金鶴拉麵 (閩街)

营业中

休息中

其實之前已經想食好耐，今次咁啱見到冇人即刻入咗去😍，食咗限定既北海道極濃蝦湯撈麵同極濃雞白湯拉麵，雞白湯第一啖真係好驚喜，好似飲緊雞湯咁，真係好濃郁！未試過飲咁濃郁味既拉麵！🍜雞都好滑下🤤而蝦拉麵就好多蝦米，蝦都幾大隻，湯底都幾濃郁！不過我就鍾意雞白湯拉麵多啲😋 仲有豚肉，半熟流心蛋都好入味，拉麵質素同價格都成正比～ 而廚房就係日式開放式廚房，可以見到廚房好乾淨，啲師傅整緊拉麵同擺盤～態度都好好，幫我地不斷加水同幫我地開門～

對友人推薦的金鶴拉麵慕名已久，可惜每次經過都大排長龍無緣一試。今日終於等到機會可以提早下班，鰻魚飯我來啦！拉開日式趟門，金鶴店面不大卻充滿精緻的日料氛圍，木石與黑金為主的裝潢高端與型格兼具。餐牌設計清晰簡潔，大大的食物照很誘人～點了芥辣八爪魚作為前菜，Wasabi葉爽脆八爪魚又入口彈牙，冰涼嗆辣特別開胃。奔著鰻魚飯而來~活燒蒲燒鰻魚飯即點即燒，當鰻魚飯冒著煙，盛於精美食器裡上桌，只覺等候都是值得的，還必需要讓相機先食呢！新鮮活鰻肉質爽脆不是超市的軟稔稔貨色，近皮位置有脂香又有蒲燒的焦香肥美肉厚可以稱之為「鰻魚扒」了吧？先大口吃肉，滿口肥美鰻魚肉口感爽彈沒有腥氣，再跟滲了鰻魚汁的飯一起吃，一人獨食好滿足啊！PERFECT！不枉我期待了這麼久，的確很高質，期待下一次來試試拉麵！

自從係大阪食完雞白湯拉麵之後，就對呢隻拉麵念念不忘，網上搵到呢間鋪既雞白湯拉麵個樣竟然同日本果間幾似，就決定黎試一試佢。碗麵一來到，首先覺得外表幾吸引第一啖先飲個湯，覺得唔錯，質地幾濃厚，比起一般既豬骨湯當然冇咁鹹，食得多豬骨湯拉麵間中可以食下雞白湯中和下。麵質合格，都算彈牙，但又未至於去到好出色。配料好豐富，有雞肉，叉燒，炸牛蒡。炸牛蒡唔係話好脆（不過我已經唔記得係日本食既係脆唔脆），但有曬雞肉同叉燒呢一點就抵讚。一開始食係覺得唔錯，但係到碗麵食到超過一半就有少少問題，就係覺得味道單調少少。價錢$98（好似仲要有加一），都幾貴下。總括黎講，雖然味道同大阪食到既依然有距離，但係香港食到有呢個質素其實都合格以上。當然價錢唔係平，試下無妨，但我就未必會成日食。

尋日喺佐敦收工，忽然間好想食拉麵，諗起附近有一間上網睇過幾出名但係未試過嘅金鶴拉麵，所以就去試吓，八點去到門口都仲有五六個人排隊就知道應該有保證所以我都唔介意等多半個鐘先可以入去 佢哋嘅座位都有一個小海報推介佢地呢款極濃雞白湯拉麵，飲咗啖湯底真係好震撼！佢嘅濃郁程度比起我喺日本食有過之而無不及，而且麵質非常彈牙，10分我比11分！另外都叫咗黑豚肉串燒，同樣驚喜十足，燒到真係外脆內嫩，每一啖都充滿豬肉嘅油脂香另外鰻魚串燒都叫咗一串，食咗一吹就決定呢間餐廳我一定會再黎，真係好有誠意，同樣鰻魚燒到外脆內嫩，而且充滿鰻魚香味，100分！

Lunch $68食平民版雞白湯拉麵相信好多人同我一樣，都對雞白湯有啲情節，但香港嘅選擇實在唔多，不過做到平同埋性價比高，金鶴絕對係其中一個選擇。雞白湯不是我的最愛，但是為了炸牛蒡我還是選了它 👉🏻先去OpenRice買coupon，再download個 app換埋糖心蛋🐔 慢煮雞肉又嫩又彈🔥 叉燒輕輕燒過💡炸牛蒡是亮點🤣

