金鶴拉麵 (荷李活道) (已結業)

呢間拉麵店氣勢好強勁，一連開咗好幾間分店係各區插旗，路經中環再次來食鰻魚飯，同埋試下個雞湯沾麵。🔹雞白湯沾麵 $138上次食咗雞白湯拉麵，今次試下沾麵。可以選2片雞2片叉燒、全雞或全牛。另外仲有一隻溏心蛋，沾湯亦有雞同荀，好豐盛！上枱時個湯係滾到起泡泡，快手試咗啖，濃而不黏，仲有點creamy粗身拉麵掛湯力出色，每啖都食到雞湯嘅精華咁。因為沾麵有冰鎮過，所以嚼勁十足，但都會令個湯好快凍咗，有需要可以叫店員幫忙加熱，不過我地食得好快就唔需要加熱了。🔸活燒蒲燒鰻魚飯 $198一食再食嘅鰻魚飯，上次係佐敦食可以望住師傅整，呢次就冇啦。鰻魚飯製作需時，所以都要等大約15分鐘。好鍾意呢個定食配搭，除咗有厚肉鰻魚丼仲有芥末八爪魚同鰻魚骨湯。鋪滿一板的鰻魚，鰻魚燒至表皮香脆帶微焦，食到實實在在嘅厚肉感覺。不過比起上次食，略嫌今次唔夠腍，鰻魚肉有少少彈牙，比較喜歡入口即融感。湯用上鰻魚骨、鰻魚內臟熬成，帶點甘味，如果識食可以損埋條魚骨，好重鰻魚肉味！整體都覺得好食，而且我地早食晚餐，完全不用排隊，值得再來！

「第一次比openrice reject comment要再submit 過，但我並無接受過任何試食邀請，我係自己搵呢間拉麵黎試！我食緊嘅時候都有位男士好欣賞佢地嘅拉麵仲話自己係佐敦分店食過，見佢地係中環開咗所以黎食～ 而我亦好認同真係好味！我唔明白點解人地有好評就唔批我堅持我比呢度嘅comments，我點雞白湯（咁佢地主打）拉麵同炸雞係好普遍姐，我點之前都想點餃子同埋燒鰻魚，但真心一條友唔會食得晒～」一直都好喜歡雞湯拉麵，曾經尖沙咀鳥華係雞湯拉麵嘅至愛，可惜執咗之後都無再開番，有次見人地instagram share完呢間嘅拉麵，即刻bookmark 咗，打算搵日試，終於黎試下～點咗雞白湯拉麵，其實佢仲有款特濃雞白湯拉麵，問過原來特濃係純濃白雞湯，湯身比較厚，而其他湯嘅拉麵都會加入魚介湯，會比較稀身（但一d 都唔稀），碗麵一黎即刻試個湯，好香好好飲，係有少少魚介香味但無搶雞湯嘅香純，其實普通版湯底都好濃厚，我已經好滿足，唔知濃厚版會係點，碗麵最吸晴當然係鮮炸牛蒡，好脆好香唯一覺得油多咗少少，但仍然好味店員建議唔好浸淋晒食，同埋碗邊兩片底溫慢煮雞都唔好浸落湯，就咁食可以食到嫩滑雞肉，雞

有少數既餐廳我會去完又去,呢間係其中一間。我開始覺得自己就黎變熟客。由最初係網上見到呢間店既推介至今見好幾個月,我去左唔同既分店。今次係我第2次黎中環分店,個店員竟然認得我,話我熟係熟面。今次食左晚餐先黎,想食下D串物。我同朋友叫左兩條鰻魚串,好厚肉,好濃味,仲有D蔥BALANCE下。不過都係叫鰻魚飯抵D。另外我朋友好中意食枝豆,於是佢自私食左成盤豆。我仲叫左燒元貝,光燒完有D乾身,係另一種口感,大大粒,好味。最精彩既竟然係燒雞泡魚干,好濃味,好有咬口,用黎送酒一流,仲有D SAUCE比我地點添。每次食物一上,店員就會講明係咩食物,好貼心。唔知係咪中環店多外國人既關係,見到外籍店員。好貼心呀!

