影片
更多
2007-12-30
6 浏览
去灣仔聽音樂會, 入場前食early dinner, 0黎了成年無0黎0既呢度... 0係佢打烊前15 分鐘坐低, 其實只係想飲佢d 凍奶茶, 但齋叫0野飲又好似有點兒那個, 況且又要食晚餐, 結果求其散叫了碗蛋牛麵.無冰凍奶茶($13) 依然又濃又滑, 飲得好過癮. 唔怪得「燒味連鎖」出冰鎮奶茶都要向佢「攞靈感」... 推介!蛋牛麵($18) 就無得頂咁難食, 麵質腍bad bad 又淡茂茂, 我寧願食味精湯底; 梳打牛肉當然無肉味, 口感好「膠」, 好似食橡筋; 蛋煎得過(火農), 帶花生油味(!!!!!), 仲送粒蛋殼, 天呀@_@"" $18 一碗, 同搶錢無分別.環境都係咁, up up dup dup 又一地都係垃圾; 招呼唔錯, 拎奶茶俾我0既阿姐同拎麵俾我0既阿叔對我幾友善.埋單$31, 100 個肉赤... 早知買個凍奶茶一路行一路飲, 再去第二度食0野啦!不過睇著你的凍奶茶份上, 笑面同4 分味道我會照俾, 其他0野嘛... 真係喊到我阿媽都唔認得.
無冰凍奶茶($13) 依然又濃又滑, 飲得好過癮. 唔怪得「燒味連鎖」出冰鎮奶茶都要向佢「攞靈感」... 推介!
蛋牛麵($18) 就無得頂咁難食, 麵質腍bad bad 又淡茂茂, 我寧願食味精湯底; 梳打牛肉當然無肉味, 口感好「膠」, 好似食橡筋; 蛋煎得過(火農), 帶花生油味(!!!!!), 仲送粒蛋殼, 天呀@_@"" $18 一碗, 同搶錢無分別.
環境都係咁, up up dup dup 又一地都係垃圾; 招呼唔錯, 拎奶茶俾我0既阿姐同拎麵俾我0既阿叔對我幾友善.
埋單$31, 100 個肉赤... 早知買個凍奶茶一路行一路飲, 再去第二度食0野啦!
不過睇著你的凍奶茶份上, 笑面同4 分味道我會照俾, 其他0野嘛... 真係喊到我阿媽都唔認得.
张贴
