金鶴拉麵 (和富道) (已結業)

拉麵之旅繼續來到北角，參加遊行前要醫好肚，準備迎接七小時遊行！這間店之前在土瓜灣吃過，鰻魚超級好吃，不過今次食拉麵為主。北角店比較細，等了20分鐘，終於有4人枱了。金鶴雞白湯拉麵果然是店裡的招牌拉麵，奶白雞湯濃厚像奶油，雞湯比豬骨湯清甜，而這湯底不重油份，所以整碗喝下都不會太濟。拉麵沒有鹼水味道，幾彈牙，而且掛湯，啖啖入味。伴碟的炸牛蒡亦金香可口。黑蒜醬油拉麵這個蒜味雖然香濃，但味道不夠突出，我較喜歡調味濃一點的黑蒜湯底。反而慢煮日本薩摩赤雞胸肉真是超級好味道，不鞋口，肉質細膩，好想食完一啖接一啖！還是雞湯最出色！

一入去座位較少，但整體環境都好舒服😌見到menu既相，就點左極濃雞白湯拉麵，鰻魚飯同埋煎餃子。侍應有話鰻魚飯要等大概20分鐘。拉麵終於到啦！首先個賣相同相一樣，有好脆既炸牛蒡，點落汁仲好食！之後試湯底，非常濃，最正就係可以同埋彈牙既拉麵一齊食！而伴菜都有兩塊叉燒，雞肉同埋溏心蛋，最好味係雞肉，因為慢煮，所以一啲都唔難咬，仲會好滑🙈之後食餃子，煎得香口但驚喜不大。最後試食鰻魚飯，有一碗鰻魚湯，清清地可以解返岩岩食濃雞湯拉麵既膩。一打開鰻魚飯，就見到燒得非常靚既鰻魚，啖啖肉，好厚身！飯唔會太軟，撈埋鰻魚汁好好食！絕對有係日本地道既風味😋麵同飯價錢略貴，但極濃白雞湯拉麵絕對值得推介！

友人介紹我去食即燒鰻魚飯～我就緊係帶埋鰻魚愛好者E先生出發🤣🤣🤣「金鶴」原來有好幾間分店～近近地去左北角～地鐵站出左要走一段路～但都唔難揾，而我地閒日中午去～就唔洗排隊囉💓💓餐牌選擇唔多，主打雞白湯拉麵🍜同鰻魚飯🤣我第一次見雞湯底就緊係要試下喇～嘩～極濃雞白湯拉麵一上枱🙈🙈真係忍唔住嘩左出黎，賣相好靚丫～假既一樣🤣🤣旁邊嘅炸物係牛篣絲～炸到香口卜卜脆，成件事變得好立體。食拉麵🍜最緊要既就係湯底～雪白色既味道非常濃郁～估唔到雞白湯底甘既味～有驚喜，而麵質有彈性～不會過軟👍🏼配料有雞肉同糖心蛋，雞肉非常嫩滑、糖心蛋💓半流心～又夠入味。E先生當然叫鰻魚飯🤤🤤鰻魚即叫即燒，大約等15分鐘終於出現，賣樣就冇咩特別，驚喜係夾起鰻魚一刻😍😍😍比起平時既鰻魚厚身一倍，食落有焦香味～外皮非常香脆，而鰻魚肉質有彈性，非常有口感，更保留到鰻魚本身既肉汁💓💓非常好味道🥳🥳🥳鰻魚飯～有跟前菜同麵豉湯，我掛住食鰻魚，所以唔記得左影相🤣🤣

今晚和很久不見的舊同學吃飯，選了近她公司附近的拉麵店試試。拉麵店門面不大，平日晚上也坐滿客人。我們點了招牌的極濃白雞湯拉麵和金鶴白雞湯拉麵，對比一下！極濃白雞湯，真的特別濃，質感像忌廉湯一般濃稠，喝上去，真的雞有雞味，齒頰留香，配合重口味人士。金鶴白雞湯拉麵，湯的質地較極濃的，稀一點，但也雞肉味十足，適合比較清淡人士。拉麵挺彈牙，炸牛蒡是有新意的，要趁還未腍前吃掉，脆脆的像紫菜一樣。雞肉很有驚喜，十分嫩滑，薄薄的但挺大片，有2塊。最後，甜點有綠茶軟凍，表面像蕨餅，有些綠茶粉在表面，微甜軟糯，回味無窮。

