金鳳大餐廳 (中染大廈(8咪半))

营业中

休息中

現在早餐都要$30-$40，視付地區位置，剛出糧當然食好些今日來到金鳳餐廳，選了羅宋湯通粉配煎香粒粒午餐肉，北海道牛乳炒滑蛋午餐肉很香脆，羅宋湯超濃郁，而且超級熱。第1口我就先喝湯，溫度很熱味道酸酸甜甜，即時醒了，味道很有舊時港式扒房味道。湯熱度真的超熱，但因為很惹味一邊呼一邊吃……停不了口早餐不只沒有加一，凍飲也不用加錢，真的很吸引，自責我太遲來吃了北海道牛乳炒滑蛋，顏色味道都是滑蛋水準，份量不小。奶茶味道很濃，茶味比較重，個人已經走包，餐包可選擇轉多士另外店內11點左右還有很多人吃早餐平日10點半這時間應該比較靜，它一直有人來吃，有圖有真相。而且比較多人吃還有一款，鑊仔牛柳早餐，下次我會再來還有附上單據，下次要影埋金錢以示清白

10月20日晚上 無雲荃灣 金鳳大廳餐羅宋湯: 足料~胡蘿蔔 西芹 椰菜 牛肉絲,番茄味幾濃 有少少辣。鐵板西冷牛扒: 份量ok , 有肉汁 但有少許苦, 失望之處 ~薯角 沒有分上😑 薯角又燒焦了

經過好多次，第一次同朋友 一起去試食入坐卡位又大又闊 ，坐落好舒服 ~~我地兩個一人，一個哎左 龍蝦套餐我就哎左 牛肩扒套餐。淋汁時，職員唔小心倒灑左D黑椒汁但 竟然 沒有意識 要抹枱？？？而系轉走就行開左…………？？？牛扒 七成熟 就保持得唔錯，美中不足 就系黑椒汁死咸，整到D薯片都淋曬 唔好食~牛肩扒 有些少牛味， 但唔夠濃郁~而朋友個龍蝦T骨扒 就真系麻麻了~又多筋又多骨，而且明明叫五成，上來時 已系七成熟， 覺得唔低食。

細個同阿爸媽一齊去金鳳食飯，最開心係食呢個鐵板牛柳配薯菜加黑椒汁（羅宋湯)，今次到我同我一家三口去食三分鐵板餐，有兩份鐵板完全係凍嘅😔,當淋黑椒汁落去嘅時候有三份餐只得一個有治治聲！！我哋問點解會咁？佢真係好聰明立即轉一份新嘅。我真係想知點解會有咁嘅失誤？。

Happy Friday‼️🥳 放工後去食餐好既慰勞下自己啦🥰 《金鳳》開張後無耐，有朋友試過話d扒幾好食，今次經開荃灣 就試下啦😊到左餐廳門口已經見到一條少少既人龍，入去攞完飛再出去等。原來餐廳有同GULU App合作，可以事先係網上攞位，下次要醒水啦😌等左4,5個字左右，終於有位啦‼️店員幫我地量完體溫之後，再安排我地入座。係等緊位嗰陣已經望過吓個menu，諗好食咩，一坐低就可以落order啦🤣餐廳裝修偏向美式風格，以波波燈為燈飾，另有一番風味😙環境都ok,幾有格調🥰不過每一枱相隔就有d近，座位唔夠闊落 有少少逼🪑🪑🥺美國安格斯肉眼扒餐🐮🌼💲170牛扒本身係碟上既，不過可以跟返個人喜好request鐵板上都得架😂 唔知點解覺得用鐵板上開心d🥰 套餐包餐湯(紅/白)，餐包。薯菜方面，用薯格取代薯條，不過就淋哂🥺翠玉瓜幾好食，幾爽脆👍🏻牛肉無想像中甘好食，啲肉有部分係韌得制咬唔開既情況🤦🏻‍♀️ 水準認真麻麻女仔黎講，portion都幾多 食半塊都已經飽飽地。

