金鶴拉麵 (九龍城道) (已結業)

九龙城区附近如果想食拉面，真系只会谂起金鹤拉面，而佢唔同于一般拉面店用豚骨汤做汤底，佢系用鸡汤。土瓜湾店我都系第一次去，成日以为得门口见到既部分，原来有条小楼梯上一层仲有好多位，比想像中大好多🥢金鹤鸡白汤拉面呢款鸡白汤拉面系佢地既招牌，有极浓同普通两个选择，普通已经够浓，不过食得出都落左味精，所以食完会口渴。鸡胸用慢煮方法烹调，所以系嫩滑既。炸牛蒡除左令卖相讨好，味道微甜都几好食，不过略油，食几啖就会觉得够🥢北海道极浓虾汤拉面浓虾汤拉面系期间限定，成铺满樱花虾，汤或还可以，但蟹肉令人失望，除左得好少，仲系冇蟹味既急冻蟹肉