有時候，一個人食飯先唔知食乜好太貴既，唔捨得食茶餐廳，又已經食太多好彩行下行下見到呢間拉麵店睇下其他人既食評，對呢間鋪既comment 都唔錯就決定試下先講環境，乾淨企理，可能因爲食既時候並未坐滿，覺得幾寧靜除左standard既二人枱同四人枱，佢地仲有啲面壁既一人位，既然我係一個人，就緊係坐一人位侍應既態度同服務都唔錯食物方面，我只係點左金鶴雞白湯拉麵麵既軟硬適中湯係經六小時熬製既雞湯，濃而不膩，唔會食完一口油既感覺叉燒有燒過，帶有微焦既香氣雞肉味道比較清淡，反而配合返個濃湯溏心蛋亦都有水準整體而言係可以返食既一間餐廳而且open rice 宜家仲有優惠係星期一至五既lunch hour 去食 （假期除外），可以用$68 食到$98 既拉麵 （另收加一）

晚上經過一間以雞白湯為主打的拉麵店🍜被店鋪招牌及裝修吸引到。雖然在試業中但光臨的客人滿多，店員好快安排地入坐。點了兩客拉麵及兩小食金鶴雞白湯拉麵🐔🍜賣相相當不錯，牛蒡新鮮炸起十分鬆脆，帶有回甘味道！湯底係由雞肉熬製， 清甜不膩。 配料十足好夠分量，糖心蛋做得好出色🥚加上兩塊白嫩雞肉🍖肉質嫩滑，仲搭配兩片肥瘦均等叉燒🥩金鶴雞白湯沾麵湯汁比起拉麵的湯底更濃郁，沒浸在雞湯中的配料更食到最原始嘅滋味👏🏼流心蛋入口帶醬油香氣。叉燒經由火炙微燒表面，帶點焦香。唐揚炸赤雞件件都厚肉多汁，炸完都保持到嫩滑，碟邊有柚子鹽可以調味，而且唔會太鹹。煎日式餃子皮薄而且煎得十分香脆，但整體尚算普通店舖座位約20-30個，店員有禮兼勤力幫忙斟茶，是在此區具有水準的拉麵店👏🏼👏🏼👏🏼

拉麵熱潮係香港愈來愈利害!!!!除左有幾間好食的拉麵店之外,而家仲有好多特色拉麵店。金鶴拉麵係其中一間~~佢原來而家連北角都有分店，今次特地帶家人來試試出名的雞白雞拉麵。我地很快就可以入座。聽人講金鶴拉麵的拉麵同座銀有90%相似!!!~ 二話不說,我選擇了雞白湯拉麵,而且是新出既特濃雞白湯拉麵。先講賣相!~非常精緻，有炸過的牛蒡絲和濃厚奶白色的湯底真係好吸睛, 非常美觀。味道方面, 一條條係炸牛蒡口感鬆脆, 好好食。啖湯好濃，唔會有太過油膩,飲落好似加左牛奶落去咁樣!~所以我都飲哂佢D湯。我自己覺得佢應該有落到牛奶落去一齊煮~~另一個賣點應該就係佢既白嫩雞肉~重點係佢係有兩塊嫩雞肉!~不過個雞肉味道其實冇咩雞味,但肉質係幾嫩滑~最後我地仲要左個小食,佢既無骨炸雞, 雞肉肉質鮮嫩而且唔鞋,以哩個價錢黎講算幾好~

