金鶴拉麵 (九龍城道) (已結業)

九龍城區附近如果想食拉麵，真係只會諗起金鶴拉麵，而佢唔同於一般拉麵店用豚骨湯做湯底，佢係用雞湯。土瓜灣店我都係第一次去，成日以為得門口見到既部分，原來有條小樓梯上一層仲有好多位，比想像中大好多🥢金鶴雞白湯拉麵呢款雞白湯拉麵係佢地既招牌，有極濃同普通兩個選擇，普通已經夠濃，不過食得出都落左味精，所以食完會口渴。雞胸用慢煮方法烹調，所以係嫩滑既。炸牛蒡除左令賣相討好，味道微甜都幾好食，不過略油，食幾啖就會覺得夠🥢北海道極濃蝦湯拉麵濃蝦湯拉麵係期間限定，成鋪滿櫻花蝦，湯或還可以，但蟹肉令人失望，除左得好少，仲係冇蟹味既急凍蟹肉

新開左土瓜灣站以後食野就好方便，今晚黎試下呢間人氣雞白湯拉麵，距離地鐵站只係幾分鐘。入到黎個感覺帶點grand, 靜靜地坐得幾舒服。✨我地點左套餐，有小食有汽水，比起單點抵食好多。✨極濃雞白湯拉麵: 個湯質地帶點點杰身，飲落creamy唔黏口, 雞味好香但唔會太膩，加埋大量京蔥更加香。個慢煮雞胸好好食，好嫩滑一d 都唔嚡口。叉燒雖然偏瘦，但食落軟淋，而且都幾大塊。炸牛蒡絲都幾特別，夠薄夠脆幾香口，拉麵質地夠彈牙有水準。✨黑蒜醬油拉麵：呢個黑蒜好香濃，食完雞湯味先好食個濃味既，如果唔係會搶晒Fo.✨日式餃子： 個皮夠薄，個饀都唔錯，不過可惜唔夠熱。✨唐揚炸雞: 一客三件都幾抵食，雞皮香脆，雞肉熱辣辣嫩滑多汁。想炸雞配啤酒可以加錢再追加。

雞白湯拉麵網上有好多人點評過呢款拉麵，所以試伏仔都想試吓！湯底熬咗唔少時間，肉味好出，而且濃得嚟又唔會覺得膩。至於配料都好足，有兩塊雞肉同一片叉燒，口感食落未去到好嫩，但一定唔會鞋口，隔離仲配有炸牛蒡食落幾脆口！唐揚炸雞 外皮炸得較為 laon，不過亦保持到外皮既脆度，裏面肉質仍保持到多汁同嫩。

鍾意食拉麵嘅我成日都去唔同拉麵店食飯，而家屯馬線開通左，去土瓜灣都方便左。為咗慶祝朋友入職公司，就請佢嘗試一下喺土瓜灣屹立多年嘅金鶴拉麵分店。裏面都幾得意，睇落去門面以為裏面得好少座位，原來行上幾步樓梯都有不少座位，感覺寬敞。餐牌方面就有單點同套餐，唔想用腦諗，就直接嘗試佢嘅套餐。二百幾蚊兩位，可以自選兩款主食，兩款小食，另外亦包括飲品。我就比較鍾意雞白湯，好似去日本咁，唔係度度都有得食。朋友就鍾意黑蒜油豬骨湯底。雞白湯味道清新但係好香嘅鮮味，仲有鮮炸牛蒡，係植物黎，好健康而且口感香脆。而黑蒜油豬骨湯底味道濃郁，重口味之餘唔會太鹹，如果覺得比較肚餓或者當日比較口淡淡就最啱。同步送上質感非常滑的慢煮雞胸，及豚肉，糖心蛋，口感層次豐富。小食方面我哋就揀咗芥末八爪魚及煎餃子，芥末八爪魚方面相當辣香，刺激味蕾又開胃；煎餃子方面皮薄餡香，加上獨特的餃子汁小清新。仲有飲品，如果選擇波子汽水仲有菠蘿味，需要加錢。同日式拉麵好夾呢！

這間拉麵不是第一次食， 今次來到九龍城又見到佢，捉埋小男孩去懷念下日本風👘原來而家推出了 「超值套餐2人」自選主食拉麵🍜/飯🍛+小食🥟+飲品🥤，岩哂👍🏻👍🏻「雞白湯拉麵」香濃雞湯，配料（炸牛旁）好特別，好好味😋😋 雞肉片2塊，滑🥰「咖哩吉列豬扒飯」吉列豬扒熱辣辣👍🏻「唐楊炸赤雞」炸至金黃，仍然滑喎🤓「日式餃子」皮薄餃子，都是日本餃子基本要求🥰 like it 備註：🔺套餐抵食！🔺套餐仲有 1人/4人👍🏻👍🏻🔺這餐廳是有樓上雅座💺

