金鳳大餐廳 (中染大廈(8咪半))

营业中

休息中

今天去荃灣IKEA買家品，逛了數小時，有點累，看到這間金鳳大餐廳裏面的座位很舒適，便進店子，今天weekday, 晚上七時左右，店子也滿座了，等了大約五分鐘，安排坐到卡位！卡位很寛敞！餐廳裝潢帶懷舊扒房氣色！到扒房當然首選牛扒吧！像舊式扒房一様，點餐會跟紅湯或白湯，餐包和餐飲！羅宋湯香濃，帶點點辣味，非常開胃忌廉湯濃厚之餘有點奶香餐包上桌時暖暖的，剛好可以暖溶牛油！非常鬆軟！帶子牛柳餐帶子爽囗大隻！感覺新鮮，牛柳質地軟滑，入囗即溶，可自行選擇幾成熟！龍蝦牛柳餐龍蝦大大隻，焗得香口，入囗蝦肉有彈性！配上薯格和玉米粒！性格比高！茄汁燴牛肉飯鮮茄香甜易餸飯，因此不費吹灰之力已經全碟飯吃光！這餐廳週邊有很多好逛的商埸！如果來到附近，不彷可以來這餐廳懐舊一番！

同男朋友去咗荃灣打羽毛球順便幫屋企添置啲雜物，行完街就係荃灣食埋晚飯😁佢突然好想鋸扒，所以就搵咗呢間老字號餐廳，七點鐘去到已經要排隊，好彩地方夠大一陣就有位👏男朋友叫咗個肉眼扒套餐，跟羅宋湯，餐包同埋餐飲熱朱古力，我就叫咗個蕃茄蓉大蝦意粉😋羅宋湯都幾辣，不過好開胃，酸味啱啱好👍餐包係熱辣辣好軟熟～肉眼扒跟餐有薯格，幾特別， 因為出面通常都係淋左既薯角或者薯條🙈 薯格脆卜卜熱辣辣，正！肉眼扒好大塊，叫咗七成熟都好juicy同好淋😋 個蕃茄蓉大蝦意粉都好大碗，大蝦真係好大😂食得出佢係炸過先再煮，外層好脆裏面超級爽口，幾有誠意👍意粉既蕃茄汁相對creamy啲，比喺出面餐廳嘅蕃茄汁意粉冇咁稀， 真係有好多蕃茄粒👍 真材實料～下次可以試下雜扒餐😂 因為見到隔離枱叫左都好似好吸引🙊

依排天氣凍左好多，好想食番啲熱野保暖，但係又唔想食打邊爐咁heavy。朋友suggests左依間鐵扒餐，都係啲熱野，暖下身！等左一陣我地就有位喇，入面個陳設幾懷舊，有啲昏暗得黎又有啲特別裝飾，幾靚同幾有心思。店員安排左個卡位比我地，好大幾好坐。餐牌上面有意粉、扒餐等等。我地叫左一個雜扒餐同一個美國肉眼扒餐，送餐飲，包同湯。等左一陣，先送來包同埋湯。包係熱烘既，鬆軟得黎暖粒粒，再配埋餐湯真係唔錯。佢餐湯都幾唔差。然後再有肉眼扒餐，佢嘅美國扒好鮮甜，口感鬆軟，另外有燒汁，成件事好match。肉眼扒上面有薯角同沙律，可以食完扒refresh下。之後再送上鐵板雜扒餐，入面有雞扒、牛扒、雞翼、火腿、薯菜等等。因為係鐵板上，所以店員好細心咁提我地拎紙巾出黎，防啲油煙彈出黎。個雜扒餐熱到甚至有啲辣口，食完真係暖粒粒！你見啲煙影相幾勁就知！佢扒類幾厚切，而且都幾入味，唔錯！餐飲方面都係大路既港式熱飲。總結，我又揾到個除左打邊爐以外，冬天取暖食物既好選擇！Ps 原來間餐廳滿$500送$50蚊，如果一班人黎幾抵！

