金鶴拉麵 (閩街)

营业中

休息中

今晚在佐敦附近放工，黎到地鐵站附近啲街有好多野食，但搵到呢間比較隱蔽的拉麵小店，外面裝修富有日式風格，就決定入黎食下。到咗晚飯時間都好多客人，我地今晚揀咗吧台坐，可以望到師傅精心制作食物。餐廳環境優雅舒服，服務貼心。餐牌提供雞白湯拉麵，沾麵同燒活鰻魚飯等多款選擇。雞白湯拉麵，$98,師傅介紹雞白湯係餐廳的主打菜之一，雞白湯係用由日本直送的優質赤雞熬制而成，顏色呈濃厚奶白色，飲落有濃郁雞肉味又十分鮮甜，咸度適中，不禁會飲晒成碗湯。拉麵彈牙煙韌，質感香甜，有嚼勁，吸晒湯底的精華，有兩塊嫩滑的赤雞雞肉同黑䐁肉，加上炸過好香脆的牛蒡，口感層次豐富，味道一流。活鰻蒲燒飯，$198, 用由台灣產的原條活鰻魚，每條都好大條，分開做到4份鰻魚飯，燒得剛好熟，魚皮香脆，肉質軟稔，煙韌得黎帶有爽滑的口感，燒汁香甜濃郁，滲入魚肉當中，入口香味散發，飯係用日本米煮的，飽满煙韌，係同燒鰻魚的絕配之選。

今天阿女約了我去拍拖吃午飯及逛街，帶了我去佐敦吃拉麵。來到門口，原來店名叫金鶴拉麵，全店都充滿著日本風味，特別喜歡它的門口裝修，整隻金鶴盡現眼前。甫入門口，服務員非常有禮親切地招待我們入座，看完餐牌後，我們便點了一碗雞白湯拉麵、雞白湯沾麵，一碟味付螺肉，還有若立刻入會，每人多送一枝汽水或溏心蛋。雞白湯拉麵湯底很香，雞味很濃，拉麵麵質很彈牙，炸牛蒡條是最引人注目的食物，卜卜脆很有趣，還有慢煮雞肉肉質鮮美嫰滑，黑豚肉也很入味。至於沾麵，濃味的雞湯簡直是靈魂，沾了湯的麵份外煙靱。吃完麵後，店長細心地為我們準備了熱騰騰的清湯加在雞湯內，真的飲到一滴不剩，美味無比吖！整個來説，這間小店令人很有驚喜，裝潢精緻，店員有禮，食物及擺設更看出廚師的用心及出式的廚藝，下次一定會再來！

晚上放學經過官涌，被鋪面金鶴裝飾吸引住，侍應生說是試業之中。眼看店內裝潢花了很多心思不馬虎（長長的牆畫是用金萡貼成），而且環境不吵不鬧於是放膽一試。.店面很企理，食拉麵最喜歡坐吧檯，近距離看著師傅做麵過程是種享受，試過很多拉麵店不敢再造訪，當日本師傅一不在，廚房就變回凌亂污穢不堪，這種求其當然亦反映在每況愈下的食物質素上，所以每次試新店也盡可能坐吧檯。.聽取店家意見點了個招牌雞湯拉麵🍜，佐料有齊雞肉和叉燒。師傅有慢慢先把碗加熱，然後再倒湯在碗裡調理，再上麵鋪佐料。.二話不說先飲一匙湯頭，奶白雞湯能做到香甜而不膩，與店家自製的炸牛蒡是非常好的配搭食落更甜。.麵條、叉燒和糖心蛋都有水準無煮過頭，恰到好處的說。.最值得一提是慢煮雞肉，肉估計是日本雞肉無散無起渣，嫩滑美味可口，個人認為來此店一定要試試。.額外點了煎餃子🥟也是有好好煎得香脆金黃。.個人肚皮所限試不到店家推介的即燒鰻魚飯，唯有下次放學再跟朋友來再試吧。.今次無中伏.另，記得做會員啊，有儲分優惠喔。

