金鶴拉麵 (九龍城道) (已結業)

行到土瓜灣見到喱間金鶴拉麵就入去試下入到去就覺得喱到裝橫好靚比想像中大 有條小梯級上一層就有好多座位 仲坐得好舒服😍我地係晚飯時段食佢地有套餐set選一款主食-拉麵一款小食同飲品主食方面，我地就選左以下喱兩款拉麵：金鶴雞白湯拉麵（走蔥）個湯底幾清甜，食落口感比較結🙈 鍾意食沾麵類嘅人就岩晒了😽除左溏心蛋外，仲有幾條炸咗嘅牛蒡平時好少食到咁整法🤔幾特別👍🏻黑蒜醬油湯拉麵（走蔥）一送上黎就蒜香撲鼻🤩聞到好香嘅黑蒜醬油味😋雖然係黑蒜醬油湯底 但湯底一啲都唔油膩 有兩大塊脆紫菜 半隻糖心🥚一大塊叉燒 同三大舊雞胸肉入面仲有唔少木耳做配料麵質爽口彈牙而最推介係好好食嘅肥美叉燒👍🏻小食方面，我地2人分別選左唐揚炸雞&炸日式餃子🥟而唐揚炸雞最有驚喜🤩真係炸得脆而肉質嫩唐揚炸雞炸日式餃子之後我地仲叫左一份燒雞泡魚乾燒雞泡魚乾燒得岩岩好 唔會乾身點埋沙律醬好match😽燒雞泡魚乾非常豐富嘅拉麵餐👍🏻

不只是拉麵， Hello你好，炭烤鰻魚飯上次喺佐敦金鶴堂食咗一次，只係食串燒同拉麵，今次見到外賣自取有優惠，近近地就嚟土瓜灣買記得買之前search下啲Apps有咩優惠啦～扺好多上次食金鶴堂食果陣，食左個炭烤活鰻魚串，已經覺得驚喜，炭香，燒到鰻魚魚皮焦香，魚肉油脂滿滿配甜甜濃稠鰻魚汁，juicy 又惹味，想像到配珍珠米，魚油同醬汁配米飯，一定係 #白飯神偷#果然，買完秒衝返屋企，打開炭香味撲鼻一口接一口，扒哂成碗飯！oh my god～重澱粉日活鰻蒲燒飯$238屋企人就食返佢必叫的醬油拉麵$88一贯金鶴拉麵用上慢煮雞肉同叉燒，juicy唔韌麵底中硬，好彈有咬口值得一讚係食拉麵最緊要嗰塊紫菜要脆店家將紫菜用保鮮紙包好每樣都獨立分開鰻魚飯上面嘅粉都，另外分開比真係好貼心

環境好好的一間拉麵店😁原本想試雞白湯，但又想食辣，所以最後都係點左個辛味拉麵。辛味拉麵：濃郁既湯底，辛辣得黎又帶點香甜，因喜歡拉麵連湯一起，食到最後，湯也基本是沒剩多小了。😆下次，可以試下其他湯底，感覺都很不錯似的👍

突然好想食拉麵，Search咗屋企附近金鶴拉麵，徒步10分鐘就到，買返屋企同小朋友一齊慢慢嘆! 「超值二人套餐」💰256幾抵，包咗兩款自選拉麵+兩款小食+兩罐罐裝汽水，見佢有日本啤酒同波子汽水，識飲緊係加錢要埋佢啦~ 雞白湯拉麵 – 餐廳推介緊係要試下皇牌野! 雞湯味濃，清清地唔會過咸，拉麵麵質係粗身偏硬，有咬口之餘亦夠入味，配合慢煮赤雞肉同埋叉燒，雞肉嫩滑唔錯，仲有我至愛的流心蛋，滿足! 配埋個小食炸雞，雞炸得香脆，小朋友食到唔停口，仲霸住唔比我食多隻…..黑蒜醬油湯拉麵 – 黑蒜油本身是另一種日式出名湯底，以為佢好油?又唔係喎! 完全是日式湯麵的醬油湯，比雞白湯味道濃郁，比較偏好重口味的朋友應該啱食，同樣配慢煮赤雞肉同埋叉燒，流心蛋，另外外賣仲會有兩塊紫菜以保鮮紙包住另上，細心! 值得一提是日式煎較子，皮薄足料，就算凍左都依然好味，必試! 波子汽水童年回憶，大家唔好錯過! 另外無得去日本，飲住日本啤一解鄉愁亦未嘗不可呀～雖然外賣自取，但店員都邀請入座涼住冷氣坐住等，服務一流，仲有BB椅提供 ,下次可以帶埋小朋友落嚟堂食舒舒服服嘆返餐！

