金鶴拉麵 (荷李活道) (已結業)

是日又想食拉麵，黎到中環接女友收工，順便搵間拉麵店。咦！原來金鶴係中環都有分店，就揀佢！裝修一如既往行Grand既路線，中環呢間分店仲有埋落地玻璃，個feel更正。餐牌如下：我就諗都唔諗揀返佢既招牌雞白湯拉麵，女友就試新野食辛辣拉麵。之前試過佢既鰻魚飯，真係好出色，今次就叫佢既串燒過下癮。雞白湯拉麵。水準照舊，一樣咁正，濃郁既雞湯可以輕易掛係拉麵上面，食落啖啖湯汁。一條條果D炸牛蒡係呢度先食到，口感爽脆。雞肉豚肉各有其濃厚既肉味，配搭一流。辛辣拉麵。一樣有雞有豬，個湯底有D似辛辣麵果種，一樣好濃。鰻魚串。呢個真係極品，次次食完都覺得其他果鰻魚店都比唔上佢。厚身既鰻魚即叫即燒，外脆內軟，啖啖肉。嫌鰻魚飯貴既朋友可以叫一串試下，包你食完返唔到轉頭。黑豚肉串。呢個第一次食，見佢48蚊兩串又幾抵。估唔到上盤個賣相都好唔錯，肥瘦夾雜既豚肉又燒到脆脆地，食落有濃郁既燒烤味，唔錯唔錯。

最近唔多人出街食飯, 不過我自己就幾鍾意因為街上人都少啲, 感覺都舒服啲.去左食拉麵, 感覺不錯入邊環境幾舒服好似居酒屋, 估唔到食拉麵都有呢類型style最後揀左雞白湯同黑蒜湯底, 幾香濃唔似其他二三流拉麵店溝粉配料真係如同menu, 無花假, 叉燒幾軟滑入味, 糖心蛋就都係咁樣黑蒜湯底好香黑蒜味, 係咁飲湯都唔見好口渴追加多份小食雞泡魚乾唔會燒得太乾都不錯的呢個啤酒店員會俾啲試飲裝, 都幾好味下次再黎會叫!最後仲有甜品送, 一個簡單好味既晚餐就此完結~

見到呢一間拉麵店開咗好多間分店，餐廳嘅種類都幾多，主要係拉麵。但因為嗰日自己想食飯多啲，所以就嗌咗呢一個炸雞咖喱飯。啲咖喱食落去唔係辣嗰種，炸雞比較炸，食落去好熱氣，不過都幾好食。

已經唔記得有幾耐無出街食飯見今日早左收工又拉麵癮起就俾自己放鬆一小下(小心那翼地)係非常時期個人衛生非常重要！所以臨入餐廳之前好溫柔既侍應哥哥幫我地量完體溫之後就要消毒！消毒！消毒！同一般拉麵店唔同既地方就係舖面感覺相當開暢而有空間感，再配合埋柔和既燈光係充滿土地問題既鬧市之中實在相當可貴不羈街景位，合法四人位，拉麵吧枱位任君選擇拉麵既最佳拍擋之一，啤酒！有唔同種類既啤酒可以揀不過為免飲多兩杯太過親密唯有下次再試過個人對「期間限定」既食物總係無咩抵抗力今次仲要係非常吸引既蟹湯拉麵就決定試你啦等左無耐就有麵食撲鼻而來既係好香既蟹味再望真d發覺碗麵非常足料中間係堆到好高拆左絲既蟹肉，撈埋落好creamy既湯每一啖都會食到蟹肉，正呀橫看成嶺側成峯  遠近高低各不同小食方面今次試左燒黑豚肉串，肥瘦均勻既黑豚肉燒起上黎，真香最重要既係食落又唔會有太膩既感覺，內疚感即刻太減由於之前試過雞白湯拉麵，今次搞搞新意思試試雞白湯沾麵配料可以揀雞或者叉燒，不過貪心既我地表示我全都要雞肉嫩口得黎又夠腍，叉燒大塊得黎又唔會太乾，不錯不錯如果個湯可以再熱d同再creamy d咁就perfect池啦食完麵飲啖茶之後

今次係二訪「金鶴拉麵」🥰1️⃣北海道極濃蟹湯拉麵 $138 湯底超級濃，但蟹味唔算好重，反而係似忌廉味。配料有蟹肉，份量唔算多，不過係鮮甜嘅👍🏻叉燒比較普通，建議用徧肥嘅叉燒同火槍燒一燒會好啲。-2️⃣極濃•雞白湯拉麵 $138 湯底真係好濃，偏杰身，有啲似忌廉白汁😅好處係好掛湯！配料有炸牛蒡（超級多！），糖心蛋，木耳絲，低溫煮嘅雞肉（有啲似白灼雞胸肉），叉燒～麵質煙韌，份量都幾多，食淨左一半🙊下次我應該會揀返普通版🤣-3️⃣青檸啤酒 $48 一坐低就有得試飲🤫飲咗之後覺得好正所以就追加！清甜，濃度唔係好高，適合全部人飲👍🏻而家做緊買一送一優惠🍻

