金鳳茶餐廳

营业中

休息中

呢幾日又係展覽，有機會要o係灣仔一帶搵食，不期然又諗起呢度。食過三次左右，人氣不下於澳洲牛奶公司，門口排人龍等位等麵包是常有的事。個人最欣賞他們的菠籮包及烏冬。其他就一般啦!一個餐的量很多，真的很難一次過吃得下。伙計係無咩服務態度可言，雖未至惡劣，但有時問o野追o野真係要再三講多幾次，才會跟進倒，但都係o個句，o黎得呢度要預o左，睇你會唔會覺得值囉。座位真的很迫很迫，肥d都坐唔落卡位。

清明節唔駛祭祖,同阿K嘅好友阿P嚮灣仔睇裝修嘢,之後去打波.打波之前要醫吓個肚,咁啱經過金鳳,咪試吓佢馳名嘅菠蘿油.味道果真唔錯.環境: 茶餐廳一間.嚟得呢度就唔太介懷呢度啲環境啦.味道: 菠蘿包有少少暖,夠鬆軟.搽咗啲牛油冇耐就熔咗.咬落去有淡淡嘅牛油味同菠蘿包嘅椰香味.我仲嗌咗杯凍奶茶.特點係唔用冰,而係將成杯奶茶擺入雪櫃雪.唔駛俾啲冰呃秤.服務: 無咩招呼,食完就要走.抵食: 埋單大概30蚊,15蚊一位. 公道.衛生: 嚟得呢度就唔太介懷,算OK.

外遊回來又立即同食友們去行港島徑，節目認真豐富。早餐約了一起吃，這裡是Oli的提議，當然無論在這個星期，在吃海膽、和牛、魷魚、刺身壽司之際，我還是掛念著這杯港式鴛鴦的，話我老土都係咁話。叫了鴦走少甜及菠蘿包，鴦走夠滑，茶及啡比重剛剛好，味道不錯，始終是香港人，我還是喝這東西大的，滿足；菠蘿包微暖，夠鬆軟，椰蓉皮又香甜，在日本吃了不少有水準的麵包蛋糕，但這個三蚊的菠蘿包，絕不輸蝕。無咩招呼，又食完要拿拿林走，來吃就是這樣的。埋單14蚊，唔貴，不過老闆娘收錢，面目比老闆乞人憎幾百倍。

食完彈彈牛肉餅，餐茶緊係過隔離金鳳飲la。冒住今晚眼光光o既危險，叫o左一杯馳名中外無冰凍咖啡；dap落，都幾香，不過，唔。。。沖咖啡o既水太熱，令到有微酸，破壞o左成杯咖啡。不過實在太口喝，may下may下都飲哂成杯。結果晏晝返到公司出事la，心「動」起來，隻手鎮鎮下，可能自己受o吾起濃啡。但係都值得一試。

凍奶茶夠濃滑不過太甜，我吃了餐包、炒蛋和腿通，味道真的很一般，最難吃是盅頭牛肉餅飯，牛肉餅裡混有罐頭咸牛肉，味道好古怪，所以吃了兩口就停了。

昨天約了OR的食家一起行山，當然要先食點早餐再起行啦！最後選了來這裏，我和辣椒女各叫了一個早餐，我叫了早餐A，包括有火腿通粉、火腿煎蛋、餐包和奶茶。火腿通粉- 味道普通，不過不失啦。火腿煎蛋- 煎蛋煎得幾香，蛋黃又唔會煎得過熟，幾好。餐包大大個餐包，食完都飽了一半，麵包鬆軟加上牛油，又幾好味喎。奶茶- 奶味過濃，好在還飲得出茶味，而且都幾香滑；但如下次再來，一定要叫少奶才得。地方很細，每次伙記拿熱東西經過時，其實都幾危險，如來這裏食，大家真係要小心小心。