荃灣區原來都有好多正嘢食，呢間金鳳大餐廳好大間，見人頭湧湧都來試吓。叫咗兩個牛扒餐，侍應即刻上咗兩個熱辣辣的餐包過來，搽上牛油，鬆軟香口到不得了。鄰座的太太還外買了兩個走，真誇張。忌廉湯，濃度適中，算係標準質素。美國德州頂級西冷扒餐$162加多兩蚊蒜蓉，上枱已經嘩嘩聲，牛味香濃，肉質鮮美滋味。鄰座太太忍不住問我呢個係咩扒，她說香味撲鼻，下次來的時候一定要試。西冷牛扒$104加多兩蚊蒜蓉，也非常不錯，塊扒大過塊面，配合黑椒汁，牛肉非常香口嘢味，肉質比較有口感有咬口。凍菜蜜，凍朱古力，夠哂大杯解渴，味道OK!服務也非常有效率，絕對有香港人高效率精神。餐廳落大寬敞，坐得非常舒服。

今晚去了荃灣金鳳大餐廳鋸扒。以前喺第間分店食過，都知佢哋啲扒餐大份夾抵食，仲有有湯、餐包和飲品跟埋，所以今晚我哋只叫了一份扒餐一齊share，另叫多一個小食拼盤，都非常夠食。我哋嘅習慣喜歡飲品先上。咖啡香夾滑，熱OT茶味夠。今晚個羅宋湯很不錯，料足，味道濃郁。【小食拼盤】一啲都唔小，份量其實係好大。有魷魚圈、蝦天婦羅、薯格和雞翼，加上秘製特色醬汁的配搭，二人分享，Good la。【美國安格斯肉眼扒】可以揀鐵板上或碟上，有得揀梗係揀鐵板上啦，仲要了5成熟。塊肉眼扒大過塊鐵板。職員幫手淋上蒜蓉汁，咋咋聲，香噴噴。肉質好嫩，食落好juicy，超正呀!

細細個要去食牛扒😆爸爸媽媽都會帶我去太子嗰間金鳳嗰度食，標榜「平民扒房」今時今日已經大個啦，梗係帶返爸爸媽媽去食啦同以前一樣，人流不絕，依然人山人海等位唯因為物價通脹嘅關係，加上租金昂貴既底下，價錢都升左不少。餐廳依然帶懷舊嘅感覺，跟餐港式羅宋湯西冷牛扒餐$104一上枱嘅時候，我真係哇咗一聲！真係勁大塊，仲要大過塊鐵板☺️心知不妙，肯定食唔晒🤣食落肉質偏淋，筋位吾算多，但鬆肉粉偏多左少少，肉味吾夠。#牛柳餐 $104牛柳無西冷咁大塊，但都幾肉厚，肉味最濃郁。#T骨牛扒餐 $132依個價錢真係好抵食，一次過食曬肉眼同西冷，一d都吾鞋。加咗生蒜蓉$2，更惹味之餘，味道更豐富。總括嚟講，價錢都算平，當回憶都抵既

鐵板餐是源於香港的一種餐點，一個經過加熱的鐵盤將食物上桌，很布意思。鐵板餐的肉食會被沸騰，而醬汁成為之煙霧，GREAT~吱吱的聲響，成為鐵板餐一大特色。鐵板餐源自港式西餐廳，在茶餐廳及港式快餐店亦甚為普遍，要尋找好吃的卻十分難喔。 來到了這店，環境很寬敞有如回到從前，頗有懷舊情調，充滿回憶，啡色卡座，時光倒流70年。一看餐牌，十多款鐵板餐 有海鮮、牛扒、豬手、豬扒等，小吃也有特色。 餐包拳頭般大，餐包軟熟，賣相脹卜卜，頗吸引。鬆軟有麥香。餐包微暖。 羅宋湯足料，羅宋湯酸酸辣辣。有很多牛肉碎。 炸魷魚圈 炸魷魚圈，是朋友指定要吃，GREAT黃金。切好是厚厚的～味道新鲜的鱿鱼切成圈，這道小吃被意大利人帶到美國，風靡全美，在美國吃了，這店的味卻有地道味，對於煎炸食品，總是很難忍口～出街看有什麼洋蔥圈，魚圈會忍不住點來吃～其實在這個店子吃的也是我選吃的最好，不會油～ 肉醬意粉 只要將意粉烚熟，另用鍋煮好肉醬，淋上意粉上就完成～自己做意粉好像少了一點感覺，這店子卻焗至充滿感覺～無添加的純蕃茄肉醬意粉，十分輕營～一鑊熟，肉醬意粉，非一般的肉醬喔～蕃茄煮成汁，再打成濃濃醬汁，茄味香濃，滿滿的維他命C