之前同同事食過一次，覺得超級好味～今次朋友嚟中環接我放工，所以我就帶佢嚟食～夜晚六點幾，未開始多人，仲算易搵位～入到去，店員比我哋揀坐邊都得～我就揀咗一樣嘅位置，都係嗰個二人嘅座位～上次我試咗佢個金鶴雞白湯拉麵～今次我就叫個金鶴雞白湯沾麵啦～樣貌無湯拉麵咁浮誇，但好似好多嘢食咁～有兩塊慢煮雞胸肉、兩塊日灴黑豚叉燒同一隻糖心蛋～店員送上沾麵之後就細心解說～沾麵係煮熟後經過一個冰鎮嘅程序～令到啲麵又滑又彈牙～將沾麵放落熱熱嘅白雞湯再食～又凍又熱嘅感覺再加上雞湯夠晒濃味，沾麵即時吸到雞湯味道～呢個配搭真又係另一種好味～讚再叫咗個活燒蒲燒鰻魚飯～上次食過佢個鰻魚串，超！級！好！食！今次緊係試埋佢個鰻魚飯～即叫即燒，要等20分鐘架～店員提到鰻魚係台灣自家養殖場直送～好肥美，好厚肉，好彈牙，好好味～朋友食完即刻心心眼啊～我都估到佢嘅反應架喇～因為真係好好味，所以一定係有讚冇彈，信心保證呀～仲話我無介紹錯添呀～值得去食啊～

今日啱啱去完離島行山，回家途中當然要搵食先啦，也當然要嘗試中環的美食，一上碼頭便走了上荷李活道，也和朋友一起找了一間叫《金鶴的日本食府》，門囗更有介紹多款餐廳的Hot叫得金鶴所以佢門口也用了神鶴圖作標誌可能是時間尚早的問題「剛PM6:30」，場內的客人不多，但到了七點幾嘅時候開始客人多了，場內的裝修也很優雅餐牌印刷簡而精，拉麵的款式也很多先來一個「黑蒜醬油拉麵」，湯底陣陣勁香黑蒜香味，落口又不油膩，湯底配材料也很多，主料用上叉燒和赤雞柳十分嫩，另外伴上通透蛋黃的糖❤️蛋半隻本來是叫煎餃子，但可惜撞正轉爐壞了，便轉用炸的方法，但食落口仍很香脆肉質還保持肉嫩，但不是時常🉑️享獨特的食法朋友就叫了個招牌「雞白湯拉麵」，上面見到一條條的原來是炸牛蒡，咬落脆口不多油份，麵條煙韌彈滑好有口感，雞湯味香郁，味道恰到好處，當然裏面還有日本黑豚肉叉燒及蕯摩赤嫩雞肉正不知叫什麼飲品送餃子，接待的小姐便介紹我們嘗試日本的檸檬啤酒🍻，因做緊$48杯-買一送一，飲落口味道溫和易入口完全不苦澀更大點清香檸檬味下次再過來定要在試他另一主打鰻魚飯

天氣太熱在街上行走，差點好像要暈過 去，找個地方坐坐吃點東西。見到鰻魚飯大熱#1 的「金鶴拉麵」就在眼前，一定要入去試試。見到隔離的食客正在品嚐#1 鰻魚飯，份量頗多而且鰻魚扒很大，我怕一個人吃有點點多，於是叫了一個醬油拉麵，但係又想食鰻魚，店員介紹我試吓他們的活鰻鹽燒，但需要等一段短時間。醬油拉麵 很快便送上，店員還細心地向我介紹一下，她説湯底是用鰹魚高湯和日本醬油去調味，味道比較清新。對呀，嚐一口，湯頭清香，顏色清澈，白白的慢煮雞肉很稔滑，濃厚的雞味，還有兩片叉燒，半隻塘心蛋及紫菜，很好味又爽口。他們的麵條軟硬適中，整體超正。活鰻鹽燒很香啊，因為是用新鮮鰻魚燒成 ，魚肉又香又脆，跟蒲燒的做法口感大不同，但兩樣我都愛😋。

放假好耐都冇拍拖去以前會抽空周圍走走拍拍照今日趁放假嚷著男友去中環大館影相當然要去醫吓肚先啦係大館附近揀咗呢間金鶴拉麵見到店面裝潢甚具別緻店員端上拉麵前都會細心講解拉麵裏面配料及食材如何煮理感覺每樣細節都十分妥善員工也特別細心體貼見到乳白色嘅湯底未食已經覺得湯底會極濃一飲湯底夠濃郁但不會太鹹配上慢煮的雞肉雞肉嫩滑不鞋口仲有鮮炸的牛蒡絲香脆可口我點的黑蒜醬油拉麵一上枱已聞到勁香濃的黑蒜味配上特製的慢煮雞肉及叉燒仲有溏心的溫泉蛋雞肉味本身偏淡但配合濃郁的黑蒜油味道剛剛好麵條口感夠彈牙啱晒喜歡偏硬麵條的我只是黑蒜油的湯底無法全部喝下有點太油膩了另點的餃子小食仲可以點手工啤酒食完拉麵飲返杯手工啤簡直透心涼！

