金鶴拉麵 (荷李活道) (已結業)

1.超濃雞白湯拉麵 $98-湯底濃得像醬油一樣，雞味濃郁而且非常香滑，應該有用攪伴機處理增加湯汁空氣感，令口感更滑溜-炸牛蒡令整碗麵擺盤更浮誇，但味道普通唔特別-慢煮赤雞胸及日式叉燒各兩片，可惜雞胸不及某主打雞白湯的連鎖店帶有煙熏味.2.醬油拉麵 $98-配料與雞白湯麵一樣-湯底清淡帶獨特醬油咸味-麵掛湯能力強，而且非常飽肚.3.唐揚雞塊 配檸檬鹽 $33 / 3件-香脆無油膩感，配檸檬清香鹽更添風味-三大件，件件雞厚身大舊超抵食，推介！.4.菠蘿啤酒 (現場試飲)-本身無叫飲品，店員突然話請我試飲佢地特式啤酒，仲有買一送一優惠-菠蘿甜味頗重，雖然甜甜地但其實酒精味幾濃，女仔可以唔小心飲飲下會醉小結：環境優雅坐得舒服，但建議預早訂位，店員服務一流，美食令人回味，但如果白雞湯界黎講未算最好食，不過價錢合理又唔洗加一

金鶴拉麵主打雞白湯拉麵其實bookmark左好耐 但一直未試隨著分店愈來愈多(佐敦 土瓜灣 中環 北角)咁方便 冇藉口話遠唔食啦.不論店門定室外裝修都好日式真係有種去左日本嘅感覺 好有心好想坐印有鶴的窗邊！可惜有客人了於是就選了bar枱 望住女師傅的製作過程店員用心介紹餐單每一款食物其後發現佢咩語言都識啲👍🏻太厲害.雞白湯拉麵🍜賣相100分🥢炸牛蒡好靚啊 好少拉麵店有食落好脆帶甘 要盡快食 唔係就會比湯浸淋🥢低溫慢煮赤雞 超級滑冇誇張口感唔似一般嘅雞胸 但唔好浸湯太耐建議點一點湯就即刻食 避免改變原有口感🥢味玉呈啫喱狀 帶有微微酒香 味道適中🥢叉燒好滑 但冇慢煮雞肉好食用火槍略燒表面 所以有點燒焦味 不錯🥢重點來了 雞白湯湯底好好飲(飲哂~聽聞用赤雞煲夠6個鐘 真係乳白色好creamy😍如果叫特濃版咪不得了🥢拉麵就冇乜特別 軟硬適中 幾彈牙.活燒蒲燒鰻魚飯🍱十級推薦雖然有啲貴 但食完就覺得值得食店員話採用台灣鰻魚 即叫即劏即燒所以需時15-20分鐘 耐心等待🥢好厚肉啊 目測足足3cm啊燒到金黃色好脆 肉質鮮美彈牙唔知係咪因為即叫即劏 魚皮重油香略厭有少許細骨 但可以接受🥢燒汁冇平時咁咸

發現了在soho附近有一間門口不是太明顯的拉麵店，便入去一試。🌈金鶴雞白湯拉麵拉麵有黑豚叉燒，炸牛蒡，半隻溏芯蛋和慢煮赤雞。平時拉麵多數只有叉燒，這裡除了叉燒，更有慢煮赤雞，赤雞經過慢煮，很嫩滑，一入口雞肉像會溶化般。menu上同上菜時店員都會提醒不要把慢煮赤雞浸到熱湯上，否則會影響口感(炸牛蒡亦是)。炸牛蒡更令人驚喜，炸完不會沒有了牛蒡味，而且更易入口，賣相更是滿分，把健康食物放入拉麵，值得一讚。湯底是雞湯，清而不油，麵身是硬身的，果然是招牌拉麵。🌈日本明太子炸雞翼去骨雞翼，入面充滿明太子，明太子味好濃郁，少少鹹同有點辣，雞翼都炸得剛好，雞肉亦滑。餐廳除了bar桌還有兩至四人桌方便朋友來傾計，裝潢有日本風格，而且上菜會附上日本wet tissue，好有日本感覺。