因為「情懷」呢兩個字令我繼續支持金鳳呢間老牌扒房😝上次試左佢既貴族牛扒同牛柳☺️牛魔王今晚想据扒梗係嚟試埋其他款嘅牛扒...我哋叫咗蘇格蘭牛扒同美國德州頂級西冷牛🐂🐂美國德州頂級西冷：同貴族牛扒一樣原汁原味不另醃製，食落有咬口，肉味濃郁，五成熟嘅肉汁仲好juicy😋蘇格蘭牛扒：其實由細到大我都帶住呢個疑問🤔️到底蘇格蘭牛扒係咪由蘇格蘭嚟嘅呢❓今次決定問吓餐廳...點知侍應都唔知道！佢話蘇格蘭牛扒其實係肉眼會淋身少少，不過重點係呢塊扒$99，大個我塊面🤣真係勁抵食

對上一次吃金鳳 應該是在太子的老店 今次來到荃灣分店 發現裝橫同樣復古 但座位較寬敞舒適 更適合和朋友閒聊 來金鳳當然要鋸扒 扒餐包牛油餐包 餐湯 餐飲羅宋湯很重胡椒香 辣辣地 很開胃 忌廉湯很順滑 帶點肉碎和洋蔥粒餐包鬆軟 塗上整塊牛油很滋味 個人更喜歡把餐包浸在湯中 吸滿湯汁 會有點入口即化美國安格斯肉眼扒餐可選鐵板或碟上 當然要鐵板上才有風味 醬汁可選配黑椒汁或蒜蓉汁 店員把汁倒下去那一刻 看著它「滋」岀煙 很有風味 肉眼扒點了七成熟 餐廳調製得剛好 肉眼扒切開還帶點粉嫩的紅色不會過熟過韌 入口無筋無渣 底下的薯格吸滿黑椒汁 雖然外皮不脆 但更惹味 是略嫌黑椒汁不夠香不夠辣鴛鴦扒餐 (豬扒+雞扒)豬扒和雞扒質素都不錯 很容易就切開了 豬扒入口不會韌不會柴 雞肉更是頗滑嫩蕃茄蓉大頭蝦意粉意粉軟硬適中 醬汁帶酸很開胃 面頭兩隻大頭蝦肉質頗鮮甜西洋菜蜜 (+$5) 檸蜜 (+$5) 中式扒房就是會有我最喜歡的西洋菜蜜

搭巴士經過呢度N次，今晚終於有機會試😬👍🏻晚飯時間好多人等位，通常多人食都唔差，所以都值得一等😏叫左一人一個扒餐。晚餐非常抵食美國德州頂級西冷餐十分大塊扒！上菜時侍應會拎住兩款醬汁問你要蒜蓉汁定係黑椒汁，而我就揀咗黑椒汁，隨即聽到淋上鐵板的滋滋聲，啲汁真係彈得好勁，一定要拎張餐巾近啲塊鐵板咁先唔會彈到落自己度！呢塊西冷扒，肥瘦適中，每啖肉都帶有少少脂肪，配上黑椒汁，咬落又juicy 又林，正呀！每月晚餐都頗為抵食，事關$158 就有湯、餐包、蟹子沙律、主菜(扒)、甜品、餐飲！我哋就叫咗一份每月晚餐，再加左蒜蓉(+$2)呢個每月晚餐唔止剩係得牛扒，仲有三文魚扒，真係不得了😋淨係見到都覺得豐富呀！牛扒就正常水準，三文魚扒好厚肉又有肉汁，早知叫兩份每月晚餐🤔仲有甜品食，圓滿結束今餐晚飯。甜品有朱古力味或者雲呢拿味揀~

一直都知道荔枝角有一間金鳯餐廳很出名，好多人都會去据扒。前一排金鳯就開到來荃灣喇~~~~~~終於可以試一試。入到餐廳，員工的製服是紅白格仔，有點似以前餐廳的紅白格仔枱布。牆身有用光管砌成的牛牛圖樣及1969字眼，裝修帶點懷舊風味，又帶點工業風，樓底好高，沒有壓逼感，坐得好舒服。午餐時段，有5個餐選擇，3個扒餐，另外兩個是飯及意粉。通常扒餐都會跟飯、意粉、薯菜，但金鳯還可以選擇跟沙律，我沒有猶豫地選擇了跟沙律。見到餐飲可以選擇加$15配天然金蘋果(木梨)汁，好吸引，無防腐劑、色素，而且好多功效，原本打算豪一次，試飲一下，奈何已經賣完了，原來那麼受歡迎，看來下次要早點吃午飯才有機會飲到~~~~~餐包及餐湯 – 羅宋湯每一個餐都會跟湯(紅或白)及餐包，羅宋湯十分足料，入口鮮甜，椰菜、蕃茄、蘿蔔、洋葱等等，飲每一啖湯都食到蔬菜，湯帶少少刺喉的辣味，但不會嗆喉，反而覺得惹味，飲完一碗，仍想再要多碗﹗餐包是甜餐包，上枱時微暖，配上牛油，入口軟綿，可能會有人覺得普通，但我反而覺得在這懷舊裝修的餐廳，就是要吃一些傳統的食物才夠風味。夏威夷汁香煎雞扒配沙律雞扒十分大塊，亦有一定的厚度，上面舖了好多汁。因