是日港島有活動要參加，我們特意到位於中環的金鶴拉麵吃過午餐後便岀發了。餐廳裝潢以黑調位主，很舒適。我們一坐低，服務員就立即禮貌地向我們介紹餐牌，講解各款食物，很貼心我們點了兩款拉麵，我上次試過雞白湯拉麵很不錯，推介給友人，他亦讚不絕口。今次我就點了黑蒜拉麵，味道恰到好處，不會過咸，兩片雞肉經過慢煮而熟，肉質嫩滑，是涼食的，在熱湯上拖一拖，沾上湯汁就可以吃，不要浸在湯中過久，否則影響味道和質感。還有兩片肥瘦均勻的豚肉，肉質軟腍蘸上薄薄的炸漿，炸至金黃，熱辣辣端上，肉質嫩滑兼juicy蘸上檸檬鹽調味，更加滋味！餃子底部煎得金黃微焦帶脆，餡料豐富多汁，蘸上餃子汁，很醒胃。溏心蛋蛋白微彈，蛋黃甘香黏牙，很棒

朝聖活燒鰻魚飯✨ 之前響佐敦店開張果期已經試過佢地嘅雞白湯拉麵，當時已經對佢地個鰻魚飯好有興趣，今次發現中環都開分店近哂我呢啲港島人，唔係唔食鰻魚飯下話🤣近二百蚊個鰻重聽起嚟可能會覺得有少少貴，但當知道佢嘅來頭就覺得物有所值，聽聞呢度選用嘅都係台灣直接嘅活鰻，嚟到舖頭先劏，其新鮮度同坊間雪藏貨完全係兩個世界，既然係生劏自然都係即叫即燒啦，所以都要等近廿分鐘先有成品上枱✨蒲燒鰻魚賣相靚仔，肉質厚嫩兼彈牙呢啲優點基本上未食都可以預計到，更有驚喜嘅反而係佢冇想像咁濃醬汁味，又或者咁講，係估唔到佢個魚香響蒲燒下冇俾醬油蓋過，食落依然係陣魚味做主導，再加上外層微焦脆香感非常高質，當然鰻魚飯個飯都係主要角色，餐廳指明係用日本七星米，爽口得嚟夾埋落鰻魚食非常香，加埋個用鰻肝同鰻魚骨煲嘅鮮湯，超滿足✨至於同行朋友已經試過雞白湯同黑蒜所以今次就揀鹽味湯底，比雞白湯來得清澈，豚肉叉燒都燒得好香口，係個雞肉可以煮得再軟嫩啲仲有另外叫多份唐揚炸雞，配檸檬鹽代替咗吱檸檬汁，同樣有酸酸地嘅效果同時唔會影響到炸皮嘅質感，心思位再加分😛

難得今個星期日，港島冇遊行，我地可以喺呢場風雨中暫時回一回氣，但大胃仍然過海逛一逛，難得地鐵唔使逼吖嘛去到中環，竟然仲見到金鶴嘅足跡？上次土瓜灣食完雞白湯拉麵，一直回味無窮，今次好似發現新大陸咁，試吓新嘅分店有咩分別先一心諗住食返雞白湯拉麵，點知佢近排做緊promotion，有升級版嘅雞白湯拉麵，湯底更濃更綿更足料喎，試吓先啲湯果然濃到不行了，唔係話特別結，而係味道更有雞味更加濃厚，好堅呀出面熱到癲，齋飲湯同茶水都解不了渴，咁啱新出嘅生啤買一送一，嗌咗檸檬味，好清甜好下火呀炸雞啲肉好嫩口，有淡淡檸檬香，係淡咗啲，一定要點隔離個梅粉吊吊味一餐麵，有啤酒，有朋友，夫復何求？

第一次見到咁厚嘅鰻魚，真係好值得一試。連從來都5食鰻魚飯D小朋友都讚不絕口，一直話好好味。超濃郁雞湯拉麵都好讚，如果你鍾意口味清D，可以叫白湯底款！如果2位朋友一起去，可以叫一個鰻魚飯同一碗麵share，量好足，特別係鰻魚，一個女仔單獨，有些少壓力噢我哋係喺中環間鋪食嘎，服務態度都好nice，裝修又好，值得一去

