金鳳茶餐廳

营业中

休息中

昨日經過灣仔,外賣咗幾個雞批.$6.5一個,中價啦.對上一次已經係好耐之前食,果然味道依然係超正.皮香脆,內面仲有椰絲的雞批,好特別,真好味.請朋友食都話正,問我在邊到買. 本來仲想試下d蛋撻,不過已經賣晒啦...唯有下次啦.不過,伙計D態度就唔係幾好,好唔耐煩,有D趕客!

金鳳的人龍像是永遠都長長的. 買下雞批一嘗它的魅力. 雞批並不如別處般油油的, 批皮鬆化, 雞肉餡多汁又嫩滑, 真的很不錯.

好出名的一間茶餐廳，服務態度……亦是好出名的不佳，于是心想反正目標是咖喱豬扒，就不理它好了。可是經過它的的時候，剛好看到有新鮮雞批出爐，忍住了！朝拜過咖喱豬扒后，回去的路上又看到了新鮮雞批出爐，這次不要忍了，看來上天都想要我嚐嚐呢！小小的就要$6.5，可第一口下去，我就愣住了：酥酥的充滿牛油噴香的批在口中慢慢的融化，熱辣辣的，味道淡去后我即刻再咬一口，依然驚喜。令人開心的是批挺厚，比重不小呀！那么，餡呢？白色暖暖的雞茸，混著淡紅色的粒粒火腿，以最平凡的食料創造出豐富的口感，寵壞了味蕾。可難過的是，因為個酥皮太酥化，竟然未經我同意就自行脫落了！后果是慘重的，頂大的一塊掉落……朋友看我個慘樣說再買一件吧。不，美好的東西要留多點回憶，而家已經陷入期待中了！

時段: 中午人流: 極旺椅子: 非常擠迫, 可碰到對面客人膝蓋, 椅背垂直, 不舒適.桌面: 非常小, 與對面客人杯碟相接.菜單: 選擇很少, 沒有飯叫, 祇有一般茶餐廳的早餐及常餐類.服務: 沒有服務可言, 有如從前公立醫院叫名的態度.食物衛生: 見到樓面阿叔用手拿麵包!食物: 麵包是冷的, 味道一般. 奶茶是溫的, 滑但茶味不足. 米粉平平無奇.總結: 一次怕怕, 慨嘆羊群心理影嚮真利害!

同利鈍鈍去左金鳳茶餐廳食下午茶, 佢年初五冇開,今日一於去過,入到去剛剛有位, 好問下有冇新鮮菠蘿油食先, 但係個叔叔話唔係新出爐, 咁我叫奶油多士要多奶, 叫多杯鴛鴦走先, 利鈍鈍就叫左菠蘿油同奶茶,鴛鴦好味, 菠蘿油好似o益o益地, 奶油多士ok,利鈍鈍:奶茶好飲!有機會再來過

二月十五日(星期五)今日因為要拎CLP,所以黎灣仔食lunch!好啦,要試下奶茶,老公既至愛!好快就有位,不過好迫d位!同埋好趕咁d伙記,但係冇AMC咁消灑!叫左特惠午餐!我地食沙嗲牛肉通粉同米粉,老公中意食呢度既通粉!唔錯呀!d牛肉好林!加埋個汁好味!奄列,好好味呀!呢度既煎蛋都算好味,雖然冇得同AMC比!菠蘿包,好味呀!!甜甜地!唔錯,熱食會好味道好多!凍奶茶,冇冰!但係好飲既都!...以茶餐廳既質素,呢度真係算唔錯架喇!^^

我o係灣仔大，金鳳舊舖食到新舖，睇住o個幾個被叫做"臭串"伙計都做o左二三十年，見到下面位食家比蘇xx點來食結果一肚氣。奇怪係究竟各位食客跟d食評用乜心態去幫襯? 金鳳伙計"咁串" 同埋"門口個雪櫃已擺滿三層一杯杯因時間關係雪咗唔知幾耐的凍奶茶" 三十年來都咁，呢d係佢地o既文化，唔知o既係會覺得唔對路。事實係，金鳳主打實在唔係d乜野常餐、快餐。所以各位食客真係唔好聽完人求其介紹完某店就去，做多d功課對自己有好處呀。最後，其實蘇xx咪一樣咁串，點解仲睇佢節目呢?

