金鳳茶餐廳

营业中

休息中

去左貓展，五點左右到這間一直想試的茶餐廳飲奶茶未試過唔知它的魅力，入口的確係濃同滑，比一般餐廳水準高好多。同朋友分一半蛋治，基本上就沒有什麼特別，都係奶茶突出。職員態度幾好，不過地點就真係比較細和狹窄，即使坐著也要留心後面經過的員工與顧客

小弟3歲食到而家, 每一個伙記都識,所以本人覺得服務無問題~~ haahaa~雞批: 我可以話本香港最好食!~凍奶茶: 夠濃, 夠凍~其實去金鳳, 其他野就唔駛試, 因為無特別!!p.s. 所有茶餐餐包可以轉菠蘿油, 一定要轉, 因為好食好多~~ 記得同伙計講~

我久唔久都會去食午餐，當你冇乜錢時又好想有杯好好味奶茶時一定會想起佢．午餐其實係一個好公式的特餐咁，有個炒蛋或煎蛋，加一個菠蘿包，加一個米粉或麵，都好飽，仲有一杯茶，埋單＄２２，凍飲加２蚊如果下午茶時間去撞正出爐egg tart同雞批，好好味，有時二點到都會有一輪雞批出，我都會買番公司食，實在係忍唔住佢o既香味．係比較窄同細，但舊式舖係咁，在灣仔區都算唔錯

因往灣仔書展，一早跑到灣仔吃早餐，早聞「金鳳」的奶茶非常出名，故到此吃了個早餐。未到先見人龍排隊買剛出爐的麵包。坐下叫了火腿通粉，煎蛋火腿餐包及凍鴛鴦…早餐一般，比較細碟，但麵包則新鮮熱辣！凍飲是預先雪凍，待人客需要時才倒進杯內！可能是舊區關係，所以地方比較細，坐得不太舒服…

夜晚約朋友去書展前醫肚, dinner 唔想食咁貴, 就"冒名而來" 呢度食菠蘿油/蛋撻同飲無冰凍奶茶.0黎到大約6:15pm, 勁多人排隊, 不過好多都係買外賣, 好快就有位. 不過因為時候唔早, 幾唔好彩地佢d 菠蘿油, 蛋撻同雞批已經賣晒... 唯有下次試啦.好彩無冰0既凍奶茶長賣長有, 試0左發覺真係唔錯, 唔太甜, 又夠滑. 呢間0個d 奶味重過茶味, 同蘭芳園0個d 50/50 唔同, 不過兩間0既都好好飲.結果食0左奶油多, 油多, 腿蛋多同腸仔牛肉公仔麵. 多士其實好難整得難食, 亦同時好難整得好食, 呢間0個d 一般啦. 公仔麵都係一般, 全碗最好食係腸仔... d 牛肉其實都ok, 不過要同勝香園d 牛肉比, 當然差一截啦.環境勁up dup, 鋪位細, 滿地煙頭, 阿姐執檯0係客人面前用毛巾掃檯面垃圾落地; service... 個個一聽到係金鳳都話d 人勁寸, 我又唔覺喎, 今日個阿叔都幾好人呀.睇0黎要搵次早d 0黎先得... 真係好想食菠蘿油!P.S. 笑面係俾杯奶茶0既!

去得呢度…第一時間當然要叫杯無冰奶茶飲啦…跟住當然要食佢既菠蘿包同蛋撻啦…呵呵…好正…杯奶茶就唔使講…一定好正啦…個菠蘿包同蛋撻都係新鮮做好…好正…好好食…抵食呀…

一早去搵老公仔食早餐..佢帶我黎試出名冇冰奶茶!!真係好正..唔太甜..好夠味!!但係個早餐就真係麻麻地..尤其係個餐飽..凍冰冰又好油~service的確係差..不過大家都好受落..奶茶贏哂~~

行開去灣仔, 終於有幸去人龍茶記"金鳳"食番餐, 第一個impression就係"咁都叫做卡位??"坐係門口的四人圓枱, 叫左個火腿奄列餐包配招牌無冰奶茶~~餐包好軟熟但係個低超油, 真係超油個隻喎, 甜甜地好易入口, 個火腿奄列新鮮即做, 好熱, 火腿好多, 蛋煎得唔錯, 絕無過火, 重有蛋汁係度, 不過落左好多油, portion都好夠招牌無冰奶茶甜度比平日的淡, 剛合我口味, 但係唔係太涷, 唔涷唔暖, 怪怪的, 但係個茶真係沖得好好, 一飲就feel到好滑, 茶味濃得來又唔會鞋口, 好正~~~環境迫迫, service差, price都唔平, 嘻嘻, 絕對有齊茶記的特色~~