有個識咗好耐嘅台灣朋友嚟咗香港玩，叫我帶佢四圍玩吓，佢仲話一定要去行吓石板街，影返幾幅selfie咁話！影完一輪大家都肚餓啦！搵嘢食之際又比我見到金鶴拉麵，唔洗諗即刻衝入嚟。好靚啊！職員就安排咗我哋坐呢度𠻹。朋友問我有咩好介紹，我就話佢聽呢度嘅極濃雞白湯拉麵係新出㗎，口感好濃厚、好creamy、雞肉好嫩滑咁啱職員拎餐牌過嚟，佢即刻就指住話要試呢個！哈哈而我上次食過拉麵，今次就想試吓呢度嘅活燒蒲燒鰻魚飯，職員仲同我講呢度嘅鰻魚係逐層逐層即燒，所以要我二十至二十五分鐘，當然無問題啦。嚟到啦！一條一條嘅炸牛蒡絲鋪喺麵上面，朋友一嚟就飲啖湯，同我講我好正好滑，無介紹錯。鰻魚嚟啦，除咗有即燒嘅鰻魚飯，仲有前菜芥辣八爪魚同埋鰻魚熬嘅湯。鰻魚嘅口感好豐富，外脆內軟 啖啖肉又有少少肉汁，簡直係無懈可擊鰻魚湯清甜，入面仲有鰻魚肉同埋鰻魚骨，可以食埋

難得放假約左好朋友去大館參觀，參觀之前最緊要梗係係醫飽個肚先。朋友突然話想食拉面，於是即刻打開openrice睇下有咩介紹喇。見到呢間日式拉麵店咁多好評，就決定要食佢。入到鋪頭，一坐低就比隻鶴吸引左。侍應好細心咁同我地解釋哂成本meun, 於是我叫左個呢到最熱門的金鶴雞白湯拉麵奶白色的雞湯勁creamy, 飲完會覺得有少少黏口，係啖啖的骨膠原旁邊的日本赤雞用左簡單的鹽和黑椒調味，吃得出雞原本的味道同非常鮮嫩。朋友就叫左個鰻魚飯，因為太肚餓唔記得影相。不過佢都話啲鰻魚好厚肉好好味！值得推介！

上月到坊過日本，男友投訴只吃了一餐拉麵， 實在太小，佢問我香港的拉麵店湯底唔係豬骨就係蝦，到底還有沒有其他選擇呢?我自問對拉麵無乜認識，即時問問飲食界朋友。  朋友回覆我 ，上 OPENRICE  做完功課後， 約埋男友放工後出發到中環店食拉麵。  位於靜中帶旺的荷里活道上，推開大門， 就是相當有空間感的大廳，另一端是對著廚師的長枱， 環境舒適，有別於一般的拉麵店，形象更貼近高檔日本料理店。 店內燈光採用了黃燈，令人感到由辦公室跳到另一個環境中，暫時忘記公事。餐牌印刷精美，以冷色為主調，有大將之風，圖文並荗， 令客人更容易選擇。以拉麵店來說¸小食選擇十分多，有幾款限定食物， 只在中環店食用。點了幾款食第最先送到麵前是 首選主打 $98 據稱湯底是用赤雞熬製6小時，真材實料。我習慣先試一口湯， 熱度足，質感如忌廉湯般濃厚，口感順滑，鮮味是慢慢滲出來，不像豬骨湯般濃重， 這口雞湯不會令人感到有半點肥膩，喝光也不感口喝，比在日本喝到的雞湯更高質。 採用了直條麵， 掛湯力足，彈牙不在話下，軟硬度適中，還富有淡淡的麵粉香氣。差點忘記了店員說赤雞要襯凍食， 原來雞肉以慢煮方式烹調，以保留雞肉的

悠長假期又將結束， 趁有空檔嚟中環金鶴吃碗拉麵，金鶴在我的為食界朋友頗出名， 偶爾都見到佢哋系组群分享雞白湯麵，今日趕得切 14：30 last call前黎到， 快快趣坐低叫曬啲嘢先慢慢影相。金鶴店子不太， 格局有點日本風， 簡單舒服。食物方面除咗拉麵， 還有鰻魚飯、小食、酒水、飲品等供應，睇餐牌佢哋嘅鰻魚標榜係店內割， 所有鰻魚食製作需時， 真係好想食佢哋個鰻魚飯， 之但係我今次特登嚟試佢嘅雞白湯沾麵喎， 今日毒L開飯冇人幫口極濃雞白湯拉麵 ($138）拉麵配備兩片冷赤雞胸肉、數片日式叉燒、半隻糖心蛋、炸牛蒡條及其他小量配料, 炸牛蒡條高纖有營的牛蒡條，脆口非常。食拉麵必先呷湯， 極度濃厚的奶白色雞湯， 入口充滿雞肉香， 雞湯在日本用當地雞淆製成雞白湯， 包保原汁原味， 雞湯濃鮮而不鹹膩， 可以當鷄湯飲，好似飲緊有雞味的牛奶咁，滑滑的。日本赤雞雞胸肉， 以慢煮方法烹調，保住肉質鮮嫩， 雞肉質感帶點爽， 非常juicy，一啲都唔嚡口， 雞味濃， 食落完全唔似食緊雞胸肉。**叉燒片半肥瘦，甘香肥美。**金黄盪漾的流心蛋，軟滑甘香。拉麵好軟滑, 帶微微的煙韌口感。活鰻燒 ($88)唔食鰻

