金鶴拉麵 (九龍城道) (已結業)

原本係專誠黎試佢個雞湯拉麵，黎到門口已經覺得幾舒服，有種高級日本壽司餐廳感覺。原意係散叫兩碗拉麵，但有二人餐，套餐拉麵5款揀兩款，兩款小食有埋飲品，又幾抵食所以叫左。 .金鶴雞白湯拉麵 一黎到最吸引到我注意既係叫炸牛蒡脆片，酥脆可口。再講份量，肉黎講真係算多，雞同叉燒比較，因為慢煮既關係，雞真係做到好滑既感覺，出色。不過整體湯底就比較淡，後悔無+$20轉極濃雞白湯底。.黑蒜醬油拉麵相反喜歡濃味湯底呢個會比較岩口味，同樣既份量既肉都有流心蛋，牛蒡變左紫菜。呢個醬油湯唔會好鹹之餘，仲差唔多飲曬個湯。.小食方面有炸日式餃子同芥辣八爪魚，八爪魚份量又係好多食完更開胃。呢個餐真係好適合兩個人食，另外要講店員真係好nice，食得開心。