金鶴拉麵 (九龍城道) (已結業)

叉燒醬油拉麵叉燒有啲半肥瘦 唔乾好食不過湯底有啲咸辛味拉麵當碗麵送上嚟嘅時候係出前一丁嘅味道可能係雞胸肉(?)嘅關係好乾無味唐揚炸雞雞件好食 係嫩滑旁邊有啲鹽+酸酸地味嘅鹽俾你沾呢個推薦👍🏻題外話佢地個廁所有提供女士用品我覺得呢個係幾貼心

-🔸一人套餐 $148🔸汁燒原隻魷魚筒 $108-因為最近堂食要安心出行，一個人唯有買外賣返屋企食，依間金鶴拉麵好好食，必須推介啊！叫咗一人套餐，揀咗極濃雞白湯拉麵，超級濃郁嘅白色湯頭，加埋雞肉、豚肉、筍、木耳絲等等，超豐富又好味。套餐仲可以揀一款小食，我就揀咗唐揚炸雞，有四件大大件嘅炸雞，配柚子胡椒粉，酸酸的好特別。仲有一支汽水，好抵食！再叫咗每次必點嘅魷魚筒，又大隻，汁燒燒得好香，再淋上薑粒燒汁醬，好正。

天氣凍凍地突然好想食番個拉麵，好掛住呢度個人氣雞白湯拉麵，一於外賣番去慢慢食。包裝都好穩陣，拎到番去都無瀉既情況，汽水仲有保鮮紙包住好貼心。一人套餐$128有小食有汽水，比起單點抵食好多，再加$20升級做極濃雞白湯✨極濃雞白湯拉麵: 個湯質地帶點點杰身，飲落creamy唔黏口, 雞味好香但唔會太膩，加埋大量京蔥同木耳。個慢煮雞胸好好食，好嫩滑一d 都唔嚡口。叉燒雖然偏瘦，但食落軟淋，而且都幾大塊。✨日式餃子： 個皮夠薄，個饀都好味。✨唐揚炸雞: 一客三件都幾抵食，雞皮香脆啖啖肉，點埋個柚子味既鹽唔錯

Kane Tsuru Ramen💫 ..屯馬線開通之後，去土瓜灣更方便。今次去左位於土瓜灣既金鶴拉麵店🍜，餐廳比其他分店更寬敞舒適，裝橫好日式風格，而且一條樓梯上去閣樓靜靜地吃個晚餐聊聊天，寧靜感覺真不錯呢。原來而家都有Dinner Set Menu🍽1人餐：主食+小食+飲品 $128，價錢更抵食。ll KaneTsuru Chicken White Soup Ramenll Deep Fried Pork Cutlet Curry Rice✨唐揚炸雞 Fried Chicken (3pcs)✨炸日式餃子 Japanese Dumpling飲品：可樂 Coca Cola & 雪碧 Sprite原來拉麵店唔止有麵食，而家仲有飯類添，更多元化。食左招牌之一雞白湯拉麵🍜 & 日式飯類代表咖喱豬扒飯🍚，配既小食都大大份，香脆炸雞好抵食。整體感覺呢間分店比其他更舒服寧靜，服務亦很到位呢。..×××××ש土瓜灣九龍城道10-16A號聯業大廈地下B舖..

餐廳嘅環境唔錯，台與台之間唔會太貼，暗暗地都有啲情調。雞白湯拉麵打卡一流，個炸牛蒡好靚，食落好脆，個味係有少少似蔬果乾，我幾鐘意。我湯底幾鮮甜，唔係死咸味。黑蒜醬油湯拉麵個蒜味都幾濃，唔會太油。每碗面都有2塊雞同埋1塊豬。個雞應該用左慢煮，好滑。啲肉好鮮，無乜調味，係食個食味原本嘅味。另外叫左兩個小食芥末八爪魚唔係平時食爭鮮個陣味，係多啲層次，個WASABI味重啲、辣啲。串燒牛舌個牛舌本身質素係高，有爽口感覺，唔係CHEAP嘅部位。另外佢加左啲調味粉上去，食落好重牛味、又有啲魚乾味。好正。