很久沒有比全五星的日本餐廳，無論裝修、服務、食物品質到價錢都非常日式格調，以及性價比中高得驚喜!餐廳店員勤力親切，向每位進來的食客歡迎，無論中港外語言都詳細介紹到餐廳的招牌拉麵、沾麵及鰻魚飯材料，服務非常抵讚👍金鶴共四間分店，經大館打卡後只需數步就來到這間中環分店，簡直係醫肚嘅首選👏! 第一次來金鶴當然要先點它的吸睛招牌貨: 金鶴．鶴白湯拉麵形容它吸睛絕對是因為它當中的脆炸牛蒡! 這個充滿藝術感的牛蒡完全係金鶴的signature😮, 整餐拉麵仍能保持香口又鬆脆的牛蒡頓時變成我一想起它就會想起金鶴這間店一樣👏 白湯湯底濃厚食得出有鰹魚赤雞的味道👍，店員解釋慢煮雞肉本身凍身，所以需要浸湯即時進食，這點需要特別留意。糖心蛋叉燒配菜也令我滿意，所以...整碗湯完全地乾左🤣😋 另一主打菜: 活燒蒲燒鰻魚飯(基本上係必必必叫一款) 實物同出面poster一模一樣貨真價實，3cm係3cm厚呀😮! 由上年日本旅行到而家先食得返一間真正厚身鰻魚嘅質感，由精緻的鰻魚盒上檯，到最後一啖有少焦香的鰻魚肉的整個過程絕對是完美的用餐享受🤣(講到好似好誇張)但真唔真就真係要你自己試一試先知啦😆唐揚炸赤雞，店員主力

今日陪朋友來大館打卡，打完卡，去了食拉麵。拉麵店設計簡潔，以鶴為主題，燈光相對昏暗。有吧枱和普通座位。由於極濃雞白湯拉麵賣相十分吸引，所以豪不猶豫要了一碗。果然十分香濃幼滑，忍不住喝了一口又一口。雞肉是慢煮的，一點也不粗糙，很嫩。除了雞肉，還有兩塊薄䐁肉呢！炸牛蒡很香脆，好像食薄薯片。而朋友要了醬油拉麵，相對雞白湯，味道稍為清淡點。亦是既有雞肉，又有豚肉。而餃子有4隻，皮煎到金黃色，但不會很脆口，感覺有點嚼勁。

星期日同媽咪食完afternoon tea 都已經6點，又未肚餓就去咗中環行下街。係搭半山扶手電梯個陣，就望到一間日式拉麵店，我地就決定去試一下。一坐低，店員就奉上熱茶，再好細心咁介紹金鶴人氣食品。依家仲有會員優惠，只要Download apps 就可以進行儲分，仲會即送溫泉蛋。我就叫咗金鶴新出品嘅極濃雞白湯拉麵🍜而媽咪因為唔係咁肚餓就叫咗串燒。🍢店員Carol 服務真係好好，好有禮貌之餘又好細心。知道我們叫咗串燒，就比咗小小日本手工啤酒🍺我地試。啤酒帶點柑橘🍊香味，非常易入口。店入埋嘅裝修都好有日本風情🇯🇵，牆上幅畫係白鶴再加上金色做背景，唔通係襯返店名？廚房係開放式，可以比客人睇到煮麵的過程，又可以同師傅交流一下最後，我地揀咗枝清酒🍶黎配襯下串燒。黑豚肉串燒得岩岩好，半肥瘦食落亦好juicy 🐷 至於蒲燒鰻魚更加係店內人氣NO.1🥇每日有限量供應，訂枱時可以先預留。而今次好好彩，比我食到🥳鰻魚燒到有脆邊，而食落就啖啖肉，完全無骨家店員Carol透露店舖嚴選台灣鰻魚，每日由台灣新鮮空運到港，再由店舖師傅人手逐條起骨。可以放心食，師傅好細心咁起骨🥳到主角之一啦，極濃雞白湯拉麵🍜🐥店家好

平日諗唔到食咩，個人覺得拉麵都係一個好好嘅選擇，就好似碟頭飯一樣，自己嗌一碗麵就已經可以滿足到幾個願望🙈呢間金鶴拉麵都有幾間分店，品質都有一定嘅保證，係中環唔知食咩又唔想咁貴，唯有食啲價錢可以控制到嘅嘢。知道佢最出名係雞白湯拉麵，但今次心思思都想試吓佢嘅黑蒜油拉麵。佢嘅賣相同普通拉麵差唔多，分別有兩片雞同埋叉燒，白雞片反而帶出黑蒜油嘅香味。面底都算比較多，作為女仔嘅我剩返大概5分1，如果係男仔就應該啱啱好啦。食拉麵當然都唔少得餃子啦，餃子雖然係煎，但餃子入面嘅湯汁並沒有流失。每人人頭食咗大概$150 - 喺中環來講都算係一個唔錯嘅選擇！

