金鶴拉麵 (荷李活道) (已結業)

今日食晏晝叫咗個辛味拉麵🍜見到加$28可以追加慢煮雞肉，幾吸引所以忍唔住加咗。啲慢煮雞肉好好食好林好有口感，其實好想追加再追加不過最後都係算啦，啲面同湯底都好好味個面好彈牙。不過買單都百幾蚊有啲貴

IG經常見到有人打卡，那極濃的雞湯及炸牛蒡實在好吸引眼球。經過中環看到沒有人排隊決定一試。店內的環境不太大，裝飾跟其他拉面店都大同小異，有吧台可以看到師傅煮面的過程。二話不少，點了個極濃雞白湯拉面。有一大堆翌立起來的炸牛蒡，十分適合打卡，先咬一口，脆卜卜，好有口感，相比起平時吃紫菜有不少新鮮感。喝了一口雞湯，濃到不得了像極忌廉湯，每一湯匙都會看到顆粒分明的雞肉粒，好足料好鮮甜。拉面配料有兩塊雞肉，叉燒同溏心蛋。雞肉應該煮過頭了，所以有點"鞋"，叉燒有點簿切，所以比較易入口。溏心蛋卻不太流心，有點遜色。拉麵麵條煮得剛剛好，掛湯能力十足，每一口都附帶濃濃的味道。湯底真的相當濃郁，這次沒有把湯底都喝完，因為實在太飽肚了。結帳$138，相比其他拉面店有點貴，但它的拉面湯底絕對值回票價。現在有會員優惠，Download apps做會員可以進行儲分，第一次註冊即送100分可以換汽水，之後每消費一元就一分，100分就可以order小食一客。因為雞湯拉面實在太飽肚，所以沒有點小食，下次可以一試。

餐廳裝修好有日本feel，見到啲酒樽好特別，有上善如水嘅字，又見到拉面師傅煮嘢食嘅環境，好整潔，蒸氣騰騰，未食已經令人垂涎三尺。西班牙檸檬啤酒，啤酒嘅味道清甜，帶淡淡的檸檬香味，而且一啲都唔苦澀，非常易入口。雞軟骨($18)同埋冬菇($15)。兩種串燒都非常之惹味，好有炭火嘅味道，特別係個雞軟骨，有少少雞油嘅餘香，送酒真係一流，突然感覺自己身處喺日本嘅居酒屋。終於輪到主菜拉麵，我哋分別嗌咗兩款拉麵，一個就係人氣No1嘅史上極濃雞白湯拉麵（$138），另一個就係黑蒜醬油拉麵（$98）。雞白湯拉麵，一放上枱佢個視覺效果已經非常震撼，有一大堆嘅炸牛蒡浮喺呢個拉麵碗上邊。另外仲有大大塊叉燒同埋雞胸肉，就咁睇材料已經非常豐富。奶白色嘅湯，非常濃郁香滑，好似老火雞湯一樣，拉麵爽口彈牙。糖心蛋啱啱熟，蛋黃非常香濃。叉燒同雞胸肉嘅肉味亦都非常突出，呢種冇經過太重調味嘅肉味，同成碗拉麵嘅感覺都非常配合，牛蒡非常香脆，浸落碗湯度仍然非常有咬口。至於黑蒜醬油拉麵，本身個醬油湯底由鰹魚熬成，已經係係好有鮮味，再配合返呢間舖頭黑蒜油獨有嘅甘香，同即食麵個黑蒜油係唔同層次。抹茶軟凍（$33）表面就佈滿抹茶粉，但係

之前喺炮台山分店食過一次，個雞白湯拉麵留下幾深刻既印象，今次喺中環做完野就又黎回味下。中環店裝修幾靚，金色大畫顯露貴氣。點完野食，店員俾左2杯西班牙檸檬啤酒我地試飲，好fresh同甜甜地，好飲呀。雞白湯拉麵 $98就算係第二次食都依然咁有驚喜，第一啖飲湯清甜，水準依然！拉麵掛滿湯汁，佢地既慢煮叉燒同雞肉好嫩。糖心蛋都整得好味。黑蒜醬油拉麵 $98一上枱已經聞到好香，哩款湯比雞白湯濃味，但都鮮甜，啖啖都食到黑蒜香好開胃。日式餃子$38炸到外層超脆但冇油膩感，好勁，點一點醬油食或者沾上拉麵湯底既食法都幾正嫁。日式唐陽炸雞 $38炸至金黃色，肉質好嫩又juicy，高質小食。