The Creamy supreme chicken white soup ramen’s soup is thick and creamy but not in a dairy way, a heavy taste of chicken and not much taste of MSG due to clean aftertaste. The soup is same as the KaneTsuru chicken white soup ramen but just thicker with more chicken essence. The fried mushroom strands were a great addition, it provided a nice chew when dipped into the soup but the fried taste of oil was a bit upsetting. The slow cooked chicken breast was very tender and a bit bland which became th

土瓜灣附近不算有什麼特別出色的日本拉麵店～ 但姪仔又特別喜歡食拉麵烏冬等食物～所以就試下依間～人行三人試了最出名的白湯雞肉拉麵～～叫了一個黑蒜豬骨湯拉麵一個午餐吉列豬扒配碎豬肉飯😊兩款拉麵都沒有太大驚喜，白湯比想像中結 可能是想做掛/沾面的效果～但湯不夠濃所以有啲唔知點咁～忘記了影相～ 白湯雞肉拉麵上有幾條炸了的牛蒡～其實已經炸得有點過火～但還是不脆😅明白是有難度的🙏 拉麵餐還跟了小食選了炸餃子及炸雞餃子真心的可以不吃～ 又細又冇料炸雞夠大件也是剛炸起的但沒太特別反而是那個吉列豬扒配碎豬肉飯午餐比想像中的要好很多～ 吉列豬扒不會乾豬扒非常鬆軟～ 碎豬肉飯有點像滷肉～ 😋

🍜雞白湯拉麵：因為職員提醒我炸牛蒡絲易淋，所以我先食左炸牛蒡。好似絲帶既炸牛蒡食落脆而唔heavy，開完反而有啲開胃。雞湯濃郁彷似忌廉湯，又容量掛麵。拉麵踢慢煮雞胸肉同豚肉，個人覺得雞胸肉彈牙較出色👍🏻炸赤雞：咬雞皮既聲音隔離都聽到🥴，雞炸得好脆好味👍🏻拉麵餐: 拉麵+ 小食+飲品$148味道：🔅🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅🔅🔅（5🔅為滿分）

雞白湯拉麵湯底清淡，我幾鍾意哩種湯底，成碗飲晒，雞肉唔錯而麵質普通，叉燒無味賣相比9分、餐廳環境都唔錯，幾清靜服務員服務好好如果鍾意食清淡嘅拉麵可以試下雞白湯味

「超值二人套餐」💰256套餐包兩個自選拉麵、兩款小食、兩罐罐裝汽水💠雞白湯拉麵㊙️必試item超濃郁雞白湯，好香雞味，唔會太鹹，重口味人士可能會覺得唔夠味。拉麵硬度偏硬，啱晒鍾意有咬口嘅人士。配有兩件慢煮赤雞肉同埋叉燒，仲有半隻流心蛋👍🏻💠黑蒜醬油湯拉麵湯底好似日式烏冬嗰啲醬油湯，成日以為醬油湯底都會好鹹，點知食落又唔會太鹹喎，可以一試。配有兩件慢煮赤雞肉同埋叉燒，仲有半隻流心蛋呢間拉麵店座位都闊落坐得舒服，職員服務態度良好，今次去咗土瓜灣分店，中環、佐敦、炮台山、北角都有分店，如果喺九龍開多幾間分店就好啦😆