之前睇完電視介紹，星期六就同女朋友去試下，去到等位都等左9個字，心諗咁多人食唔通真係好好食？一坐低我地就叫左個西冷同帶子拼牛扒，一放入口咬第一啖已經覺得嗰種肉質完全唔稱得上為一塊牛扒，再咬落去都完全唔覺得似牛扒嘅味道，無意得罪，真心想問覺得好食嘅人知唔知自己食緊乜？如果各位真係要食好淋嘅牛扒或者考慮下食和牛啦，又淋又有牛油香，或者有人會話和牛咁貴，都唔同級數，咁我情願食少幾餐垃圾去食餐好，而唔係食呢D用人工方法整到佢偏離完本肉質嘅所謂牛扒

扒類套餐（配：牛油餐包、餐湯、餐飲）場地超大，不過一到晚餐時間就要排隊排起碼30分鐘，想食要早啲去拎票呀🤣-1️⃣ 美國安格斯肉眼扒餐 $160(七成熟)(鐵板上)⭐️⭐️⭐️我叫左7成熟，脂肪分佈均勻，重牛味，不過可以叫5-6成，再等係鐵板上熱，5-6成口感會更好，原本係以碟上，落單時可同店員講用鐵板上。/2️⃣貴族牛扒（美國牛肩) $168(六成熟)(加蒜茸$2)(鐵板上)⭐️⭐️⭐️⭐️一定要加蒜茸，加左味道好加分，肉味嫩滑且多汁，而且脂肪較少，成本書咁厚！口感比肉眼扒更腍更多汁！-環境：7/10服務：7/10好味指數：7/10回頭率：7/10

好耐無同老公撐檯腳，今日天氣涼涼地，見到附近開左金鳳分店，一於去個風味扒房鉅扒呢間餐廳係荃灣，方便我地，裝修都係懷舊feel，裡面闊落好多，坐得舒服我地叫左兩個套餐，首先係餐湯，餐包。飲完暖笠笠就開餐啦！主菜黎啦，第一個係美國牛小排餐，可以加$2要生蒜蓉，鐵板上，香噴噴跟住店員就會問你揀咩汁，牛排揀左黑椒汁，野味好多熟度真係剛剛好，牛肉好juice，入口融化。跟住貪心想試多既我，叫左份美國雜扒餐大大塊豬扒，牛扒，雞亦，腸仔加火腿配蒜蓉汁。食左一大半，都仲係咁大塊厚切豬扒好咬口，塊牛扒都厚身，好抵食！跟餐可以升級天然金蘋果汁🍹飲落真係原汁原味蘋果汁，同扒餐竟然好夾，值得一試今餐好滿足，坐得舒服，又唔洗趕住走

最近我發現荃灣開咗間新開嘅金鳳大餐廳。佢一路嘅口碑都唔錯，分店都有幾間。 所以今日走咗去試下荃灣金鳳大餐廳，係嗰度食午餐。入到去啲裝修都幾新穎，牆上仲有好大隻牛既公仔添。 潮得嚟都仲保留有佢自己嘅特色。 今日係平日，我1點半去食午餐都唔係好多人排隊。午餐都有六至七款嘅午餐可以揀。 。價錢都係由五十幾蚊到六十幾蚊。 當中佢包埋餐湯同埋包飲品所以都幾抵。 而我今日呢就嗌咗個t骨扒餐配意粉。跟咗個羅宋湯同餐包。飲品叫凍奶茶。 個T骨都幾大份同幾嫩口，煎得啱啱好。。而個羅宋湯就辣辣地都幾香。 整體嚟講。都大件夾抵食嘅。同埋地方都好乾淨 。 。啲店員態度都唔錯 。 。而且冇收加一。埋單都係65蚊。平靚正