金鶴拉麵 (閩街)

营业中

休息中

有一排冇食拉麵今日又心思思想食，來到金鶴拉麵諗住試一下黑蒜醬油拉麵，內外裝潢極具日本風貌拉麵上枱時滿滿黑蒜油，湯底沒有豬骨或雞湯的濃厚，掛湯能力特強，令每根麵條都可吸盡醬油精華但黑蒜味道勁香不油膩一樣有雞肉片、叉燒、溏心蛋，配上爽口黑木耳、荀片，大大減低了邪惡感！這款拉麵上次已經想試，奈何肚皮位置有限今日終於食到啦，果然冇令我失望！日式餃子而且還要是即日鮮製，皮夠薄脆，感覺似炸不是煎口感較一般的脆口，餡料以菜為主，所以水潤度滿分！好味！

呢間拉麵店裝修設計幾有日式風味！餐廳罕有地以雞湯為主打湯底，之前食過一次覺得唔錯...又再嚟encore喔！🍜極濃雞白湯拉麵奶白色既湯底全部都係精華所在入囗雞湯有雞味，幾鮮味呀！飲落質感非常濃稠，但飲哂成碗湯就有點飽膩喇！配料有兩塊豚肉及2塊慢煮雞肉...雞肉肉質非常嫩滑，加咗小小黑椒粉，更覺惹味！而豚肉油脂分布平均，口感鬆化！🍜黑蒜醬油拉麵以秘製黑蒜醬油混合鰹魚湯，夠哂特別！入口黑蒜味香濃，相比起雞白湯底無咁膩呀！配菜除咗有豚肉及雞肉之外仲有半隻溏心蛋，非常香蛋味呀！拉麵軟硬度適中，咬落非常有口感

裝潢好有日本風格，木製地板，漆黑嘅枱面，都幾有格調。背景播緊經典日劇主題曲，Love Generation、同一屋簷下等等，連我阿媽都識哼兩句，真係全部係暴露年齡作品，不過又真係幾令人懷念。【北海道極濃蟹湯拉麵$138】期間限定，再加上我勁鍾意食蟹，呢個係必點。食拉麵先飲湯，真係濃濃蟹味，拉麵煙韌，掛湯能力高。材料都相當豐富，大堆蟹肉、大塊叉燒、脆紫菜、流心蛋、香蔥等等。【極濃.雞白湯拉麵$138】奶白色濃雞湯，飲落帶鮮雞味，真材實料。最搶眼嘅係卷起咗嘅牛蒡，一半先食脆嘅，另一半蘸湯食，各有風味。雞肉嫩滑味濃。啲雞肉幾好食，唔夠喉，好多碟【低溫慢煮日本薩摩赤雞$48】。Download金鶴app做簡單登記就可以免費做會員，消費任何拉麵或飯類可以獲得刮刮卡一張，之後可以儲分換各種食品。呢度啲拉麵非常高質，真係可以Keep住幫襯。

中午時間去好在唔駛等位牛蒡炸得脆卜卜，除咗味道鮮甜之外，口感比薯片更輕盈，要第一時間食，一沾到湯就會軟身。跟住就梗係要飲啖湯，湯頭濃郁鮮甜濃厚稠密，原味之感動🤤厚切雞胸肉食落啖啖肉而且肉質嫩滑，薄切叉燒肥瘦適中。溏心蛋只得半隻，蛋黃夠流心，蛋白無乜味，我都係鐘意醬油味果種，而麵質煙靱掛湯，果然cp 值高👍

