金鳳茶餐廳

营业中

休息中

行完一粒星難度的山徑，大家都唔夠喉，決定來下半場。下半場前，朋友介紹到金鳳吃份下午茶先醫飽肚。金鳳－老字號的茶記，在灣仔區都頗有名氣，本人也來幫襯過。來到店，剛好有人埋單，可以坐卡位，不用搭檯。一人要一件雞批和奶茶，本想要多隻蛋撻，不過售罄。這裡最出名和特別的莫過於其無冰奶茶，也因為無冰，唔會有弄淡奶茶味道的情況出現。不過我覺得味道偏甜，我又唔太懂欣賞。雞批是好味的，相信是在上面塗上了糖膠，令雞批表面有光澤又有點點甜味。而且裡頭的餡料都足夠，有水準！提醒各位，呢類老字號的茶記，對佢的服務唔好有任何的期望。

今日同老婆一齊食lunch, 差不多一點，已經有六,七個人在出面等位，下一張枱到我地兩個，又岩岩有一張兩人卡位，我地諗住呢張枱到我地，點知個老闆娘俾左一個岩岩到的男士坐。老闆娘又冇同我地解釋，之後我地咪老闆娘講我地等左好耐，唔係我地先嗎?點知，個老闆娘仲好串話係我叫個男士坐，因為佢一個人。我地出面個個等緊2個位，而咁岩有一張2人枱，照理上唔係我地先嗎?之後有位，個老闆娘仲同0個男士講，我鍾意叫你坐邊咪坐邊，仲話我地咁多野講。我地兩個聽到火都來呀!!即刻走人，咁樣做生意，幾好食都係假。

本人昨天中午11時半左右到灣仔春園街金X茶餐廳飲佢出名的奶茶, 就有以下奇遇:當時我坐在圓枱上, 隔離有張4人卡位空著, 一陣有一男及一女帯著一個2至3歲的小孩入來坐下, 伙計放下2杯水及落單, 那個小孩跟個女的坐在一邊卡位, 小孩手上拿著一架車仔在枱上轆下轆下, 沒有作聲, 另一個男的坐一邊, 跟個女的在傾計, 無幾耐食物到, 那個男的將兩杯水放在自己旁邊的坐位上, 本來坐在收銀位的老闆娘走到他們的跟前說話, 戰事開始:老闆娘: 唔好將d茶放係櫈度男: 我驚個細路唔小心倒瀉水, 所以先將2杯水放係櫈 度老闆娘: 唔可以咁樣, 即刻將d水放返係枱上那位女士亦作出相同的解釋, 跟著老闆走過來幫口並說:老闆: 我而家唔收你地錢, 你地即刻走, 將枱唔係比d靚仔放架車係度玩, 你地快d走, 唔做你地生意女: 我地做錯mud野, 你做mud鬧我個仔, 佢都無出過聲, 佢只係自己係度玩車仔啫, 杯水都係因為張枱細又擺滿野食所以先放係張櫈度啫, 你都唔駛咁惡仲要趕人走, 我赧警老闆娘: 呢個靚仔隻鞋仲整污糟我張櫈當時個小孩好驚咁企埋一邊, 好乖咁一粒聲都無出. 當一男一女和老闆及老闆娘四人在吵時,

慕名黎過兩次.第一次食凍奶茶+蛋撻. 凍奶茶幾好, 蛋撻一般啦, 唔夠熱又唔夠蛋味.第二次叫菠蘿飽+熱奶茶. 我唔知一定要叫野飲嘛, 當落單只落左蛋撻時, 竟然俾個伙記寸:'淨係一個撻呀?!'跟著就走開左. 我立即望下menu先知咩事. 補叫熱奶茶時又俾個伙記寸:'一次過叫嘛, (再加一輪嚕囌)' 喂!我唔清楚你d規矩無罪ga wor, 身為客人點解要受你氣!!! 食到我真係一肚氣.咁啱"阿b"o係隔離枱食野, d伙記對佢態度就180度大轉變, 超好招呼. 咁我地呢d生客就唔係人o黎o既!!! 真係想鬧鬼佢地.除左奶茶, d野食都無咩特o者, 服務就簡直差都忍無可忍(1分都唔值得俾!!!). 好o既奶茶可去蘭芳園/勝香園, 菠蘿飽+蛋撻就旺角金華實好過佢. 我點都一定唔會再去食.

和英國回來旅遊的朋友逛「玩具街」，之後過來吃個下午茶。叫了雞批和蛋撻，加杯熱奶茶和熱檸茶。各樣都不錯，新鮮熱辣，尤以雞批的質素最高，批皮相當鬆化。可惜兩位侍應不知服務為何物，態度差之餘，竟還當面出言譏諷客人，怪人客提出要求時用詞不正確。朋友看在眼裏，令我很是尷尬，不是味兒。沒有理由再來！

約朋友食晏點知變左食下午茶...我同佢都要左個茶餐，冇特別。吹水期間見到雞批出爐，咁多人讚梗係要試一試(外面已經有人排隊) 堂食都有好多人order，好在都要到一個。由細到大，西餅盒裡面o既雞批都唔係我杯茶。不過呢度既真係好好食(趁熱食又加分呢)至於凍奶茶好有茶味，冇俾融冰溝淡。地方細細都預左迫o既，不過值得一試再試。

