油湯拉麵，湯底精新，超夠熱，完全係辣口的。加上滿滿既黑蒜油勁香，配料亦好多，塊雞胸係唔鞋身的，仲相當入味。我地仲叫左唐楊炸赤雞，＄38蚊有4大件炸雞，仲要係新鮮即炸架好好味，伴碟有d柚子盬，點埋d炸雞黎食真係超好食，好食到我地叫左多份炸雞！最後埋單一人＄130左右，好味又飽肚，絕對可以encore！

與同事到炮台山工作後，四圍搵野食，經過呢間舖，比佢既日式裝修吸引，所以就食左。多款選擇既拉麵舖，今次我簡左雞香湯拉麵+溏心蛋。食物送到時，我十分驚喜，拉麵上有炸牛蒡，非常華麗，而且味道不錯。拉麵方面，湯底十分香滑，不過麵質太粉，我個人不太喜歡。肉方面有慢煮雞肉同豚肉，豚肉味道一般，但雞肉有出色既表現。雞肉嫩滑，有雞味。不過溏心蛋煮既時間過耐，沒有溏心既感覺。

今日想走日式食物又唔想食生冷野所以選擇了拉麵，我炮台山附近拉麵店唔算多選擇同事推介所以去了這間，金鶴有五所分店我都未去過第一次試，今次試完我對香港日式拉麵有了新希望一般我都是大約兩個月先食一次拉麵，每次食完都好口渴...就算已經點了淡一點...入到去本身諗住叫午餐，但午餐唔算太吸引就點了一個正常套餐（主食，小食，飲品）點了金鶴雞白湯拉麵為主食，黎到嘅時候見到本上有一個浮誇嘅’裝飾‘，本身以為得個睇字同事叫我快啲食，食咗落口好香口有啲脆有啲甜.....好好吃....問店員得知是炸牛蒡...第一次食到個湯底冇‘鹹味’...好神奇...好真嘅雞味有少少好似溶咗嘅芝士味(如果食開重未或者食開味精會覺得呢個好淡可以加$20轉特濃，我同事好誇張覺得個湯好味到要飲晒佢..食完完全唔覺得口渴碗麵入邊有雞，黑豚肉，黑木耳，筍，炸牛蒡，溏心蛋.（雞食落去似係慢煮雞胸肉好林好林黑豚肉味道也很不錯）和朋友分別點了小食炸唐楊雞及炸日式餃子，餃子不過不失而雞就真係好出色，個面炸得剛剛好，又香又脆....重點係入面嘅肉一啲都唔乾又滑又多汁！！另外佢哋有出名嘅日本同本地嘅手工啤選擇，好可惜午飯冇加到錢叫，晚飯一定加錢

第二次食金鶴拉麵 第一次係土瓜灣食 覺得買還好 今次食慢煮雞肉🐥依然保持到水準 肉質鮮嫩 淋滑 但個湯底真係好差 我叫左鹽味拉麵 個湯完全無味 拉麵亦都唔似平時食開既日式拉麵 似中華麵 為左塊雞肉黎食就唔值