金鳳茶餐廳

营业中

休息中

Come on folks, you don't go to HK local "Cha Chan Tan" for the service or the decor, do you?Have some respect for the old men who have been working here since the 50's through all the difficult years. They may be rude sometimes. (who aren't?) But they are REAL. So let's face it. It's one of the special delight of visiting these old shops. If you want a big fake smile on the waiter's face, why don't you go to Starbucks or Pacific Coffee?Brushing shoulders with other customers, or squeenzing yours

係隔離食完個唔滿意既午餐, 有一盤蛋tart 跟雞批出爐, 於是買個雞批, $6, 黎試! 講真就唔係好熱, 係暖姐, 個皮好薄好脆, 但個餡就一都唔好食, 我剩係食到白汁, 而且$6 一個薄薄既批真係唔太抵食, 麵包會得!

各位,這家茶餐廳是在下家中長輩所經營的,對於各位對服務態度的不滿,在下也很明白, 亦深表歉意, 先在此向各位曾在金鳳有不愉快經驗說句對不起。因為一直是由家中長輩主持大局,並已經營了近半個世紀,我們作後輩的也不便直斥其非。之前我曾經試過多番勸諫,也曾就服務質素的問題發表過意見,只是老一輩的不願改變,我的意見也就從不曾獲長輩接納。我自己也曾從事服務業,深知道優質服務的重要性,也知道繼續這樣經營下去只會自取滅亡,但對此卻無能為力,實在感到十分無奈。我不能夠「扮代表」向各位承諾什麼,但我會盡最後努力去作出嘗試,希望有朝一日服務會有所改善。在此我再一次向各位致萬二分的歉意.....

尋日去完會展…到左tea time好肚餓…記得曾幾何時飲過金鳳嘅無冰奶茶…所以特登搵佢\來tea一tea…平日嘅tea time人都多，但係都搵到位坐，未坐低即刻凍奶茶+蛋撻…正收拾枱面嘅阿叔回我一句…坐低先…我太心急喇…一向唔可以亂飲奶茶咖啡嘅我(因為如果奶茶太濃飲完我會見暈)即刻大啖大啖飲左大半杯…好味…應該話好啱我飲…食埋個撻…忍唔住…事關眼見出爐菠蘿飽又忍唔住叫埋…雞批…唯有下次啦﹗兩樣都好味好味…我話自己好彩係因為我無遇到其他食家嘅不禮貌待遇…反而我覺得相當親切…伙計都上年紀…可能對於佢\哋來講一個廿來歲嘅我有如細路女來呢度tea…所以好好“睇住”我呱？﹗睇完各位不禮貌嘅事跡…我又來一單溫馨事件，請各位唔好誤會，並非要反擊或平反…只不過係我尋日短短半小時內所見…我坐喺門口對入第2張4人圓枱，對面坐左2位女士…佢\哋先後腳來…一個自己先叫特餐\乜…另一個來到話要同一份餐\，一樣“沙爹牛米”…唔同嘅係飲品同奶油多及鮮油多…伙計阿叔提佢\“鮮油要加7蚊喎﹗”，個位女士好豪氣咁話“得，無問題，食好嘢唔使睇錢嘅…”，伙計阿叔點頭同意話“係丫…”點知老貓燒鬚，來左碗“沙爹牛麵”…2位女士

平日好多人, 都無機會埋到去. 點知星期六早上八點幾去到, 無人喎! 看到有雞批同蛋tart, 即刻買外賣…有一個中年(五十多歲的阿姐), 不知是否老闆娘”招呼”我地…男友話:”唔該, 要一個雞批一個蛋tart”佢好惡禁話“要咩話?”我男友已經有點不爽, 都repeat一次, 點知佢淨係比左個雞批. 男友再話要一個蛋tart, 個女人好大力禁入個tart, 又好大力禁比我男友…真是xxx !好…忍下…可能真係好好好味呢?! 食完先算…點知食完先火起, 根本不是很好味, 根本同普通的店鋪質素差不多…為何要忍受她…絶對、一定、肯定、永遠無下次! 各位灣仔的檀島, 銅鑼灣街市的金桃及中環的泰昌味道及品質絕對比這店好, 不值得受氣, 不值得等, 不值得試!

2007年7月10日。金鳳茶餐廳。呢度好多人幫櫬。今天叫了午餐A：雪菜肉絲湯意粉：嘩，可能是世界上最腍意粉，睇下相就知啦！100個唔掂呀！餐包：唔熱架，不過味道可以。最好D牛油另上，自己落。奄列：熟到硬蛋，無咩可以講啦。凍奶茶：沒冰的，大量製造放在雪櫃內，所以以份量來說是抵飲的。

今次係第一次幫襯, 但絶對唔係專登慕名而去, 只是行經灣仔附近, 就走去試下.都算好彩, 爸媽我三人將近四點入去, 但一入去就有位. 見旦撻剛出, 便叫了, 但原來只是暖暖的, 但酥皮好薄, 旦漿都"凳凳"下, 又唔太甜, 幾好, 吃完都唔怕滯.我點了凍鴛鴦(多啡少茶), 起初都怕預先調好味的凍茶會較甜, 但飲下去又ok, 好夠味, 但只嫌凍鴛鴦唔夠凍, 媽咪話因為過雪柜開得太多, 所以唔夠凍.爸媽的熱鴛鴦夠滑, 但看上去, 奶好似多了一點.之後雞批又出, 便叫了一個, 三人share. 剛剛出爐, 所以好夠熱. 批皮好香又夠薄, 裡面的白汁餡仲係呈"流流"的狀態, 吃時還吃到少少芝士味. 熱吃真係香d, 好味d.金鳳給我的首個印象唔錯呀.remarks: 資深侍應阿叔的態度或者會串左d, 但應該唔係專登的. 客人太多, 忙的時候就會容易擒一d, 燥一d.

