金鳳大餐廳 (中染大廈(8咪半))

营业中

休息中

呢間真係CP值超高既西式扒房🤤第一次食呢間就係太子總店到，仲記得係好多人要等位，個陣已經覺得好好食😋一直都以為呢間係冇分店，點知無意間竟然發現原來已經開左四五間分店啦😂仲要係荃灣都有😍一入到去環境好舒服好寬敞，有一種港式懷舊扒房的味道🥰-🎈帶子牛扒餐 $142 (+$2 蒜蓉)基本上每一次黎食都必加蒜蓉！！今次叫左帶子牛扒餐，係有兩粒大大粒既帶子😋而牛扒方面就叫左七成熟，雖然用鐵板上但都唔會有過熟既問題出現。望落去塊牛扒唔算話好大塊，但原來食起上黎好多，因為塊牛扒好厚身，所以自己一個其實真係食唔哂😂今次真係食得好滿足，而坐得又好舒服😌推薦大家可以一試🤩

提起香港道地的食物時，你會想起甚麼﹖魚蛋燒賣﹖其實港式扒房也是香港獨有的「西餐廳」。在六、七十年代時香港開始流行「豉油西餐」，即是把粵菜的烹調方式與西方的西餐文化混合。進食時店員會把醬汁倒進鐵板，鐵板馬上發出「咋咋」的聲音，煙霧四起、香味洋溢。🍴簡單一句，港式扒房盡顯舊香港的情懷，未去過的你就要留意下文啦～-在港式扒房吃的牛扒餐包括餐包、一碗餐湯、牛扒及飲品一杯。-◾牛柳餐(7成熟) 💰HKD$104牛柳叫了七成熟，有筋；咬時仍有點困難，需要多咬幾口才能把肉咬開。雖然牛肉有點難以咬開，但相比蘇格蘭牛扒的肉質，它比較淋身。而且牛味也相對地重。如果想食重牛味的話，我會覺得牛柳會適合你一點。◾蘇格蘭牛扒 加蒜(6成熟) 💰HKD$108 （+$2 加蒜）蘇格蘭牛扒則叫了六成熟，加了生蒜。肉質比較硬身爽口，容易咬開，亦不會有筋。而且加了生蒜的關係，整個牛扒都變得「重口味」，蒜味蓋過肉味，難以吃出牛味。就算牛扒不連蒜吃的話，牛味也不及牛柳的重。追求肉質硬身爽口的你可以選擇這個蘇格蘭牛扒。-老實說，如果你想品嚐一些高品質牛肉的話，港式扒房的一定不能滿足到你的要求。因為這裡的牛

突然想食牛牛🐮兩個人路過見到金鳳決定整番過抵食牛扒餐過下心癮叫咗個貴族牛扒餐三成熟加蒜蓉牛柳餐三成熟加蒜有羅宋湯同埋忌廉湯忌廉湯入面有好多粟米個湯好清甜羅宋湯入面有好多菜，蕃茄味好重麵包口感好軟熟，塗上牛油價廉物美呀呢個餐，加兩蚊，塊牛扒有咁多蒜蓉物超所值，有蒜蓉汁同埋黑椒汁，鍾意食蒜蓉汁味嘅梗係揀蒜蓉汁貴族牛扒三成熟，中間嘅肉質非常之鮮嫩，血汁仲流緊出嚟，So juicy，呢個價錢都食到高質嘅牛扒

做餐飲業，牛扒來貨價錢高低差別鉅大，有一百元一公斤的巴西急凍貨色，也有過千元一塊美澳熟成牛扒。餐廳自身的定位決定使用何種質素的牛扒貨源。金鳳大餐廳並非行內知名西餐牛扒連鎖店，先行者應算是農場瑪莉澳之輩，接著是扒王之王李氏，再者就是椰林閣集團。農場集團陳氏發展過快，成本控制不當最後破產收場，現只躲在上水做小生意。扒王之王李氏發展亦急促，最後全線結業，現只躲在葵芳做老本行凍肉批發，閒時看看女兒娛樂新聞罷了。椰林閣擴張早年也急，經過一輪休養，有地產項目收租，近期生意開始穩定。金鳳對它的印象很深，但一直無緣認識。它的總店瑟縮偏僻的太子荔枝角道，但晚晚大排長龍。心生好奇，何方神聖也。原來現已由第二代掌舵，開始引入現代管理模式，以集團規模經濟經營。近年屢開分店，生意規模直追先輩，但勉勵要以史為鑑，以知興替。星期日午膳時間這商場泊車便宜，見此金鳳為同一集團，即入內嚐嚐。餐廳設計走復古路線，參照七八十年代香港西餐廳設計。裝修刻意加上古味，霓虹燈烏絲燈泡，水泥地紅色椅套，塑造懷舊性格。裝修與美食混合，讓客人感到這兒是吃正宗西餐。經營者對餐廳設計有想法，一讚！既然二代這麼有趣，那就提議不如要加點古典Jaz