同媽媽行廟街睇野，想起佐敦好多野食，就行多兩步過去睇，行行下就見到間好日式既店舖，整個裝修都好日式，俾人一樣感覺好似去左日本咁，連廚師既衣著裝備都滿有日式風味。 由於行左好耐，勁急，一入到去就放低袋去廁所，店員仲好細心令個籃俾我地，裝好我地既衣物同袋。 點個知打開門一去到洗手間，完全唔敢相信，佢個廁所整到日式庭園咁，無諗過店舖咁花心思，俾客人一個如廁既空間。除左空間大，仲有日式既廁所，又係滿滿幸福感。 出到去，同媽媽商量左好耐食咩，雖然選擇唔多，但咩都好想試，最後叫左一個沾麵一個湯麵，枝豆同明太子雞翼。 店員介紹赤雞係新鮮日本運來的，以低溫烹調的方法去煮，聽佢講完好吸引，當然要試啦，而豚肉係睇住廚師係度燒既，都好想一試。 饅魚呀鰻魚下次再食你，我知你都好出名，不過同媽食真心怕浪費左。 湯麵黎先，有即整既牛蒡，店員提醒快快食，入口唔會太油，脆脆地幾易入口，湯底又香又濃，麵質爽口彈牙。 雞肉原來係冷食的，感覺好特別，不過又真係好滑好嫰，香港未食過呢個口感同味道。 沾麵用個小火爐上，店家相當細心，想保存湯既溫度。 個湯比湯麵濃，食落好似食緊白汁咁，但湯可以掛到麵，好好入口，加埋佢既麵身

放工做埋嘢都十點幾，搵地方宵夜晚餐， 見天氣涼咗，所以突然間想食啲熱嘅嘢，就諗起食碗拉麵。但係又唔想落銅鑼灣登龍街， 於是上 openrice search下有啲乜嘢拉麵可以試試。咁就見到依家喺佐敦新開嘅 拉麵店， 位置唔算特別方便 地鐵站出咗都要行幾個街口先到，平日行過佐敦都好難會見到。喺門口見到個裝修就覺得似貴價日本野。入到去呢個時間重有三、四檯客，睇睇menu，發現唔止有拉麵，重有沾麵、沖繩蕎麥麵、飯、小食，都幾多選擇。而拉麵佢主推白雞湯湯底。價錢方面都比較偏貴，最平碗拉麵都要$98（未加一） 。我同朋友就決定一人拉麵，一人沾麵。一上檯，拉麵嘅配料比平時食開嘅略有不同。除了有叉燒之外，重有慢煮赤雞、溏心蛋同埋牛蒡。叉燒上碗前火槍烤過，入口味道重有烤嘅味道，唔錯，而且有少少肥肉。至於蛋就不過不失，合格。反而慢煮赤雞真係好一般，可能因為用左雞胸肉，肉質較為諧，而且只有鹹味，無其他味道。而牛蒡就較為驚喜，竟然係即炸即上，非常之脆口，好似食梗薯條咁。講左咁耐未講湯底，主打白雞湯嘅拉麵，反而湯底就係好普通，湯底係奶白色，望落好濃味，但入口則相反，唔覺得有咩特別味道，友人話覺得似金X雞湯，所

今日請了半天假去做產檢，每次產檢也很期待，因為可以知道小b最近的情況及生長速度，每次聽到他的心跳也感覺很奇妙。完成產檢後和老公四周圍逛逛，主要也是看嬰兒及家居用品，逛到累了，突然想吃拉麵，上網看看便來到這裏。完全被店外的設計迷著了，優雅的氣質，不說會以為到了一處吃日本高級料理的地方。吧枱位置可看到每位廚師對拉麵的執著。店內裝潢設計也別出心裁，令人想有再坐久一點的感覺。老公點了黑蒜醬油湯拉麵黑蒜醬油平均滿佈拉麵上，卻沒有過於油膩的感覺，味道香濃。我選了店中的皇牌，雞白湯拉麵。奶白色的湯底，雞味濃厚卻沒有半點油膩。香脆的牛蒡增添不少色彩，而且健康感覺提升不少。慢煮赤雞的肉質非常嫩滑、鮮味無比。黑豚肉則香濃軟熟，美味可口。拉麵更是軟硬適中，爽口彈牙。上：沖繩阿古豬燒肉，看似很肥美，卻沒有在外出吃肥豬肉時的油膩，爽口易咬開，味道不錯。下：元祖煎餃子，皮薄多汁，不沾醬汁也十分美味。

