金鶴拉麵 (和富道) (已結業)

拉麵拉麵，最鍾意食拉麵，見到呢間新開，即刻入去試下叫咗呢碗金鶴雞白湯拉麵飲第一啖湯已經覺得好好味，香濃幼滑，又唔會油膩，飲完想即刻飲第二啖麵質彈牙，同湯底好March，一啲都唔膩，睇落唔大碗但好夠飽餸就有兩片慢煮雞肉，有啲凍，浸落啲湯令啲肉微暖，肉質更淋更滑👍🏻旁邊的炸牛蒡係好好的點綴，職員提醒唔駛浸哂啲牛蒡落湯，脆脆地食先好味🤗 果然啲牛蒡又脆又甘香，平時冇咩機會食牛蒡，原來味道都幾特別幾好味我地仲有嗌濃味啲黑蒜醬油拉麵同樣湯底都係做得好好，有醬油同芝麻香，不過蒜味唔算突出，啲荀好爽好好味黑豚肉串燒到脆卜卜嘅五花腩，甜道帶甜，有少少叉燒feel抹茶軟凍呢個要激讚，食完咁多麵同肉，食埋呢件綠茶味超濃又Q彈嘅軟凍，就覺得好fresh好滿足 Download app做會員有汽水送，我地當然唔會蝕😝

最近有好多地方都開咗拉麵店，對我呢啲對食咁有要求嘅人梗係要搵一間好食嘅唔好嘥咗自己嘅quota。之前聽朋友講有一間叫金鶴拉麵個湯底好好味。咁啱屋企附近有開咗一間分店。所以當然嚟享受一下。呢度除咗拉麵仲有鰻魚飯，係店舖嘅招牌。今次我哋都係叫咗拉麵因為想試吓佢唔同嘅湯底。 叫咗一個雞湯招牌湯底，同埋黑蒜嘅湯底。呢個雞湯湯底直落不會感覺到有肥膩嘅感覺，而且有濃厚嘅雞湯嘅味道。 而且最特別嘅係佢會有炸咗嘅牛蒡，食落非常之香口，感覺到好特別。平是唔鍾意食蔬菜嘅我，都覺得好味正呀呢個黑蒜蓉湯底，唔係好多地方都可以食到，黑蒜味都好夠，自家製嘅黑蒜，配上湯底。每啖拉麵都可以享受到黑蒜嘅風味。拉麵都會有低溫慢煮日本薩摩隻雞，黑豚叉燒😍😍我哋仲叫咗啲小食香口嘅餃子，毛豆同埋炸雞。😍😍

金鶴雞白湯沾麵😀😀😀平時都好鐘意食沾麵，但市面上都係豬骨湯為主。第一次食雞湯嘅，飲第一口時非常驚艷。雞湯鮮甜好味，而且用左粗麵，掛湯能力一流！一個字，好味！！！！！！大家一定一定要試！真係超好味！喺第二間拉麵店食唔到呢種鮮甜味道！超級推介！下次想試埋個湯拉麵呢！日本明太子雞翼😀😀😀雞皮脆卜卜但一啲都唔油膩，咬開之後滿滿明太子，十分滋味煎日式餃子😀😀😀新鮮熱辣，好 juicy！可以一試！！！

星期日約舊同事 係城市花園附近食午餐, 無嚟一年附近開咗唔少新餐廳. 今日我哋目標明確 要食人氣雞湯拉麵. 金鶴拉麵係港島開咗兩間分店 , 中環同北角 香港島嘅朋友有口福.我唔使過海食好嘢啦. 雖然餐廳仲係試業期間,但運作好順暢,坐係牆邊位置,欣賞著牆上富有日本京都古色古香嘅金鶴畫,1⃣雞白湯拉麵今日嘅主角 －雞白湯拉麵 我為咗佢而來食！餐廳上菜速度快 落單後5分鐘有得食。雞白湯拉麵單單賣相已經好吸引，店員細心提醒『牛蒡和雞肉』唔好浸落湯，雞肉經過慢煮 肉質嫩滑， 如果再浸落熱湯 會影響肉的口感。 炸牛蒡 新鮮炸起 鬆脆搭配拉麵 有兩種口感。再飲一啖湯頭 雞肉熬製， 清甜不膩。 除咗雞肉， 仲搭配兩片叉燒 肥瘦均等。2⃣黑蒜醬油拉麵黑蒜醬油拉麵 啱晒中意濃味的朋友 店家自製黑蒜醬料， 拉麵爽彈吸收晒蒜香味。湯頭比雞白湯多香油 但不會太膩。3⃣明太子雞翼明太子雞翼即叫即整 要耐心等候美食， 作為明太子嘅粉絲 但首次食呢道菜。店家貼心用錫紙包好雞翼尖，輕鬆拎起一啖咬落去，雞肉去骨包住明太子 啖啖肉微辣 後勁有魚春同蔥香。4⃣抹茶獗餅假日午市都有跟餐小食， 我揀咗飯後甜品。店員都好貼心 係食完拉麵再