金鳳大餐廳，由細食到大，一直冇留意荃灣呢間，午餐經過，即管試吓！估唔到，喺疫情下，餐廳依舊坐滿晒，仲要等位。奈何牛扒外賣唔好食，唯有膽粗粗坐入去食！老顧客當然要選 -帶子牛柳餐 😋餐牌都冇，呢啲係你估下先識叫！餐湯同餐包先來，味道同水準都同總店一樣！唯獨是未飲完，牛扒已經到都唔知食得邊樣好！呢樣野真係需要同總店學一學，都從來未試過咁嘅～好彩，牛扒一嚟到，淋上醬汁，渣渣聲嗰個moment, 令人開心番！好有懷舊嘅感覺～🤓牛扒質素依舊一樣，肉質夠林，有鐵板嘅味道，配上黑椒汁，再加多蒜蓉，非常夠味！

今日去食午餐 同服務員講要午餐t骨 佢落錯單卑午餐嘅芝士焗龍蝦牛柳 同佢講返之後 佢上反俾我哋 埋單嘅時候發現 佢俾咗套餐嘅t骨我地 我想講張枱得午餐同下午茶嘅餐牌 你喺邊度覺得我哋要套餐 好嬲！！！跟住我問服務員 佢同我講 我哋落既係套餐？？？嬲 我上個星期食嗰陣時仲係咁 以後都唔會黎食

今日中午經過呢度，未試過呢間老字號嘅荃灣分店，見唔使等位，就行入去試吓， 仲未夠12點，但係裏便已經有頗多人。叫咗佢嘅「蒜蓉汁薄T骨」午餐，配羅宋湯同餐包。羅宋湯先上，典型港式西餐嘅羅宋湯，應該係加茄膏或番茄醬煲成，味道一般；餐包就暖暖哋，幾好。跟住上牛扒，雖然話「薄T骨」，但都唔係太薄，亦完全冇骨😅。牛扒冇乜牛肉味，靠醬汁嘅味道，佢話係蒜蓉汁，但係完全冇蒜蓉味😅；揀咗牛扒配沙律，沙律亦係典型港式白汁沙律，味道都可以。總之就係豉油西餐廳嘅味道，唔會好好食，亦都唔難食。奶茶中規中矩，少少香少少滑。食晒成份午餐相當飽，如果對味道無甚要求，但求食得飽飽，呢餐就好適合。

呢間餐廳佔地面積很多，未黎食過，今日有空試下，佢哋係可以上網拎飛的，我叫咗個焗豬扒飯，午餐有餐包和西湯飲，焗豬扒飯份量很多，豬扒亦覺得軟熟，蕃茄汁唔少，可以成為我經常來的飯堂了。

父母親節家人食飯，限聚令8人。餐包香軟，忌廉湯較水，淡d, 飲完小朋友飽了一大半。雜扒叫了兩客，有一客加了兩蚊生蒜蓉，超多，而且真係好鮮味，估唔到加生蒜咁好味，分俾4人一起享用。其中一客的豬扒比鐵板燒碟還大，超抵的! 西冷牛扒和牛柳真的吃到分別，西冷是比較軟稔，牛柳比較肉感，兩種肉也不同味道，而分量都比較多，老人家們經常用大家x比較，真係要帶他們見識真正鐵板餐。其中加醬汁時, d煙勁高，但餐廳又不是太油膩，d汁多到湧出來仲問有需要加汁再出聲🤣. 餐飲正常，加了一球朱古力雪糕，是冰的，放警凍朱古力自制特飲吧! 雪糕球是濃郁朱古力味，好吃!整體上很好的餐廳，但人多就要等30mins. 一人都比較快入座。晚少少也易有位。區區食玩遊--荃灣 金鳳餐廳