講真去茶餐廳食野態度都唔會好得去邊，自己都預左，想食好D就去酒店食high tea囉。金鳳都算係咁喇，地方都算企理。當係灣仔呢個地方黎講，一個常餐，又咁多野食，又食得飽呢個價錢黎講都算係好抵喇！

路過見排晒長龍,以為排乜?原來排蛋撻,咁我都唔執輸排番個.新鮮出爐o既蛋撻D蛋漲起凸出尼,好得意.但食落唔多掂,佢做o既係酥皮蛋撻,但蛋撻皮焗窿左,有一半酥皮黐埋一齊窿晒,唔得.蛋雖然熱辣辣,但太稀,冇咩蛋味,$3一個失敗貨式.

今天心情原不錯，跟男朋友和男朋友的朋友來這裏吃下午茶。我們叫了三個餐，分別是肉丁、沙o爹牛、和雞絲。老實說，三個麵都是不錯的，奶茶也很不錯，菠蘿包也很不錯。不過...男朋友的朋友吃不下她那個菠蘿包，於是我向待應表示想打包那個包。我叫了第一次後等了很久都沒有人理，第二次我有禮地向一個中年叔叔問：唔該可唔可以俾個膠袋我打包個包呀?那中年叔叔竟然咀串串的回應：o拿，慢慢打包啦你。我聽了很愕然o里，原來他嫌我們吃得慢...真搞錯啊，我以後也不會再來這店，因為，雖然食物好，但我不想俾錢受氣。

因為金鳳位於較新的大廈,不被列入市建局收地範圍,應該不用擔心會結業

金鳳的名氣好大，今日同女朋友再去試食，門口有幾個人排隊，大家都係因佢的名氣來試的，特別是佢的凍奶茶，等左一陣終於可以入去，但人太多而且位太細，好迫，試凍奶茶，因為係冇凍，所以沒有出現最後因冰溶出現沖淡奶茶的情況，所以不錯，但我女友話除此之外沒有什麼特別。此外，我食左剛出爐的雞同菠蘿包，雞熱辣辣不錯，但菠蘿包就是一般，因為包面沒有金華冰廳那麼脆，但包身則可以。無論如何，可以一試，但最好在非凡繁忙時間。

同事大力推介，一行三人去試。奶茶雖出名，但同事話咖啡都好好味，但身為咖啡怪既我，唔覺香唔覺滑，除了無冰外，無咩特別，大家樂可能仲好飲。蛋撻除了新鮮出爐外，都係好普通。見到人人都食雞批同菠蘿油，但肚皮實在容不下。有人話服務差，又唔係五星級大酒店，去得茶餐廳其實都預左。我地自己轉卡位坐左好耐都無人趕，算係咁啦。看看再有沒有機會係拆之前試多次，但都唔會專登過黎。

o係灣仔返學,今朝o係金鳳食左個菠蘿油+奶茶(經典配搭)做早餐...個菠蘿油真係好好味.菠蘿包個皮好甜好脆,個包好軟,又甜甜o地,唔似得平時d菠蘿包only得個皮甜,個包淡而無味...好好味...>v<個奶茶都幾好味, 不過平時好少飲奶茶,唔知比起其他叫唔叫特別好味...

昨天去開灣仔做野, 於是又去.都係餐肉麵, 菠蘿包, 奄列及凍奶茶, 始終都覺得餐肉麵冇味精好正.但佢左右兩間舖都比市建局收左舖啦, 唔知幾時到金鳳呢? 唔知佢會搬去邊呢?

我都去過衣間野一兩次,人地話好食丫嘛~咪去試下law~覺得佢既菠蘿油+涷奶茶好好好正呀~菠蘿油又熱又香又軟熟,冇冰涷奶茶~超滑呀~!><"所以一到食飯時間or下午茶時間都有勁多人幫襯嫁...但係環境就細左少少~所以成日都爆滿~服務態度的確唔係太好~但係二十幾蚊有個餐喎~而且味道咁好...仲想點呀...=.="