一向都覺得座銀嘅白雞湯拉麵好好味 之後睇食評見到呢間嘅白雞湯拉麵好似個賣相同座銀一樣, 食評又好好, 價錢方面好似仲平少少, 所以諗住去試一試~有食過座銀嘅朋友, 都知道一碗白雞湯拉麵大約$138, 見呢一度有$98一碗白雞湯拉麵仲有糖心蛋半隻附送, 一心諗住試吓呢一個平啲嘅version睇吓有咩分別 不過佢呢度仲有一個極濃白雞湯拉麵 ($138), 店員好推介所以我同男朋友都覺得可以試一試 同埋我知道呢度好出名一個鰻魚飯所以都叫咗一碗嚟試一試~碗麵嚟到嘅時候, 其實我覺得個賣相真係同座銀差唔多(雖然我男朋友話其實一睇就知爭好遠🙈)不過當我飲第一啖湯就知爭九條街 個湯底完全飲得出係廉價嘅忌廉湯😓 平時去座銀就算食唔晒個麵都飲晒湯嘅我, 飲咗兩啖湯都已經唔想再飲 個炸牛蒡我男朋友話見到其實佢哋一早已經炸好咗, 所以凍哂不過公道啲講句, 佢其他配菜都多嘅, 例如木耳絲, 蒽, 筍等等之後個鰻魚飯都嚟啦~ 都還可以啦, 鰻魚舊肉都好厚切, 不過啲米就麻麻哋, 雖然好似係聲稱用日本米, 不過就食唔到日本米嗰隻粒粒分明好有咬口嘅感覺 仲要留意番係$238...如果係$98我就會覺得都幾好食會再食

之前喺跑馬地嗰間座銀試過雞白湯拉麵，一值都很喜歡。今日朋友推介來到佐敦閩街的金鶴拉麵，都係以雞白湯拉麵做招牌。這間店位置比較隱蔽，係喺對住上海街嗰間日本城嗰條橫街，同周邊有點格格不入。.裝修同環境都舒適，但當然唔會有日本嗰種感覺啦。我哋叫咗三個拉麵兩份小食。總括來說，味道幾好。只係拉麵個湯底唔係喺店內烹調，而係東京空運直送 🤭，配嘅係熱茶而唔係冰水。=============🍜特濃雞白湯拉麵($135)，兩塊慢煮雞肉，兩塊豚肉叉燒，半隻溏心蛋，炸牛蒡，葱絲等材料配上雞白湯。.雞白湯以日本赤雞、鰹魚魚介、素菜等食材熬製成。濃郁香滑，味道有點像忌廉湯，雞味略為內斂。不過其實都唔係喺店內烹調，而係東京空運直送 🤭.雞肉是用上日本薩摩赤雞胸肉以慢煮烹調，口感嫩滑。黑豚肉叉燒層次分明，肥瘦適中。炸牛蒡香脆可口，不要浸湯吃。溏心蛋做得剛剛好，流心，香甜。麵條，煙韌爽滑。.🍜雞白湯沾麵($138)，跟雞白湯拉麵相若。唯獨湯不夠熱。而且我覺得雞白湯做拉麵比較適合。因為沾麵，麵同湯分開上，比較適合味道濃郁嘅豬骨湯。.🍜黑蒜醬油拉麵($98)，兩塊慢煮雞肉，兩塊豚肉叉燒，半隻溏心蛋，昆布等材料配上秘制黑蒜