已有一段日子，沒有吃拉麵了﹗市面上的拉麵，不是豬骨湯底，就是醬油湯底，相對較為濃味。近日，三表妹告知，城市花園開了一間以雞湯作主打的接麵店。這天，因為某人爽約，小妹一個人去嚐麵。 北角店地方不大，除了擺放數張枱凳外，還有一排面「璧」而坐的座位。坐在這裏，自成一角，且可近距離欣賞一大幅形態不一的白鶴展翅金箔畫。 翻開圖文並茂的餐牌，煞是吸引﹗ 先來一串索價不菲的浦燒活鰻魚串$68，一串有三件厚肉肥美的鰻魚。鰻魚起皮及起骨，邊燒邊塗上自家製鰻魚汁，讓魚肉入味。鰻魚肉嚼勁十足，魚皮也烤得滋味無比。 原想來一碗熱辣辣的拉麵，然，天氣實在太熱了。捨熱而取冷，要了一碗金鶴 - 雞白湯沾麵$138。一個托盆上，一個器皿放有火炙日本黑豚叉燒和慢煮日本薩摩赤雞胸肉各兩塊，以及一隻對切的溏心溫泉蛋；中間乃一大碗冷麵，另一邊，乃一碗奶白色熱雞湯。女店員端上來時，表示如果雞湯不夠，或冷卻了，可以要求加熱湯。 沾麵經過冰鎮，入口涼涼的。麵條比湯麵為粗，更容易掛湯，甚至更具嚼勁和彈性。 雞湯用日本赤雞、素菜、鰹魚等熬製，入口貿感稠密，濃郁鮮美

中午一支公食午餐、不想去茶記，就去了和富道那家新開張不久的金鹤日式拉麵店用膳，這𥚃是小店形式，約二十個座位左右，但也不感到擠迫！點了一個鷄白湯拉麵（$98）另一個煎日式餃子 （$28）拉麵的材料有鮮鷄肉，日式义燒、溫泉蛋，炸過的牛蒡，紫菜、木耳絲，等等，但主角正是那濃濃的鷄湯和豐富口感的拉麵！鷄湯濃郁鲜甜，而拉麵粗幼均勻，食落幼滑而彈牙！煎餃子皮薄，包着的鮮豬肉亦甚可口，醮些醬油亦增加食味！店員不時為我加添的蕎麥茶，清香解渴！埋單約一百元左右，算是超值了！

超正極濃雞白湯底今晚去了在炮台山的金鶴拉麵吃晚餐，環境不算太寬闊，但是絕無侷促的感覺。職員都非常有禮，而且還勤快地奉上熱茶和遞上餐牌，有需要時更為我們詳細介紹餐廳的食物呢！先來一碟芥辣八爪魚，切了粒的八爪魚有嚼勁，再加上芥辣攻鼻的感覺，感覺超棒！另外，我和朋友每人各自點了一個拉麵，朋友喜歡清淡，吃了一個鹽味拉麵。他讚好不絕拉麵上的雞肉，因為非常鮮嫩幼滑，而且清澈的湯底更突顯出鰹魚的味道。我自己揀選了一碗特濃雞白湯拉麵，湯底果然沒有令我失望，味濃芳香，口感幼滑。而且湯麵中的雞肉非常鮮嫩、糖心蛋的蛋黃味濃郁又香、牛蒡香脆可口，還有非常彈牙的拉麵，整個配搭都十分完美和好吃啊！下次再來想試試這兒的鰻魚飯，因為賣相看來相當吸引呢！