今次黎到土記嘅拉麵鋪買外賣返屋企食呀，呢間拉麵店好有深夜食堂嘅格局，有feel。打開餐牌，入面有好多拉麵選擇，其中我見到期間限定嘅口味，鍾意試新野嘅我就叫左碗北海道極濃蝦湯拉麵，平時呢間店以雞白湯拉麵出名，但呢次要行下唔同嘅路線，睇下佢保唔保持到實力先。食落真係有驚喜，蝦湯底真係好濃郁，每啖拉麵都食到濃厚蝦味，好高質。我地仲叫左串燒，其中有燒雞皮，雞皮燒得剛剛好，香脆得黎唔會太乾，易入口，調味不錯。而鹽燒雞中翼，保持到有肉汁，唔會乾柴，好香口。醬燒黑豚肉腸大小適中，肉汁同油脂香都係咁正。而黑椒燒牛舌更加唔使講，夠厚但好易咬，食完會好回味。

差不多有一年時間沒有幫襯，今天要到附近檢測，便來到這裏吃過午餐。蒲燒活鰻魚$68，外皮香脆，肉質爽口彈牙，火候控制得非常之好。鹽燒雞翼四隻$48，廚師將雞翼劏開，方便進食，雞皮香脆可口，不會過鹹，外脆內軟。黑蒜醬油拉麵、日式餃子和可樂$128。黑蒜醬油拉麵，蒜香味道十足，叉燒脂肪分布均勻，雞肉味道十足，拉麵爽口彈牙，湯底味道鮮甜。日式餃子🥟，外皮沒有想像中香脆，不過餡料十足，肉質豐富。午市優惠：黑豚肉串$28，黑豚肉味道香濃，如果醬汁淡一點更好。

分店多多既金鶴一向係信心既保證～今次又專程黎食下啦～見到佢啲午市套餐幾抵食，仲有$28追加小食～ 不過又俾我見到期間限定既北海道拉麵系列🤣最後都係簡左 北海道.花咲蟹拉麵🍜 （HK$ 138)蟹肉都幾鮮甜、湯底味道幾特別幾好食，有少少店鋪雞白湯既味，搵唔到一種最岩既形容詞🤣👀 拉面面質都幾彈牙，連平時好少食拉麵既我都食到曬👍🏻同行朋友簡左個金鶴雞白湯拉面套餐，雞白湯就一向係金鶴既招牌，雞湯味道天然濃厚冇味精👍🏻唐揚炸雞🍗有四五舊大炸雞🍗 雞肉都幾滑又有肉汁👏🏻 非常唔錯

土瓜灣地鐵站通車後，過來這裏更方便。土瓜灣地膽介紹我來這裏吃東西，說環境坐得比較舒服。趕得及在下場前點午餐Set朋友點了金鶴雞白湯拉麵我點了辛味拉麵（唔夠辣）我們一致認為雞肉片非常嫩滑甚至比起叉燒更出色。配菜相當豐富包括筍、菇、流心蛋和紫菜。拉麵亦算彈牙。套餐還配炸日式餃子，以及芥辣八爪魚，八爪魚睇落好細碟，但食落口就覺得有啲料到。另外重點左兩罐無糖可樂。其實如果唔係套餐，我覺得飲店內提供的菜都唔錯。埋單一人$140左右。

屯馬線開通，身為一個香港人當然要遊一遊「地鐵河」，去到左盼右盼終於盼有地鐵站既土瓜灣行左一個圈，之後搵到一間叫「金鶴拉麵」的日式料理，餐廳外有非常日式既佈置，入到去見到有類似吧檯的日式餐檯，侍應帶我同朋友上樓上空間較大的座位。我地叫了一個set menu，我就選擇左「慢煮日本雞胸飯(200g)」，首先「溏心蛋」好好食，d汁將漏不漏果下個質感真係食過返尋味。另外就係呢個飯最大賣點「200g慢煮日本雞胸」，出乎意料地，雞胸竟然係冰涼的，原本以為點低溫極都會有d暖暖地，咁我就抱住一試無壞既心情咬左一啖，咦？咁滑既？完全唔粗糙仲有少少汁喎，而且出奇的是，一連食左幾舊都冇濟既感覺，認真不錯。朋友則加了$20叫了「極濃雞白湯拉麵」，「極濃雞白湯拉麵」入面有炸牛蒡、日式叉燒、溫泉蛋同埋濃雞湯，係好濃好濃果隻，一飲不得了，唔單止口感濃，味道都好濃，拉麵爽口彈牙，當沾麵咁食簡直一流，飽肚之選。小食「唐揚炸雞」都頗大舊，炸雞外脆內軟，有肉汁，味道亦幾好，如果配埋沙律醬更好。「炸日式餃子」有點鍋貼既feel，個底脆脆地皮薄料多。總體黎講，呢間拉麵店環境闊落，侍應會主動加茶，態度好好，食物又出色，下次一定再黎

