金鳳茶餐廳

营业中

休息中

半年才回港一次, 只想多吃茶餐廳食物~!金鳳上年來可能太晚, 已沒有馳名的菠蘿油;今次特別TEA TIME來, 終於可以一嘗滋味!點了C餐, 無冰凍奶茶+菠蘿油+火腿炒蛋。嗯, 結論是飲杯凍奶茶就夠囉。可能菠蘿油不夠熱, 炒蛋太老太油...得返杯凍奶茶最回味!茶味夠, 夠香濃~ 的確有想再飲多杯之感~本來仲想點雞批的, 不過這樣的C餐已要$29啦, 太貴了, 有機會下次再食啦~整體來講, 如果在灣仔想食茶記, 我會揀華星。 小記: 是我離開香港太久, 行動舉止極像遊客了嗎?俾錢時收銀大哥竟然同我講英文! 哈~

14/06/2010 驟雨今天是我放大假的前夕, 所以收了工後好想食番個茶餐, 聽聞＂金鳳茶餐廳＂今年在OPENRICE得到最優秀灣仔開飯熱店, 今天我也要來朝聖間傳統的茶餐廳, 看完醫生後, 我獨自一個人去了春園街去逛一逛, 之後就入了"金鳳"食番個下午茶服務真是相當熱情,伙計都好可愛說笑, 工作了大半天的我雖然好疲倦,體力精神都下降中, 但現在真是好開心好relax,金鳳最出名的是蛋撻和奶茶, 所以我已經選擇了它們地方不算好大,大約有廿幾座位,傳統的茶餐廳內吸引了不少街坊街里在此, 伙計工作好熱誠, 當我一坐下來已經給我一杯清茶, 他們不會好像其他茶記般站在我旁邊不斷問我食什麼, 當我想落order的時侯, 他們都好認真地聽取客人的order, 好多人都說金鳳服務差, 但今天的經歷, 我的看法就不同, 我覺得服務真是一流不久好快上了個酥皮蛋撻, 酥皮都好脆口鬆化, 蛋味豐富, 牛油香味一般, 入口不是好夠熱, 如果熱辣辣出爐我相信一定好好味, 價錢$4一個, 都好大眾化的價錢之後講下杯熱奶茶, 用的是傳統的奶茶的厚杯, 厚身杯令到奶茶入口更細滑, 看來賣相已經太多花奶, 奶味蓋過

公事原因 下午三點三係尼頭附近走過 心癢癢買杯奶茶同雞批 提下神無冰奶茶 水準麻麻 茶味夠 但唔夠奶滑 比較稀 反而太興 茶夠濃 奶同甜剛好美心 個別店舖既冰鎮奶茶也沖得不錯 夠奶滑雞批叫了2件 剛出爐 熱騰騰 正 細件頭但皮鬆化 牛油味香 唯餡料少***之前賣$6...$6.5既雞批又一次起價為$7 相信短其內我不會再幫趁它 好味又平的雞批不只它一間 香港係美食天堂梗有好o野食係左近

午市，人多，十個迫通粉煮太久，太軟猶幸牛肉蠻鮮菠蘿油，很難吃雞批，一點沒有熱騰騰的溫度，不好吃唯一喜歡的是omelette真的好吃

一個咁細既雞批,賣$7元,堂食仲要排隊,講真,個個話好味,先去試下真係有幾好味,皮面,不得不認同,好趣,係好味,但個餡同牛油皮,唔覺得好特別.size 又細.男人口大少少,可能兩三啖就攪點.

老表返香港玩左幾個星期, 都係佢D朋友帶佢去大家樂, 麥記或一般茶記飲奶茶, 未有機會去金鳳呢一類奶茶名店試過.的起心肝, 星期三約佢去金鳳試下. 我就凍奶茶雞批, 佢就熱奶茶菠蘿油. 飲完佢都話杯奶茶又正又滑, 菠蘿油都幾好味. 我杯凍奶茶亦唔錯, 甜度適中. 如果雞批同菠蘿油暖暖地就更加好味呢.

入到去人幾多d位唔係咁好座,要了個午餐,菠蘿包,火腿奄列,沙爹牛麵,凍飲total29幾抵菠蘿包:我冇加牛油,太危險,雖然係街大多數都係唔健康,但都冇必要加舊牛油黎試,加上時間唔岩,唔係新鮮出爐,所以只係幾好食ja火腿奄列:熟晒,唔係唔好食,不過唔係好食囉,可以叫做唔合格沙爹牛麵:本身係黎試菠蘿包的,不過估唔到沙爹牛麵仲好食,沙爹味好重夠香,牛肉口覺仲有,冇整到淋晒,麵就一般凍飲:又係基本水準作

是日出左灣仔搵女友食lunch, 見到成街都係人真係有d 驚...兩個人行下行下. 去左春園街, 見到金鳳 .. 諗起自己中學時代幾乎朝朝買早餐的~決定今日重臨舊地!我地各自點左個午餐:奄列: 個蛋唔夠滑.. 勝在火腿夠多搭夠!麵: 唔夠彈牙, 我唔係點沙爹牛.. 佢就咁清湯比我... 淡mou mou .. 係得條腸比到d 感覺我咋!甜餐飽: 幾香(不過唔夠熱...)牛油在碟邊飲品: 無冰的凍奶茶, 驚喜唔大...係唔係生意好左.. 出品就冇咁好呢?... 好, 下次再試!