港島區一向都有好多美食，今日晏晝心血來潮，想食日本野，於是同朋友約左係中環shopping，打算掃完貨之後就出發去覓食 😜餐廳內部幾寬敞，有好多座位，亦有唔少富日本元素既擺設，裝潢設計滲透出華麗高潔氣息～餐牌係以一本幾頁既小册子為藍本，囊括左各款特色拉麵、小食同飲品，仲有埋精美既插圖添，好照顧到顧客既需要 👍🏼芥末八爪魚 🌶🐙呢道前菜以八爪魚刺身為主，加入辣得好過癮既青芥末，佢既味道鮮味獨特。濃郁既青芥末配鮮味既八爪魚，十分開胃。再加上八爪魚刺身爽口有彈性，係高質既佐酒小食。醬油拉麵 $78叉燒份量好足料，個片厚厚既豚肉係真係大過我隻手掌，厚度亦都好合心意🍖😍 由於豚肉係灸燒既過程中，脂肪部分既油分被逼出，所以大大減低左食客入口既油膩感，香滑惹味 😋燒過既豚肉令湯頭帶有濃濃既香烤味道，再加埋筍同埋其他配料，令到成個拉麵充滿多重味道，我地都好中意呢款別緻既拉麵。除左沾麵之外，仲有筍、蔥花同埋糖心蛋！😍 呢到既溏心蛋真係好唔錯！又香又甜 😋 食沾麵冇味蛋會好失色～🍳 半熟蛋黃既蛋香滿足味覺享受 😋💓金鶴雞白湯拉麵 $98我朋友就點咗另一道非常馳名嘅雞白湯拉麵。講起雞白湯拉麵，我原本仲好擔心

平時鍾意食牛扒羊假嘅我，突然之間好想食拉麵知道金鶴喺中環開咗分店、happy hour就同朋友一齊食返拉麵！時間尚早，餐廳6點再開店，暫時唔洗等位。平時中午要排長龍，喺咁熱嘅天氣，就算有幾想食拉麵，我都選擇放棄！所以今日好好彩，唔使排隊！店員好熱情咁樣介紹餐廳嘅美食，我哋揀咗史上特濃雞白湯拉麵相比起金鶴本來嘅雞白湯拉麵湯底係更稠，味道更加濃郁！我在更加鍾意呢個特底雞白湯底！！！推介！再叫多一個炸赤雞冇諗過份量都幾大，三大嚿！我哋兩個女仔一人一碗麵再加炸雞，真係飽到行唔郁！好食嘅嘢果然唔會浪費quota！減緊肥嘅我都係咁話😂

今日下午來中環走走，被朋友放飛機，但都無損食好西的心情第一次來「金鶴拉麵」的中環分店吃午餐，店子環境清靜，播放著輕柔的日本音樂先看一看餐牌「活燒蒲燒鰻魚飯」的照片好吸引啊，馬上點一份來嘗嘗味道完全沒有令人失望，即點即燒的厚切鰻魚烤得外脆內軟，鮮味的魚油流進米飯之間，再混上香甜的燒汁，齒頰留香，真的是非常出色的鰻魚飯深深感受到廚師一流的烤功除了鰻魚飯外，還點了一客「醬漬日本塘心蛋」，軟綿綿的塘心蛋也是做得很出色美味，半溶的塘心蛋帶著醬漬的香味，絕對是不能錯過的小食在「金鶴拉麵」吃的整頓午餐仿佛置身於日本，地道可口的美食，廚師出色的廚藝，再加上服務員貼心的服務，下次絕對會再來呢

-《史上極濃雞白湯拉麵》講到好似好誇張咁，賣相真係夠晒靚個堆雜草原來係炸牛蒡🤣，雞湯聲稱由日本運送過嚟熬煮到成奶白色，湯底鮮甜，濃郁到好似漲住你個口果然係史上激濃😳，雞胸夠滑唔鞋口🤭，如果一個人食一碗會比較膩建議都係開心share😛-依度嘅《活燒蒲燒鰻魚飯》聽講仲係限量，訂位時候會問你要唔要預訂定😌，鰻魚即劏即燒大概需要20分鐘，肉質夠肥美每舊都有3cm咁厚😛，真係啖啖肉！但我略嫌佢唔夠鰻魚汁同有少許腥，如果佢再加返多啲鰻魚汁相信會更好😬，不過$200嘅價錢佢係值嘅，鍾意食鰻魚的話不妨一試🍱⚠️cheap友提提你記得down埋佢個會員apps用積分拎埋飲品或者糖心蛋😂‼️