金鶴拉麵 (閩街)

营业中

休息中

#金鶴拉麵佐敦雖然冇咩野行但係食肆林立，今日特登出佐敦買烘焙用具。經過一條巷，見到以雞湯做湯底既拉麵🍜👀🤔。平時食黎食去都食食豬骨湯底，冇諗過有雞湯湯底。仲要聲稱係極濃既白雞湯，鐘意食雞既我就咁就比佢吸引左。一入到去會問你要凍水定係溫水，識飲一定飲凍水，日本拉麵文化黎。一黎就目標性地叫左#極濃雞白湯拉麵🍜 $138奶白色雞湯比一般湯底creamy，雞湯味濃厚順滑而且掛湯。但又比平時食時豬骨湯清淡而冇咁油膩。麵條比較偏硬同有咬口。每款配有兩塊叉燒兩塊慢煮雞肉。🐷叉燒半肥半瘦。🐣雞肉最為特別，滑而且爽令我一度以為塊雞未熟透🤣但係放心係熟哂既，我都比呢個口感嚇親。唔知爽既位置係咪根位呢🧐。另外有一碟炸牛榜，好脆同健康。記得快啲食如果唔係擺得耐會苦。P.S 呢度枱碗杯都係黑石制勁有feel

尋晚終於試到係朋友圈已流傳一段時間 - 好評如潮, 係本年度性價比高的拉麵 - 金鶴拉麵(佐敦)。雖然尋晚早食時段(6pm), 但不斷入客而外邊仲一直人等枱。 到我地有位坐低就二話不說, 叫了皇牌拉麵 - 「金鶴雞白湯拉麵」($98),及「辛味拉麵」($88), 兩款都是必食。因為湯底好濃, 尤其雞白湯, 一飲就知超足料, 好有膠質感同滴雞味高水準。而辛味拉麵起初擔心會太辛辣, 但原來辣啱啱好我會稱為「女人辣」, 好啱女人食, 仲有兩者的麵質口感好彈牙同好滑, 我地坐Bar枱所以係咁望實師傅點樣淥個拉麵底, 原來少些工力都不行!!同時兩款拉麵都配料豐富 - 雞胸、火炙叉燒、糖心蛋(金鶴雞白湯拉麵)。小食亦一絕, 「煎日式餃子」($33), 「日本明太子雞翼」($48), 我習慣去試一間新店時會盡試其看似簡單既菜式, 因為如果連小小一道簡單菜式已經好好味, 此店一定不能錯過。所以叫了金鶴的煎餃子, 肉質好豐富同最緊要煎得唔油, 食完個口唔會一泡油咁(高手), 而「明太子雞翼」好足料, 一咬成舊雞翼內心包圍晒明太子涵料但都只係$48/碟, 成餐都只食左$ 300以下仲好飽。所以真係 - 本

史上極濃雞白湯拉麵 $98 (原價$138）個雞湯真係好濃同比較杰 所以d麵好掛湯上面有2片雞肉 2片叉燒 半隻糖心蛋同好多炸牛蒡d炸牛蒡好脆 好似薯片咁脆 雞肉同叉燒都唔鞋 唔錯唔錯😋

好耐冇食拉麵，今日就嚟到佐敦食下朋友介紹嘅金鶴拉麵。一入到鋪頭，店員都好熱情有禮，細心咁為我地介紹Menu上面嘅菜式。呢度主打既緊係係拉麵啦，我就係嗰個炸牛蒡白雞湯拉麵。雖然我冇試呢個，我就試咗佢個清湯雞拉麵。朋友就叫咗鰻魚飯。雞清湯拉麵真係好清，但就系因為咁先試得清楚佢嘅慢煮雞，個雞店員就建議你唔好浸甘耐個湯，搞到個雞肉鞋左。但個雞係又滑又嫩的。朋友嘅鰻魚飯先係重點，即叫即燒。但真係等得太來，係我就嚟食完個拉麵嘅時候佢個飯先至嚟。不過，啲鰻魚真係又肥又大件，食落真係好香。