公司女同事話有私密想同我傾傾，想話放工一齊食飯傾，於是行遠D,去金鶴拉麵.我點咗個蟹湯拉麵，而推介同事點炸軟殼蟹拉麵.點完餐之后重點嚟啦，原來女同事陰差陽錯之下知道我識玄學占卜，所以想我幫佢家人占卜問事.唉.....我同佢講，占卜問事無問題，交換條件係絕不可透露被公司D人知我識占卜，免得沾惹麻煩.金鶴嘅拉麵，已經唔係第一次幫襯，食過幾間分店，質素相同，所以.... 雖然土瓜灣哩間分店係第一次幫襯，但都放心.食拉麵前先飲番幾啖蟹湯，味道濃郁，飲完再滲出蟹味，單飲個湯已經半飽，每條拉麵都沾上濃濃蟹湯，成個口腔都充滿蟹味，超正.軟殼蟹有兩大隻，再加上兩大件五花腩，一個姐姐仔當然食唔哂，所以女同事分咗一半俾我，軟殼蟹外脆內軟而且份量足，五花腩軟滑，兩個超正！我未去過一蘭，但女同事去過，佢話金鶴好過一蘭.碗拉麵好熱，好彩餐廳冷氣足夠，唔會食到一身汗.okay..... 一邊食拉麵，一邊占卜，開始！

有啲突然之間，即興好想食拉麵結果搵到依間拉麵店，仲要有外賣自取優惠，就打算試一試位置上幾近我公司嘅，行十幾分鐘就到啦不過由於今次要外賣番屋企食，打算享用佢嘅外賣優惠，抵啲見到佢個餐牌拉麵選擇較多，但沾面選擇得一款，有小食，有串燒，另外仲有手工啤可惜今次係外賣，下次一心想試試甘多款日本進口手工啤酒🤪當去左次日本嘛其實天氣勁熱，放棄湯拉麵, 決定要食沾麵，串燒既配搭我一共叫左幾款食物雞白湯沾麵（$138）味道: 🌕🌕🌕🌖🌑雞湯味道濃，外賣全部分盒上量都幾多，兩個人都食唔晒不過啲肉如果唔點湯食，味道欠佳，無味，口感尚可，所以個雞白湯係靈魂蒲燒活鰻魚串 ($68)味道: 🌕🌕🌑🌑🌑按價錢68蚊一串計會比較貴味道正常，但必須熱食熱食熱食凍左會好腥😣燒黑豚肉串 ($48)味道:  🌕🌕🌕🌖🌑推介，口感一流，有少少似德國豬手味道咸咸地，醬汁甜甜地配沾麵食，多一種風味串燒雞皮 ($48)味道:  🌕🌕🌕🌑🌑第一啖勁脆口，但落鹽未免太重手偏咸左少少，如果有啤酒就好🍺價錢就不過不失啦總括黎講，下次我會選擇堂食，外賣會影響部分味道，失色不少如果只單點拉麵外賣，不妨一試，反正有外賣優惠😜

📍金鶴拉麵 (九龍城道) (土瓜灣)好一排無食拉麵啦，今次就黎試土瓜灣呢間拉麵。環境乾淨企理，一入門口發現原來依家佢仲努力做外賣，所以有時多人或者太熱唔想等，都可以選擇叫外賣番屋企慢慢食。🍜北海道極濃蟹湯拉麵（$138） 蟹湯濃稠，上面仲有唔少拆好左既蟹肉，當然唔會係普通蟹柳既質素啦，整體相當鮮味。另外仲有一整塊叉燒同溏心蛋，配料相當蛋，味道仲唔錯，好飽雞之餘仲幾好食，性價比good。🐟蒲燒鰻魚串（$68）鰻魚串一向好食，肥美而油香十足，無令我失望。📍土瓜灣九龍城道10-16A號聯業大廈地下B舖