夜晚唔知食咩好，又係荃灣果頭，路德圍都去過晒，行到中國染廠懷舊燈光加裝修嘅金鳳大餐廳，吸引左我地夜晚入去居個靚扒。我記得之前呢個位置係西餐廳嚟。我地叫左2個晚餐set，一個蒜蓉鐵板牛扒，一個卡邦尼帶子意粉。晚餐跟餐包及湯, 另外有小沙律做前菜。蒜蓉鐵板牛扒算幾大塊，叫左7成熟，淋汁咋咋聲響，配了薯蓉。另一個set卡邦尼帶子意粉，份量及味道算ok, 帶子不夠多。另甜品跟餐送雪糕球。點餐有時間管理，唔會太遲到全部餐單都好懷舊，以前7，80年代去居扒好威，要著靚靚，而家變成家常便飯。連鎖店其實都無咩驚喜，差在係咪可keep住水準。

荃灣金鳳舒服好多知道荃灣開左之後都轉去荃灣呢間食貪佢環境大d新d，無咁煙霧離漫。地方大啲，坐得舒服又安心啲。疫情期間都係台與台之間加晒隔版食得安心又有私隱度某程度上幾鍾意呢啲隔版唔洗直接聽到隔離講咩內容又唔洗互相眼望望咁，上牛扒時都唔驚會俾隔離彈到汁。每次黎我都會點牛柳餐，肉嫩又多汁，仲非常厚身，七成岩岩好。荃灣呢間好似價錢比太子貴少少但食得安心又放心，都係會選擇荃灣呢間。最可惜都係無雪糕做結尾。

行行下街， 突然間好想食扒， 幸好荃灣多選擇。 皇上話要同我食下D 貼地價， 但天堂質素既扒， 佢吹到甘大， 就信下佢先。 通常扒房都一般比較多選擇既係西冷， 肉眼， T - bone steak 🥩 , 而牛柳會比較少。 皇上今次叫我一定要試下個牛柳， 好抵食。 環境： 好懷舊， 好似去左80時代甘， 裝修就好摩登。 有個懷舊打碟機係到（唔知我有無睇錯）🥩皇帝的選擇：除咗選擇我之外， 就選擇左帶子牛柳餐（Medium） ，而黑椒汁另上， 因為個板夠熱， 所以都*炸*到周圍係。 medium 食落去， 都keep 到溫度， 牛柳比較冧身 ， 同埋都比較大塊， 汁可以無限加， 亦會帶小量薯條及蔬菜， 整體10分中會有7分。 只係帶子相對細左少少同雪味重親左DD 皇后推薦： 我都係叫牛柳餐， 但就係野菌牛柳，不過我叫mid rare , 幸好無令我失望， 無血出， 因為肉既質感我會比較有要求。 整體10分有8分。 餐湯大大碗

測男朋友約會，特意介紹老字號，話好耐冇黎，想在試返結果，阿姐催住點送。。點完羅宋湯，又問紅定係白？鬼知道咩意思窩。以為紅酒定白酒。。未睇完餐牌就收！服務唔好唔緊要，但係！叫西冷扒黎T骨叫橙汁黎凍華天後面發覺。隔離台都送錯飲品。。或者唔記得送飲品。。阿姐真係玩野講真服務真係唔得味道都麻麻地。。牛扒冇牛味？似食豬肉。。冰鮮牛。我真係唔會再黎。我唔係故意差評，真係覺得好失望，難得約會，咩都錯，服務要差，味道真係麻麻地，野係好大件，但係，距唔會好食到我食曬

細細個老豆得閒就會帶我地去金鳳据扒，個時未有咁多分店，去親都係太子分店，永遠都要係條街等好耐，又冇冷氣又係馬路邊，入到去就一定污煙漳氣，啲位又迫又窄，有時真係好驚會有意外發生但近年金鳳開始開咗好多間分店，而且環境光鮮新淨咗，空間闊落咗，樓底高啲，啲味都易散咗。今次就黎到荃灣嘅分店啦～黎得金鳳据扒，識食一定係要加蒜，生蒜嘅辣配埋塊西冷，嗯～成個口都係蒜味啊！好蒜之人識叫啦。但唔知係咪環境大咗，冇咗個種每下呼吸都有蒜蓉汁咋鐵板嘅味道，光猛得劑，又冇咗個種平民燭光晚餐嘅感覺，硬係少咗啲味咁。