星期日打算去中環試下新開鯛魚拉麵🍜，但原來佢星期日休息😢！唯有去附近既金鶴拉麵，食返個雞白湯拉麵補數！金鶴拉麵既雞白湯拉麵非常出名。湯底用左6小時熬製雞湯，所以你會食到一陣純雞香味。雞湯經過泡打後，非常滑身，我覺得非常似罐頭忌廉雞湯😂！濃味又滑身，我差唔多飲左成碗！配料方面一點都唔馬虎，炸牛蒡非常吸引，疊到好高，牛蒡條非常薄身，又炸得脆口😋，不過有少少油膩感😂！另外，拉麵有兩片厚切慢煮雞肉，食落好稔，帶有微微雞味👍🏻！叉燒口感相約，但較薄身，口感差一點！醬油糖心蛋處理得剛剛好，中間流心好吸引😍！拉麵就中規中矩，都掛到湯。不過果陣雞白湯味道真好濃郁，加上濃稠口感，更讓人回味！餃子🥟細細隻，因為係炸餃子，食落好脆口👍🏻！整體上，拉麵真好好味😋！不過，你問我，座銀定金鶴好味D，我覺得雞白湯味道都差唔多，都係咁濃郁！不過我覺得好似座銀D湯打得更鬆。另外，座銀雞白湯拉麵有海鮮口味，雞湯味道更有變化同更豐富。

Lunch time 成日唔知食咩，行行吓就見到餐廳門口個menu同張相，碗拉麵賣相超吸引，就不妨試一試呢度嘅拉麵！Order左一碗招牌雞白湯拉麵，諗住可以打吓卡🤣但唔單止睇得，其實個湯底超creamy又唔多味精味(我差不多飲晒成碗湯🤪)，而佢嗰啲一支支嘅炸物原來係炸牛蒡，要響佢浸淋前食晒佢，食落去有少少甜味但係又唔油膩感覺幾得意。仲有塊雞件好嫩滑好有雞味，應該係慢煮而成嘅。拉麵就覺得無咩特別，正正常常😌另外我加左28蚊，叫左一款小食，餃子配炸雞件，兩款嘅皮都超脆，件炸雞特別出色，外脆內juicy呀👍🏻 下次要再試埋佢哋另一樣出色食物，厚切鰻魚😋😋😋

今日開完都晏左，就在公司附近的"金鶴"嘆碗拉麵吧，這次是第二次在中環分店食，試過好幾間金鶴的分店了，都保持水準。今日再試下其他款拉麵先。店員十分有禮，先倒了两小杯小酒讓我們淺嚐。看看餐牌，除了必點的拉麵外，還有小食和串燒，貪吃的我們再點了幾款串燒試試。雞心串 $28喜歡雞心串的質感，有嚼勁，越嚼越出味。日本多春魚 $12好久沒有食過多春魚，也不錯。蒲燒鰻魚串 $68蒲燒鰻魚燒得皮香脆，肉質感嫩腍豐炭燒香，一試難忘。日式唐揚炸雞 (3件) $38外脆內軟，汁潤不乾，蘸上一點柚子鹽味道更突出。辛味拉麵 $88今天突然想來點重一點口味的，試試辛味的，湯底辣度不高，惹味香濃，雞肉雪白、豚肉色澤粉嫩，有雞又有豚滿足曬要求，還有半熟蛋很吸引，拉麵軟硬度也剛好，整體不錯。醬油拉麵 $88醬油湯底是招牌經典，湯底清而味濃，同樣是雞肉豚肉加上半熟蛋的配搭，經典的味道。

見金鶴既評價幾好，專程過同朋友黎試一試，位置都幾易搵，門口很有日本氣氛，第一印象唔錯。店內裝潢方面用左特色金漆壁畫做牆身，幾靚。 燈光方面較暗，🤣都幾好feel....必叫極濃.雞白湯拉麵 賣相不錯，好濃厚鮮甜白雞湯底，炸牛蒡有趣，吸哂湯味好野味，糖心蛋基本，雞肉和叉燒稍為薄切，口感還可，拉麵選用曲麵，彈牙爽口，讚。我最愛的活燒蒲燒鰻魚飯 鰻魚冇得頂，即叫即燒，足足3cm厚！又多汁又脆皮 ，高分！米飯選用日本七星米，靚料來的。配菜有芥末八爪魚同麵豉湯。大滿足手工啤一讚，選擇夠多。總有一款岩飲食完有不定期甜品送，小抹茶果凍。仲有貼心牙線。全程服務員也很細心有禮，另一加分位。整體而言 88分

➡️ 金鶴雞白湯拉麵係招牌拉麵，賣相非常之吸引，成間舖大部份人都係叫呢一款拉麵。其中一樣最特別嘅就係炸牛蒡，脆脆地好好食。至於啲雞肉，夠淋夠入味，拉麵加埋隻糖心蛋，再配上d雞湯一齊食，味道超夾！➡️ 黑蒜醬油拉麵湯底做得好濃郁，黑蒜令到成碗拉麵好惹味，叉燒一啲都唔肥，口感非常鬆軟。整體來講食物質素非常好，環境都OK，但店員嘅態度唔係幾友善，需要改善下。金鶴拉麵地址📍: 中環荷李活道39號地舖.............................. 味道😋: ⭐️⭐️⭐️⭐️環境👀: ⭐️⭐️⭐️💫服務👨🏻‍🍳: ⭐️抵食💰: ⭐️⭐️⭐️💫

