金鳳茶餐廳

营业中

休息中

下午在湾仔附近乱行，累了便走到满是顾客的金凤试下有名的冻奶茶和蛋塔。果然是名不虚传。奶茶靓到没话说，滑滑的+香香的+不太甜+充满韵味的茶香=超级美味的冻奶茶。蛋塔是刚刚出炉的，还热热的，很嫩呢，塔皮酥酥的~爱死了刚开始享受美味没多久，我对面的大叔就吃完离开了，没想到是个吃霸王餐的，趁人多没给钱就溜走了。人家小本生意，赚点钱不容易，居然还作出这样的事，真是过分。

已是很久之前的食評的. 有一日經過灣仔, 妹妹說這裡的雞批最美味. 於是就走咗入去想試下. 但見鄰座的午餐又好似不錯, 價錢比雞批+凍奶茶, 只差幾蚊, 又相當之抵. 幾乎想轉呔, 但一諗, 雞批先係此行的目的喎, ok, 咁就維持原判. 雞批新鮮出爐, 熱騰騰, 皮當然係鬆化啦. 饀料倒沒特別. 但由於剛出爐的緣故, 也覺美味. 無冰凍奶茶, 已經很少有啦, 當然係不容錯過啦. 又香, 又夠茶味. good.

試了個早餐C, 要了個菠蘿油, 奄列蛋, 好立克。菠蘿油: 個個都話好好味, 但我真的不知那裡來的好味, 個包太甜, 唔凍又唔軟熟, 個牛油又唔香, 都唔覺得有食到牛油。奄列蛋: 普通, 傳統餐廳的過火。好立克: 只係放左半匙糖, 但巳經好甜, 早知就試左味先放糖。但係都幾滑。地方好窄, 出入都煩到隔離枱,實在不好意思！

食完好味的干炒牛河，行過金鳳，忍得住唔飲冰鎮凍奶茶，也忍不住買下新鮮出爐熱辣辣蛋撻($3.5)剛剛阿姐弄錯了一隻沒有餅皮的蛋撻，所以買一個靚蛋撻便送多半個只得蛋心的"物體" 那半個殘骸不提了，但靚蛋撻真的無可代替，曲奇餅皮焗得較燶，但非常脆口，蛋心不過甜，不太淡，味道剛好，三四啖已足以將整個撻吞噬，意猶未盡.... 幸好還有半個殘骸 灣仔蛋撻多，以灣仔地鐵站為中心點，請認定左檀島(酥皮)右金鳳(曲奇皮)，方為正貨!

前陣子考試，已有2 weeks 無寫食評，現在要一一補呢！阿爸放工買了兩個我常嚷他買黎俾我試ge金鳳雞批。size不大，也不厚身。但個皮就真係好厚，而餡就只得少許。批皮牛油味超濃，又甜甜地，而且好鬆化。薄薄的一層餡有少許雞粒、火腿同洋蔥。雖然皮多過餡，但我鍾意喎！

奶茶不錯,,不濃不淡,甜度適中,奶的份量也適中,幾香幾好飲菠蘿包不是特別好吃...面層的部分不夠香脆蛋撻的皮不夠鬆化,但也算新鮮我仲叫左一碟價值$26既鮮牛肉奄列...又貴又難食首先,,好大陣生油味d蛋溝水既,,搞到出哂水牛肉..無肉味..而且用水煮的...仲有d米粉o係度一碟鮮牛肉奄列變成生油米粉牛肉奄列...><

聽聞這裏的菠蘿油和涷奶茶很有名，想不到也不及惡死侍應阿伯更有名。早上八時半細細的舖擠滿了人。我叫了火腿奄列配餐飽，連熱奶茶23元，著實不便宜。因為感冒加上嚴重咳嗽，無緣嘗這裏有名的無冰絲襪奶茶；看到冰櫃內一杯杯調好的凍奶茶，真的很吸引。本來落單時告訴大聲夾惡的侍應阿伯想將餐包轉為菠蘿油，但他滔滔不絕跟其他熟客鬥嘴，結果還是來了餐包。幸好餐包暖暖的，飽滿而鬆軟，伴奄列吃很配合。友人叫了同樣是$23的火腿通餐，有煎雙蛋和餐飽，似乎更抵吃。但我看到友人及其他食客的煎雙蛋都煎得很老，且有點燶，不知可否要求煎太陽蛋。後來下午茶時段再途經此地，忍不住買了一個菠蘿飽和一個雞尾飽，一共七元，當然比我家附近的要貴，可是又不覺得特別好吃。雖是新鮮出爐，但飽面的「菠蘿」一點也不脆，有點失望；雞尾飽件頭頗大，味道則一般。我還發現惡死阿伯也有fans，一班操國語的自由行少女便在門外爭著跟他合照，真想不到他才是鎮店之寶﹗