疫情下，晚晚和愛人玩煮飯仔，今日收工，攰到唔想郁，愛人說，快食快閃吧！結果路過荃灣金鳳餐廳，反正依間分店未試過，一於試吓回味一下。估唔到，未夠七點已經坐到七成客，在這些時間來說已算不錯⋯⋯打開餐牌，頭一頁大大頁寫著防疫龍蝦牛柳餐$188, 但愛人最後選了帶子牛柳餐。先來餐湯及餐包，杰杰的，就是懷舊餐廳的味道⋯⋯很快那鐵板餐來到，一張餐紙擋著⋯⋯吱吱聲，愛人說，從前那塊紅色餐巾擋得住，這塊紙巾擋唔住⋯⋯又係喎！那些汁，真是彈到四處飛，原來從前的紅白格仔枱布和紅色餐巾是有作用的。店員倒完醬汁後，第一件事，是用紙巾抹枱，否則一定弄汅自己，之後才可吃第一口牛柳。牛柳肉質夠淋，有鐵板的味道，又真幾有童年回憶的⋯⋯金鳳皇牌焗豬扒飯$70~跟餐湯和飲品另加$20, 但筆者對餐湯沒興趣，所以單點更合心意。用上罐頭雜果菠蘿焗，炒飯底算乾身，筆者對愛人說，以價錢來說，兩個豬扒飯才等於你那牛柳餐，感覺上兩個豬扒飯抵啲⋯⋯愛人笑了⋯⋯

因為我係住附近，平時都見呢間餐廳長期都好多人排隊。有一次老豆生日去拎飛，竟然要等50幾60個，一路排住pizza hxx，最後差唔多成個鐘都係排唔到：（今次情人節，都係抱住排唔到既心態去，我地好似9點幾排，要等多過70個位，嗰陣都呆一呆。不過見出面唔算多人企喺度等，所以喺附近邊行邊等，應該最後半個鐘內有位。佢比左個近門口既位我地，要同隔離位拍埋坐，因為最近衛生問題，我地決定等多幾個位，坐卡位。去餐廳前我都有睇左好多食評><最後決定食帶子牛柳，叫左五成熟。朋友都係叫左牛柳，不過係菇菌牛柳，淋既汁比較特別，係菇菌汁。我嗰個帶子牛柳就同平時啲舖頭一樣有洋蔥汁同黑椒汁揀。另一位朋友食比較貴既肉眼扒，五成熟，叫餐時侍應有問想碟上定鐵板上，我地就答鐵板，因為好似睇落好睇啲。但！！！大家記住碟上會好啲，唔知係餐廳定我地問題。我朋友切開塊扒時發現入面一啲紅色都無，基本上係全熟，所以我地問一問侍應，佢話因為我地選擇用鐵板上，鐵板上既餘溫會令塊扒熟曬。 但佢地都好好，有比我揀幫我而家轉碟／整份新既再用碟上。因為價錢關係，我地揀整份新既。味道上，反而我更鍾意我既牛柳，肉眼係比較薄身，無乜咬口

個湯凍嘅個包又係凍！都算啦，我飲緊第2啖湯係同我上扒，仲要係我個頭上面上，彈到我成身都係！到塊扒先勁，可以韌都咬唔開，5成變9成，令我人生懷疑嗰塊係牛扒定係肥牛，成世人第一次食啲咁肥嘅扒！由頭到尾都未見過有人執過張枱！