今日同男朋友到中環行街影相，見到《金鶴拉麵》嚟到中環開咗間新分店，於是入去試吓。 因為係新店嘅關係，所以裝修新穎同舒服，座位都相當闊落。 覺得張餐牌好靚，圖文並茂， 十分吸引。 每人有一張濕紙巾， 十分體貼 今次叫咗碗《金鶴.雞白湯拉麵》雞肉係低溫煮嘅，所以入口非常滑，而最吸晴嘅地方就係新鮮炸嘅牛膀，所以入口又脆又爽。拉麵湯底夠濃，麵身又滑又彈。而叉燒肥瘦均勻，再加埋隻糖心蛋，真係好美味。 男朋友點嘅係《活燒蒲燒鰻魚飯》，鰻魚非常之肥美，入口鮮甜，外脆內嫩，仲要係即叫即燒，所以要等15分鐘左右。而米飯則採用日本嘅七星米，入口非常之有好口感。跟飯既仲有一碗味增湯，材料豐富，有紫菜、荀、菇。 仲有一碟小食八爪魚肉，食完好滿足呀。

中半山Soho區以前出名多西餐廳，bar & restaurant，同西方人「鬼佬」👱🏻‍♀️👱🏻‍♂️🧔🏼👩🏻‍🦰。近幾年，除左餐廳多樣化左外（多左幾間台飲🤤），擺花街、荷李活道一帶多左好多韓國人，影充滿舊香港味道嘅街景，打卡一流 😂是日尼間金鶴餐廳位於荷李活道，對住M&S側面，門面裝修比較低調，但同其他分店一樣，所以好易認可能接近下午茶時間，店內人流唔多，可以避開一兩枱食客影個餐廳內在環境🤟🏻言歸主角（食物）先 😂1. 黑蒜醬油拉麵🍜拉麵上枱果時，職員好盡責咁介紹尼碗面（其後見佢每次🍜上枱都有向客人介紹，西利👍🏻）。原來醬油湯底唔係淨係得黑蒜油，仲有一層清蒜油，唔怪得味道偏清，好易就一啖接一啖飲哂碗湯底🤤。糖心蛋做得好好，而日式叉燒食到炭燒味，油脂分佈唔錯，再加上凍食雞肉，👍🏻👍🏻👍🏻。拉麵質地偏實，如果鍾意食軟啲可以落單果時問下2. 咖喱炸雞肉飯雖然餐廳主打拉麵，但不得不讚尼個炸雞飯！高質！唔係hea炸。咖哩汁好傳統日式果隻，甜甜地，唔會好辣，送飯好開胃。炸雞外脆內嫩，好多汁 🤤🤟🏻3. 燒黑烼肉串肉質鮮嫩有咬口，而燒汁比較濃味4. 日本明太子雞翼熱辣辣上枱，一口大大啖咬開隻雞翼，見

早排見好多人都食呢款拉麵，bookmark左好耐，今次終於黎一試🥢•🍜雞白湯拉麵（$98）個雞白湯濃得黎又唔會膩，好飲🤤點左硬身麵，新鮮牛蒡炸到一條條曲身，個外表好吸引，店員話要即刻食，唔洗浸湯，食落好似薯片咁香脆！有兩舊低溫慢煮日本赤雞🐣店員建議凍食，果然好嫩滑，有少少黑椒調味，好正😋仲有兩塊炙燒豚肉🐷同半隻溏心蛋🥚好味好豐富呀～————————————（5⭐️滿分，💫為半分）整體環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️———————————

別老是吃豚骨、蝦湯、魚介、味噌湯拉麵雞白湯也跟拉麵很搭配。此金鶴位置易找，餐廳人不多，很快有位置點了招牌的雞白湯拉麵店員主動推介濃厚版的雞白湯拉麵首次來吃，先試普通的吧拉麵在5分鐘內便端上了拉麵賣相吸引配菜有炸牛蒡絲、叉燒、慢煮雞肉、溏心蛋先嚐湯頭。喝下清甜，不是很濃厚，也許是為跟濃厚版作強烈對比。牛蒡絲炸至乾身，沒有油膩感。叉燒散發炭烤味，肉質有點老。雞肉，薄薄的，偏爽的口感。小食唐揚炸雞雞肉與雞皮一起炸，肉質不會過乾，沾上檸檬鹽，酸酸咸咸的。