早前已試過位於佐敦的金鶴拉麵（金鶴拉麵是一間主打雞白湯的拉麵店），吃後覺得不錯和性價比也很高！這一次是有外國回來的朋友，叫我帶他去好吃的拉麵店，他一說完我就立刻想起金鶴拉麵，因為大多在香港的拉麵店也是以豚骨湯為湯底，而金鶴拉麵則是以雞白湯為他們的擔牌湯底，所以非常值得讓我的外國朋友去嚐一嚐。 金鶴雞白湯拉麵 $98招牌雞白湯拉麵，賣相吸引又可以打卡，基乎我看到每一位客人也是點這款拉麵。炸牛蒡：賣相很特別，脆脆的又帶微甜赤雞肉：肉質很腍，雞味又夠濃醬油溏心蛋：滑溜又入味，好吃拉麵：麵質不算很彈牙，而且我覺得有一點偏腍，幸好掛湯能力不錯。雞白湯：湯頭濃稠，入囗濃郁鮮美，甜而不膩！餃子 $33外皮鬆脆，內餡沒有過鹹，餡的份量剛剛好黑蒜醬油湯拉麵 $98湯底：濃度適中而且非常滋味叉燒：肥瘦適中，肥瘦的比例配合得恰到好處赤雞：口感一樣和上面所說的，香滑鬆軟溏心蛋：和上面所說一樣，不錯！手工日本啤：色澤金黃亮麗，麥味香濃豬肉串燒：剛剛好我火候，外層帶點脆邊，口味又夠濃！總結來說，我的朋友很喜歡白雞湯拉麵，他說下次會再來吃！而且我也覺得這一家真的不貴又好吃，值得再來的食店！

又食呢間好好味嘅拉麵啦！食過一次之後要再食第二次！今次就食中環分店啦！中環呢間分店幾大間，幾光猛嘅。上次食咗濃厚雞白湯啦，今次改食鹽味湯底！湯底望落好清咁，食落幾清新啊，冇濃厚咁杰身。冇咗掛湯嘅雞湯精華，但多咗一份清爽。記得要下載會員app啊，每次食完儲積分，一蚊等如一分，下次再食就可以換到唔同嘅小菜！我同朋友今次換多咗每人一隻溏心蛋！100分就換到一隻溏心蛋！好easy！超好味啊！絕對係蛋控必食！！！

Came in almost at 22:00 one evening after a workout, really wanted something heavy with a lot of protein. The ramen came with some slow-cooked chicken breast that is both cooked to and seasoned to perfection. Great flavours with the soup base, albeit a bit too heavy towards the end, the solution? Get some hot dashi stock and wash it down! Nothing special egg-wise, but the chicken breasts reallg made up for that.

Central 中環 • 金鶴拉麵 🍜📍中環荷李活道39號地舖日本正宗的拉麵店是不會讓客人選擇拉麵軟硬、湯的濃度，一切由師傅決定，因為師傅是最了解湯、麵、配料、醬油的混合，製成高水準的拉麵。金鶴拉麵也是如此，以雞白湯拉麵掛帥✨特濃雞白湯拉麵 $138 + 日式餃子 $28 雞白湯濃郁香滑，湯底以日本赤雞、素菜等材料熬製而成，再加鰹魚魚介湯，一點也不油膩！湯料亦好高質，赤雞肉柔軟嫩滑，叉燒肉質鬆化，仲有半隻溏心蛋😍建議炸牛蒡不要浸湯吃，更香脆可口👍🏼➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟🌟

其實我都幾鍾意食拉麵不過通常拉麵的環境都不是太闊有外賣就更加好，這間拉麵在門口貼着外賣八五折於是就入去買咗兩個餐第一個是雞白湯拉麵，湯及拉麵分開放味道保持原汁原味，湯也很有雞的鮮味咖哩炸雞飯，咖哩同飯分開裝，入面有三舊炸雞，我覺得偏乾但整體上OK。連外賣都可以好decent!

