金鳳茶餐廳

营业中

休息中

下午行完會展後o黎o左食o野.叫o左快餐(奶茶,火腿奄列,牛油餐飽,沙爹牛肉麵),營養餐(鮮奶,沙爹牛肉通粉,牛油餐飽),奶茶,蛋撻和菠蘿飽.蛋撻和菠蘿飽只是暖暖地地,味道一般;火腿奄列和牛油餐飽仍算ok;但沙爹牛肉卻沒有沙爹味,牛肉則是雪藏貨,比以前食的差o左!好彩奶茶仍然夠茶味夠滑.現在店舖出了名,食物質數比以前卻下降了!?實在有點名大於實!!

住天水圍既我特登落灣仔試下呢間茶餐廳..因為小女子對茶餐廳有一股情意結黎到門口都已經見到好多人喊奶茶同雞批拎走..心諗..e..似乎應該無黎錯..等左1陣終於有位坐喇..服務系差就預左(因為睇過眾食評before)..但估吾到連野食都系咁..雞批同蛋撻..1樣喊左1個黎食..普普通通..不過不失..無咩驚喜..我同男朋友喊左1個午餐,1個快餐(?吾記得)..杯奶茶黎得好快..真系無冰..但入口覺得好淡..只系得茶味冇奶味..完全吾覺得有幾好飲..之後碟奄列+牛油餐包等左好耐..要講左3次隔左好耐先出黎..入面d伙記完全當我地講既野(miz既order)扮聽吾到..終於有得食..奄列好好食..見佢切開都有蛋汁流出黎..而牛油餐包真系好難食..個包又凍又硬..我同男朋友都食吾落..佢仲食左個公仔面..話d面吾諗幾好食..總括黎講..完全吾明呢間茶餐廳有咩咁好食..而且service仲要差...我食果陣都吾敢講d咩..只系心諗冇下次

喜歡這裡的雞批, 無冰o既凍奶茶和蛋治不過, 男侍應的服務態度就差左少少

友儕之間中意食他們的雞批同蛋撻。老實講，乜嘢熱辣辣食都好味嘅～至中意佢地凍鴛鴦因為係放入雪櫃加凍而唔係加冰沖淡哂無味。

食完麵走過隔籬飲番杯凍奶茶。呢間茶餐廳最靚係奶茶同旦撻尤其係凍奶茶。但今次就差，奶茶唔夠滑，希望係偶一失手，如果唔係都唔知去邊度飲奶茶。

噙日再次到這間荼餐廳,己經有一年無黎過囉,離遠己見一條長人龍係度等蛋撻及雞批出爐,因為同我daddy一齊,當然要座低一齊慢慢食啦,但都要等位等成10分鐘,黎過既朋友當然清楚這店舖面積唔係好大,但長期都係咁多人,因為裡面d人係等緊雞批出爐, 食完就會有一批吉位出然,入到去當然叫依度出名既凍奶荼啦,仲有新鮮出爐既蛋撻,我daddy係第一次黎,平日都係去開長沙灣既金園荼餐廳,以下係佢對依度既評價: 奶荼:幾好,因為唔會越飲越淡. 蛋撻:蛋汁幾好,好有蛋味,但外皮就一般(金園鬆化一點),同埋比較細個一d , 雞批依個因為太多人叫,所以我哋係特別買半打外賣回去才食的),唔係剛剛出爐,但仍好好味,如要話有乜唔好,只可說稍為甜咗d

今天午飯時間，目擊金鳳極其可恥惡劣的服務態度。一名侍應不慎將兩杯茶倒於檯上，並弄濕一對較年長夫婦。該侍應不但沒有道歉，並一直怒視該太太。以為老闆娘會代為道歉，誰知她竟向該太太說假使她不嗌飲品，她要付＄１０，縱使她已有嗌食物。然後老闆娘再好無禮貌強行取回該對夫婦中間的一張圓凳子，令夫婦的東西掉在地上。惟該對夫婦祇好啞忍。事實上，金鳳的食物質素並不那麼昭著。坊間許多老牌冰室或茶餐廳都較之為優。何以仍然保留這種傲慢、不可一世、令人髮指的服務？

同事外賣蛋撻同雞批上黎，睇一睇，原來金鳳喎，聽人講得多話哩間ｄTart好食，終於試到喇！滑雪雪既egg tart，wow！雞批－外面鬆脆，裡面曖笠笠，好味．

都幾常去金鳳，因男友喜歡他的雞批及凍奶茶。出爐雞批好快賣哂，常有人龍。熱肋肋，真係好好味道！有一日，我地去下午茶時，見到譚詠麟係果度買外賣。好開心，我兒時的偶像呢: )

講真, 黎食係受氣. 不過係杯無冰奶茶好夠茶味, 好滑. 食物就一般啦. 座位就真係好窄, 卡位一邊坐兩個瘦人都好迫.