博多風味嘅豬骨濃湯拉麵真係食得多好多時識幾啖都已經非常之咁肥膩所以有陣時只係食少少食唔晒一碗都非常之咁對唔住個廚師但係近排已經非常之多咗唔同嘅雞白湯拉麵簡直係帶咗另一種風氣唔再再係只係食沾麵我最鍾意雞白湯拉麵就係因為雞白湯嘅味道非常之咁清新而且仲有龍龍嘅雞湯所以就算成碗雞湯飲晒都唔覺得非常之咁肥膩而且因為用上了雞隻打成茸嘅關係雞湯非常之咁潔身所以令到成個拉麵仲十分之掛湯每食一啖嘅拉麵亦都可以飲多幾啖雞湯而且佢哋仲有配合埋啲咁慢煮雞胸肉再加上叉燒片個人覺得佢嘅萬煮雞肉比叉燒更加出色因為真係非常之訓話完全唔似食緊平時嘅雞胸肉另外跟my會上嘅筍片亦都非常之咁好食因為好多時出邊嘅日本拉麵舖嘅筍都係有一浸怪味但係呢度就唔好做非常之咁趣新彈下爽口而且再加埋木耳絲同埋紫菜片令到成個拉麵嘅配菜非常之咁豐富

最後一間係連登仔狗都唔會hi既拉麵店金鶴呢間野最出名就係抄襲當食過座銀之後其實係無可能會過黎食一間價錢唔平得幾多但劣化既雞白湯拉麵之但係係網上面見到話呢間金鶴最好食既竟然係鰻魚飯仲聲稱自己選用台灣活鰻係店內劏即叫即燒咁就即管黎試下佢而且餐廳係網上訂座平台訂檯某幾個時段係可以做到五折優惠金鶴係香港都有成五間我地就去左土瓜環分店夜晚八點半先有呢個五折優惠位置就係鐵路便當對面既天橋底門面算幾港版既日式舖頭有兩層下層係bar檯不過基本上都會坐上面個格局都幾唔似拉麵店二人位算窄不過可以有籃放野呢間野好搞笑既我自己覺得佢見你用網上訂座平台優惠呢態度就係比較西既但因為我點左個正價既鰻魚飯咁果位類似經理既態度就即刻唔同晒仲幫我地調左去四人大檯話食物多可以好放d咁半價餐牌是咁的基本上大部份拉麵既話都可以有五折優惠而且加一係以折後計算所以如果黎食個老番拉麵其實都係七十六蚊咁都只係座銀既一半價錢我曾經都有期待過鰻魚飯會唔會有半價咁就當然係無既咁佢就無寫話係用備長炭應該係普通炭燒網上訂座平台餐牌無既全部都要收正價所以個鰻魚飯係賣到同木戶一樣價係呢種級數既餐廳黎講都算貴但見佢話係活鰻又真係想試而佢其他餐牌仲有炸

平時好少會踏入土瓜灣呢區，尋日去接個朋友放工，就順便係附近餐廳食野，而原來佢係其他地區都有分店，以後想再食都方便d。🥢極濃雞白湯拉麵試左朋友一啖湯底，真係好濃郁既雞湯，肉既份量仲好多，有兩塊雞胸肉，兩塊叉燒，全部大大塊。炸牛蒡亦卜卜脆，就算浸咗入湯裏面果部份都唔淋。🥢金鶴雞白湯沾麵湯底比起拉麵嘅湯底更濃厚，一d 都唔油膩，湯好掛麵，而且仲有唔少雞肉粒。至於麵方面，佢係粗身既，且份量多，絕對夠飽肚，不過d 麵係無湯既情況底下，就有d 難夾，會黐埋左。慢煮雞胸肉唔會鞋颯颯，口感嫩滑; 叉燒唔油膩，脂肪分布好靚，不過如果炙燒過應該會香口好多; 溫泉蛋屬於正常水準。食完麵之後，叫左侍應加湯，熱辣辣，稀左既雞白湯雖然唔再濃郁，但係凍冰冰既夜晚飲左之後好舒服。成碗湯飲曬，之後都唔會口乾，真材實料，一定無味精。🍽 炸唐揚雞由色澤方面睇到明顯炸得過咗龍，但食落居然又好juicy，唔會又乾又柴咁，不過層皮就唔脆，爭d。