今次係第二次去，去到嗰時啱啱開門，所以可以自己揀位置坐，接近中午食午餐嘅時候，出邊好多人排隊。今次就試佢嘅醬油拉麵啦😀見有得做會員，下載一個app，登記少少資料，做新會員就有一百分，可以換一隻糖心蛋🤤咁就一於換埋佢啦😍 醬油湯底唔算太濃，我幾鍾意❤️糖心蛋就一定好味啦😇

數一數二湯底@金鶴拉麵 中環荷李活道39號地舖 G/F, 39 Hollywood Road, Central 自從食過一次超濃雞白湯, 我已經返唔到轉頭, 深深淪陷了在湯頭的滋味上, 加上佢有日本串燒食, 有朋友問起那裡食日本拉麵, 必會推薦一下金鶴。辛味拉麵$88 同樣有溏心蛋, 日本同雞肉塊。 醬油湯頭中加上解紅色的辣醬來調味, 而日本所謂的辣都是BABY 口味程度, 這卻不會只有辣而把其實食物及湯頭味蓋過。微微的辣度很開胃。麵份量多, 女生食量總會剩1/3, 但湯絕對一滴都不要浪費。燒雞泡魚乾 $68 甜滋滋的, 沾上MAYONNAISE , 燒後變得更香, 肉質好咬口, 是一道很好的開野小吃。多嚼幾下, 雞泡魚乾的甜味會充斥在口腔中呢鰻魚飯一直是店家另一拿手之作, 但點了拉麵基本上已吃不到飯, 倒是點了串蒲燒活鰻魚串 $68 一嚐其滋味。鮮鰻魚一定要挑選肥美的, 在燒過後皮層的脂肪甘順, 且皮本身富膠質, 要處理鰻魚仔是功夫及心思呢, 所以一串$68 是很合理的。秋葵$15 ~~~爽口又護胃, 可以灑七味粉店員有禮貌, 不似一些掛著日本過江龍的店夠名氣, 態度差而且水準與

I read lots of good comments for this Roman restaurant so decided to have a trial.We tried two different kinds of noodles and a snack this time .1. 極濃雞白湯拉麵 The chicken breast is extremely nice . You will not feel that you are having chicken breast because that is very soft and tasty. In contract, the pork is not that special . The soup is very tasty. I am not sure whether they are true to say that they are ‘史上最濃’ but their soup is very very heavy and tasty .2. 黑蒜醬油拉麵The soup is not black as simi

坐船返到中環之後唔知想食咩，行到九點幾咁夜都想食碗拉麵填下肚，今次試下雞白湯，想飲埋佢白雪雪濃郁嘅湯底❤-$98+10%🍜🍜簡直想偷師佢個雞白湯🍜真係好濃郁好香好好味🍜旁邊嘅牛蒡炸得好有型🍜溏心蛋再溏心返啲就好美食分享ig:natalie_foodd

🔺金鶴拉麵小編今日難得出城黎到中環接朋友收工😹於是朋友帶左小編黎呢間拉麵店食晚飯🤗.白雞湯拉麵🍜白雞湯唔會太過重口味 好有雞嘅鮮甜味😋唔係味精湯 飲完都唔會口渴👍🏻炸牛蒡甜甜地 仲有4大片雞肉同半隻溏心蛋😆拉麵可能煮耐左 所以小編覺得口感淋左D🤔.金鶴白雞湯沾麵🍲配料同拉麵一樣 只係湯底比拉麵更加濃郁 麵質都會硬身D👌🏻 喜歡濃味嘅朋友可以一試😆.串燒🍡試左燒雞腎同黑豚肉🙌🏻雞腎幾爽口 簡單調味用鹽燒黑豚肉脂肪分布平均 咬落好多汁😽.甜品仲送左幾件抹茶厥餅口感煙煙韌韌 唔會太甜😋

日系拉麵除了賣相連湯頭别出心思外，而且一碗即煮熱辣辣即製泡必能有更高的享受，讓你殺那之間無限銷魂符合基本大眾化的口味進入店內細緻一站式日系簡樸風情很不一樣招牌「雞白湯拉麵」熬煮呈奶白湯頭精髓，色澤濃濃融合拉麵條相對夠地道，脆卜卜牛蒡香味四溢拌上軟嫩肥瘦適中肉片較為期待反而較為重一點「黑蒜醬油湯拉麵」穩站濃厚秘製鹹香色水較亮眼，豐富既油脂誘人過癮，慢煮雞胸不失霸氣不會局限於一邊，一嚐的滋味果然獨樹一格