由於有事到灣仔一趟，過來前先search下有什麼好食，發覺"金鳳茶餐廳"是一個不錯的選擇﹗去到的時候剛好lunch時間，故周圍逛逛，避開人潮﹗其實，座位很窄，一點也不寬敞，不過倒有風味﹗選了個午餐，有一個湯麵，蛋，餐飽以及飲品﹗蛋黎講，澳洲牛奶公司"得"好多。比較特別既係: 餐包係用菠蘿包﹗講真，由於唔係新鮮出爐，味道一段，係舊式麵包口感，好厚，專係要食飽你o個d﹗反而個唦嗲牛又做得幾好﹗其實個人都幾喜歡舊式食店，因為覺得買少見少﹗

下午茶時份到達, 剛好菠蘿飽新鮮出爐, 馬上order菠蘿油同凍奶茶. 菠蘿油味道好好, 唔太識用文字形容, 總之一字記之曰"正". 沒有冰的奶茶果然有料到, 幼滑香濃, 加冰絕對難有如此質感.這裏有兩種客人, 為美食而來的和老街坊. 慕名而至的除了筆者外還有四位台灣游客, 老闆有禮又殷勤地向他們介紹各種出品; 而街坊街里不在少數, 伙記和他們有傾有笑, 有人連單都唔駛落, 侍應自動奉上或茶或啡, 如此人情味, 還有那裏可以找到? 置身其中, 彷彿是煩囂都市中的綠州. 這種情懷, 只能在此等舊區中找到, 五星級食肆是沒有的!

雞批係好食，一出爐就好快賣哂，所以出名。而其他就同普遍傳統茶餐廳無分別，加上地方細，食得好辛苦。另外凍奶茶話好飲，因為無加冰既，都無咩特別。

一早八點幾特登到灣仔金鳳試吓食番個早餐\想感受一吓金鳳,到達門口,全場滿坐,由沒有穿伙計衫的肥哥哥指示(去最尾嗰張圓枱) 看見眼前兩旁的卡位坐滿客人.而卡位Size 絕對比正常卡位縮細咗嘅.而中間三張圓枱正常坐二至三人的,現在坐了四至五人,店內所有空間幾乎用盡了,這樣背貼背,脚踢腳熱鬧的氣氛坐下來立即就想看看選擇吃甚麽早餐\,但係由於張圓枱,枱面巳被同枱食客杯碟阻擋四份之三了,剛又看不到餐\牌內容,而四周牆上又甚麽也沒有.由於第一次黎食,心急地硬着頭皮叫伙計亞叔Order ,叫早餐\唔該,而伙計亞叔就問(早餐\A定B呀) ,我是旦答A啦,跟住伙計亞叔停頓了但望住我然後不耐煩說(A食乜先得架) 當時真係呆咗.我唯有唔好意思推開人地D碟睇咗內容有咩揀,先敢叫另一位伙計亞叔落Order .<br />食物方面就覺得名過其實,餐\包和麵真是一般.不能夠說好食,只可說用餐\包加一辟牛油較有特式.麵包和煎蛋都是凍的.微微熱都沒有,麵當然是熱的但夾起來巳沒有平常時熱力的煙都沒有了.吃落口都唔使殊殊聲咁食.味道和很多同類型的差不多.我又忘記了點凍奶茶,點了熱架啡,很後悔.但注意到其他食

全日都奉獻左俾補課, lunch break有3個鐘, 所以同朋友黎試試, 兼搞掂d私事。一場黎到賣無冰凍奶茶o既地方, 幾鍾意咖啡同鴛鴦都好, 都要入鄉隨俗, 會一會舊愛:奶茶, 另外叫埋又係好出名o既蛋撻。當時11點半過d, 餐廳一半都坐唔夠, 揀左二人卡位, 個人認為窄都未算好窄, 我只坐左三分二, 但係同對面中間o既空位實在太小, 同朋友不停腳踢腳, 唔踢o既時候就係腳頂腳。小妹身高5呎2.5, 朋友係5呎4, 都尚且如此, 真係唔敢想像若果同行係中等身高o既男性同友會點樣迫。不過點都好, 食物先係重點。凍奶茶無冰又的確幾過癮, 飲到底都唔變淡, 而且冇冰大杯好多。味道方面, 的確幾好, 好特別, 茶味偏濃, 比其他茶餐廳奶味為主o既真係有點分別。唔鞋口, 但係朋友話有d苦澀味, 我就試極都唔覺。蛋撻, 已經出爐一段時間, 唔算熱辣辣, 不過都仲好暖下, 個皮好脆, 冇記錯應該係酥皮, 係我食過最脆o既皮之一, 不過較實, 個人偏愛較鬆o既酥皮, 換轉係牛油皮就的確一絕, 蛋方面, 中上, 始終覺得泰昌o既高一班。朋友要菠蘿油, 佢話ok。如果係泰昌o既蛋加金鳳o既皮, 咁就係