這間新開不久的「金鶴拉麵」有兩大招牌菜，一是拉麵，二是鰻魚飯。拉麵是香港少見的雞白湯，鰻魚飯是台灣來貨，即宰即烤，看來吸引，便特地前往一試。 店舖位於佐敦閩街，就在腐乳名店「廖孖記」旁邊，我去得早，才不過晚上六時多些，便已到埗，毌須等候，已可直接入內。到我吃罷晚餐，門外已有接近十人排隊等候，這新店，生意挺好呢！ 這間「金鶴拉麵」雖只是一間小店，店內連吧檯位在內也只得 24個座位，但裝潢不俗，門外大圓窗縷刻的金鶴迎日圖華麗而有貴氣，大門門簾上掛著的雙魚圖紅彤肜的，也洋溢著喜氣盈盈的氣氛。啞黑色的石桌充滿型格，就連濕紙巾、筷子套與牙簽，也比一般店子的來得精緻美觀，讓人留下深刻而良好的印象。店內的廚師全皆載上黑色的口罩，就給人注重衛生的感覺。 看餐牌，這店子近日原來新增了兩款期間限定的出品----「火炙沖繩阿古豬飯」（$98）和「沖繩辣味蕎麥麵火炙日本黑豚肉」（$168），看來都幾吸引，不過第一次到來，一場來到，為的都是店中的招牌「雞白湯拉麵」和「活鰻蒲燒飯」，哪能不試？所以還是捨這兩款期間限定出品，選取「雞白湯拉麵」（$98）和「活鰻蒲燒飯」（$198）作為這夜的晚餐。 這兒除

佐敦新開左間隱世拉麵小店🍜 主打雞白湯拉麵同 #鰻魚飯 🍚 賣相同食物都似 #座銀 🤣 但比較下呢間食落更有驚喜😱 比座銀更勝一籌👍🏻-#雞白湯拉麵 🍜 ($98) (5/5)同樣有黑豚、慢煮赤雞、溏心蛋同炸牛蒡🐽 黑豚同慢煮雞既肉質比座銀更軟淋🤤 雞白湯底就差不多👌🏻 都好濃郁👍🏻 溏心蛋夠流心😋 價錢較平🤫 性價比高🥰-#火炙沖繩阿古豬飯 🐷 ($98) (3/5)去到鰻魚飯賣哂😓 唯有試下呢款 #期間限定 😉 供應期至20/11😎 阿古豬質感有啲似鴨胸🤣 如果醬汁多啲更好😏P.S. Download餐廳個app免費送溏心蛋或汔水🤫

星期六經過佐敦時，無意中被這間簡約日式裝潢的拉麵店吸引住，於是便和男友進去享受晚餐。甫入拉麵店，服務員便熱情地為我們帶路，更為我們拉開椅子和為我們放好背囊，此等貼心服務真是少見👍下完單後便開始留意店鋪四周。牆壁，餐桌皆以黑色格調為主，簡約又帶點日式華麗古典風格。上至裝潢下至餐具皆經過細心鋪排過，如櫻花陶瓷杯，日式木筷子等等。雞白湯拉麵 $98(黑豚，牛蒡，溏心蛋，慢煮赤雞）首先，擺盤很精緻，奶白的雞湯上有一團炸牛蒡作為點綴，視覺效果一流👍最欣賞的是金鶴拉麵是用了成本最高的白雞湯作為湯底，不同於普通的豬骨湯，更加鮮甜而不油膩。難得的是用了由日本直送的赤雞去熬製白雞湯，入口幼滑，毫無油膩可言，味道香甜❗️而麵質是軟硬適中，非常對我胃口食一口由低溫慢煮的厚切赤雞，口感比一般雞肉更來得鮮甜嫩滑，雞味更為濃郁我還是第一次食到這般軟滑的雞肉呢👍炸至香脆的牛蒡為整碗麵添上畫龍點睛之效。白雞湯沾麵 $138(黑豚，溏心蛋，慢煮赤雞）又另一種食法，比上面的拉麵更可深入地品嘗白雞湯的鮮與甜。一口超濃白雞湯一口粗身拉麵，真是一流😍😍白雞濃湯放在小火爐之上，不斷keep 住熱辣辣的溫度。再食上用火熗燒成的叉燒，