星期六去左荃灣八咪半行宜家訂傢俬，整咗幾個鐘，已經餓到真係老虎都食得落。近近地，去左商場地下嘅金鳳食下午茶。本身諗住本地老牌餐廳應該都無乜特別，普通叫個常餐，點知好有驚喜！金鳳公司三文治 ($45)。真係我食過最厚最多料嘅公司三文治 - 10層，8種不同食材！炒蛋、蕃茄、生菜、雞扒、牛扒、芝士、火腿、烘烤金黃麵包😋 一啖放入口真係無乜可能。佢用料真係好足，最驚喜係有雞扒之外仲有牛扒。食完晚飯都無食！真正抵食夾大件！

18-1-2020 (Sat)朝,同老公送發泡膠,就試吓嚟挑戰莎樂美嘅呢間食早餐啦,我哋去到都full,但其實我見到有張卡位只坐咗兩個人,但佢哋唔叫我哋就繼續等啦.等咗幾分鐘,聽到叫我No.喇,我就行埋去,點知收銀話唔係,不過另一個侍應話有半張卡位(正正係我見到嗰張)坐唔坐?我答坐.於是行入去,我坐低後睇到,其實重有好多位,唔明點解唔安排客人入座.好,睇完menu,老公決定要$32.00嘅C1腸仔太陽蛋出前一丁,飲凍奶茶.我要$35.00嘅B1香煎豬扒,配午餐肉,荷包蛋嘅扒餐,佢重配茄汁焗豆同餐包,我同樣飲凍奶茶.兩杯凍奶茶到嚟,茶同奶嘅比例都唔錯,茶味啱啱好又滑.食物好快都到齊,件豬扒好大件,餐包熱烘烘同軟熟,唔錯.豬扒大約有一厘米厚,口感係鬆軟但鹹咗啲; 半片午餐肉同樣有一厘米厚,唔係煎而係蒸咗,重好,感覺清清地冇咁油膩; 荷包蛋煎到接近全熟,冇乜蛋汁; 茄汁焗豆正常冇問題.老公嘅腸仔太陽蛋出前一丁都正正常常.環境:好大好舒適,好過王牌冰室多多聲(嗰個食評: https://www.openrice.com/zh/hongkong/review/%E5%86%87%E6%9C%8D

今日冇乜嘢做，出咗荃灣陪個朋友食lunch😚我哋揀咗間新開左冇耐嘅金鳳大餐廳，午市都爆曬場，超級多人。原因在於四五十蚊都已經食到個lunch set!!仲可以有牛扒或者豬扒。我叫咗個黑椒汁薄T骨，朋友叫左百加地利汁香煎豬扒，然後share黎食😛lunch set仲跟埋餐包餐湯同飲品。真心抵到爛💕茶餐廳嘅牛扒一向都平平無奇，不過金鳳大餐廳嘅十分之大份，抵食👍🏻豬扒不得不讚👍🏻👍🏻👍🏻一向鍾意食牛嘅我，好難得會覺得豬扒好食過牛扒。佢呢個香煎豬扒雖然厚身，但係絕對唔老，而且好多汁，又夠軟腍，今次用餐黎講，我自己鍾意豬扒多過牛扒。真係羨慕朋友喺荃灣返工，附近有間咁正嘅餐廳😭

金鳳都略有名氣，lunch time 黎食都算抵食，餐有跟湯同埋餐包，個餐包都幾好食，正正常常咁。個羅宋湯我就覺得相當出色，配料煲到淋曬，味道好濃。主食叫左牛排跟沙律，牛排都算大塊，好易切好易咬，肉質好軟熟，焦度亦剛好。我同事話個沙律係懷舊風，應該有加煉奶落去 d 醬度，唔怪得同普通餐廳 d 沙律醬既味道有 d 唔同啦？個沙律的確係好食既 飲品如果叫凍飲係唔洗加錢的，都幾好，不過我叫左熱檸水，正常味。店員服務態度正常，態度比普通茶餐廳或者冰室好 d