金鳳茶餐廳雖然都算是灣仔名店, 但我由始至終只幫趁過兩次, 兩次都是早餐, 兩次吃完後的感覺都是食之無味棄之可惜.菠蘿包新鮮出爐的話的確是水準不錯的, 鬆鬆軟軟而皮夠香脆. 但說實在, 剛出爐而不好吃的菠蘿包, 也不容易碰到. 奶茶頗香濃, 但又未算很滑, 在這裡喝凍奶茶相信會比熱的好. 我兩次早餐都是要沙嗲牛麵, 那個沙嗲汁的味道頗對我的胃口, 但牛肉卻有點"削", 跟其它的茶記差不多, 無論奶茶還是牛肉, 自己還是較喜歡勝香園的多一點. 整體上如果放下對名店的期望, 以平常心去幫趁金鳳, 其出品的水準絕對是合格有餘. 但環境就是令我又愛又恨的地方了, 我自己很喜愛舊式茶記, 而金鳳的環境很對我的口味, 但因為地方太過逼狹, 而我身形也算龐大一類吧, 兩次幫趁都坐得頗辛苦, 尤其是坐近水吧走廊的一次, 差不多每數分鐘就要移動一下去遷就經過我背後的人. 吃得頗為狼狽. 而這裡的服務也絕不算好, 甚至可以說是差的一類......據聞這裡的雞批及蛋撻都頗高水準, 不知還有否機會一試?

今日特登黎呢度諗住食晒佢3野招牌菜點知蛋撻同雞批都未出爐得菠蘿油可以試到...真係好好好好食囉!!!!!!!!呢個真係我食過最好食既菠蘿油呀!!!!!!!但係...D侍應就...都幾無禮貌囉...好想試埋其他o個兩野...可惜唔知幾時會再黎灣仔>.<

行完山, 朋友食過呢度好幾次, 話d雞批好好味又好搶手, 於是點都要去試下! 是日星期日, 到達差不多下午4:00, 見門口都有幾多人, 好彩有部分人係買外賣既, 等左一陣就有位~一坐低, 雞批未出爐, 叫住個蛋撻及凍奶茶先. 蛋撻好香, 剛剛新鮮焗好, 好熱, 個皮好鬆化, 蛋又夠香, 超好味!!!我同朋友都覺得呢度d蛋撻其實好食過泰昌既好多仲未食完個蛋撻, 已經聽到d伙計話蛋撻無曬. 一盤約80個既蛋撻, 3至4分鐘內就賣曬. 真誇張, 不過佢又真係好食既.飲個奶荼, 無冰既凍奶茶, 感覺真材實料. 幾重既奶味.坐左一陣, 新出爐雞批到咧~~立刻order啦, 熱騰騰, 個皮好鬆化, 好香, 好好食呀. 食到一半, 又聽到伙計講話雞批賣曬咧…蛋撻同雞批一流, 如果唔介意迫, 堂食熱騰騰係最好食既...由於係老鋪, 伙計都係上左年紀既, 招呼就麻麻, 不過要食好野, 無法啦.

呢度o既凍奶茶、蛋撻、菠蘿包同雞批之中，我認為雞批最強，亦比其他人強。雞批皮又香又鬆，饀料味道好，唔會成口醬。美中不足係饀量少。凍奶茶呢，我認為特色在於「原庄」唔用冰，比較喜歡勝香園的。蛋撻皮太薄唔多鍾意。菠蘿包其實都唔錯，個皮尤其好味，但個人略嫌個包身太黏，如果好似金華或DONQ（melon bread）就好。

行經灣仔，求求其其點了間茶餐廳，食完，再上來，才知道這間茶餐廳有點名氣，失覺哂。都係例行的午餐，個麵唔知點解咁吸水，食食下以為自己食緊撈麵。而那個奄列係幾好食既，有點水準。餐包不錯，很有風味。服務真係麻麻，而且環境擠迫，還好去時不是繁忙時間，否則要我倆和其他人擠在同桌，基本上很難進食。

平平無奇,不太難食,但也不出眾,無謂浪費時間排隊

常常在灣仔出沒既我..個個禮拜都經過呢間茶餐廳..排晒隊真係好似好勁咁..有日早餐就同女友試下佢~環境超窄..服務態度差都預左啦,,一路食一路聽Ｄ伙計吹水爆粗..試左個火腿奄列配馳名既凍奶茶,火腿奄列無咩特別..同其他地方無分別,期待已久既凍奶茶則令我非常失望無落冰做賣點但係飲唔出有咩分別..順興大排檔(大坑)好味好多~~線括黎講,,真係麻麻..只係得個名~

閒日的金鳳依然水洩不通，搔搔頭。涉到最近收銀櫃的卡位，瞧瞧眼後的餅櫃，仰仰頭，喊：「老闆娘，凍茶椰撻，唔該！」這兒的凍奶茶，「出名」的地方，是因是調好味，打冰；偏甜的，但沒法，凍奶茶不夠冰，不夠甜，哪會好喝？別投訴了。熱辣辣的椰撻，其實是個椰塔：酥皮底薄薄的，又均勻，可考功夫；椰絲餡堆得高高的，餅比一般的小，但餡是一樣的多，小巴別塔就此形成。還有以前吃過的餐包：熱辣辣軟綿綿大大個，味道像一般叉燒餐包包面的軟熟版。靚仔追我對面位，兩位妙齡少女的柯打；甫開口，原來是大陸同胞。幫幫忙，點了幾個「特色菜」（不就是那幾味！），並正一正其「只有金鳳才有出色的奶茶菠蘿包」的概念。始終太多人，太趕客，還是草草吃完，匆匆的走。

之前已試過一次已覺普通, 今日與朋友到灣仔辦事, 專程帶朋大到來試凍奶茶及雞批, 看到多人便叫外賣, 付款時看到有空位便同門口那位亞嬸說堂食, 誰知她竟大聲夾惡說已取了找贖錢不願比我們堂食,當時她只是數錢中, 我並未接過找贖錢的. 並馬上退回錢不做生意.如此不尊重客人的食肆簡直不知所謂,永遠也不冇下次. 我永遠也不會叫人到此食肆光顧.