朋友最鍾意食拉麵，成日都周圍試麵。不過，唔係間間都做到係日本食嗰種質素。今次聽聞金鶴拉麵的雞白湯選用日本赤雞每兩至三日由日本送黎，同傳統湯底好唔同，咁就決定黎試試。店舖係佐敦地鐵站附近，行大約5分鐘到就到。未入去已經俾佢個門口吸引左，真係勁靚，好有日本畫的風格。店內的裝璜感覺高級，而且係開放式廚房，睇晒師傅的烹調經過。待應送上餐前的濕紙巾，連紙巾都係日本製，朋友覺得好有去日本旅行時去的麵店感覺，而我就幾欣賞佢地咁細緻的用心。我地揀左雞白湯拉麵、活鰻蒲燒飯同餃子。講真平時食開都係豬骨湯底多，好少食到雞白湯底。店員送菜時好細心講牛蒡即炸，可以先食。而雞係凍凍地咁食，話可以食到雞肉質的細嫩味道。果然真係冇令人失望，牛蒡入口爽口唔油膩，慢煮的赤雞肉質嫩滑，凍食又有令人種口感。而最令我驚喜的係佢個湯底，平時拉麵湯底飲第一啖覺得好正好濃，但飲多左就覺得好油。但金鶴的雞白湯係完全冇依種感覺，我係成碗湯飲晒！！佢湯底質感濃厚，但好清甜，飲完唔會口渴，會令人想繼續飲！而佢火炙叉燒好香口，值得推介！活鰻蒲燒飯一打開見到活鰻好肥美好大條，食落口魚皮的甜味滲落去下面的魚肉到，口感juicy，配菜同湯跟鰻魚好夾

天氣涼左咁多都中意食返啲暖笠笠熱辣辣既野，今次經過佐敦一帶見到有呢間裝修日本風味極濃既小店就入左去食啦，我地2個都中意坐吧台，人生得矮高居臨下既感覺係唔錯。呢到既服務好好呀，一入坐會比即棄既濕毛巾我抹手又會問我想要熱茶定凍茶，照顧到唔到需要既顧客！我地分別嗌左最招牌既雞白湯拉麵同黑蒜醬油湯拉麵，我個fd仲話唔夠飽要嗌多一份炸雞先夠飽😂由於我地坐係吧台既關係所以會望到開放式廚房入面搞乜東東，廚師並唔係就咁煮熟啲麵就求奇拎個碗黎裝，反而會預熱啲碗，唔會令倒拉麵落去個一下至出餐個出現太大既溫差！好窩心同貼心既小動作真係唔係間間拉麵店都做到。白雞湯既湯底好清甜，唔好死咸可以一路食一路飲湯都唔會口乾，唔洗成日拎杯水飲，而佢黑蒜油既湯底都好濃郁不過就唔太岩我呢啲中意飲湯既人，因為太重口味啦哈哈，而且佢既雞肉係用雞胸肉部分，最特別既係佢既雞肉係凍食架千奇唔好再佢放落熱辣辣既湯到，如果唔係就會淥到硬晒食唔到雞肉既滑感架啦。另外我最欣賞佢既就係配上炸雞既檸檬鹽，咸得黎帶點酸味，特別開胃！