金鳳大餐廳餐廳風格是有點舊香港的感覺，整體乾淨企理，一來到先上餐包配牛油紅湯餐包暖烘烘禁黎到鬆軟，附上一盒牛油，就甜甜的！羅宋湯熱騰騰，非常足料！牛扒肉質非常嫩滑，食落口有油香味 配上香脆嘅薯條和粟米真係十分推薦，十分足料性價比極高，香氣四溢，但不能選擇熟度。而且意外的軟嫩，不是那種假假的組合肉，以這個價位來說物超所值午餐都食到甘好既牛扒，抵讚

金鳳大餐廳俾我嘅第一個感覺係一間高級茶餐廳，地方寬躺，座位唔迫狹，唔會有一般茶記嘅焗促感，食物有一定嘅水準。廢話少講，去圖！金鳯推介-美國牛肩肉 $178平時去扒房多吃西冷同肉眼扒，今次黎金鳯想試下另一個招牌菜-貴族牛扒(美國牛肩肉)，倒左黑椒汁，美味多汁，表皮香酥，肉質滑嫩Q彈，牛肩肉嘅脂肪含量較低，好適合怕肥嘅女士去品嚐，食完唔會有罪惡感，配埋香脆薯格同埋粟米粒，好滿足呀！香燒羊扒餐 $138羊架黎講，我就覺得一般般，因為我接受唔到脂肪比例較高，肥膏仲多過肉，可能咁啱我嗰份餐係咁。如果喜歡羊架較肥美嘅朋友應該會食到舔舔脷，好似我朋友咁，佢話識食嘅一定係切一塊肥膏連住一塊羊肉咁擺落口，美味可口，肉質柔軟，簡直冇得彈！焗芝士肉醬意粉 $65其實我個人好鍾意食金鳯嘅焗肉醬意粉，即叫即製，蕃茄肉醬酸甜開胃，表面焗到金黃香脆，混合了溶化咗嘅芝士，令整個意粉變得格外滋味，而且份量十足！朋友略嫌意粉「林」左少少，我就喜歡呢個質地，真心覺得正，大推！今次嘅體驗唔錯，下次嚟開荃灣會再幫襯，主打食美國牛扒。餐廳對面有間清吧，食飽飽又想同朋友飲返一兩杯嘅話，真係非常就腳。

就快又過年，團年少不了，今年反傳統，同老友食個豐富既扒餐當團年，而且餐廳闊落，環境舒服，傾心事既最佳地方呢度既羅宋湯超香濃，真正餐廳煲既味道，裡面既菜勁入味。蕃茄味夠曬濃，配埋個牛油餐包，開胃曬😍😍團年緊係食好d，我叫左個美國德州頂級西冷餐，原本我地想要7成熟，待應哥哥溫馨示我地，叫我地要5成熟，因為上到鐵板會變7成，我地就跟佢意見，黎到真係7成，待應好專業，夠曬經驗，7成熟既牛口感唔會韌，又唔會有血水，而且呢款美國牛好香牛味，唔洗落黑椒汁，只需加少少鹽，勁好味，成塊食曬都唔夠😋😋我地仲叫左個帶子牛扒餐，呢款牛扒同美國牛口感唔同，淋d同滑d，5成熟配上黑椒汁，帶出牛扒既好味，仲有帶子，超甜好新鮮👍🏽👍🏽餐飲我地叫左凍檸茶，茶底靚，唔澀口，我至愛😋😋

金鳳餐廳進駐了荃灣八咪半商場已經有數月時間。 今天很想鋸扒 ,不由分說便想起金鳳。晚上七點半到達餐廳已經接近座無虛席， 好彩剛還有兩個位。這間新分店的裝修，無論燈光， 格局也較其他舊分店新式，但也有一部舊式播歌機令整體又懷舊一點講返正題食物方面既然今晚主打食牛扒，便闊綽一點，選了一個全菜單最貴的貴族牛扒餐麵包暖粒粒，羅宋湯真材多料主角牛扒肉味濃郁，油份多，且肉汁豐富，肉質嚼勁，原汁原味。完美演繹六成熟的精髓， 牛扒外圍微烤，入面25%生，呈粉紅色，像下巴的質地，軟腍帶點韌性。焗豬扒意粉， 芝士經過焗溶化後混入超級濃郁的茄汁底，非常美味。豬扒也特別鬆化，切件上方便品嚐。