之前食過中環金鶴已經覺得佢地嘅雞白湯非常正, 一直念念不忘想食多次, 最近土瓜灣站終於開通左, 於是今日同朋友仔一齊遊歷完之後就帶佢去試下!!🌟極濃雞白湯拉麵🍜湯頭十分濃厚, 雞味濃郁唔油膩, 麵條爽彈, 配上整碗雞嘅精華, 兩者相得益彰! 其他配料都非常高質, 新鮮炸起嘅牛蒡色澤金黃, 無論大小長度厚薄都做得岩岩好, 食落口非常香脆, 牛蒡味道濃郁! 旁邊嘅日本赤雞胸, 用左低溫慢煮嘅方法, 所以肉質較為鮮嫩, 脂肪少但雞味濃郁!🌟醬油拉麵🍜醬油湯底相對雞白湯質感無咁濃稠, 味道比較簡單溫和, 雖然係醬油湯但味道都唔太鹹, 食落唔錯🌟日式餃子🥟餃子煎得幾香口, 皮薄餡多🌟唐楊炸雞🍗炸雞熱辣辣脆卜卜勁juicy

身為拉麵愛好者，對拉麵有要求🙌🏼但而間拉麵既鹽味湯底係垃圾😅岀前一丁都仲好食佢只係用普通熱水浸住一堆麵，係任何味道都無。大家如果想試真係可以唔洗試俾錢買難受😅😅

有幾間分店既金鶴拉麵,平時路經都一直想試,咁岩今日拉麵癮起..決定同老公去試下!平時好多拉麵鋪都係散叫多..呢度有套餐比你揀,價錢都算親民..同老公就叫左個2人餐 $256 黎食..主食同小食分別都可以揀兩款，我地兩個都係黑蒜湯底既fans,所以就叫左一樣另外仲有串燒menu正！我地叫左個汁燒原隻魷魚筒 $108試下..黑蒜湯底夠香濃，一放底已聞到好重蒜香味..拉麵既麵質食落彈牙..而且唔會煮得過淋..熟到剛好有半隻流心蛋加3塊大大塊叉燒..完全唔需要擔心唔夠食..小食- 炸雞，雞件炸到外脆內軟，夠juicy..唔乾身小食- 芥辣八爪魚，最愛既味道。正！呢個係另外再叫既汁燒原隻魷魚筒魷魚筒個size都大隻..食落有炭燒既香味，調味都做得岩岩好..絕對值得一試！呢個價錢食到咁多野，勁滿足

原本係專誠黎試佢個雞湯拉麵，黎到門口已經覺得幾舒服，有種高級日本壽司餐廳感覺。原意係散叫兩碗拉麵，但有二人餐，套餐拉麵5款揀兩款，兩款小食有埋飲品，又幾抵食所以叫左。 .金鶴雞白湯拉麵 一黎到最吸引到我注意既係叫炸牛蒡脆片，酥脆可口。再講份量，肉黎講真係算多，雞同叉燒比較，因為慢煮既關係，雞真係做到好滑既感覺，出色。不過整體湯底就比較淡，後悔無+$20轉極濃雞白湯底。.黑蒜醬油拉麵相反喜歡濃味湯底呢個會比較岩口味，同樣既份量既肉都有流心蛋，牛蒡變左紫菜。呢個醬油湯唔會好鹹之餘，仲差唔多飲曬個湯。.小食方面有炸日式餃子同芥辣八爪魚，八爪魚份量又係好多食完更開胃。呢個餐真係好適合兩個人食，另外要講店員真係好nice，食得開心。

曾經有一段時間在佐敦附近上興趣班，所以金鶴拉麵是其中一間常光顧面有質素的「飯堂」之一。自從課程完了後，已好少到那附近。今日竟然在土瓜灣重遇金鶴，實在驚喜。上網一查，原本短短時間內，金鶴已有好多分店，真好！重拾了久違的味道 - 雞白湯拉麵。炸牛蒡絲雖然是配角，但卻令我念念不忘，至今還沒有在其他地方吃過類似的。炸牛蒡絲易淋，所以記得趁脆卜卜時快食呀！之後喝一口湯，濃郁得口裡盡是雞的精華。麵條彈牙又掛湯。另一出色位就是雞胸肉滑嫩不嚡口，蘸湯吃，正呀。老公點的是期間限定的北海道極濃蟹湯拉麵。拉麵的靈魂是湯，所以湯底做得好，基本上冇得輸。呷一口，好似有一堆蟹在你口裡游走一樣，好鮮甜，蟹味超級香濃。麵上鋪滿蟹肉，絕不欺場。連麵帶湯大啖大啖食，不知不覺就將整碗吃光光，大家不妨一試這款期間限定。以前我的最愛除了雞白湯拉麵外，另一至愛就是鰻魚飯。今次單點鰻魚，肥美肉嫩，表面燒得帶點微焦，好滿足！