好多拉麵店都以豬骨湯底為童。而呢間拉麵店就罕有地以雞湯為拉麵湯底，而且超出色！極濃雞白湯拉麵絕對係必點！奶白色a既湯底非常濃稠，入囗雞味濃郁鮮甜，而且有微微黏口，每飲一啖都應受到所有雞隻既精華呢！再加埋慢煮雞肉，真係非常完美。雞肉入口肉質非常嫩滑，好正！麵條煙韌爽滑，配合埋濃濃既雞湯，每啖都超滋味！牛蒡炸得白脆，賣相富有藝術感呢！另一碗拉麵係鹽味拉麵，配料有慢煮雞肉及叉燒。湯底以鰹魚混合幾款日本海鹽而成，湯底味道相對之前果碗清淡，即使飲哂成碗湯麵唔會膩！午市時間仲可以加$28追加一款小食，非常抵呀！而我就揀了追加日本黑豚叉燒，叉燒有四中塊，肉味濃郁。食肉獸必定滿足

今日放假去左佐敦買野，行行下發現有間隱世小店金鶴拉麵，發現有我最鐘意食的活燒蒲燒鰻魚飯，我即刻選擇呢間。金鶴白雞湯拉麵上面一條條金黃色是即炸的牛膀條配上白雞湯，首先先食牛膀條好鬆脆可口，白雞湯又滑又濃又不油膩，拉麵又索晒白雞湯的汁，拉麵又軟硬適中又入味。糖心蛋蛋黃好綿綿真是好美味，黑䐁叉燒好入味又夠淋和日本赤雞肉質滑和嫩。活燒蒲燒鰻魚見到師傅即拎鰻魚出來即時燒，仲有唔耐要拎出來塗上醬汁。鰻魚飯遞上來好香噴噴，個飯盒好豪華鰻魚好大塊肉質又好厚又燒到皮脆肉嫩，咬落好野味每一部份都有醬汁，魚肉又有咬口，飯都好軟熟粒粒分明。

餐廳環境主調用黑色同金色，高貴既感覺，另外，餐廳好好 ，提供埋濕紙巾，好少餐廳會有，比個讚！呢度嘅招牌係金鶴雞白湯拉麵，一上枱就見到個拉麵嘅賣相好靚！炸牛蒡條炸得好靚，炸到好似薯片咁脆！但係建議快D食，因為如果淋左就無咁好食。除左有炸牛蒡，另外仲有2片雞肉 2片叉燒同埋半隻糖心蛋，雞肉同叉燒味道都唔錯，我個人就鐘意食叉燒多D赤雞唐揚炸得夠脆口而且食落一D 都唔油膩，比起湯嘅雞肉更加好食，不過價錢就稍微貴左少少。

今日同我朋友去食鰻魚飯，但係佢就帶我去咗金鶴拉麵店。我心諗，唔通去錯鋪頭？原來冇去錯，呢一間餐廳，除了主打雞白湯拉麵外，佢嘅鰻魚飯亦非常出名，咁我哋就試下啦!餐廳地方唔算太大，有一個開放式廚房。我哋坐咗上吧台，仲可以睇到廚師煮嘢食。雖然我本身想食鰻魚飯，但其實我又唔太餓，我自已叫左幾樣小食，就算喇。唐揚炸赤雞 $33呢個炸雞有三件，用日本嘅雞，梗係份外好食。雞件非常之大，炸得剛剛好，外皮真係好脆，一咬仲有肉汁，沾少少鹽就仲正。煎日式餃子 $33黎得拉麵鋪，梗係想食返件餃子既。一客有成四件，餃皮幾煙靭，煎至皮有少少焦，肉餡唔多，一囗一隻都得喎。Coedo Kyara 啡色 $48食小食，當然離不開一杯啤酒啦。依枝係日本手工啤酒，有白葡萄同甘橘嘅香氣，唔錯。