常常聽朋友推介金鶴拉麵,今晚終於有機會來到北角分店一嘗餐廳裝修既簡單又高雅,坐位舒適入坐後,侍應便體貼地遞上熱茶和濕紙巾"唐楊炸赤雞"即點即炸,雞肉嫰滑,外皮香脆~yummy!"燒黑豚肉串"是很出色的串燒, 豚肉均勻地抹上燒汁,再放在爐上烤,保留了豚肉的鮮味和燒汁的香味,絕對是encore之選拉麵方面,我點了"雞白湯拉麵", 碗上一條條的是脆脆的炸牛蒡,,半融日式糖心蛋的口感一流, 雞肉嫩滑,湯底鮮甜濃郁,仿如在日本吃的地道拉麵~最後是朋友點的"黑蒜醬油湯拉麵", 朋友說湯底濃郁,拉麵吸收黑蒜味,味道很好呢

是日去左北角返日文，放半日和同學係附近食個lunch見到呢間新開試業中的日式拉麵店。金鶴拉麵🍜，上完三個鍾頭課真係要補補腦食豐富d!下午二點幾，小店唔算多人，店員很好比我地坐左係最舒服既位置👍🏻又介紹左d拉麵款同優惠good!餐廳午餐時段加28蚊可以加個小食都幾多選擇，整體價錢都唔太貴，不錯👌🏻Order 左二款 - 招牌雞白湯拉麵及醬油拉麵🍜🔸醬油拉麵🍜清清地既，材料都幾多，日式醬油，以為會好咸，但是剛剛好的不錯，有紫菜、叉燒、伴著糖心蛋，湯底也出色，面既軟度適中幾好呢！🔸雞白湯拉麵有酥脆牛蒡絲，帶有小小甜又酥脆，聽聞幾有益既！湯㡳奶白色是用了六小時煮的，雞味好濃郁，個湯幾香夠滑但不覺油膩的！💕店員有特別介紹個慢煮既雞胸肉有小小黑椒味並且特別的建議凍食，肉質鮮味而且肉唔鞋都夠嫩既！🔸枝豆本身就是枝豆粉，用黎送啤酒🍻最愛！！呢度枝豆唔錯有小小鹽吊味幾香口，不錯👍🏻🔸浦燒活鰻魚串鰻魚店員提及是新鮮空空返黎仲係即整既鰻魚燒得皮很酥脆，亦帶點魚油好野味了，鰻魚肥美，夠厚又入味，下次來一定要來品嚐一下個鰻魚飯了😋🔸綠茶軟果甜甜地又有濃濃抹茶🍵味道，當午餐甜店，大滿足呢！二個人食食左300蚊倒，

上星期去北角總部上堂，下班後去了和富道拍卡。回程時在附近隨意逛逛，發現「金鶴拉麵」喺和富道嘉洋大廈地下開咗新分店。其實一直都好想試下呢間拉麵店，因為見口碑唔錯，不過又懶得去佐敦或土瓜灣，而家竟然喺北角開咗分店，就曬我這個港島人，所以已經即時 mark 低咗間舖頭，趁今日假期，即刻拉埋老公過嚟嚐新。因為怕人多，特意揀了個午後時段到訪，但沒想到來到時，麵店仍然非常旺場，幾乎全場爆滿，幸好還剩下最後兩個位，而這張靜態的照片是離開時拍下的。 入座後，店員火速為我倆送上熱茶及濕紙巾，感覺相當貼心。翻開餐牌細看，原來除了拉麵外，店子還有燒物、一系列餐前小食和鰻魚飯等料理供應。另外麵店有午市限定優惠提供，客人凡惠顧任何拉麵，即可以 $28 追加小食，有赤雞、叉燒、豚肉串等。雞白湯拉麵是餐廳的主打，當然唔可以錯過，另外再加幾款餐前小食，應該足夠兩人分享。其實嚟之前都有睇過網友推介店裡的鰻魚飯，聽說除了拉麵外，鰻魚飯亦是店子嘅另一皇牌，不過由於想留肚吃拉麵，所以今次就決定先揀客蒲燒活鰻魚串 ($68)  試下。串鰻魚果然很有水準，面層烤至金黃油亮，肉質很肥美，不但可以食到鰻魚的甘香，而且細嚐下還會滲出陣