蘇絲黃話：唔該你哋去我介紹的食店，我食乜你就食乜，食咗d唔好嘅唔關我事！心諗有冇咁誇吖，點知出事。網友話凍奶茶、旦撻、雞批最正。我無lala食個垃圾早餐，d麵好硬好橫強，冇味。煎旦呢個11成熟。叫咗杯熱奶茶，佢嚟杯暖嘅，連"熱"奶茶都做唔好。最慘d伙記塊面面如死灰或臭串不堪，我想問：你憑咩咁串？早上10點幾嚟食嘢，門口個雪櫃已擺滿三層一杯杯因時間關係雪咗唔知幾耐的凍奶茶，何其嘔心。咁又係一陣整唔切d客唔等咪冇錢賺？從來吾想浪費食物，但結果倒啲比吃啲要多，不過垃圾倒入垃圾筒係啱嘅！

服務極差, 食物一般/極普通, 唔會有下次, 梗會提灣仔朋友不要去受氣, 由收銀, 待應, 食物無一可取!!

抵食又好食

舊店完全唔掂！！！！食物OK，可惜服務態度簡直係離譜！首先，店員態度勁差又勁寸，我係黎食野，唔係比你寸的！！同佢講左餐包轉菠蘿包，佢黎到冇轉不突止，仲要寸話唔早講，自己錯仲要推卸比ｄ客人，簡直不知所謂！最離譜的係居然趕客走，只係坐左半個鐘頭倒，等落order都等左幾個字啦。點知連奶茶都未飲完就話，你地好出黎了！！呢個係咩野服務態度呀！？？簡直係唔可以接受，咁的服務態度，D野有幾好食都冇用啦！！以後都唔會再幫襯呢間野！！諗起就嬲！！！

睇到話椰撻咁正, lunch立即買一個試下, 果然好介紹, 唔太甜, 有口感, 個餅皮重好鬆化

行過呢度，順便買兩件餅返去...因並唔係即食，所以放棄往常買嘅蛋撻及雞批。轉而要個紙包蛋糕及椰撻...各試了一口，感覺係食唔到可怕嘅香精味；幾"natural"。蛋糕味頗清，質感亦頗軟熟；椰撻表面椰絲蓉顏色比其他餅店賣嘅淺，又係一個"清"字，不錯...

去灣仔聽音樂會, 入場前食early dinner, 0黎了成年無0黎0既呢度... 0係佢打烊前15 分鐘坐低, 其實只係想飲佢d 凍奶茶, 但齋叫0野飲又好似有點兒那個, 況且又要食晚餐, 結果求其散叫了碗蛋牛麵.無冰凍奶茶($13) 依然又濃又滑, 飲得好過癮. 唔怪得「燒味連鎖」出冰鎮奶茶都要向佢「攞靈感」... 推介!蛋牛麵($18) 就無得頂咁難食, 麵質腍bad bad 又淡茂茂, 我寧願食味精湯底; 梳打牛肉當然無肉味, 口感好「膠」, 好似食橡筋; 蛋煎得過(火農), 帶花生油味(!!!!!), 仲送粒蛋殼, 天呀@_@"" $18 一碗, 同搶錢無分別.環境都係咁, up up dup dup 又一地都係垃圾; 招呼唔錯, 拎奶茶俾我0既阿姐同拎麵俾我0既阿叔對我幾友善.埋單$31, 100 個肉赤... 早知買個凍奶茶一路行一路飲, 再去第二度食0野啦!不過睇著你的凍奶茶份上, 笑面同4 分味道我會照俾, 其他0野嘛... 真係喊到我阿媽都唔認得.

正如上一個食評一樣，走左堂去搵好野食！係車仔麵之家食麵果陣，望到佢\貼係玻璃窗Ｄ　ＮＥＷＳ　ＣＵＴ，見到有人話呢度既凍奶茶好正，食完麵就行轉黎試下啦！入面坐滿人，不過唔緊要，我係外賣走，要趕住反學上埋下個ＳＥＣＴＩＯＮ，ＷＡＩＴＥＲ見到我但扮見我唔到，佢\招呼左２個日本遊客先，態度幾普通要左杯凍奶茶，發現呢度係雪住奶茶唔落冰，唔會破壞奶茶既原味，幾好！不過我自己覺得茶味重左Ｄ，唔係咁飲到奶味，甜味差少少比起上黎，我都係鍾意翠華既凍奶茶多Ｄ！不過，當然啦，比起普通既美Ｘ快餐\，大Ｘ樂，大Ｘ活，呢度既水準叫好好！