今日同女朋友在佐敦舟車勞頓，終於有機會到附近的金鶴拉麵嘗試！😋我哋嗌左金鶴雞白湯拉麵，即燒鰻魚飯，煎日式餃子，炸雞，以及溏心蛋。先講金鶴雞白湯拉麵，呢個拉麵嘅重點係個湯底，煮了超過6小時，入口像忌廉咁幼滑但濃郁，但係係食落又非常之清甜，一啲都唔覺得膩，好味道。另外佢亦有200%極濃雞白湯拉麵，希望下次可以一試。🤗然後重點係燒鰻魚飯！據我所知燒鰻魚有兩種方法，一種係好似喺日本食到嗰種燒到脆嘅，另一種係肉比較厚身，食落非常腍而且啖啖肉，呢度既係後者。等左廿分鐘，黎到即刻一嘗，我都唔識講啦，真係好好食！鰻魚肉超過1cm厚，醬汁惹味，食落極之滿足，飯粒粒粒分明，好！😋三款小食味道都唔錯，我覺得個鰻魚飯同雞白湯拉麵麵已經足夠叫人一試再試！😎

今次入去係坐bar枱，望著師傅炸牛蒡已經聞到好香，所以諗都唔諗就點了碗金鶴．雞白湯拉麵試試。識食拉麵第一下一定係飲啖湯底試下師傅既用心同真功夫，哈。其實雞白湯底我就第一次食的，所以都幾期待佢味道如何。湯底鮮甜濃郁而不膩，加上本身自己都鐘意飲開中式雞湯，更加係喜歡這湯。感覺呢間拉麵店好肯去創新，至少未食過有拉麵係有炸牛蒡同慢煮雞柳呢類配菜而係好食。牛蒡食落脆卜卜，好似薯片咁，食到唔停口，店員更溫馨提示要快啲食，浸冧左就無咁好食。另外慢煮雞柳都係好有驚喜，平時好怕啲雞肉會「鞋」，但呢個煮法真係唔會有呢個擔心，食落好鮮嫩，肉質好滑易入口。另外同行友人亦點左碗黑蒜醬油湯拉麵，試左幾啖都覺得一樣好食！濃濃既蒜香(Galic愛好者一定要試下呢碗！)再加醬油湯底，唔會過鹹，亦有豐富既層次感，值得一試。

自己鍾意食拉麵，平日亦會定時定候去食，近期就愛到九龍區覓食，今晚與朋友來到這間佐敦區十分有名的拉麵店，進駐了九龍區，還要在佐敦比較入一點點的位置，很多人都說它的雞白湯是多麼的神，當然要來看看吧。 晚上，店內的客人不算太多，於九龍區的店鋪動輒要等上半小時，所以這晚不用等位...這真不錯。 【金鶴拉麵】位於 佐敦閩街，旺中帶靜。到達門口黑色門面，不過正在裝修中所以有點被檔了，神神秘秘，掛著暖簾已被設計所吸引...入到店內，光暗成一大對比當中慢慢透出一陣醬油香，魚油香...應該是人氣鰻魚飯的香氣吧！另外這裡有掛畫由金箔整成，相當名貴。我倆選了吧枱坐低，因為可以＂欣賞＂制麵和燒烤過程，除吧枱位，仲有方桌座位，可容二至六人。看看餐牌，簡而精，主打雞白湯拉麵，令我想起從大阪開過來的拉麵店 - 「座銀」，亦是主打雞白湯拉麵，但「座銀」價錢不便宜，有時在社交網站，見到朋友不時光顧，我也試過一次都是好吃到不得了。所以今次都是點餐廳有名的雞白湯拉麵以及活燒蒲燒鰻魚。再加一客餃子。🔹煎日式餃子相信即時進食及不即時進食也不夠香脆，脆一點會更好，味道還是不錯的，因為餡料夠多，又夠juicy。雞白湯之奧義店員道「

我朋友超鍾意食拉麵，於是每次約佢食飯都係去食拉麵。今次呢間「金鶴拉麵」係我搵嘅😁 好彩朋友未食過。係門口一望已經感覺好似會好好味咁。我哋點咗：招牌雞白湯拉麵🍜聽講奶白色嘅湯底係以日本赤雞，鰹魚同素菜熬制而成，味道好香，好濃～加埋一條條炸過嘅牛蒡，半熟玉子，雞肉，豚肉叉燒同葱絲等，非常好味。😋 至於黑蒜醬油拉麵🍜 同樣出色。秘製黑蒜醬油混合鰹魚湯，入口黑蒜味香濃。味道剛好，不會太咸或太濃。再加埋碟芥辣八爪魚，滿足😍朋友都讚👍🏻

