金鳳茶餐廳

营业中

休息中

一家大細, 慕名而至。買左4杯凍奶茶, 1杯熱奶茶。凍奶茶都幾滑, 最好係佢唔落冰, 沖左就放入雪櫃凍。但其實, 並非想像中咁好, 反而飲完一杯凍奶茶, 再飲一啖熱奶茶, 那一啖熱奶茶就成了我飲過最好飲的奶茶。通常飲完奶茶都會起痰, 但呢啖熱奶茶竟然冇呢個唔好處。大家應該試下。Total買左$68。都算貴啦...相信奶茶, 好多地方都會飲得到, 仲要平好多...

2007年12月17日，金鳳經歷過上次難吃的義大利粉後，今日學精，叫了個樣不錯的：沙嗲牛肉公仔麵：沙嗲牛肉幾好，公仔麵D麵又幾爽。餐包：如果是熱就好了。火腿奄列：蛋都係老D。杏仁霜：夠濃，無加糖都好好飲。夥記企正我隔離，竟然完全聽唔到我要落單，D態度又唔好。唔知附近邊度有其他餐廳茶餐有好食又平呢？

服務員們實在太...茶餐:飽= 凍冰冰= 唔好食蛋= 醜樣炒蛋+ ...沙爹牛肉面= 非常一般...$ = 太...空間= 太...sorry

蛋撻今次食蛋撻, 唔係新鮮出爐, 直接影響味道, 真係無咁好味, 普普通通無咩特別. 而且今次師傅手勢差, 餅皮!雞批睇住佢新鮮出爐, 即叫. 新鮮出爐, 真係好好味, 皮好香鬆化, 餡料足夠. 熱辣辣, 正.凍奶茶凍奶茶唔係加冰, 係一早雪定, 飲一啖, 有涼透心感覺, 好夠凍. 無冰, 所以大杯, 好抵. 味道方面, 茶味唔算太濃lor, 唔係好香, 但都算滑.

經過灣仔, 聼講金鳳好味, 當日無位, 四人分枱坐, 叫咗下午茶面餐, 突然收銀個女人义起條腰, 問邊個拎杯外來野入黎, 有個大陸人就話唔好意思, 入黎時無人話唔准, 收銀女人好大聲駡佢, 完全唔聼解釋及道歉, 見佢地好無引就埋單走左. 我仲慘, 伙計無寫單給我, 個餐仲有奄列及包未到, 過左起碼15分鐘, 新客已個個都黎左包,旦, 我唯有問句, 伙計居然好寸咁話: 我地唔會欠你既,跟住單去呀嗎, 但佢分明係漏單. 叫人寫單又無人理, 唯有出去比. 個收銀女人收多左錢不突至, 還惡人先告狀, 話我地講得唔清楚, 我地講一句, 佢居然駡十句, 一肚氣.呢間野我唔會再去第二次, 除非換晒d人啦, 由奇時個收銀女人(可能係老闆娘).

金鳳真係聞名不如見面,見面不如聞名先說食物,講真....如一般茶餐廳水準,不算特別好吃如果做成人潮的原因,我想是因為店面夠「細」再說服務,只有四字形容「不知所謂」不知該店是否仗著自己是招牌老店所以何謂「服務態度」也置之不理我不能相信,「唔坐就由佢」這種「不做你生意也沒所謂」的態度,在一間所謂的「招牌老店」出現不想做生意的,那就請你早點關門大吉但我是拿錢買服務買食物的請你也多少提升一點你們的食物質素與服務態度吧既然食的不好,服務又差怎麼我們還要「貼錢買難受」?對食有點要求的人就別再因別人一句「出名」就去助惡欺凌啦。

原本只想飲杯無冰奶茶,但見個下午茶都幾得,就叫左沙爹牛肉面+無冰凍奶茶+新鮮熱辣波蘿油,另叫新鮮熱辣出爐慢多幾秒都冇的蛋沙爹牛肉面一般好食無冰凍奶茶同出面差不多但不會越飲越淡,就變成不一般新鮮熱辣波蘿油開頭以為跟餐係多士,點知係波蘿油!酥而不硬,包亦軟熟,好味蛋都不算特別,但蛋新鮮熱辣出爐就要加分服務都不算太差,你要落單要耐心,因為他們要傳菜給其他人才不理會你,你都不想他們只掛住落單而不傳菜o架地方極細,要屈住食.......so只有ok

