金鶴拉麵 (和富道) (已結業)

一入去座位較少，但整體環境都好舒服😌見到menu既相，就點左極濃雞白湯拉麵，鰻魚飯同埋煎餃子。侍應有話鰻魚飯要等大概20分鐘。拉麵終於到啦！首先個賣相同相一樣，有好脆既炸牛蒡，點落汁仲好食！之後試湯底，非常濃，最正就係可以同埋彈牙既拉麵一齊食！而伴菜都有兩塊叉燒，雞肉同埋溏心蛋，最好味係雞肉，因為慢煮，所以一啲都唔難咬，仲會好滑🙈之後食餃子，煎得香口但驚喜不大。最後試食鰻魚飯，有一碗鰻魚湯，清清地可以解返岩岩食濃雞湯拉麵既膩。一打開鰻魚飯，就見到燒得非常靚既鰻魚，啖啖肉，好厚身！飯唔會太軟，撈埋鰻魚汁好好食！絕對有係日本地道既風味😋麵同飯價錢略貴，但極濃白雞湯拉麵絕對值得推介！