放假前夕做完運動再去晚餐，心情都特別輕鬆自在! 難得翌日放假，不需要像平時般匆忙趕著回家，一於跟同是雞白湯拉麵擁躉的妹妹試試體育館附近的金鶴拉麵。做完運動都快將九點，金鶴門口竟然還有人排隊，原來他們都是等9點過後的優惠時段! 既然前幾位在等優惠時段，我跟妹就順利先入店了。金鶴除了馳名的雞白湯拉麵外，鰻魚亦聽聞出色於是跟妹點了各自一碗拉麵還追加了鰻魚串跟唐揚炸赤雞。要不是剛做完運動怕肚皮會瘋狂吸收，可能我還會再點燒雞泡魚乾或煎日式餃子呢。我們坐在吧檯位置，剛好視線可以看到師傅們正在處理拉麵，一位在炸牛蒡、一位在幫拉麵計時又要將雞白湯打泡、另一位在處理鰻魚。由點餐到上拉麵過程都頗快所以翻桌速度都不俗！但既然翌日放假，我一於慢慢吃、慢慢品嘗雞白湯味道。賣相像極港島區那家價值不斐的雞白湯，同樣有炸牛蒡但金鶴以雞柳肉以及瘦肉為料再加上溏心蛋。雞柳肉入口不算鞋反而炸牛蒡炸得過火，味道感覺偏咸就較失色麵質沒有軟硬度之分，而我本身比較偏好較硬麵質，幸好，金鶴出品的還好！不會偏軟對我來說不過不失啊。反觀，追點的小食味道較有驚喜！炸赤雞三件炸得金黃，馬上想到四字形容- 皮脆肉嫩！咬下就有豐富的肉汁，另外旁

位於佐敦的金鶴拉麵，是一間主打雞白湯拉麵的餐廳。曾經吃過餐廳的拉麵，覺得濃郁美味，質素甚高，難怪客似雲來，連開三間分店呢。這次再次光顧，並不是要吃拉麵，而是要品嚐餐廳另一招牌: 活鰻魚蒲燒飯! 不少吃貨朋友告訴我，這裡的鰻魚飯同樣很美味，吸引我跟男朋友來光顧啦。活鰻魚蒲燒飯 $198人人激讚的活鰻魚飯，是採用在台灣養殖活鰻，保證每位客人吃到新鮮美食。每日新鮮生猛運送到店，然後在店內把鰻魚雪凍後劏，因為生的鰻魚會生猛得左搖右擺，難以劏下哦。師傅把鰻魚串好後，便即入焗爐，需時十五至二十分鐘，要耐心等侯啦。經長時間的等侯，鰻魚飯終於呈上啦。厚如肉扒的蒲燒活鰻，賣相多吸引呀! 鰻魚燒得非常完美，邊位烤至香脆，兩面塗滿鰻魚醬，美麗進人的醬汁色令人垂涎。鰻魚超級厚肉，魚肉非常結實且極有彈性，嚼咀間溢出油香，不過就不太肥美，若肥美一點，我會更加喜歡。米飯是日本的七星米，較為爽囗圓潤，蒲燒醬份量剛好，但由於米飯有點乾，若能濕潤點就更好啦。

一直都想試試這家人氣小店的名物—雞白湯拉麵今日見順路 便和男友試試佢時間尚早 不用排隊便可內進一入內店員便問要熱茶或是冰水～非常細心 照顧客人需要喔小妹點了雞白湯拉麵雞白湯味道濃郁咸香咸香 味道香濃而不膩小妹大愛拉麵掛湯能力強 每條拉麵都沾上了白雞湯的精華每碗拉麵都有雞肉 叉燒各兩片雞肉比想像中嫩滑 叉燒屬於較瘦的一類但仍然頗juicy的不錯一錯男友點了雞白湯沾麵沾麵的麵較粗 麵質沒有湯拉麵的彈牙而且是凍身的 需要沾上雞白湯才吃麵的份量亦比湯麵的多男友吃完都非常飽了男友吃的頗滿足喔離開的時候已經有人在外排隊所以小妹想說早吃的好處