以前很愛吃金鳳的麵包，已有好幾年沒有光顧，今天專程搭車去懷舊一下。二人吃了一個茶餐，另外叫一杯凍奶茶和菠蘿包，凍奶茶真係好好飲，麵包是舊式茶餐廳自製的那種，好好食。現在己經很難找到這些舊式麵包，外面那些連鎖麵包店的麵包全部都是用機器製造，吃落韌韌地，不夠鬆軟。服務方面還可以，不是其他食家說那麼差。很滿意的一餐，有機會一定會再去。

我都去過唔小老字號, 佢哋啲伙計黑面到呢, 好似對佢唔住... 好在我見過唔小人, 差啲都火都黎... 到食方本面, 叫咗個茶餐, 無一樣可以叫做好食, 只有凍奶茶好飲... 唉... 如果要做得一問" 寸" 嘅食店, 唔該俾啲好食嘅嘢啦... !

同是星期日，吃過失望的一餐後，竟然由中環漫無目的地一直行，穿過后像廣場、金鐘廊、太古廣場，轉入皇大道東，一直走忽見合和中心，轉彎便是春園街，久別未飲的無冰凍奶茶在腦海閃過，便推門買了一杯外賣，飲了一啖，雖然仍香滑，但茶味己沒從前的香濃細密，奶和茶像是搆不埋的，失色了許多，幸而甜度適中，算是有點安慰。

去完永華，那碗小小的麵食其在未能填飽肚子，與友人在太原街逛了一回後，便到附近的春園街吃下午茶，目的地是金鳳茶餐廳。香港有兩家以「金鳳」為名的知名食肆，一間是出名在扒餐，一間是出名在奶茶蛋撻雞批，我們這次去的是後者。下午兩點多，坐無虛席，幸好不多久有人結帳離去，才有卡位可坐。三樣招牌食品，奶茶、蛋撻、雞批，我們全點了，但落單的阿伯卻答說雞批未夠鐘出爐。奶茶一凍一熱，同樣香滑。近期減少咖啡多喝了奶茶，卻發現在街外找一杯香滑的奶茶確是不易，我喜歡喝香滑濃厚一點的，但街外奶茶多是口感單薄茶味太過，結果要回家喝即沖的金裝立頓止癮。金鳳的奶茶是合我口味的。剛落單點了蛋撻，一盤熱烘烘的蛋撻便由阿叔邊高叫邊捧出來，真正的新鮮熱辣。趁熱咬一口，酥皮鬆化蛋香滑。蛋撻還未吃完，阿叔又邊高叫邊捧出一盤剛出爐的雞批來，阿伯便趁熱將雞批送上。這個熱騰騰的用手拿是拿不住，只好舞刀弄叉了。雞批內不只雞肉，還有火腿。與蛋撻一樣，熱烘烘的放進口，一定好吃。不停出爐的蛋撻與雞批，永遠的新鮮熱辣，或許就是這小小茶餐廳多年來屹立不倒的原因。

對，必須嚴肅抽出那些只吃老本而食物每況愈下的食肆，我想不出再吃金鳳的任何一個理由。

香港人的味蕾已麻透了？去到金風時是下午二時半過外，仍有一條人龍在店外排着。終於擠進胖子無法塞進的椅子去，要了一個餐，有沙爹烏冬，份量奇少，味道還能接受；餐包轉為菠蘿油，牛油片奇細小，不香，茶餐廳風味是0分；奄烈的蛋炒老了，連西環藍山餐廳的水平也做不到，可悲；奶茶稀了很多，香味大不如前，再大悲；蛋撻很夠熱，但酥皮及蛋餡香，請派人去澳門地堡街新大利學下怎樣弄一個叫蛋撻的東西出來吧。為甚麼人們還去排隊？我們可以盲目人云亦云的，自己應懂判是非黑白。很多老字號一味靠吃老本，香港食肆頻有這現象實太須自我檢討！

The service is so bad!Bad!Bad Bad!

看到這裡的食評，又適逢一年一度的書展，所以便與男友到灣仔這間茶餐廳醫肚了。一踏入餐廳，好像身處在澳洲牛奶公司一樣。差不多的格調，差不多的餐單，但只有一樣是不同的，就是速度了。我們坐了良久也沒有人理會我們的呼喚。有一個伙計，他明明是沒事幹的，但也大搖大擺，慢條斯理的無視我們。來到茶餐廳，我接受到因為忙碌而忽視顧客，但他的嘴臉真是有你受的。服務差也就算吧。他的常餐也不見得有什麼特別，最特別的只有她的無冰凍奶茶，和特大的餐包。可是無冰凍奶茶太興也有，而那個特大的餐包是凍的。真的想不到有什麼理由會再光顧。