哈哈...0岩0岩睇完呢間餐廳之前0個幾個食評，所以有感而發寫下我自己對佢0既感受。第一：蛋撻冇蛋未，0吾夠飽滿，個皮又0吾係特別好味，泰昌100%好過佢好多；第二：菠蘿包太過重"麵粉"，令到個包太有質感，0吾多好食；好似食舊麵粉落肚0甘；中環樂香園好味過佢；第三：杯冇冰0既奶茶好冇特別，不過不失，0吾算特別正，亦0吾算差；太興燒味0個杯冰鎮奶茶好味過佢少少；最後，睇睇埋埋，好彩我次次都係買外賣，未試過0係入面食，如果0吾係，肯定上報紙頭條...

今朝跑完歡樂跑, 又熱又肚餓, 我提議黎呢度試下包同奶茶, 老公叫我做定心理準備, 因為間鋪又細人又惡, 我地十點幾去到, 仲有二人卡位, 細細張, 不過好過搭, 老公叫B 餐, 沙嗲牛米+ 煎蛋餐包+ 凍奶茶, 我叫A 餐, 麥皮+ 炒蛋餐包+ 凍奶茶, 麥皮幾"傑", 食唔夠一半就放低, 炒蛋剛炒起, 滑滑唔錯, 餐包密度幾高, 質感唔係好鬆軟, 翠華既好味, 最後係奶茶, 好飲過太興, 因為無咁甜, 茶味會出, 原來餐包可以轉菠蘿包, 唉...眼闊肚窄, 最後都放棄再叫多個菠蘿包, 下次先! 有足夠心理準備下, 唔同侍應, 老闆娘咁多接觸就唔覺佢地服務唔差!

你入黎滔我光,就要聽我話!叫你坐边就坐边!四個人分四度坐?唔坐可以走比第二D人坐!我問佢你係我地你坐唔坐!最後反抬走人!!!!!!!!!!!

是一個朋友介紹我去喝奶茶，因爲我非常喜歡喝的，上次還點了雞批，新鮮出爐。先說冰鎮凍奶茶，真的一試難忘，甜度適中（因爲我個人認爲太興的冰鎮奶茶是比較甜的），而且又香又滑，我上次還見到有菲傭帶了兩個一公升的空瓶來買；雞批呢。。。因爲是新鮮出爐的關係，所以很熱，雖然皮是厚了一點，但皮也很香，雞肉都不錯。但是因爲人太多，需要搭台，一張很小的四人台居然可以坐三批不認識的人，而且waiter就真的很配合茶餐廳的格局，即不是很好的意思，不過我個人認爲，食物的質素才是最緊要的。

我經朋友介紹, 叫個營養餐, 即係常餐, 有奄列、菠蘿包、沙嗲牛肉麵加杯凍奶茶, 一個lunch廿幾蚊,又唔算好平, 不過就好飽.<br />果度好多人呀, 坐得好迫...<br />飲過佢地好出明ge凍奶茶,好似都唔係咁好飲....都唔係好夠滑同茶味...

The worst service I ever experience~! Food is soso, just another typical food for 茶餐廳~! Disappointed about their SERVICE~! 去比錢食嘢, 仲要受氣比人鬧~!

話說去到灣仔，家姐話想飲呢度既凍茶，咁咪去試下囉！咁我唔想飲野又唔想食野，剩係家姐叫左菠蘿包加凍茶，點知個惡死老闆娘就話：你呢，你飲咩呀，我就話唔飲，之後佢就話一定要叫野飲架喎，張餐牌度寫明！之後等左一陣啦，我真係唔多想飲野，佢又再次問：飲咩呀？！我話唔飲呀！　其他人都冇講過野，係佢個惡死老闆娘勁0係度支支左左！真係煩到癲！最終家姐都頂唔順，叫左我出去！以後都唔駛我再來！咪以為出名就可以無晒d服務態度至得架！宜家咩事je~唔飲你d野會死既！~~~唔用冰既凍奶茶咋嘛，有幾難整呀～用少左杯成本仲低左！！又唔係好飲過人　~chiu!

今日同個fd去食...3點幾去食都好多人...好彩咁o岩又有位...坐低左...叫左個午餐B~菠蘿飽+牛通+火腿奄列+熱奶茶+蛋撻=$26~個fd叫左個菠蘿油+凍奶茶+蛋撻=$20.5~牛通同奄列都ok...個菠蘿飽就真係幾好食...加埋杯招牌奶茶...係幾香滑嘰~加埋個出爐蛋撻~夠新鮮...但個人覺得唔太夠蛋味...但整體都ok!!!埋單時走左先發覺收多左我地$3...=0="ps)去呢d地方食野...難免要勞氣少少嘰...