不嬲都係拉麵嘅忠粉！聽朋友講紅磡呢間金鶴拉麵有雞湯湯底，專誠過黎試下！今次試咗佢地招牌嘅極濃雞白湯拉麵，結果係超有驚喜！湯底有極濃郁嘅白汁雞湯，聞落超香雞味，口感亦好杰，超正！佢嘅麵軟硬適中，而且份量亦都預得啱好，一定夠飽！食拉麵一定要配我最愛嘅溏心蛋，而佢地嘅溏心蛋整得好靚，唔會太流心，係我最中意嘅質底！除咗拉麵做得岀色，佢嘅小食都幾不錯。我中意佢嘅炸雞炸得香脆，而且係無骨，方便進食，仲要做到無乜油！啖啖肉嘅感覺超正！餐廳野食做得好，環境都好有feel~ 燈光設計得較暗，而且雅觀，有日本餐廳嘅風格，牆上都挂咗日本嘅掛畫，幾有feel！下次決定要試下佢其他湯底嘅拉麵！

上星期同同事係土瓜灣早左收工，大家都好肚餓，決定一齊食埋夜晚先返屋企。見到拉麵，大家思鄉病就自不然發作，於是又食金鶴睇到菜單上面主打既係佢既雞白湯拉麵。我地就叫左一個2人餐，2個主食，一個就係雞白湯拉麵，另一個要左慢煮厚切日本雞胸肉飯。小食要左一客日式餃子同埋炸雞肉。因為呢間另一樣主打既係燒鰻魚飯，所以我地都另外嗌多左串蒲燒鰻魚串，小試牛刀先。雞白湯拉麵果然係鎮店之寶。爽口不膩既拉麵軟硬度剛剛好，雞肉嫰口一啲都唔“孩”，豚肉大大塊而且肥瘦適中，2款肉都係口感滿分！加埋溏心蛋真係過足思鄉癮。然而濃濃既白雞湯先係呢碗麵既靈魂，浸左湯既拉麵同埋肉真係味道再昇華。我地忍唔住最後連湯都飲哂！慢煮雞胸肉飯令我打破對雞胸肉既一貫認知。以前從來唔覺雞胸肉可以咁嫰滑而且極有雞味！唔洗太多調味，呢款淨係食原汁原味就夠哂正喇個鰻魚串都係不得不推介，佢個鰻魚汁除左充分入哂魚肉入面，仲令到魚既外層燒到非常香脆。幻想到鰻魚飯一定仲好食，因為啲汁會俾啲飯吸收哂，下次一定要叫黎食！2款小食都好正，尤其係個炸雞。新鮮炸起熱辣辣，炸粉一啲都唔厚，呢啲質素真係係邪惡得黎唔後悔。

土瓜灣開左間金鶴拉麵之後，好經常都過去買外賣，因為貪佢就腳方便，同埋質素幾好。今次嗌左兩款拉麵，黑蒜醬油拉麵同雞白湯拉麵。黑蒜醬油拉麵，黑蒜味好濃好香，濃味愛好者必選，碗湯都比我清哂。另一碗係雞白湯拉麵，啖啖都係雞肉精華，湯底本身已經夠靚，我屋企人都清哂成碗，零難度。之後小食方面，明太子雞翼今次燒得岩岩好，裡面嘅明太子又夠飽滿，好豐富。燒黑豚肉串上面搽上醬油，豚肉的油脂跟醬油很搭，食落好香口。而餃子係非常穩陣嘅，一啖搞掂一隻。以外賣黎講，呢間嘅外賣算做得唔錯，尤其拉麵的還原度好高，雖然無堂食個種熱辣辣，但我覺得還好。而且係等外賣嘅時候，店員都會好友善叫我坐住等，仲比埋杯水我飲添，咁好服務真係正。