我从前在附近上班，所从有時會買早餐食，依度Ｄ菠蘿包好出名，但我不like食菠蘿包，所从冇叫過。其他包味道一般，但無冰凍奶茶正到上天，一定要飲。

http://tkocell.mysinablog.com站在街角遠看門口已經被一羣男男女女包圍着恐怕發生什麼意外好奇的我立即走上前看過究竟只見他們爭先恐後用盡辦法去霸佔一個位子我立即跳進坐在圓櫈上跟食客們身貼身面碰面好親密似的看一看餐牌叫了一杯馳名的冰凍立頓紅茶茶香味滑很不錯再叫一個菠蘿油一片薄薄的牛油躲在麵包裏被燙得汗水直流並散發出撲鼻的香氣誘不住張開口一口把她吞掉http://tkocell.mysinablog.com

我好鍾意舊式菠蘿包其實好多舊式的港式麵包都好鍾意但愈來愈小喇 >_<我鍾意果種好有麵粉香味, 密度好高的麵包口感綿綿之餘, 又好有咬感今日去左食菠蘿油, 正是這種感覺

老實講, 金鳳茶餐廳名過其實. 菠蘿油十分出名, 但係唔見得有幾咁好食... 同某食家一樣, 行過唔駛等可以一食, 排隊就唔好喇.伙記唔啋人亦係事實, 但係真係見到佢地忙過不停. 要主動 d 叫佢, 佢都會理你. 有個呀伯仲鍾意攪下笑, 不過對於 d 等到發火既人應該會幾火滾.我同女友去親多數都係食常餐既. 不過佢地講明常餐係冇熱菠蘿包! 想熱嗎? 加 $2 轉菠蘿油囉! 餐包十次有九次都話賣晒. 奶茶就 ok 好飲. 舖面細行過都知, 肥小小要0係入面食野會好辛苦! 好心啦, 咁好生意換個大舖位.

是日只點了個波羅包+凍奶茶黎親都有個疑問, 叫親d伙記寫野都唔睬你架喎, 直頭係o係你面前龜速移動你做埋人浪都唔理你, 你只有失控放聲大叫:波羅包呀波羅包呀波羅包呀波羅包呀好心比個波羅包我啦, 突然間一個侍應呀叔就頭也不回地pat低唔熱波羅包一個...總結:經過咪黎食, 排隊就唔值

2008年3月27日，金鳳今天食營養餐：利華鮮奶：幾好，都夠濃。五香肉丁米粉：可以啦，五香肉丁唔會得肥肉，米粉比意粉正常好多。菠蘿包：今日個包賣相好唔得，個皮得一半。又唔熱，D牛油都無乜味。平時去食，最怕個收銀阿嬸，最鍾意指定人坐邊坐邊，但又無禮貌。

2008年3月13日，金鳳有次行過，吃了菠蘿包同雞批。菠蘿包因為唔熱，唔覺得好食，雞批好少少，但都唔覺得特別好食。

金鳳出名就好多人都知啦，老字號茶餐廳，老伙計，服務態度差又係事實。趁非繁忙時段幫襯，費事坐得太逼唔舒服又要排長龍。今次Order咗菠蘿包加牛油、火腿奄列及無冰凍奶茶，收$25其實都幾貴。不過太耐無幫襯，真係好掛住杯凍奶茶。凍奶茶因為無冰，所以唔會太凍啱啱好，又唔會沖淡茶味，茶葉味道香濃，不過有些苦澀味，受唔住既朋友飲完之後頭暈都唔奇架。菠蘿油唔夠熱，外層亦唔夠脆，好普通。火腿奄列就OK，火腿夠晒多，落足料，蛋煎得夠香雖然唔太滑，無咁油會好d。話時話，呢度好出名既蛋撻同埋雞批都未曾試過，下次嚟真係要試吓嘞。