今晚屋企無人煮飯，而今日個胃有點想食拉麵，LOOK下LOOK下就醒起之前有朋友推介過金鶴嘅雞白湯拉麵好唔錯，就黎左金鶴試啦可能我唔太識睇Google map，位置都幾癮蔽有點難搵，由地鐵站行出黎都搵咗十分鐘先搵到本身已做好哂心理準備要排好耐先有得食，估唔到星期六晚居然唔洗排隊餐廳環境唔算太寬敞，目測全場有30-40個座位左右啦侍應安排咗我坐bar枱，幸好張櫈都算坐得舒服，而櫈底亦有個籃仔俾你放手袋一坐低就叫咗雞白湯拉麵，等咗10分鐘左右就上枱呢個拉麵除咗以雞白湯做賣點外，另一個賣點就係麵上面嘅炸牛蒡。牛蒡炸得金黃鬆脆，好似食緊童x點心麵嘅加粗版咁，但唔知係唔係炸燶咗還是本身牛蒡嘅味道? 有幾條入口有少許苦味份量都幾多下，如果本身唔好炸物嘅可能會食唔哂，而牛蒡如果浸淋咗亦會影響口感拉麵配有兩件慢煮雞肉、一片叉燒及半隻溏心蛋。雞肉入口軟熟，充滿雞肉香味，無加入任何調味料醃製都好好食，而且完全無雪味，值得一讚叉燒肥瘦適中，應該有用火槍輕輕燒過一下，反而我覺得叉燒比起雞肉好味喎拉麵湯底果然如傳聞中所講有好濃郁雞味，濃香清甜而不膩，無任何肥膩或者味精感覺，食完唔會口渴個種而拉麵係用上粗身質地嘅，

🍜金鶴雞白湯拉麵$98🍜🍜黑蒜醬油拉麵$98🍜🔥燒雞泡魚乾$48🔥素聞這家的鰻魚飯很好吃😋不過當天太飽，實在吃不下，就點了招牌拉麵❤️雞白湯是用赤雞熬了六個小時而成的精華，超級濃郁😍雖然湯底味道有點鹹，但那鮮雞味令人好想一飲而盡😝雞肉煮得頗軟嫩，不算很juicy，但味道鹹香鮮美🤪🤤拉麵質感也很好，不會軟趴趴，夠彈牙👍🏻.友人點的醬油拉麵相對比較普通，也是鹹鹹的~雞泡魚乾也是正正常常，惹味小食之選👍🏻.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌑回頭率: 🌕🌕🌕🌕🌑

拉麵吃得多，但雞白湯拉麵就比較少。星期六就相約朋友到這家專門吃雞白湯的拉麵店。我們安排坐在吧枱位置，可以看着廚師烹調美食的過程，亦是一種享受。極濃雞白湯拉麵$138賣相很吸引，有特別的炸牛蒡長條，薄薄脆脆的，很香口。材料豐富，低溫慢煮日本蕯摩赤雞肉質非常嫩滑多汁。炙燒日本黑豚叉燒較濃味，油脂香肉質軟。糖心蛋黃金黃，流心效果不俗。湯底呈奶白色，相當濃厚，雞味濃郁，而且一點也不油膩。拉麵麵身口感不過軟，掛上濃郁湯汁，很滋味。金鶴.雞白湯沾麵$138湯底一樣雞味香濃，材料亦一樣豐富，流心蛋還多了半隻呢！不同的是麵質， 沾面的拉麵較為粗身，而且較有嚼勁，經過冰鎮的關係，免得夠爽且有彈性，冰涼的拉麵浸在滾燙的湯汁，滋味無窮。燒黑豚肉串$28這款小食原價$48 ，但午市跟餐有優惠。燒黑豚肉串十分香口，燒得火候剛好，微微焦香，肥肉部份的油脂燒過後很香而不膩，肉質爽嫩，配上醬汁和香蔥，很惹味。

日本拉麵一向是朋友的至愛，見到金鶴拉麵新出了一款極濃的雞白湯拉麵，便相約朋友一起來食。餐廳門面裝修已經富有日式風格，入面都係吧台座位，可以望到師傅煮麵。環境優雅舒服，職員都服務貼心，還會貼心送上熱茶。餐牌有雞白湯拉麵，沾麵同燒活鰻魚飯等多款好吸引的選擇。極濃雞白湯拉麵比起雞白湯拉麵的湯底更濃厚幾倍，質感稠密滑溜，令湯汁十分掛麵，每啖麵都食到美味的湯汁。雞白湯係餐廳的主打菜，用從日本直送的優質赤雞熬制而成，顏色呈濃厚奶白色，飲落有鮮甜雞肉味，滲入湯底中，即使稠厚也令人飲不停口。麵條彈牙煙韌，質感富雞蛋香味，有嚼勁，吸收湯底的精華，加上嫩滑的赤雞雞肉同黑䐁肉，口感層次豐富，味道一流。最驚喜係有炸過牛蒡，口感香脆鮮甜，加上半隻半熟流心蛋，軟滑可口。拉麵質素佳，口感味道都值得給高分，下次都會再來光顧。