遇上公司早放工，4時多，咪走去坐低試下啦。平時人多多，呢個曰子和鐘數就少人好多。好似麥嘜咁，叫左個常/特/茶餐（真係 唔記得個餐名..）噢 Yummy， 好有茶餐廳風味：菠蘿包雙旦：個包新鮮、鬆化、好味；未試過食雙旦d旦白係鬆化同有脆皮沙爹通粉：沙爹好夠味，正；但通粉林左d奶茶：正

去開灣仔，見肚餓就同朋友黎食金鳳，撞正ｌｕｎｃｈｔｉｍｅ門口排晒隊，不過唔洗等好耐就有位。先叫左兩個午餐－　丁通＋奄烈餐包＋凍奶荼（我的）－　牛米＋奄烈餐包＋熱可立克（朋友的）個餐其實就無乜特別，朋友都無講ｄ咩。不過入舖之前索到陣菠蘿包味好香好想一試，但可惜自己嘅原因唔食得太肥嘅野無食到，下次一定要試番，凍奶荼唔錯飲得過。差不多食完，就有新鮮出爐嘅雞批，其實我同朋友都飽飽地，都叫左個番黎ｓｈａｒｅ食，雞批果真不錯，個皮正夠香夠脆，朋友都覺得好食，如果唔係已經飽，會再食多個。

早幾日同女友出開灣仔,又再去金鳳食tea我地都係叫咗一個午餐(餐包轉菠蘿油),另再叫咗3個雞批個餐嘅五香肉丁米同庵烈同之前一樣好食,熱奶茶香滑亦好夠茶味個菠蘿包就好脆不過唔熱,所以如果就啱出爐時間就ichiban喇.......講返雞批,真係無得頂,熱辣辣,香噴噴,個皮又脆又香甜,我地一人食咗一個都未夠,仲要再叫一個兩份食,如果唔係太晏怕夜晚食唔落飯,最少一人食多一個

點佐午餐, 菠蘿油及奶茶。食物沒有什麼特別, 地方超級迫, 菠蘿油唔熱, 得凍奶茶比較好飲, 唔明點解咁多人, 基本上自己唔會再去食。

星期六TEA壽星女話黎金鳳就金鳳喇, 要等位, 兩位好快, 不過真係好迫, 好驚對面既人食麵會彈到我, or the other way round 原本我地只係叫菠蘿油X2+凍奶茶X2+雞批, 點知朋友越食越想食, 見到餐其實係可以包凍奶茶、菠蘿油仲有公仔麵同OMELETTE就要求轉餐, 點知個女店員大大聲話『轉返餐? 唔得個喎!!』我朋友同我講『呢d野你自己話既遮』 佢可能聽到我地呾講就即講『幫你問下啦』之後我地轉到餐, 要多個公仔麵同OMELETTE- 菠蘿油：呢個係今個tea最好既食物，剛出爐，所以菠蘿油一放入去就開始溶- 凍奶茶：唔得！好稀！（點解冇人complain?!）仲搞到我o個晚訓唔著！飲可樂好過- 公仔麵：我食雪菜肉絲，朋友食五香肉丁，兩個都淨係ｄ料有味，食完一啖麵就唔想食，幾辛苦先食淨一啖- 火腿OMELETTE：唯一comment係幾咸- 雞批：一般，比想像中遜色，starbucks正好多total $67 大部份食物都令我失望

金鳳茶餐廳是某網站選舉活動（港式茶餐廳組別）最后入圍店鋪，我在灣仔上班，因利乘便這星期連續三日（星期一至三）到該餐廳試勻熱門食品，我的報吿如下：星期一：特餐（$25）菠蘿飽：加牛油$2，幾香，微熱，牛油在碟邊奄列：蛋味幾濃，但係唔滑，火腿都幾多沙爹牛麵：公仔麵好削，牛肉賣相差，好多茶餐廳啲沙爹牛都好味過佢奶茶：水準一般，未見特別雞批：臨走見剛出爐，$7買咗個，偏鹹，芡汁多過饀料，咁嘅質素值唔值？星期二本來想堂食，太多人，要排隊，惟有外賣蛋撻：$6，凍嘅！蛋唔太甜，酥皮都可以，但係唔覺同外面嘅有太大分別凍奶茶：$13，聽朋友講，冰鎮奶茶係佢哋行先嘅，不過今次無冰鎮，太興比佢濃滑，好飲好多！星期三：特餐（$31：包括牛油$2 凍飲$2）菠蘿飽、奄列同凍奶茶維持原判五香肉丁通粉：五香肉丁真係如其他食評所講“無肥肉”，味道似上海梅林B2，唔知啱唔啱？ 通粉比麵好得多。 其實有無辦法減少浮面的紅油呢？腸仔飽（$5.5）、雞尾飽（$4）：臨走再試真金鳳嘅飽，密度較高，幾香，不過凍冰冰，印象差晒！综合來講，金鳳茶餐廳有啲唔對板，佐敦澳洲牛奶公司好食好多。 卡位勁窄，員工態度仍停留

灣仔食 Lunch，真是比塞車還要有耐性。金鳳的蛋撻真是香到飛好，但食完就 "nr" 返 d 牛油味出來，因為我個胃真是富貴胃，太重牛油或牛油不太靚就會消化麻麻！凍奶茶就香滑濃郁，上佐癮添！試過堂食，真是不敢恭唯，因為實在太迫，坐來佐小小時間，換來一句妳走啦！ 坐夠 la！ 下次到係只買外賣凍奶荼算 lu！