一向欣賞湯底多過麵嘅我，又搵到一間出色嘅湯底啦。依間主打雞白湯，係我最愛嘅雞白湯啊！📍極濃雞白湯拉麵（人氣NO.1）$138價錢 8.5/10味道 9.5/10餐廳有極濃雞白湯拉麵同普通雞白湯拉麵選擇，個人口味比較重，所以選擇咗極濃。湯底係好濃郁嘅雞湯味，好杰身，有啲似周打雞湯。拉麵配兩塊雞胸肉加一塊叉燒，雞胸一啲都唔鞋，非常嫩滑，係真係非常非常嫩滑。📍北海道極濃蟹湯拉麵 $138 🍜價錢 8.5/10味道 9/10蟹湯係期間限定嘅，都係極濃味，面頭有好多蟹肉，湯底都係好杰，係重蟹味嘅海鮮濃湯。拉麵軟硬度適中，啱啱好掛到啲湯。💌總結兩碗湯都極度推薦，啱晒我呢啲重口味嘅人，一定會再來。

又到食拉麵嘅日子，今次都係食金鶴拉麵，不過係土瓜灣店。係介紹食物之前好想分享下金鶴拉麵入面嘅環境，入面有分兩層。不過要介紹嘅重點係金鶴拉麵嘅洗手間真係唔會令我失望🤣土瓜灣呢間嘅女洗手間好闊落，神奇嘅地方就係有個電視喺馬桶對面，咁啱我入去嘅時候播緊Blackpink，而且廁所入面仲有牙線、牙膏牙刷等即棄個人用品，如果廁所有計娛樂分先進分，我一定會比滿分！土瓜灣店嘅menu同佐敦店嘅有啲唔同。呢度有2人餐($256)，2人餐好抵食，包括主食/小食同飲品各2款。金鶴雞白湯拉麵雞白湯出色嘅地方在於口感濃郁但唔會油膩，食完唔會覺得好口乾。今次嘅拉麵比較軟身。黑蒜醬油拉麵因為之前未試過黑蒜醬油拉麵呢款，諗住今次試下，最欣賞佢嘅肉大大件。不過個人而言我唔太鍾意黑蒜醬油湯底，因為偏鹹，不過如果你係重口味拉麵愛好者，呢款應該好適合你。小食方面揀咗唐揚炸雞同芥辣八爪魚芥辣八爪魚真係好正，大大啖放入口又得，慢慢夾住食又得，口感鮮甜。唐揚炸雞就大大件，雞肉好軟滑。飲品方面揀咗罐裝嘅無糖同普通可樂。最後仲揀咗抹茶軟凍(4pcs) $33，口感有少少似蕨餅但軟身啲，食完就即刻飽晒。整體而言，呢間嘅餐牌種類多啲，性

呢間金鶴拉麵，分店都有幾間，今日就試左土瓜灣分店。位置上非常不起眼，交通都唔算話方便，所以一入到去人流都唔算多。我都係附近有野做，所以先揀呢間分店。位置上不佳，野食睇下補唔補救到叫左個雞白湯拉麵，唐揚炸雞。有幾塊雞肉貼在碗身，然後有兩片豬肉在湯內，另加半隻雞蛋，碗上一大串既應該係炸牛蒡，算係呢碗拉麵既特色。炸牛蒡食落脆脆的，當小食都不錯，但浸係湯入面就變軟，感覺又好怪怪。我都唔知食法係浸林咁食，還是直接脆身咁食，不過我就喜好脆身。麵質合格，不會過林，肉既數量都算多，食完唔會話唔夠飽。我另外再點多個最抵讚係湯底，食得出有用心煲過，所以我飲晒Ｄ湯。如果有白飯一齊食，會更好。份炸雞，賣相可以，食落不過不失，不過價錢就偏貴，要成３十幾蚊。總體而然，拉麵抵讚，小食就不用叫。