一個人喺佐敦，百無聊賴，行到身水身汗時，真係好想搵個位休息下。無意間，俾我發現依一間新開張嘅拉麵館，見裝修好靚，膽粗粗行入去試吓。一入到店鋪，細細間，不過裝修好有日本格調，有長型嘅吧枱位，可以望住廚師煮面。講返正題，我食咗個辛味拉麵，d雞肉好滑啊！媽，真係好滑啊。而且啲面煮得剛剛好，好彈牙，半隻流心蛋，真係唔夠喉呀，湯底勁正，我飲清光啊！另外要多個芥辣八爪魚，夠晒攻鼻，食落好刺激完全好似置身於日本，性價比極高

推薦指數：🤩🤩🤩🤩佐敦一向多好野食 ，今次就黎試頗有人氣的金鶴拉麵啦！位置係佐敦站同柯士甸站的中間，要一讚的係店內環境舒適、店員服務態度好好！😀👍🏻同朋友BOOK好位一去到就有位啦，我地嗌左雞白湯沾麵同埋生燒蒲燒鰻魚飯🤤雞白湯沾麵一到就見到滾燙濃郁的雞白湯底，半熟蛋同慢煮雞肉係另外碟上，而拉麵亦都分開一個碗上，自己可以按自己的喜好去沾雞白湯的份量。😋個雞白湯比想像中濃味同杰身，麵條的軟硬度適中剛好，沾住雞白湯底一啖「雪」入口，爽呀！食麵就應該係咁「雪雪雪」先得！而慢煮雞胸肉質淋滑，雖然味道好啖但配埋濃味的雞白湯，所以係岩岩好！而溫泉半熟蛋當然係不可缺少！😚但今晚另一期待的係莆燒鰻魚飯🤩，因為我同朋友都好鐘意食鰻魚，所以見到有呢個鰻魚飯立即二話不說就嗌啦！即點即生燒鰻魚飯，鰻魚份量十足，厚身得黎但燒到表面焦脆，一啖鰻魚一啖飯放入口，感覺到鰻魚油香係口中爆發✨。個鰻魚仲熱辣辣，真係岩岩即燒好就送上黎☺️兩個人一齊SHARE沾麵同鰻魚飯係岩岩好呀。滿足哂一次過試到金鶴的兩大招牌菜！

自從上次試完金鶴拉麵的超厚鰻魚扒後，一直念念不忘，心郁郁想再食過！今次去完果欄後，再順道去金鶴。自從有了上次排長龍的經驗後，今次醒水，在它晚餐時段6pm開始前已到達，所以到它們正式晚市開始就即入座！點菜目標好清晰，一定要點encore 活鰻魚蒲燒飯！鰻魚的厚度、味道、口感依然保持「高汁」！鰻魚燒到邊位帶點焦香，醬汁調味適宜，絕不會搶去鰻魚獨有的魚味及油脂香。加上軟糯有嚼勁的七星米，實在是絕配！上次試過店內的招牌拉麵「雞白湯拉麵」，所以今次想試過另一款口味，就是「黑蒜醬油拉麵」。一上枱，已經聞到陣陣蒜香。雖說是「黑蒜醬油」，但湯底不會油膩。雞肉嫩滑、豚肉肉味重、溏心蛋出色，當然麵條亦十分彈口。今次坐吧枱位置，清清楚楚見到廚師的烹調過程，更覺過癮！