之前一直聽住北角嘅朋友講，呢區開咗新嘅拉麵店，仲有鰻魚飯食！紋青愛食拉麵，我愛鰻魚飯，岩哂！我哋嚟到嘅時候已經差唔多九點，住宅區嚟講都有六七成滿，真係算叻！個餐比其他日本拉麵一張紙較為豐富，除咗有角色拉麵，仲有小食同埋飯。每個主食佢都會有描述，活燒鰻魚飯嘅描述真係幾得意，「鋸扒咁厚肉」呢五個字好有畫面😂😂題外話，做member有汽水一枝或者糖沁蛋一隻😝紋青order 金鶴 signature 雞白湯拉麵，侍應提醒佢炸牛蒡同埋低温煮雞肉都唔好浸太耐，適合盡快享用。由於活燒鰻魚飯係即叫即劏即燒，要等一定嘅時間，等嘅時間係合埋嘅，除咗湯之外，配有芥辣八爪魚漬物。一打開，真係要相機食先，因為要share咁吸引嘅鰻魚飯俾朋友😂😂 望落真係好香好靚好吸引！一咬落去，收貨！好新鮮，肉質好彈牙！最好嘅係仲保持到juicy 度！👍🏻估唔到鰻魚做得咁好，如果飯同拉麵進步埋就更好！

最近屋企附近新開左金鶴拉麵，之前聽朋友講話好食，今次終於有機會親身試下!星期六夜晚大約6點45分去到舖頭，見到位置差不多坐滿，好彩仲有張2人檯。當然，食之前已經做好晒資料搜集，叫左雞白湯沾麵同浦燒活鰻魚串。金鶴雞白湯沾麵睇番餐牌介紹，沾麵選用粗身的麵條，當麵條煮熟後會經過冰鎮程序，難怪食落咁彈牙。雞白湯非常香濃，味道剛剛好，配合彈牙的沾麵，令人食到停唔到口。店員仲好貼心咁提示，如果湯的溫度唔夠熱，可幫忙加熱。叉燒肥瘦適中，另外，慢煮雞胸肉好嫩滑，令我依個平日好少食雞胸的人都改觀。綜合而言，10分滿分我會比9分。浦燒活鰻魚串鰻魚在舖內活劏即燒，肉身鮮嫩多汁並帶有少少焦香味，配飯一流。相信下次會叫鰻魚飯一試。

星期六返半晝，放工就去北角食野順便去搵D野。之後我見到金鶴有沾麵；而呢餐廳竟然用雞做嘅沾麵。我食咁多次沾麵，大多沾麵湯底麵係鰹魚湯又或者豚骨湯；第一次試雞湯。門面門口除了有金鶴拉麵，門簾就用咗 金色，而且仲有鶴。 餐牌餐廳佈置其實我覺得幅壁好有宮廷feel...,金色做底色，啲鶴就好似喺湖邊玩咁。食物雞白湯沾麵先講沾麵湯；沾麵湯呈米白色，第一啖飲嘅味道係有很好強烈嘅雞湯味。而飲下去的時侯唔油膩。沾麵湯內有筍同雞肉。雞肉好柔軟，而且好滑，猶如絲一般的滑。筍好爽口，食嘅時侯有筍嘅鮮甜味；沾麵好彈牙，當放上沾麵湯再取出嘅時侯，係好掛汁嘅。鹵蛋(味付玉子)蛋白很滑而且蛋黃的蛋黃味好濃稠。叉燒眼見有灸燒嘅痕跡，聞嘅時侯有很香嘅灸燒嘅香氣，肉質很柔軟，由於不太多的脂肪；所以無油膩感；雞胸肉由於廚師用慢煮的方來烹調(即是60度煮6小時)，故此保留謍養之外，亦可以令雞肉好柔軟。服務態度我個人覺得服務態度好好，一坐就問我飲茶定飲水；之後俾張濕紙巾我；其二就有客人打瀉嘢，待應好主動清理檯面。