好耐冇食過金鶴拉麵，今次晚飯時段黎度，叫咗個二人套餐，包兩碗拉麵，兩個小食，兩杯飲品 ($256)，都幾抵食黎到金鶴，一定要點招牌雞白湯拉麵! 呢度嘅雞湯非常之濃，原來係用咗六個小時黎熬製而成，不過又唔會好油膩，佢嘅雞肉都好嫩滑！另外都試咗期間限定嘅蟹肉拉麵，呢個嘅湯底明顯比雞白湯嘅多咗蟹肉嘅鮮味，飲落緊creamy，而且蟹肉嘅份量都幾多，糖心蛋都好好食😋兩款小食都好滿意，餃子煎得剛好，但我更喜歡唐揚炸雞，新鮮炸起，熱辣辣，皮脆肉嫩，肉汁飽滿！魷魚筒相對上就較普通，下次想試埋其他串燒🌈

屯馬線開通了一排，今日終於有時間去土瓜灣行吓，原來呢度都有金鶴拉麵。見到呢兩個拉麵係期間限定，點可以錯過呀！北海道極濃蝦湯拉麵 $138（+$10跟餐有小食及飲品）一嚟試啖湯先，蝦湯味勁濃郁及稠身，麵上面放滿拆左絲嘅蟹肉、櫻花蝦、半隻醃得入味嘅溏心蛋、特瘦但腍滑嘅豚肉、木耳絲同大片紫菜。麵質軟硬度適中，很掛汁。北海道極濃蟹湯拉麵 $138（+$10跟餐有小食及飲品）相比濃蝦湯，濃蟹湯比較冇咁重口味但都杰身，湯底鮮味無窮。蟹肉份量十足但絕無腥味， 其他配料同北海道極濃湯拉麵相同。小食唐揚炸雞上桌時炸雞是金黃色、熱辣辣的，粉槳不算太厚，外皮炸得酥脆，肉質嫩滑有彈性。炸日式餃子日式餃子是正常貨色。後記：不得不提洗手間的衞生程度絕對是數一數二，其次是侍應及店員服務態度好好👍👍ps: 外賣自取仲有折扣優惠！

平日通常會點魚介/櫻花蝦湯底的拉麵，比較少吃雞白湯極濃·雞白湯拉麵$138這間的雞白湯令我眼前一亮✨湯：呈奶白色，但湯不會厚身不會黏稠，不知不覺會呷了很多湯😬麵條：粗身的，份量多炸牛蒡：份量超多，超級脆口，浸在湯裡也沒有變得軟身慢煮雞：巨型而且厚身，不是超級軟腍，但都不錯叉燒：薄切 沒有燒過，味道一般溫泉蛋：正常發揮蒲燒活鰻魚$68好像是標榜3cm厚，燒得很香，鰻魚汁也剛好，而且肉質非常彈牙總括拉麵湯底配牛蒡很出色，令我對油油的黃黃的膠膠的雞白湯改觀🤣肉方面可以更加好！雖然吃到最後會有點膩，始終是極濃版嘛～下次會試正常版😜題外話，女洗手間很豪華，有大電視📺大雲石枱還擺放了棉花棒、牙籤、牙刷和女士用品..像酒店般🤣味道：8/10性價比：8/10 份量超大環境：8.5/10 氣氛不錯，不會嘈吵不會大油煙服務：9/10 員工非常友善有禮貌

午市去食❤️環境舒服🏡叉燒流心蛋 （鹽湯 / 醬油湯）流心蛋超級正！醬油湯都好好味😭味道：7/10流心蛋：8.5/10📍金鶴拉麵好食指數🌟7/10穩世彈牙拉麵🍜完美流心蛋🥚- 特上火炙叉燒醬油拉麵🍜 （$68）醬油湯底嘅鮮甜味配上火炙叉燒嘅香拉麵嘅彈牙感超級正！服務👩🏻‍🍳🧑🏻‍🍳👨🏻‍🍳啲staff 真係好細心😻若單會問聲有蔥，荀ok 嗎？又會勤加茶呢個價錢嘅服裝真係好好！💕仲有app儲分！可以換野食💕