星期日下午黎到北角搵食，搵下搵下黎到和富街呢邊就見到金鶴拉麵開左新分店！雖然已經食過一次，但一直對佢地既雞白湯拉麵念念不忘，於是最後都係忍唔住入去坐低。同上次唔同既係，午餐可以加$28換一份小食，我同partner揀左炸雞三件。三件炸雞其實份量不少，每件都幾多肉，要讚讚肉質保持到嫩滑同多汁，另外碟邊有柚子鹽可以調味，建議食炸雞的話一定要點柚子鹽！微微酸甜可以帶起炸雞既味道，而且柚子鹽唔會太鹹的。重點當然係雞白湯拉麵，同樣暖暖既碗可以為拉麵保持熱度，雞白湯依舊濃郁，好似cream sauce的白色湯底雞味香濃，鹹度剛剛好會飲到少少胡椒香味。用低溫煮既雞肉同上一次有少少唔同，用既部份比較爽口亦比較大片，雞肉味都比較重。叉燒同樣保持到水準，薄薄兩片入口咬兩下就融化左。麵條方面，依然夠哂彈牙，韌度岩岩好。而最招牌既牛蒡絲今次略嫌有少少浸落湯既位太多，不過爽脆既部份都仲係好香同有少少甜味。整碗麵雖然望落份量唔算多，但所有野加埋的話其實會好飽，建議女仔可以響落單時講聲少麵，如果唔係有機會浪費架。

之前聽朋友講金鶴拉麵幾好食，好多人排隊。無意中見到北角開左一間，趁放工同同事黎試下。由地鐵站行7-8分鐘左右就到，由於依家試業中，唔駛等即刻有位，so lucky~入面的座位都幾舒服，裝修又好靚，罷位都好有心思，服務員態度好好。我同同事叫左一份極濃雞白湯拉麵，一份金鶴雞白湯沾麵同餃子。首先上左個極濃雞白湯拉麵，外表同餐牌上一模一樣，超吸引。個湯一試好驚訝，又濃厚又嫩滑，雞味超濃，一放入口全口都是雞味，簡直無得彈。麵質彈牙，雞肉厚實無脂肪，食落無負擔，炸牛蒡脆都似薯片。餃子部分，肉餡味道調味特別，又好足餡。金鶴雞白湯沾麵個湯一開頭試覺得有點咸，但一加埋沾麵，味道即刻平衡晒，好好食。沾麵同拉麵外形上有d唔同，但同樣彈牙，望落以前唔多，其實份量超足，好飽肚。最驚喜係個湯入面都有雞肉，超足料。服務員最後話比我聽個鰻魚飯都好好食，下次再想試下。

金鶴雞白湯 ($98) 賣相好靚，慢煮雞肉嫩滑， 炸牛蒡熱辣辣口感鬆脆，個湯好有雞味，一啲都唔油膩，就算飲晒都唔會覺得罪惡！活燒蒲燒鰻魚飯 ($198)喺香港從來都唔食鰻魚飯，但呢度既然講到係店內生劏兼即叫即蒲燒，就俾次機會試吓！等咗大概20分鐘終於有得食，每一塊鰻魚都好厚肉，皮燒得好脆，肉質肥美，魚油甚多，估唔到有咁高質嘅鰻魚飯！！！湯入面嘅鰻魚肝唔腥，肉質細滑，湯又夠清，好好飲！而且店員服務態度都非常好，好味之餘又乾淨企理。以後都會嚟呢度食鰻魚飯喇！

There's plenty of local eateries in North Point, but really not much in the way of ramen - so I am very happy to welcome this addition to the neighbourhood. This inconspicuous little shop is located on Wharf Road, right beside the Tim Ho Wan.  At the time of writing, the store is still in soft-opening stage, but you'll usually find the shop buzzing with customers at lunch time.Today was our second visit, and we had to order again the two shop specialties: the chicken soup ramen, and the thick cu

北角都開咗新分店😍 經開呢頭諗起上一次係佐敦食嘅雞白湯今次就帶埋Honey嚟呢度回味多次😛北角店環境就無比佐敦店大細細間不過環境都係唔錯坐得好舒服❤附近返工食個Lunch都係唔錯嘅選擇👍回味無窮第二彈😍雞白湯真係無得輸 湯底好濃郁有種飲緊忌廉雞濃湯但有少少分別試過就知一試愛上😛😛其次係雞肉同溏心蛋拉麵的份量同軟硬都好適中鰻魚飯個便當盒幾靚一定要相機食先😆打開飯盒勁香照燒鰻魚嘅味道鰻魚入口即溶和香口嘅口感不錯飯量和鰻魚的份量都剛剛好不錯❤香煎餃子食拉麵必食的小食❤