I have been to Kane Tsuru so many times because of the eel!There are four branches now at North Point, To Kwa Wan, Jordan and Central.The first time I had the signature ramen then the second time I had unagidon and loved it.Went to the new branch at North Point as it is less busy but compared to other joints, this one wasn't so private as there is a big glass door.The menu is the same.Ordered the Unagidon and unagi skewer just to see if there is any difference.Although the unagidon eel is boaste

其實之前都聽過呢間拉麵店，據聞好好味，但係一直未有機會試，今次終於食到啦。我點左佢地既signature - 金鶴雞白湯拉麵雞湯底入口好清爽但係好鮮甜，而且飲到淡淡的雞味好香，唔會過於濃味👍🏻 配料有2塊叉燒同雞肉，唔好睇塊雞肉白雪雪應該覺得好鞋同無味，但係食落去就會知肉質好嫩滑，而且係有調味過的，有驚喜到我！叉燒半肥瘦適中，好食。我平時食拉麵好少會飲埋個湯，呢個湯底真係精華所在啊！朋友點左雞白湯沾麵，因為係沾麵所以湯底就會比較濃郁同鹹d，各有所好啦。唐揚炸赤雞呢個小食真係必點！雖然只有3塊，但每塊都好大塊，要落去係非常大塊的雞腿肉，超級juicy，雞肉超級嫩滑，外層炸粉好薄，淡淡肉真係好正！

又是為了工作，要在北角區內活動，到了晚餐時間, 要找地方開餐, 北角區餐廳雖多，但拉麵專門店卻是當中的少數，加上想試試新餐廳, 數來數去，這裡算是對辦的選擇。先來唐揚炸赤雞,單看炸得金黃色的外觀已相當吸引, 拿起雞件來吃, 雞件都是熱辣辣的,炸皮做得薄薄而緊附在雞件外，炸皮脆身好吃，雞皮沒有太多脂肪而且乾身脆口，雞肉嫩滑之餘, 也能保持了大量肉汁, 雞件也算厚肉，食落啖啖肉和充滿肉汁, 是驚喜之作。選了黑蒜醬油湯拉麵試試, 當侍者將麵捧上來, 先喝一口湯底，湯頭濃度適中而非常滋味，還有黑蒜油的蒜香味;而幼身麵是彈牙的, 麵質口感是爽口, 咬勁十足，有足夠掛湯能力, 是滿意的。叉燒方面，肥肉和瘦肉配合恰到好處，厚薄適中，有種入口即融的感覺; 赤雞肉口感嫩滑鬆軟，肉味濃郁好吃; 溏心蛋做得唔錯，味道香甜。這店的拉麵算是交足功課, 水準不俗, 價格也在合理水平, 值得一試。

自從上次去完日本一直對雞白湯拉麵念念不忘，上網search最多人食的雞白湯拉麵，發現其中幾間唔同地區的金鶴拉麵都有出現，就放早即刻試試。地點方便地鐵站上去都係幾分鐘路程，店舖裝修簡約有別於一般拉麵店，餐廳以黑色為主調 牆上掛滿金鶴充滿神秘感。金鶴雞白湯拉麵🍜 $98奶白的湯底，雞味濃郁但又唔會過份重口味係濃而不膩,真心讚除咗主角湯底之外，炸牛蒡、慢煮雞胸同糖心蛋都極銷魂，牛蒡完全無油炸感 糖心蛋糖心適中 慢煮雞肉嫩滑有口感，極飽嘅情況之下都把整碗湯渴掉。燒黑豚肉串 $48極Juice 醬汁相當入味 肥瘦適中 非常讚😋👍🏻明太子雞翼 $48明太子味道重雞肉滑 皮亦燒得脆脆

今天比較得閒行遠少少食晏，去咗和富道新開的金鶴拉麵，之前在其他分店食過拉麵，今日特別想食鰻魚飯，食即點即做的鰻魚飯要有啲耐性先食得，等十五分鐘唔駛就到。做原條鰻魚飯，呢間算是數一數二，最主要係即刻燒，睇吓相，兩邊都有燒過，皮及底香脆，中間夾著肥美的魚肉，強烈對比口感，咁就係好食的精彩。第二是組合，鰻魚汁豐富，帶着有米氣的飯粒，滋味所在，另一方面，配合清鰻魚骨湯，又中和一下，理想。我的理想組合缺不了追加令我會食完很開心的甜點，加$28食埋抹茶軟凍，名副其實軟軟地、涼涼地、充滿抹茶香，正呀！