中午肚仔餓係中環去左金鶴試下佢既拉麵😛😛入到去坐低個staff就好nice咁請我地試下西班牙檸檬啤酒🍻Momo揀咗醬油拉麵🍜($88)而阿boo就叫咗雞🐔白湯拉麵🍜($98)兩款拉麵都有1塊叉燒同埋2件雞肉☺️叉燒薄薄地，味到正常😄塊雞肉好娕滑，加分！雞白湯底好濃郁，好香雞湯味😚雞白湯拉麵比醬油拉麵多咗d牛蒡，好特別脆脆地咁好似食緊薯片🤪 香港既拉麵黎講呢間係Boo心目中都入到頭10🤣可以一試🤗

金鶴拉麵有5間分店，我呢個終實fans 間間都食過至少一次！工作關係我經常去吾同地方開會同食飯。今次黎到中環，係總店，不過我就一路覺得佐敦先係總店，因為最出名同最令！不過吾緊要，分店都好，味道都保持一樣！今次係中環食左午餐 – 辛味拉麵。呢度既辛味比其它拉麵店吾同，因為佢算夠辣。大家都知道日本拉麵就算話辣都好，都吾係真係好辣。佢呢度既湯香之餘仲辣辣地，吾錯！當然吾使講佢d配料固然好食，保持水準！午餐又有set，加幾十蚊有小食！抵食！

金鶴拉麵@中環疫情被消化，九龍又變番people Mountain people Sea, 所以麵係去番我最愛的港島區。🔅環境以黑色為主有種grand grand地的感覺幾舒服🔅醬油拉麵其實我好怕拉麵太油可能post完會叫我吾好再去食拉麵因為拉麵個湯吾濃邊選日式拉麵不過我就喜歡清淡所以我選左醬油拉麵用鰹魚高湯再加醬油既清淡值又具有日本風味個湯好清甜 濃又不膩差吾多飲左半碗麵質吾錯叉燒同雞肉味道都岩岩好肉吾會太「鞋」亦都吾會太鹹雞肉肉味好濃郁😋味道：7/10💰消費：$88

店鋪本身就給人一種舒服感覺，少見拉麵店的座位如此寬闊，特別是疫情期間，枱之間的距離令坐得好安心，而且店員主動提供洗手液，就更顯得店鋪貼心。今次叫了黑蒜醬油拉麵。拉麵湯十分濃厚，蒜香味十足，但卻不會覺膩。飲落去，更加顯得香味。配合爽口彈牙拉麵，雞肉，日式叉燒。整個就是好配搭。 而且真係好大一片。另外是雞白湯拉麵。白湯，料十足。雞湯的精華十足，雞味十足，而這個牛滂更加令整個麵錦上添花。我先食了這個牛滂，脆卜卜，為食拉麵揭開序幕。拉麵不像其他店，自行在餐單上選麵硬度，蔥多少。但我更相信師傅為我地準備的味道，至能食出它最好的味道。另外店鋪都有串燒食，如果想飲酒及食串燒都一樣適合。今日叫了雞翼，牛柳串。雞翼簡單鹽燒，可自行加上辣粉。牛柳亦好入味，不會硬。好味道。有必於一般串燒店，這裡舒服的環境真係令人好放鬆。最後我地亦叫了橙汁。有果汁這個選擇，可以係抗疫期間，吸收維他命。

和朋友逛完大館後，是時候找點吃的，我們去了附近的金鶴拉麵吃拉麵。這裡裝潢有著日本淡雅的感覺，靜靜的享受白雞湯拉麵，甚有日本風情。朋友點了橙汁和金鶴雞白湯拉麵，雞白湯拉麵是近年流行，金鶴乳白色的雞白湯拉麵口感香味極具深度。雞白湯以雞肉雞骨熬煮而成，就像燉了好幾個小時的老雞湯，雞白湯味道甘醇，令朋友印象深刻。拉麵旁的炸牛蒡相當彭湃，夠氣派，炸牛蒡如絲帶般優雅，酥脆可口。慢煮日本薩摩赤雞胸肉多汁嫩口沒話說，完全沒有雞胸的乾柴感，太厲害了。火炙日本黑豚叉燒炙燒過後，讓肥瘦得宜的黑豚叉燒顯得香甜，而且黑豚叉燒比我的手掌還要大。麵條吸收白雞湯的精華，滑順甘美，即使稍微浸泡湯底亦不會軟掉。金鶴拉麵的溏心蛋堪稱一絕，滷得入味，流心蛋黃融入湯中別有一番滋味。日式唐揚炸雞炸粉薄薄的，炸得乾脆金黃不油膩。炸雞最好剛炸好趁熱吃，炸雞外層香脆，雞肉柔嫩，吃時還會噴肉汁，沾上柚子鹽吃，更能提出雞肉的鮮美提出來。期間限定北海道極濃蟹湯拉麵我怎會錯過，迷人濃厚的蟹香飄散，還沒開動就先讓我口水直流。蟹肉的甜味隨著蟹濃的海味在口中蔓延，每一口都是來自海洋的幸福。