29/12中午天寒地凍二人專登走出去佐敦食拉麵，入到去鋪頭個冷氣仲凍過出邊天氣，個湯底就應該好快俾冷氣整凍。叫咗一個招牌嘅濃雞湯麵同埋一個沾麵。起初以為圖文不符，點知佢先上左個麵之後先比嗰個炸嘅野比我，真心唔明點解唔在廚房做晒所有嘢先拎出嚟俾個最好嘅樣俾我睇。先飲過湯底，個湯底金寶忌廉雞湯咁嘅款，啲麵質又硬，落單前我冇講明麵質，但係佢都冇問；個雞肉又韌；片豬肉食落口都唔知食咗啲乜，淡而無味，仲要用金屬製嘅匙羹，擺落個湯度就凍哂啦；個沾麵，個湯唔夠熱又唔夠濃，但這個麵質係OK嘅，食到一半時，個湯底已經比冷氣整到凍哂，咁我哋就叫侍應幫我地加湯啦。當我地舉手嘅時候佢問都唔問就拎張單俾我哋以為我哋要埋單走，其實我哋係要加湯，我真係O晒嘴。輪到個餃子，如果啲皮靚同埋啲嘢新鮮，就唔使用炸嘅形式，我真係唔想再多講。樓面嘅Service又唔好，個個好似辦喪事咁樣，煮麵既師傅嘅恤衫又唔燙，外貌已經比唔到人專業既形象。收我$138，佔最大嘅比重應該就係食佢嘅裝修，因為佢個廁所真係好靚，有電視睇，仲有日式廁所板不過你唔會敢用。試過一次都唔會再去啦因為太貴，兩個人食咗差唔多$400 ，計返日本紙已經差唔多50

看餐牌見到有兩種雞湯拉麵，一種係「史上極濃雞湯拉麵」，另外一種係「白雞湯拉麵」。兩者價錢分別為$98 $138。細問侍應之下，了解到兩者嘅分別係在於煮湯嘅時間長短。我跟男友便一人點了一款，一試高下。我叫的是普通白雞湯拉麵，湯底非常濃郁，而且稍為杰身，味道濃郁到有點像加了金寶雞湯的一樣，味道濃到有點不天然，飲多了有啲漏。然後我再試了男友點的史上極濃雞湯拉麵，一試之下，發覺味道非常有驚喜。湯底清而有濃郁嘅雞味，食得岀係用咗好多雞長時間煲成嘅濃湯，冇加其他增味劑，味道完勝我的普通白雞湯面，加多$40絕對值得！另外值得一讚嘅係個廁所，設計美觀而且非常乾淨，加分！

大街上人不多，轉過街角，便看到這間麵店。店舖裝潢甚具品味，牆上有一幅金色的鶴畫，格局如日本的拉麵店。極濃雞白湯拉麵($138)，極濃的雞白湯由平時水狀湯底變成忌廉似的湯底，口感讓人眼前一亮。相較普通雞白湯拉麵，這個湯底如忌廉般濃滑，入口是濃郁清香的雞湯味，雞肉味比平時喝的雞湯相倍濃厚。拉麵掛湯，忌廉狀的雞湯自然更能掛到麵條上，令到每一口都嚐到煙韌爽滑的拉麵和雞湯的滋味。黑蒜醬油拉麵($98)，我們很喜歡任何黑蒜系列的拉麵，來這裏自然不能錯過。也許是極濃雞白湯拉麵的味道太出色，黑蒜拉麵有點比下去。用上同一款拉麵，依然能掛上黑蒜醬油湯底。湯面有大量芝蔴，先喝一口熱湯，再嚐拉麵。配料與其它拉麵一樣，有紫菜、半熟蛋、非常軟香的慢煮雞肉和大片帶着脂香的叉燒，當中以雞肉的質感最好。還有一絲絲炸過的牛蒡，脆吃和浸湯吃亦可，但以不浸湯吃為佳，更能嚐到其香脆味。浦燒活鰻魚串($68)，是在店員推介的鰻魚飯和網上推介的極濃雞白湯拉麵中，各取其優的選擇。燒汁做得非常出色，鰻魚燒得鮮脆，如拌飯吃更佳，往後有機會必嚐這裏鰻魚飯。另，店員服務很好。總括而言，是一間以味道取勝的拉麵店。

平安夜喺佐敦行咗一陣，都冇乜打算訂枱食高級餐廳（俾人湯錢嘅日子），所以就揀咗喺佐敦好出名嘅金鶴拉麵，想嘗試佢嘅沾面，男朋友就想試吓佢嘅雞白湯拉麵可能因為平安夜嘅關係，門口排晒長龍，都要等左30分鐘先入座。服務態度唔錯，侍應們都有禮，招呼快，另外值得讚嘅地方係餐廳會係每一台擺一個竹籃，比客人放置個人物品，咁就唔使整污糟啦！我本身想叫沾面，但係就已經賣晒了。唯有叫其他野食～⭐️極濃雞白湯拉麵呷一口湯，雞味好濃郁，乳白色嘅湯底比起一般嘅湯底傑身，口感好順滑，鹹口適中。（但係湯底傑身，食耐咗都有啲口渴）除咗湯底，呢款拉麵最入味嘅就係雞肉了, 識落應該係雞胸肉，但係很嫩很滑，是意外的高水準。配菜就仲有啲炸牛蒡絲、木耳、荀、同埋糖心蛋等等。特別提一提牛蒡絲一上桌就好食啦，當佢浸左淋左之後，就會好難咬。要讚既係一碗拉麵竟然有3塊雞肉加2塊叉燒！一啲都唔手軟。⭐️日式餃子呢個餃子係用積分換，估唔到係炸的唔係煎的，皮很脆，有少少硬，餡料夠味。