灣仔春園街的金鳳的無冰奶茶,一直係小弟心水之一.日前當夜班收工後,去合和拿回修好的字典機.再一次與金鳳短聚.時間緊逼要趕住回家同周公傾計,趕頭趕命,邊行邊吃.奶茶無比冰溝到稀,正宗原汁原味.茶味香濃夾滑,最緊要係飲完唔肚痛.加多個菠蘿包,好一個速食早餐.比老麥早晨全餐,品味好不知多少倍.垃圾食物,等如出口成衣式的乏味港式K歌,同樣令人倒胃口.如果金鳳奶茶等同林憶蓮,咁老麥就等如____.自己填上格仔啦下.

無錯,呢度的食物是好好食又好抵,菠蘿油、奶茶、雞批......真係茶餐廳之寶,就連佢地的沙嗲牛肉麵,即使唔係用出前一丁,都十分好味。但係呢度d伙計真係不得了,佢地好似唔記得自己係伙計,好似完全唔想做咁,同人客講野又粗聲粗氣,個收銀亞嬸仲好野,我見過有個客想佢找一張較新的二十元,咁都會俾佢罵,唔知個亞嬸係咪老闆,但就算係都唔可以罵人的嘛!!!我真係唔明d伙計憑咩咁嘅態度,就算而家日日咁多人來吃,都係廚房同水吧d野好食,唔係你地d樓面同收錢的工勞!!!!!!

同同事黎個食lunch~~~普普通通啦名氣大過味道﹐不過其實味道都唔差既食個麵餐﹐我覺得係罐頭餐多d先黎個全餐最好食既餐包之後就係肉丁公仔麵同埋前旦/ 奄列~~~~兩樣都過得去啦最後有杯特重奶味奶茶~~~~個人唔係太好d 咁偏重奶味既奶茶~~~~我飲完覺得飲奶會肚痛而又經常便秘既人會幾鐘意飲不過我飲奶唔會肚痛~~~~

其實好多人讚無冰凍奶茶或者雞批等招牌美食我都覺得只可以話係幾好,而未至於好好,反而茶餐個我認為真係好好食, 個奄烈好有蛋味同煎得夠乾身,平時第二度食茶餐我通常都唔食奄烈,唯獨是金鳳我會食哂

lunch時間突登走過去金鳳, 因為佢出名, 幾遠都走過去試下, 去到全場爆滿, 心諗使唔使咁巴閉呀?! 但係見佢個凍櫃放滿晒外賣奶茶就知佢巴炮! 所以就等下!lunch時間成間舖都係d OL, 連卡位都要搭台! 我坐個張圓台仔, 都只經係3pair人搭台, 可想已知間舖迫成點! 之後叫d普通麵餐, 個餐包比起其他荼記揼本! d食物都係一般, 諗住個茶走會好得la! 點知都係失望! d奶味重勁過d茶味! 似係幾本身已經落左淡奶既奶茶再加少少錬奶! 奶同茶既比例係4:1, 我飲奶好過la!我個fd飲凍奶茶, 最初大家都好欣賞佢唔落冰, 但係又係多奶lor! 原全忽略晒d茶味! 枉佢咁出名! 都係祥利度好d!

這幾個月經常出差，公私兩忙，希望襯這段空檔時間Post番近期食評！這段時間會經常到訪灣仔，金鳳是其中一間經常幫襯的餐廳，其實冇冰鴛鴦茶味及咖啡味非筆者鐘情，而雞批亦不是坊間所說的出奇美味，但始終這是她的Selling Point，不差亦不遠矣。凍鴛鴦味道一般，但勝在茶味及咖啡平均；而雞批是最後一個，可能放得較長時間，味道亦是一般，估計在微暖的溫度下味道應較佳。

今日繼續陪女友一家香港遊，早上佢哋去咗山頂，小弟無跟去，等到差唔多時間先join番佢哋，於灣仔四處行，有D口渴，就走入去呢度買杯凍奶茶。大家都知呢度嘅凍奶茶係無加冰，真係成杯奶茶雪响雪櫃，保持原汁原味。之前試過幾次係鋪入面飲，今次係第一次外賣攞走。一口喝下，發覺味道淡咗，無晒茶味，登時感到極之失望，心諗呢次"泵"咗十一蚊入鹹水海la...但慢慢飲落，發覺D茶及奶味慢慢走番嚟，才忽然醒覺應該搖吓杯嘢先飲至OK...唔好意思，錯怪咗"你" la...