之前見到朋友在社交平台的貼圖, 這裡的店內裝飾較為高格調, 看來也是吸引, 這天就來這裡試試, 店子人氣不弱, 踏入店內，人客也不少, 是相當旺場。店子不是開在大街，也不算太難找，有L型的拉麵吧及開放式廚房，師傅在忙碌的工作, 還有些散坐。先來唐揚炸赤雞,雞件炸得金黃色, 雞件都是熱辣辣的,炸皮做得薄而脆身, 雞皮沒有太多脂肪, 雞肉嫩滑之餘, 也能保持了大量肉汁, 雞件也算厚肉，食落啖啖肉和充滿肉汁。就選了雞白湯沾麵, 未吃麵，先嚐湯, 雖然是沾麵，但湯不算是太杰身，雞味道是濃郁的。將麵條沾上湯，質地爽滑彈牙，沾上湯頭就更好吃，滿意。叉燒比較薄身，但夾起來就看到其肥瘦相間的肉質, 口感軟稔而味道也異常豐腴，還有溏心蛋，軟滑而蛋香濃，味道出色。吃到最後，可要求店員在濃湯內加些湯去稀釋，讓食客可以將湯頭喝下。這店的拉麵水準不俗, 就當日所見, 店內差不多坐滿客人, 可算是旺場。

有一次喺instagram見有人推介呢間餐廳，咁啱又做緊promotion，作為雞湯控嘅個當然即管黎呢度會一會佢個雞白湯拉麵。餐廳嘅格局好溫暖，好有日本嘅感覺，連張濕紙巾都係無添加嘅日本濕紙巾。拉麵唔會好稔，雞湯非常鮮味，隱約飲到少少薑味，會令人想飲完再飲。麵上面嘅牛蒡絲令碗麵好似一件藝術品。反而啲雞肉叉燒就不過不失，未至於超級好食。食完麵之後成個人覺得好溫暖，好舒服。聽講呢度嘅鰻魚飯都好出名，下次有機會都想試下。

複製創新 - 金鶴·白雞湯拉麵係香港不是大行其市，但佐銀必定數一數二，這裡也做雞白湯拉麵，全個配套實在可以說是抄得足9成，present方面是可以的，但味道實在差太遠了，首先湯頭味道不佳，不及雞味，拉麵鹼水味極濃，實在不行。然後談及創新，則是這裡的鰻魚飯，索價$198，價錢不平宜，師傅說道是新鮮燒，慢慢掃汁上去燒，可惜的是有兩點，第一-看到師傅由雪櫃拿出時並不是生燒，第二-食落口感更似在吃燒白鱔。兩個主食都是絕對唔好食，咁小食呢？叫了一個煎餃子，上檯時候餃子底部並沒有煎好，整隻餃子更像一隻清水煮餃子一樣。全個配套連價錢，餐廳實在配以極度不推薦之說。•金鶴拉麵 (佐敦)佐敦九龍佐敦閩街三號地舖

金鶴拉麵嘅雞白湯沾麵，絕對係我係香港食過最好味嘅雞白湯沾麵！雖然位置上唔算近地鐵站，但係入到去佢嘅裝修絕對係大有驚喜。裝修以日本風為主，當中有唔少擺設都富有日本特色，入座時唔算多人，但一邊食既時候陸續有客人。店員安排我哋坐吧枱，位置都幾闊落，一邊望住廚師烹調，一邊同朋友傾計，真係幾有情調幾舒服架！雞白湯沾麵（$138）超好食！真心超好食超好食超好食！佢既雞肉同埋叉燒都係以冷盤形式，兩款肉都令人好驚喜，本身以為冷盤會唔好食，但今次真係會令我刮目相看，雞肉細嫩，叉燒亦都燒得好香，加埋暖粒粒嘅沾麵，冷熱感覺交融，感覺好新鮮好特別，食得出廚師用心嘅安排。而雞白湯下面就放左小蠟燭，啲湯唔會食到最後凍哂！雞白湯濃而不膩，最後廚師會應安排提供清湯，加入原本嘅雞白湯，係第一次食沾麵可以飲晒個湯！黑蒜醬油湯拉麵（$98）醬油湯同樣係濃而不膩，配料同另一碗沾面差不多，但冷熱交融嘅感覺更突出，熱辣辣嘅醬油湯，加埋冷雞肉，感覺真係好特別架，而香濃嘅黑蒜亦都唔會搶咗醬油嘅香味，但起咗提升鮮味嘅作用！兩碗面都配上味玉半隻，亦都係我食過係香港最好食嘅味玉！通常去拉麵店都會試埋佢份餃子，佢嘅餃子煎得好香，而且皮薄，而