見到新出左個特濃雞白湯拉麵，又心思思黎試吓。今次嚟到想去咗廁所先，行去後門，嘩超級靚，一個簡陋嘅後門竟然可以佈置成一個日式嘅竹林小園。女廁入邊仲誇張，有一部獨立嘅冷氣，仲有大大個mon 播緊kpop, 洗手盤旁邊仲有牙線同M 巾等女仔野，好貼心嘅廁所！講返個200%特濃雞白湯拉麵，黎到先飲啖湯，好creamy!! 但又唔會漏，雞胸肉依然咁滑，食完好滿足！男友人就食佢最愛嘅鰻魚飯，肥美新鮮又多汁。另外個芥辣八爪魚好惹味，食到停唔到～

金鶴·雞白湯拉麵 $98好香濃既湯底，拉麵既口感都岩岩好，仲有兩塊豚肉及兩件雞胸肉，未試過雞胸肉都可以咁爽口！拉麵面仲方左一堆炸過既牛蒡絲，不過就無咩味！金鶴·雞白湯沾麵 $138一樣都係用雞白湯，見到仲用手動攪拌器係個湯面打出左D泡，令個湯望落好似忌廉！好特別！仲有呢個沾麵可以選擇配菜，雞胸肉定黑豚叉燒，比較之下黑豚叉燒即刻輸蝕左，下次會揀曬雞胸肉😂原來雞胸係慢煮已成，真係好正店舖地點唔係大街比較隔灄，同埋都無行開呢頭，所以都係靠 google map 幫手

同朋友去完佐敦順便想ko埋個lunch，點知搵到依間高質拉麵店，上openrice仲見到優惠欄有個招牌拉麵四款湯底自選7折優惠(只限佐敦店）於是就即刻買即刻用，而小編食完嘅感想係：抵食到爆！值呀！cp值高！好耐冇係香港食過咁高質嘅拉麵！⭐️每一間分店嘅優惠都唔同，大家可以留意返。👓金鶴.雞白湯拉麵 $68（原價$98）餐廳嘅招牌🐔湯底採用赤雞熬製6個小時而成，果然湯底奶白色好鮮甜好有雞味，濃味得黎又唔會太重口味或油膩。面頭擺到好似藝術品嘅金黃色條係炸牛蒡，不過由於切到好薄身同炸到好香脆所以食落完全唔似係牛蒡亦唔使驚有陣牛蒡味。有兩塊雞肉同叉燒：雞肉經過慢煮所以真係好嫩好嫩，一啲都唔鞋靱；叉燒係半肥瘦，明顯燒過所以放入口有陣燒香味；仲有一隻好重醬油味、夠晒味嘅溏心蛋。麵條採用粗麵條，有彈性冇咩鹼水味掛湯能力高，以上所有料配埋個熱辣辣嘅湯底真係夾到爆！尤其係用完優惠68蚊呢個價錢！因為出面好多拉麵舖都係依個價但質素麻麻🙁評分：9/10⭐️記住炸牛蒡同雞肉唔好浸落湯喔，否則牛蒡會淋哂丶慢煮嘅赤雞係帶冷要凍食。👓燒黑豚肉串 +$25偏咸咗少少可能落得太多照燒汁，識落有啲似煙肉feel🤣不過見師傅真

今天跟朋友到公司附近吃拉面，平常都不察覺，偶然看到就約了今天去試下，點了招牌的雞白湯拉面，比較少見是雞肉拉面吧，多數都是叉燒的。湯很濃，真無雞有雞味，而且好細心，連碗都會座熱，雞肉都好嫩，個溏心蛋都好正呀，食完呢個面非常滿足，最特別是碗上面的炸牛蒡，令整個面變成了招牌一樣，好特別。友人叫左鰻魚飯，見到大大舊厚厚既鰻魚放入爐燒，師傅仲不時控制火候同埋會再用火槍燒香面層，上台時香噴噴，大大舊，食咁多鰻魚飯，第一次覺得物有所值，坊間好多原條，即燒都唔係真。真係好好味，又唔會有骨，仲有層厚皮。朋友食到好滋味～叫左個小食，但主食太出色了。剛入黎無咩人得一個侍應，但佢都好落力，由於坐近bar 枱，見到師傅們制作食物都好認真呀！