呢個鋪頭係叫拉麵鋪 但係入到去店員都係推介鰻魚飯😂😂😂·活燒蒲燒鰻魚飯 $238呢個係即燒既 要等大概20分鐘 食完個拉麵就岩岩好😂佢個鰻魚好味 超厚又無咩細刺 而且佢個調味同油份都控制得好好🤤 美中不足係個飯無咩汁🤨·金鶴雞白湯拉麵 $98佢有個特濃既 但我地驚太重口味就叫左普通呢個😉個湯底唔錯 不過D配料同麵底我就無特別中意啦🙊🙊·#rbyeat#rby佐敦·📍佐敦閩街3號地舖

早已聽聞近期人氣既金鶴拉麵啲湯底好正，而家終於連佐敦都有分店，仲要推出咗限定嘅北海道蟹湯拉麵呀🦀🍜即刻又約埋蟹精朋友一齊嚟試吓！呢度嘅鰻魚飯同埋拉麵都好出名，所以每人叫咗一款同朋友share試吓。先講下個「北海道極濃蟹湯拉麵」，麵質彈牙而且蟹肉又足料，個湯底用咗🦀同白雞湯一齊熬煮，濃厚又充滿蟹香，真係超級好味到全部飲晒😋正！仲有個必試既即叫即燒嘅「活燒浦燒鰻魚飯」，所以製作需時大約20分鐘整好呢段時間可以比我同朋友慢慢品嚐拉麵🍜鰻魚飯附送有芥辣魷魚前菜同埋一位好清嘅昆布湯新鮮滾熱辣燒好既鰻魚既肉質充滿油香而且好厚切，脆卜卜既外層，一咬落去好彈牙又juicy，實在太好味了😍如果再多啲鰻魚汁嘅話會更加正！

喺香港食過咁多間拉麵店黎講，未食過一間係食到中間就唔想食，呢間真係最難食。有兩塊雞肉但完全咬唔開，中間好似未熟咁。而佢個麵質同味千拉麵嘅質素差唔多，冇得俾你揀軟硬，佢煮到勁淋，仲有鹼水味。而個湯一啲都唔濃郁，只得少少奶味，又冇雞肉鮮味，點解好評嗰度有人會話碗拉麵好掛湯，除咗打手我都諗唔到點解啦。仲有叫咗個煎餃，同百X 惠X 買返黎煎嗰啲口感差唔多，食咗兩啖就唔想食。。。。。。俾正評呃咗，啲正評一定係買返黎，除非啲人冇哂味覺啦。

拉麵店係喺佐敦一條嘅橫街，唔多起眼，但佢嘅裝修和擺設都極具日本特色。金鶴。雞白湯（$98）金鶴拉麵店最有名既就係雞白湯拉麵，湯底係奶白色的，用赤雞六小時淆製而成，濃味得嚟又唔會太鹹太重口味，口感順滑，拉麵配料有半隻日本溏心蛋、兩塊雞胸肉、兩塊叉燒、炸牛蒡絲。雞胸肉完全不鞋口，口感嫩滑，應該係slow cook 出黎既效果。叉燒係半肥瘦，有少少燒過嘅味道。第一次食炸過嘅牛蒡絲，將牛蒡絲炸到金黃色，火候啱啱好，好似薯片咁脆咁香口，完全冇牛蒡果陣味😂😂。期間限定 北海道極濃蟹湯拉麵（$138）湯底好鮮甜，材料份量十足，有好大pat蟹肉、兩大塊叉燒、紫菜、半隻日本溏心蛋。日式煎餃子 4pcs（$33）表面煎得好脆，但係個外表睇落似係炸😂。日本溏心蛋 1pc（$12）溏心蛋維持住半流心張口既狀態。 埋單嘅時候仲好貼心咁附送咗牙線棒。